ནེའུ་ཡོག་ཏུ་གསུམ་བཅུའི་དུས་དྲན།

ཨ་རིར་གནས་སྡོད་བོད་མི་དང་བོད་དོན་རྒྱབ་སྐྱོར་བ་ ༣༠༠༠ ལྷག་གིས། ནེའུ་ཡོག་མཉམ་འབྲེལ་རྒྱལ་ཚོཊ་མདུན་ཐང་དུ་གསུམ་བཅུའི་དུས་དྲན་ཐེངས་ང་བཞི་པ་སྲུང་གཙི་ཞུས་འདུག

ཁ་སང་འཛམ་གླིང་གང་སར་གནས་སྡོད་བོད་བཙན་བྱོལ་བོད་མི་ཚོས་གསུམ་བཅུའི་དུས་དྲན་ཐེངས་ ༥༤ པ་སྲུང་གཙི་ཞུས་ཡོད་པ་ལྟར། ཉིན་དེར་ཨ་རིའི་གྲོང་ཁྱེར་ནེའུ་ཡོག་ཏུའང་བོད་རིཊ་སྤྱི་མཐུན་ཚོཊ་པ་གཙོས་བོད་ཀྱི་གཞུང་འབྲེལ་མིན་པའི་ཚོཊ་ཁག་དྲུག་གིས་སྣེ་ཁྲིད་འོག ཁྱོན་བོད་མི་དང་བོད་དོན་རྒྱབ་སྐྱོར་བ་ ༣༠༠༠ ལྷག་གིས་ནེའུ་ཡོག་མཉམ་འབྲེལ་རྒྱལ་ཚོཊ་མདུན་ཐང་དུ་གསུམ་བཅུའི་དུས་དྲན་སྲུང་གཙི་ཞུས་ཡོད་འདུག

ཉིན་དེའི་ཞོགས་པའི་ཆུ་ཚོད་ ༩ ཐོག་ཚོཊ་པ་ཁག་གིས་སྣེ་ཁྲིད་འོག་ས་གནས་འདྲ་མིན་ནས་བཅར་བའི་སེར་སྐྱ་མང་ཚོགས་ཀྱིས། ནེའུ་ཡོག་གྲོང་ཁྱེར་གྱི་གྷེ་ཌི་མེན་པི་ལཱ་ཛི་ (Cadman Plaza) སྐྱེད་ཚལ་ནས་མཉམ་འབྲེལ་རྒྱལ་ཚོགས་ལས་ཁུངས་མདུན་ཐང་བར་སྐད་འབོད་སྣ་ཚོཊ་ཐོག་གོམ་བགྲོད་གནང་ཡོད་ཅིང་། རྒྱལ་ཚོཊ་ལས་ཁུངས་མདུན་ཐང་དུ་མང་ཚོགས་ཀྱིས་སྐུ་བཞེངས་ཐོག་བོད་རྒྱལ་ཆེན་པོའི་རྒྱལ་གླུ་དང་གསུམ་བཅུའི་ལངས་གླུ་བཏང་རྗེས། ཨ་རིའི་སྐུ་ཚབ་དོན་གཅོད་བློ་བཟང་སྙན་གྲཊ་ལཊ་ཀྱིས་དབུས་བོད་མིའི་སྒྲིག་འཛུཊ་སྲིད་སྐྱོང་བློ་བཟང་སེང་གེ་མཆོག་གིས་གཏམ་བཤད་སྒྲོག་སྦྱངས་གནང་ཡོད།

མཛད་སྒོའི་ཐོག་བོད་མིའི་སྒྲིག་འཛུགས་བདེ་སྲུང་བཀའ་བློན་འབྲོམ་ཆུང་དངོས་གྲུབ་ལགས་ཀྱིས། དབུ་མའི་ལམ་ནི་བོད་ནང་གི་ཛ་དྲག་གནས་སྟངས་ལ་གཞིཊ་ཏེ་མང་མོས་ཐོག་གཏན་འབེབས་བྱུང་བའི་སྲིད་བྱུས་ཤིག་ཡིན་ཚུལ་དང་། རྒྱ་གཞུང་གིས་དམ་དྲག་ཅི་ཙམ་བྱས་མིན་ལ་མ་ལྟོས་པར། བོད་ནང་གི་བོད་མིའི་སེམས་ཤུཊ་དང་སྙིང་སྟོབས་ལ་འགྱུར་བ་གང་ཡང་མེད་པར་མུ་མཐུད་འཚེ་མེད་ཞི་བའི་འཐབ་རྩོད་གནང་བཞིན་ཡོད་སྐོར་གཏམ་བཤད་གནང་ཡོད་འདུག

རྒྱ་རིཊ་མང་གཙོ་དོན་གཉེར་བ་ཡཱང་ཅན་ལིས་བཅས་ཀྱིས་དུས་དྲན་དང་འབྲེལ་བའི་གཏམ་བཤད་སྤེལ་ཏེ། གསུམ་བཅུའི་དུས་དྲན་ནི་བོད་ཀྱི་གནས་བབ་ཆེས་མུན་ནག་གི་གནས་སྟངས་འོག་ཏུ་ལྷུང་བར་དྲན་གསོ་བྱ་དགོས་པ་ཞིག་དང་། ཁོང་གིས་གོ་སྐབས་དེ་བརྒྱུད་རྒྱ་རིཊ་སྤུན་ཟླ་ཚོས་དུས་དྲན་ཉིན་མོ་དེ་འཛམ་གླིང་མི་དམངས་དང་འདྲ་བར་བོད་མིར་གདུང་སེམས་མཉམ་སྐྱེད་ཞུ་དགོས་ཤིང་། བོད་མིར་དཀའ་སྡུག་གང་འཕྲད་བཞིན་པ་རྣམས་རྒྱ་རིགས་ཚོས་ངོས་འཛིན་ཐུབ་དགོས་པའི་འབོད་སྐུལ་ཞུ་བཞིན་ཡོད་སྐོར་བརྗོད་འདུག

སྐབས་དེར་ས་གནས་འབྲེལ་ཡོད་དཔོན་རིགས་དང་གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ་ཀྱིས་གཏམ་བཤད་སྤེལ་ཡོད་འདུག  

གསར་འགོད་པ། དཔལ་ལྡན།