བོད་ཆུ་སྦྲུལ་ལོའི་ལོ་གསར་བསླེབ་ལ་ཉེ་བའི་སྐབས་འདིར། མཚོ་སྔོན་མཚོ་ལྷོ་ཁུལ་ས་གནས་རྒྱ་གཞུང་དཔོན་རིཊ་ཁག་ཅིག་བོད་ཀྱི་གྲོང་སྡེ་ཁག་ཏུ་བསྐྱོད་དེ། ལོ་གསར་བཏང་ན་བྱ་དགའ་དང་མ་བཏང་ན་ཉེས་པ་ཡོད་ཚུལ་བཤད་འདུག
བོད་ཆུ་སྤྲུལ་ལོའི་ལོ་གསར་བསླེབ་ལ་ཉེ་བའི་སྐབས་འདིར། མཚོ་སྔོན་ཞིང་ཆེན་མཚོ་ལྷོ་ཁུལ་རྒྱ་ནག་ས་གནས་སྲིད་གཞུང་གིས། མཚོ་ལྷོ་ཁུལ་གྱི་རྫོང་ཁག་ལྔའི་ནང་བོད་མིའི་རང་ལུས་མེར་བསྲེཊ་གཏོང་བཞིན་པའི་གནད་དོན་ཐད་བརྡ་ཁྱབ་ཞིག་བཏང་སྟེ། མ་འོངས་པར་བོད་རིགས་མང་ཚོགས་ཁྲོད་རང་ལུས་མེར་བསྲེགས་གཏོང་མཁན་བྱུང་ན་ཁྲིམས་ཐག་ནན་མོ་གཅོད་རྒྱུ་ཡིན་སྐོར་བརྗོད་ཡོད་འདུག
སྐབས་དེ་དང་བསྟུན་མཚོ་ལྷོ་ཁུལ་གྱི་རྫོང་ཁག་རེ་རེའི་ས་གནས་སྲིད་གཞུང་གི་འབྲེལ་ཡོད་དཔོན་རིགས་མང་པོ་ཞིག་ཆ་བགོས་ཀྱིས་བོད་རིགས་གྲོང་སྡེ་ཁག་ཏུ་བསྐྱོད་དེ། ས་གནས་མང་ཚོགས་ལ་ད་ལོའི་ལོ་གསར་སྐབས་དགའ་སྤྲོའི་རྣམ་པར་རོལ་དགོས་པའི་ཐོག རྟ་རྒྱུཊ་མདའ་འཕེན་དང་ཤོ་སྦག་རྒྱན་འཇོག གླུ་ལེན་གར་རྩེད་སོགས་རྩེད་རིཊ་འདྲ་མིན་སྣ་ཚོགས་རྩེད་པ་ཡིན་ན། རྒྱ་གཞུང་གིས་དགའ་སྟོན་དེའི་ཆེད་བྱ་དགའ་རྒྱ་སྒོར་ ༣༠༠༠ ནས་ ༤༠༠༠ བར་སྤྲོད་རྒྱུ་ཡིན་ཚུལ་དང་། གལ་སྲིད་མང་ཚོགས་ཀྱིས་སྲིད་གཞུང་གི་ཁ་ལ་མ་ཉན་ན་ད་ཆར་སྲིད་གཞུང་གིས་སྤྲོད་བཞིན་པའི་ཤིང་ནགས་འདེབས་འཛུགས་གཙོས་རོགས་དངུལ་རྣམས་རྩ་བ་ནས་སྤྲོད་རྒྱུ་མིན་པར་མ་ཟད། ལོ་གསར་མི་གཏོང་བར་ངན་སྐུལ་བྱེད་མཁན་དང་ལོ་གསར་མི་གཏོང་མཁན་དག་ལ་ཆད་པ་གཅོད་ནན་མོ་གཅོད་རྒྱུ་ཡིན་པའི་འཇིགས་སྐུལ་ཡང་བྱས་ཡོད་འདུག
དེ་བཞིན། ཁ་སང་ཕྱི་ཚེས་༨ ཉིན་བསང་ཆུ་རྫོང་འབོ་རའི་བོད་མི་སྐོར་ཞིག་གིས། ད་ལོའི་ལོ་གསར་སྐབས་དགའ་སྟོན་ལ་རོལ་རྒྱུའི་ཚབ་ཏུ་བོད་ནང་རང་ལུས་མེར་བསྲེཊ་གཏོང་མཁན་བོད་མི་ཚོར་གདུང་སེམས་མཉམ་སྐྱེད་ཆེད། མདོ་སྨད་བླ་བྲང་འབོ་རའི་དགོན་པའི་སྐོར་ལམ་དུ་བརྐྱངས་ཕྱག་འཚལ་བཞིན་ཡོད་འདུག
གསར་འགོད་པ། དཔལ་ལྡན།
