མཁྱེན་ཆུབ་བཞིན།ཕྱི་ལོ་༢༠༡༢།༣།༡༠ ཉིན་ནས་ངེད་ཀྱིས་བོད་བསྟན་སྲིད་མི་རིགས་ཆེད་ཞི་བའི་འཐབ་རྩོད་དང་པོ་གནང་སྐབས་སུ་དངོས་ཤུགས་བརྒྱུད་གསུམ་ནས་རོགས་འདེགས་དང་།རྒྱབ་སྐྱོར་བྱེད་མཁན་ཚང་མར་གནམ་ལོ་གསར་བའི་ནང་ངེད་ཀྱིས་གུས་བརྩི་དང་ཐུགས་རྗེ་ཆེ་ཞུ་རྒྱུ་ཡིན།
སྐབས་དོན་ནི།ངེད་ཀྱིས་རིང་མིན་ཞི་བའི་འཐབ་རྩོད་ཁྲོད་ཀྱི་ཞི་བའི་གོམ་བགྲོད་ཐེངས་གཉིས་པ་སླར་ཡང་འགོ་འཛུགས་བྱེད་རྒྱུ་ཡིན།ཞི་བའི་འཐབ་རྩོད་ཀྱི་གོམ་བགྲོད་ཐེངས་གཉིས་པ་ས་མཚམས་གང་ནས་འགྲོ་རྒྱུ་སོགས་ཡོངས་བསྒྲགས་བྱེད་རྒྱུར་སྐབས་སུ་བབ་མེད།ཞི་བའི་འཐབ་རྩོད་ཁྲོད་ཀྱི་ཞི་བའི་གོམ་བགྲོད་ཐེངས་གཉིས་པའི་ནང་སྔར་ལྟར་དྭང་བླངས་བ་སུ་ཞིག་ཞུགས་འདོད་ཡོད་ཀྱང་ཕྲན་གྱིས་དགའ་བསུ་ཞུ་རྒྱུ་ཡིན། འོན་ཀྱང་། ད་རེས་ཀྱི་གོམ་བགྲོད་འདི་ལ་མགོ་ནས་མཇུག་བར་མཉམ་ཞུགས་བྱེད་མཁན་ལ་ལོ་གྲངས་ཤིག་ཚད་བཟུང་བྱས་ཡོད།དེ་ནི་ལོ་ལྔ་བཅུ་ང་ལྔའི་མན་ཆད་དང་ལོ་བཅོ་བརྒྱད་ཡན་ཆད་ཀྱི་ལོ་ཚད་ཡིན་དགོས་ཀྱི་ཡོད། ཉིན་འགའ་རེར་མཉམ་ཞུགས་བྱེད་མཁན་དག་གི་ལོ་ཚད་སོགས་སུ་དགག་བྱ་གང་ཡང་མེད། གཙོ་བོ་ད་རེས་ཀྱི་ཞི་བའི་འཐབ་རྩོད་འདིའི་ཁྲོད་ཀྱི་ཞི་བའི་གོམ་བགྲོད་ཐེངས་གཉིས་པ་བརྒྱུད་བོད་དུ་འགྲོ་ཐུབ་པ་བྱེད་རྒྱུ་དེ་ཡིན་ལ།
སྔར་དང་མི་འདྲ་བར་ཞི་བའི་གོམ་བགྲོད་ཐེངས་གཉིས་པ་ལམ་བར་དུ་བཀག་འགོག་བྱེད་མཁན་འདྲ་བྱུང་ཚེ་ས་གནས་དེ་རང་དུ་ཟས་བཅད་ངོ་རྒོལ་དང་ཞི་བའི་ངག་བཅད་བྱེད་རྒྱུའི་དམ་བཅའ་བཞག་ཡོད། ཞི་བའི་འཐབ་རྩོད་ཀྱི་གོམ་བགྲོད་ཐེངས་གཉིས་པ་ནི་ཞི་བའི་འཐབ་རྩོད་ཀྱི་སྟོབས་ཤུགས་ཆེ་ཤོས་སུ་ལག་ལེན་དུ་འཁེལ་ཐུབ་པ་བྱེད་རྒྱུ་ཡིན།
ཞི་བའི་འཐབ་རྩོད་ཐེངས་དང་པོའི་སྐབས་སུ་གཏོང་ཕོད་དང་བོད་ཞེན་ཆེ་བའི་རྒྱལ་གཅེས་པ་དག་གིས་དང་བླངས་ངང་ཕུལ་བའི་ཞལ་འདེབས་གང་ཡོད་པ་དག་ད་རེས་ཀྱི་ཞི་བའི་འཐབ་རྩོད་ཐེངས་གཉིས་པ་ལ་བེད་སྤྱོད་གཏོང་རྒྱུ་ཡིན།ཞི་བའི་འཐབ་རྩོད་ཐེངས་གཉིས་པར་མཉམ་ཞུགས་བྱེད་མཁན་ཚོར་ཞལ་འདེབས་ཀྱི་དངུལ་མ་རྫོགས་པར་དུ་འགྲོ་སོང་གཏོང་ཐབས་བྱེད་རྒྱུ་ཡིན།
ཕྱི་ལོ་༢༠༡༣།༣།༡༠ཉིན་ཞི་བའི་འཐབ་རྩོད་ཀྱི་གོམ་བགྲོད་ཐེངས་གཉིས་པ་འགོ་འཛུགས་བྱེད་རྒྱུ་ཡིན།
ངས་རྩོད་བཞིན་པ་ནི་བོད་མི་རིགས་ཀྱི་བདེན་པའི་འཐབ་རྩོད་ཡིན་ལ། བོད་མི་རིགས་ཀྱི་བདེན་པར་མཐའ་གསལ་རྒྱུ་ཡོད་པར་ངེད་ཀྱིས་ཡིད་ཆེས་བྱེད་ཀྱིན་ཡོད།
ས་ཡ་དྲུག་གི་བུ་གླིང་ཚ་ཚེ་བརྟན་རྡོ་རྗེ་ཡིས་༢༠༡༣།༢།༡༧ ཉིན།
འབྲེལ་གཏུགས་གནང་མཁན་ཡོད་དམ།
ཞི་བའི་གོམ་བགྲོད་ཐེངས་གཉིས་པར་དང་བླང་གིས་མཉམ་ཞུགས་བྱེད་བློ་ཡོད་མཁན་དག་གིས་བདག་ལ་འབྲེལ་གཏུགས་ཁ་པར་ཨང་གྲངས་༨༦༧༩༠༦༨༩༩༩འདིས་ཐོག་ནས་བྱེད་ཆོག་པ་ཡིན།
བུད་རྒོད་གླིང་ཚ་ལགས་ལ་རྗེས་སུ་ཡི་རངས་ཞུ། འོན་ཀྱང་། སྐུ་ངལ་ཡག་པོ་གསོ་གནང་རོགས།
བོད་ཟླ་འདིའི་ཚེས་བཞིའི་ཉིན་ང་གྲྭ་ཚང་ཐབ་རེས་ལ་ཁེལ་ཡོད། ཆུ་ཚོད་དང་པོ་དང་སྐར་མ་སུམ་ཅུ་འདྲ་ཞིག་ཡིན་ས་ཡོད་སྐབས་དེར། ང་ཚོའི་ནང་ནས་ལྷ་
སའི་གྲྭ་རྒན་ཞིག་གིས་རང་གི་སྐད་འཕྲིན་སྟོན་གྱིན། གླིང་ཚ་ཚེ་བརྟན་རྡོ་རྗེ་བལ་ཡུལ་ནས་བཙོན་འགྲོལ་ཐོབ་འདུག་ཟེར། ད་དུང་ཁོས། སྐུ་གཟུགས་བདེ་ཐང་རེད་དེ་ནི་གླིང་ཚ་ཁོ་རང་བསམ་པ་རྣམ་དག་ཡིན་པས་རེད་ཅེས་གསུངས་བྱུང་། དེའི་རྗེས་ནས་ངས་ཀྱང་དཔའ་གླིང་གི་རྩ་བའི་རྩ་དོན་དང་། བཙོན་དུ་སྡོད་ཡུན་གྱི་གནས་བབས་སྐོར་ནས་གང་ཤེས་ཅིག་བཤད་པ་ཡིན། གང་ལྟར་ངས་ད་ལྟ་ཟེར་འདོད་པ་ནི། རང་གི་ལྷད་མེད་པའི་སེམས་ཁམས་དེས་སྐུ་གཟུགས་བདེ་ཐང་སྐྲུན་གྱིན་ཡོད་པ་དེ་བཞིན། རང་གི་སྐུ་གཟུགས་བདེ་ཐང་དེས་ཀྱང་བསམ་དོན་ཡིད་བཞིན་དུ་འགྲུབ་པར་བྱ་རྒྱུ་ནི། ང་གཅིག་པུའི་ག་ལ་ཚད་འདི་ནི་བོད་མི་ཧྲིལ་པོའི་བསམ་པའི་རེ་བ་རེད། དེ་མཚུངས་སུ། ཡང་བསྐྱར་རང་གིས་གདམས་པའི་བོད་སྐྱོད་ཞི་བའི་གོམ་བགྲོད་ཐེངས་གཉིས་པའི་ལས་འགུལ་ལའང་། བོད་མི་ཚང་མའི་ཚབ་བྱས་ནས་ངས་ཁྱེད་ལ་སེམས་གཏིང་ནས་ཁ་དྲོ་ཟེར་གྱིན་ཡོད།
དཔའ་རྒོད་ཁྱེད་ཀྱི་ཆོད་སེམས་དང་ལས་འགུལ་གཉིས་ཀ་དོ་མཉམ་རེད། སེམས་གཏིང་ནས་གུས་འདུད་ཡོད། མི་བུ་ཁྱེད་ནི་སྤྱིར་བཏང་གི་མི་བུ་ཞིག་དང་མི་མཚུངས་པ་ད་གཟོད་གཞི་ནས་ངོས་ཟིན་བྱུང་ཡོད། བོད་ལ་ཁྱེད་ལྟ་བུ་མང་ན་ང་ཚོ་བོད་ཀྱི་ལས་དབང་དེ་འདི་ལྟ་བུ་ཞིག་ཡིན་ག་ལ་དགོས།