རེབ་གོང་མདོ་བ་ཞང་གི་འཕགས་པ་ལགས་སུ་རྨ་ལྷོ་ཁུལ་འབྲིང་རིམ་མི་མང་ཁྲིམས་ཁང་གིས་མི་བསད་པ་དང་རྒྱལ་ཁབ་ཁ་བྲལ་ལ་ངན་སྐུལ་བྱས་པའི་ཉེས་མིང་འོག་ལོ་ ༡༣ གྱི་ཁྲིམས་ཐག་བཅད་ཡོད་འདུག
དེ་རིང་རྒྱ་ནག་ཞིན་ཧྭ་དྲ་བའི་སྟེང་གནས་ཚུལ་སྤེལ་བ་ལྟར་ན། རེབ་གོང་ཕྱོགས་ཀྱི་བོད་མི་ཚོའི་རང་ལུས་མེར་བསྲེགས་ལ་ངན་སྐུལ་བྱེད་མཁན་ཡིན་པའི་ཉེས་འཛུགས་འོག སྔར་ལོའི་ཕྱི་ཟླ་ ༡༡ པའི་ནང་མཚོ་སྔོན་གྱི་ཉེན་རྟོག་པས་འཛིན་བཟུང་བྱས་པའི་རེབ་གོང་མདོ་བ་ཞང་གི་རང་ལོ་ ༢༧ ཡིན་པའི་འཕགས་པ་ལགས་སུ། ཉེ་ཆར་མཚོ་སྔོན་ཞིང་ཆེན་རྨ་ལྷོ་ཁུལ་འབྲིང་རིམ་མི་དམངས་ཁྲིམས་ཁང་གིས་མི་བསད་པའི་ཉེས་པར་ལོ་ ༩ དང་། རྒྱལ་ཁབ་ཁ་བྲལ་གཏོང་བར་ངན་སྐུལ་བྱས་པར་ལོ་ ༥ ། དེ་བཞིན་ཆབ་སྲིད་དབང་ཆ་ལོ་ ༢ ལ་འཕྲོག་རྒྱུ་བཅས་ཀྱི་ཁྲིམས་ཐག་བཅད་ཡོད་སྐོར་བཀོད་འདུག
གསར་འགོད་པ། དོན་གྲུབ་བཀྲ་ཤིས།
