ཁ་སང་གཟའ་མིག་དམར་ཉིན་སུད་སིར་ས་གནས་བུད་མེད་ཀྱི་གོ་སྒྲིག་འོག ཐེངས་ང་བཞི་པའི་བོད་ཀྱི་བུད་མེད་སྒེར་ལངས་དུས་དྲན་སྲུང་གཙི་གནང་ཡོད་འདུག
སུད་སི་གནས་སྡོད་ཀླུ་རྒྱལ་དོན་འགྲུབ་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཁ་སང་ཕྱི་ཚེས་ ༡༢ ཉིན་བོད་ཀྱི་བུད་མེད་ལྷན་ཚོགས་ཀྱིས་གོ་སྒྲིག་འོག འཛམ་གླིང་ཡུལ་གྲུ་གང་སར་ ༡༩༥༩ ལོར་བོད་ཀྱི་བུད་མེད་ཀྱིས་སྒེར་ལངས་བྱས་ཏེ་མི་ལོ་ ༥༤ ཧྲིལ་བོ་འཁོར་བའི་དུས་དྲན་སྲུང་གཙི་གནང་ཡོད་པ་ལྟར། ཁ་སང་དགོང་དྲོ་སིད་སི་འཛི་རིག་གྲོང་ཁྱེར་གྱི་ས་གནས་ (werdmullerplatz) སུ་རི་ཀོན་མཁན་རིན་པོ་ཆེ་དབུས་པའི་སྤྱི་ཟུར་ཁག་ཅིག་དང་། སུད་སི་མི་མང་ཚོགས་པའི་ཚོགས་གཙོ་དང་ཚོགས་གཞོན། ས་གནས་བུད་མེད་ཀྱི་ཚོགས་གཙོ་དང་རྒྱུན་ལས་རྣམ་པ། ས་གནས་མི་མང་བཅས་མི་ ༢༠༠ ལྷག་འདུ་འཛོམས་ཀྱིས། རྒྱ་ནག་དོན་གཅོད་ཁང་གི་མདུན་བར་སྐད་འབོད་ཁྲོམ་སྐོར་གནང་ཡོད་པ་མ་ཟད། དབུས་བུད་མེད་ལྷན་ཚོགས་ཀྱིས་ས་གནས་ཁག་ཏུ་བཀྲམས་པའི་དུས་དྲན་གྱི་གསུང་བཤད་སྒྲོགས་སྦྱང་དང་། བོད་བསྟན་སྲིད་ཆེད་རང་སྲོག་བློས་གཏོང་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་བསྔོ་སྨོན། བུད་མེད་སྒེར་ལངས་ཐེངས་ ༥༤ པ་དང་འབྲེལ་བའི་ཡིག་ཆ་ ༢༠༠༠ ལྷག་འགྲེམས་སྤེལ་བཅས་གནང་ཡོད་འདུག གསར་འགོད་པ། དོན་གོ
