ཨ་རིའི་ཕྱི་སྲིད་ལས་ཁུངས་ཀྱིས་ལོ་ལྟར་འཛམ་གླིང་ནང་གཞན་དོན་ཐོག་ལྷག་བསམ་དང་། སྙིང་སྟོབས་ལྡན་པའི་བུད་མེད་ ༡༠ ལ་༼རྒྱལ་སྤྱིའི་བོད་མེད་སྙིང་སྟོབས་ཅན(International Women of Courage Award)༽ཞེས་པའི་གཟེངས་རྟགས་སྤྲོད་བཞིན་ཡོད་པའི་ཁྲོད། ད་ལོ་བོད་རིགས་བུད་མེད་རྩོམ་པ་པོ་ཚེ་རིང་འོད་ཟེར་ལགས་ཚུད་ཡོད་འདུག
དེ་ནི་བོད་ཀྱི་ས་ཁུལ་ཁག་ནང་རྒྱ་ནག་གཞུང་ལ་ངོ་རྒོལ་དང་རང་ལུས་མེར་བསྲེགས་ཀྱི་ལས་འགུལ་རིམ་བསྟུད་དུ་ཡོང་བཞིན་པའི་སྐབས་སུ། ཚེ་རིང་འོད་ཟེར་ལགས་ཀྱིས་འཇིགས་ཞུམ་མེད་པར་བོད་མི་ཚོའི་ཐོབ་ཐང་དང་རང་དབང་གི་དཀའ་ངལ་རྣམས་ཤུགས་ཆེན་པོས་སྒྲོག་བཞིན་པའི་རྒྱ་ནག་སྐམ་སའི་ལས་འགུལ་བ་འབུར་དུ་ཐོན་པ་ཞིག་ཆགས་ཡོད་པ་དང་། རྒྱ་ནག་གཞུང་གི་ཉེན་རྟོག་པའི་ལྟ་རྟོག་དང་དམ་དྲག་ལ་མ་ལྟོས་པར། ཁོང་མོས་རང་གི་དྲ་གནས་<མཐོང་མི་ཐུབ་པའི་བོད>དང་སྙན་རྩོམ། ཊི་ཝེ་ཊར་སོགས་བརྒྱུད་དེ་རྒྱ་ནག་གི་བཙན་གནོན་འོག་རང་གི་བསམ་ཚུལ་ཕྱིར་བསྒྲགས་ཐུབ་ཀྱི་མེད་མཁན་ཡ་མང་པོའི་མགྲིན་ཚབ་པ་གནང་ཡོད་ཅིང་། ད་དུང་ཁོང་མོས་བོད་མི་བརྒྱ་ལས་བརྒལ་བས་བཙན་གནོན་དབང་བསྒྱུར་ལ་ངོ་རྒོལ་གྱིས་རང་ལུས་མེར་བསྲེགས་བྱས་སོང་བ་ནི། ང་ལ་འཇིགས་ཞུམ་མེད་པར་ལས་མཚམས་མི་འཇོག་པའི་རྒྱུ་མཚན་ཡིན་ཞེས་བརྗོད་སྐོར་སོགས་བཀོད་འདུག
ཕྱི་ལོ་ ༢༠༡༣ ལོའི་རྒྱལ་སྤྱིའི་བུད་མེད་སྙིང་སྟོབས་ཅན་བཅུའི་སྐོར་གྱི་གནས་ཚུལ་ཞིབ་ཕྲ་ཨ་རིའི་(http://www.state.gov/s/gwi/programs/iwoc/2013/bio/index.htm)ཞེས་པའི་དྲ་གནས་སུ་བཀོད་འདུག
ད་དུང་ཁོང་མོས་བོད་མི་བརྒྱ་ལས་བརྒལ་བས་བཙན་གནོན་དབང་བསྒྱུར་ལ་ངོ་རྒོལ་གྱིས་རང་ལུས་མེར་བསྲེགས་བྱས་སོང་བ་ནི། ང་ལ་འཇིགས་ཞུམ་མེད་པར་ལས་མཚམས་མི་འཇོག་པའི་རྒྱུ་མཚན་ཡིན་ཞེས་བརྗོད་སྐོར་སོགས་བཀོད་འདུག ་་་་་ཟེར
རྟེན་འབྲེལ་ཞུ་ཆོག་མོད། ད་ལོ་རྟགས་མ་འདི་འབྲེལ་བ་ལས་ཁུངས་ཀྱི་མཛངས་མ་ཚེ་རིང་དབང་མོ་ལགས་ལ་ཕུལ་འོས་པ་ཞིག་རེད། རྒྱ་གཞུང་གིས་བཟོས་པའི་མེར་བསྲེག་དོནརྐྱེན་གྱི་བརྙན་འཕྲིན་ལས་ར་གསལ་བོར་འཕྲོད་ཡོད། བྱས་པ་ཅན་ལ་གཟེངས་བསྟོད་བྱེད་འོས་པ་ཞིག་མ་རེད་དམ།
རྟེན་འབྲེལ་ཞུ།
རྟེན་འབྲེལ་ཞུ།སྙིང་ལྕགས་མཚོ།
བོད་ཀྱི་རྩོམ་པ་པོ་ཚེ་རིང་འོད་ཟེར་ལགས་ཀྱི་སྙིང་སྟོབས་ལ་གུས་འདུད་ཞུ།
བོད་ཀྱི་མཛངས་མ་ཚེ་རིང་འོད་ཟེར་ལགས་ཀྱི་རིགས་ཞེན་ལ་གུས་འདུད་ཞུ།