ཆོ་འཕྲུལ་དུས་ཆེན་ཉིན་ཁམས་སྐྱེ་རྒུ་ཉ་མཚོ་ཟིལ་དཀར་དགོན་པའི་དགེ་འདུན་པ་དང་ས་གནས་མང་ཚོཊ་ཀྱིས། བོད་བསྟན་སྲིད་ཆེད་རང་སྲེག་གཏོང་མཁན་བོད་མི་ཚོའི་ཆེད་མཆོད་འབུལ་སྨོན་ལམ་གནང་ཡོད།
བོད་ཆུ་སྤྲུལ་ལོའི་ལོ་གསར་སྐབས་ཁམས་སྐྱེ་རྒུ་ཁྲི་འདུ་རྫོང་ཁོངས་སུ་ཡོད་པའི་ཉ་མཚོ་ཟིལ་དཀར་དགོན་གྲོང་གཉིས་ཀྱིས། བོད་ནང་རང་ལུས་མེར་བསྲེཊ་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམ་པར་གདུང་སེམས་མཉམ་སྐྱེད་ཆེད་ལོ་གསར་གྱི་དགའ་སྟོན་ལ་མ་རོལ་པར་མཆོད་འབུལ་སྨོན་ལམ་གནང་ཡོད་ཅིང་། དེ་བཞིན་ཆོ་འཕྲུལ་སྨོན་ལམ་ཆེན་མོའི་ཚེས་བཅོ་ལྔའི་ཕྱི་དྲོའི་ཆུ་ཚོད་ ༣ ནས་ ༧ བར། ཉ་མཚོ་ཟིལ་དཀར་དགོན་པའི་དགེ་འདུན་པ་ ༦༠༠ གཙོས་ས་གནས་མི་དམངས་ ༡༠༠༠ ལྷག་གིས་སླར་ཡང་དགོན་པ་དེར། འཛམ་གླིང་ཞི་བདེ་དང་བོད་ནང་མེར་བསྲེཊ་ཀྱིས་སྐུ་འདས་གྲོངས་སུ་ཕྱིན་པའི་དཔའ་མོ་དཔའ་མོ་དག་གི་ཆེད་མཆོད་འབུལ་སྨོན་གཟབ་རྒྱས་ཤིག་གནང་འདུག
གསར་འགོད་པ། དཔལ་ལྡན།
