ཉེ་ལམ་ལ་དྭཊ་བྱང་ཐང་ཁུལ་དུ་གངས་རུད་ཀྱི་གནོད་འཚེ་ཤུཊ་ཆེན་པོ་ཞིག་ཐེབས་ཏེ། ས་གནས་བོད་པ་དང་ཡུལ་མིའི་ར་ལུག་ལྔ་སྟོང་བརྒལ་བར་ཤི་སྐྱོན་ཚབས་ཆེན་བྱུང་འདུག
ཉེ་ལམ་ནས་རྒྱ་གར་བྱང་ཕྱོགས་ལ་དྭགས་ཁུལ་དུ་གློ་བུར་དུ་གནམ་གཤིས་ཇེ་སྡུག་ཏུ་ཕྱིན་ཡོད་པ་དང་། ལྷག་པར་དུ་ཟླ་འདིའི་ཟླ་མགོ་ཙམ་ལ་ལ་དྭགས་བྱང་ཐང་ཁུལ་གྱི་འབྲོག་སྡེ་ཁག་ཏུ་ལོ་རྒྱུས་ཐོག་སྔར་བྱུང་མ་མྱོང་བའི་གངས་རུད་ཤུཊ་ཆེན་པོ་ཞིག་བརྒྱབ་སྟེ། ཁུལ་དེའི་བོད་རིགས་འབྲོག་སྡེ་ཁག་ ༩ དང་ས་གནས་ཡུལ་མི་ཚོའི་ར་ལུག་ཚུད་པའི་སྒོ་ཕྱུགས་གྲངས་ ༥༠༠༠ བརྒལ་བར་འཆི་སྐྱོན་དང་། ར་ལུག་དེ་ལས་མང་བར་རྩྭ་དུས་ཐོག་ཏུ་མ་རག་པའི་དཀའ་ངལ་ཆེན་པོ་འཕྲད་བཞིན་ཡོད་ཅིང་། བྱང་ཐང་ཁུལ་དུ་གནམ་གཤིས་ཧ་ཅང་འཁྱཊ་པའི་སྟབས་ཀྱིས་གོད་ཆག་དེའི་ཁྲོད་རང་གི་རང་གི་མིག་དང་རྐང་ལག་འཁྱཊ་ཕྱིད་ཐེབས་མཁན་གྱི་འབྲོག་པ་ཡང་གང་འཚམ་ཞིག་བྱུང་ཡོད་འདུག
གནད་དོན་དེའི་ཐད་ལ་དྭགས་བསོད་ནམས་གླིང་གཞིས་ཆཊ་ཀྱི་གཞིས་མགོ་དོན་གྲུབ་བཀྲ་ཤིས་ལཊ་ཀྱིས་འདི་ག་གསར་ཁང་ལ་བརྗོད་དོན་ལྟར་ན། གངས་རུད་རྒྱག་ཡུལ་གཙོ་བོ་ལ་དྭགས་བྱང་ཐང་ཁུལ་གྱི་བོད་རིཊ་འབྲོག་སྡེ་ཁག་ ༩ དང་དེ་མིན་གྱི་ས་གནས་ཡུལ་མི་སྡོད་སའི་འབྲོག་ས་ཁག་ཅིག་ཡིན་ཞིང་། གོད་ཆག་དེའི་ཁྲོད་ཁྱོན་ར་ལུག་གཙོས་སྒོ་ཕྱུགས་ ༥༠༠༠ བརྒལ་བར་འཆི་སྐྱོན་དང་། དེའི་ཁྲོད་བོད་པའི་འབྲོག་སྡེ་ཁག་ནས་ར་ལུག་གཙོས་སྒོ་ཕྱུཊ་གྲངས་ ༡༣༠༠ ལྷག་འཆི་སྐྱོན་བྱུང་ཡོད་འདུག
ལ་དྭགས་བྱང་ཐང་དུ་གངས་རུད་ཀྱི་གོད་ཆག་དེ་བྱུང་འཕྲལ་ལ་དྭགས་རྒྱལ་ས་སླེ་རུ་ཡོད་པའི་བསོད་ནམས་གླིང་གཞིས་ཆགས་ཀྱི་གཞིས་མགོའི་ལས་ཚབ་ཞིག་གང་མགྱོཊ་གནོད་འཚེ་ཐེབས་ཡུལ་བོད་རིགས་འབྲོག་སྡེ་བཀག་གཞུང་དང་རྒོལ་ཡུལ། ཆུ་མུར། ཧེན་ལེ། གསུམ་མདོ། བྱང་ཐང་ཉི་མ་བཅས་སུ་རྟོག་ཞིབ་ཏུ་བསྐྱོད་ཡོད་པར་མ་ཟད། ད་ཆར་ས་གནས་གཞིས་མགོ་དང་ལ་དྭགས་རང་སྐྱོང་སྡེ་ཚན་མགོ་ཁྲིད་སོཊ་ཀྱིས་སྣེ་ཁྲིད་འོག ལ་དྭགས་ས་གནས་རྫོང་སྲིད་གཞུང་དང་འཕཊ་བོད་ས་མཚམས་སྐོར་སྲུང་རུ་ཁག་དང་དྲག་ཆས་རུ་ཁག བོད་མིའི་དམག་མི་རུ་ཁག་བཅས་ཀྱིས་དུས་ཐོག་འབྲོག་སྡེ་ཁག་ཏུ་ལམ་ཁ་བཟོ་བ་དང་། མི་དང་སྒོ་ཕྱུགས་སེམས་ཅན་ལ་སྨན་དང་ལྟོ་ཆས་དབོར་འདྲེན་སོཊ་བྱེད་ཀྱིན་ཡོད་འདུག
ད་ཐེངས་ཀྱི་གོད་ཆག་དེའི་ཐད་ནང་སྲིད་བཀའ་བློན་རྒྱ་རི་སྒྲོལ་མ་མཆོག་གིས་གསུངས་ན། ལ་དྭགས་ཁུལ་དུ་ཡང་དང་བསྐྱར་དུ་གནམ་གཤིས་དཀའ་འཕྲད་བཞིན་པའི་སྟབས་ཀྱིས། དབུས་བོད་མིའི་སྒྲིག་འཛུགས་ཀྱིས་ལོ་གཉིས་ཙམ་གོང་ནས། ལ་དྭགས་ཁུལ་དུ་འབྱུང་བའི་ཉེན་འགོག་ཆེད་རོཊ་སྐྱོར་མ་དངུལ་ཧིན་སྒོར་འབུམ་ ༥༠ སྐྱེད་ཆུང་བུན་གཏོང་དང་། ར་ལུག་གི་རྩྭ་དང་གཟན་ཆས་མངཊ་ཉོ་དང་སྐྱེལ་འདྲེན་ཆེད་ཧིན་སྒོར་འབུམ་ ༡ སྔ་འདོན་ཞུས་ཡོད་འདུག
ལ་དྭགས་ཁུལ་དུ་ཕྱི་ལོ་ ༡༩༩༨ དང་ ༢༠༠༤ ལོ་བཅས་སུ་འབྱུང་བའི་གོད་ཆག་བྱུང་ཡོད་ཅིང་། ད་ཆར་དྭགས་ཁུལ་དུ་བོད་མི་ ༧༣༠༠ ཙམ་དང་བྱང་ཐང་འབྲོག་ཁུལ་དུ་བོད་མི་ ༣༠༠༠ ལྷག་གནས་སྡོད་བྱེད་ཀྱི་ཡོད།
གསར་འགོད་པ། དཔལ་ལྡན།
ཞིབ་ཕྲའི་གནས་ཚུལ་དུས་བབ་གསར་ཤོག་ལ་གཟིགས།
གནམ་སྔོན་པོ། བོད་དང་བོད་རིགས་ཚོའི་སྡུག་འདི་ཅི་ཡིས་ནོངས་སམ།
འབྲོག་པར་གང་ཡོད་པ་ནི་ཕྱུགས་རིགས་ཁ་གྲངས་ལས་གཞན་གང་ཡང་མེད། གོད་ཆག་འདི་ལྟར་བྱུང་ཐེངས་རེ་ལ་འབྲོག་པའི་གནས་སྟངས་བསྡུས་གསོག་བརྒྱབ་ཟིན་པ་རེད།
མི་ཡུལ་དུ་བྲོས་རྗེས་ཀྱི་མི་ལོ་ཧྲིལ་པོ་དྲུག་བབཅུ་བརྒལ་འགྲོ་བའི་བརྒྱུད་རིམ་ནང་ལ་དྭགས་བྱང་ཐང་ལས་འཚོ་ཐབས་སྐྱོ་བའི་བཙན་བྱོལ་གཞིས་ཆགས་ཞིག་མེད་པ་རེད།
དེས་ན་བཀུར་འོས་སྲིད་སྐྱོང་མཆོག་དང་ནང་སྲིད་བཀའ་བློན་སོགས་ནས་ཁོང་ཚོའི་བདེ་སྡུག་དེ་གནས་སྐབས་ཀྱི་རོགས་སྐྱོར་ཉེན་འགོག་ཙམ་གྱིས་མ་འཐུས་པར་ཕུགས་རྒྱང་རིང་པོའི་ལས་འཆར་ཞིག་དགོས་པ་ནི་དབུལ་ཕོངས་དཀའ་བསལ་གྱི་་དགོས་ངེས་ཅན་གྱི་གནས་དོན་ཞིག་རེད་ལགས་སྙམས།
གོད་ཆག་འཐེབ་པའི་སྐྱབས་བཅོལ་དང་ཡུལ་མི་གཉིས་ཀྱི་མི་མང་ཚང་མར་སེམས་ཤུགས་མ་ཆག་པར་འབད་བརྩོན་འཐབ་རྩོད་གང་ལྕོགས་གནང་རོགས་གནང་ཞུ་རྒྱུ་ཡིན།
ཚེ་རིང་། བླ་མས་སྐྱོབས།
གསར་འགོད་པའི་མིག་དཀྲུས་རིང་སར་སླེབས་པར་བསྔགས་ཡོད།
ཐུགས་རྗེ་ཆེ་སོང་།