དབང་ཕྱུག་ཚེ་རིང་།
༄༅། དེང་སྐབས་རང་རེའི་སྤྱི་ཚོགས་ནང་ཕྱི་ཟླ་ ༢ ཚེས་ ༡༣ འདི་བོད་རང་བཙན་ཉིན་མོ་ཅེས་ལོ་ལྟར་དུས་དྲན་སྲུང་རྩི་ཞུ་དགོས་གསུང་མཁན་གང་འཚམ་ཡོང་གི་ཡོད་པ་ཐོས། དེའི་ཡོང་རྐྱེན་ངོ་མ་མི་ཤེས་མོད་ཚོད་དཔག་བྱས་ན་༸གོང་ས་སྐྱབས་མགོན་སྐུ་ཕྲེང་བཅུ་གསུམ་པ་ཆེན་པོས་ ༡༩༡༣ ཕྱི་ཟླ་ ༢ ཚེས་ ༡༣ ཉིན་ ‘ཆུ་གླང་རྩ་ཚིག’ ཞུ་བའི་གལ་ཆེའི་ཡིག་ཆ་གསལ་བསྒྲགས་གནང་བའི་ཉིན་མོ་དེར། བོད་རང་བཙན་གྱི་ཉིན་མོ་ཅེས་སྲུང་གཙི་ཞུ་བ་དང་འབྲེལ་༸གོང་ས་སྐུ་ཕྲེང་བཅུ་གསུམ་པ་ཆེན་པོའི་ཆུ་སྤྲེལ་ཞལ་དམ་ལ་སྐབས་དེའི་གཞུང་ཞབས་སྐུ་གྲགས་དང་། གནད་ཡོད་མི་སྣས་རང་ཁྲིའི་ལས་འགན་ཇི་བཞིན་བཀའ་སྒྲུབ་མ་ཞུས་པའི་ཉེར་ལེན་ལ་བརྟེན་ཏེ། བོད་རང་བཙན་མི་ལག་ཏུ་ཤོར་བར་ངོས་འཛིན་གནང་བ་མིན་ནམ་སྙམ་པ་དེ་ལ་བསམ་འཆར་གང་ཡང་མེད། དུས་སྟེང་དུ། སྐབས་དེ་ནས་བཟུང་ད་ལྟའི་བར་བོད་རྒྱལ་ཁབ་ཆེན་པོའི་རང་དབང་རང་བཙན་སླར་གསོའི་ཆེད་སུ་དང་གང་གིས་ཀྱང་འབད་བརྩོན་གནང་མཁན་མ་བྱུང་བ་ལྟ་བུ་དང་། ད་ཆ་མི་ཐོག་འདིའི་རང་རིགས་འབའ་ཞིག་གིས་བོད་རང་དབང་རང་བཙན་སླར་གསོའི་ལས་འགུལ་གསར་དུ་སྤེལ་རྒྱུའི་འཆར་སྣང་ལྟ་བུ་འདི་ནི་བཀའ་དྲིན་ལ་བསམ་ཤེས་མེད་པར་དྲིན་ལན་ལོག་འཇལ་ཟེར་བའི་དཔེ་དེ་དངོས་སུ་བྱུང་བ་འདྲ།
༸གོང་ས་སྐུ་ཕྲེང་བཅུ་གསུམ་པར་བཀའ་དྲིན་རྗེས་དྲན་ཞུ་རྒྱུ་ནི་ཡིན་དང་མ་ཡིན་ལྟ་ཅི་སྨོས། དེ་བཞིན་རང་རེའི་གཞིས་བྱེས་བོད་མི་ཡོངས་ཀྱིས་སྐྱབས་མགོན་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་འདི་དང་། ད་བར་བོད་མི་བགྲང་ལས་འདས་པའི་བོད་མིའི་རྩ་དོན་ཆེད་དུ་རང་གི་གཅེས་པའི་ཚེ་སྲོག་བློས་གཏོང་གནང་མཁན་དཔའ་བོ་དཔའ་མོ་རྣམས་ཀྱི་བཀའ་དྲིན་ཡང་ངེས་པར་དུ་རྗེས་དྲན་ཞུ་དགོས་པ་ཡིན། ལྷག་པར་དུ་ཡང་༸གོང་ས་སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་འདིས་མི་ལོ་ ༦༦ བརྒལ་བའི་རིང་སྐུ་ངལ་འཛེམ་མེད་ཐོག་བོད་རང་དབང་རང་བཙན་གྱི་དོན་དུ་འབད་བརྩོན་ཇི་ཙམ་གནང་ཡོད་པ་མ་ཟད། ད་དུང་ཡང་ཉིན་ཚན་དུས་དྲུག་ཏུ་སྐུ་ངལ་འཛེམ་མེད་བསྐྱོན་དང་སྐྱོན་བཞིན་པ་དེ་ངེས་པར་དུ་རྗེས་དྲན་ཞུ་དགོས་པ་ཞིག་ཡིན།
བོད་རང་བཙན་གཙང་མ་ཡིན་ཞེས་སྐུ་ཕྲེང་བཅུ་བཞི་བ་ཆེན་པོས་ཀྱང་ ༡༩༥༩ ཕྱི་ཟླ་ ༣ ཚེས་ ༡༧ ཉིན་ནོར་གླིང་ཕོ་བྲང་ནས་གསང་བྲོས་གནང་ཐུབ་པའི་ཉིན་ཤས་རྗེས་རྒྱ་དམར་གཞུང་ནས་བོད་གཞུང་ཟེར་བ་རྩ་མེད་བཏང་ཟིན་ཟེར་བའི་སྐད་ཆ་དེའི་ལན་དུ་བོད་ལྷོ་བྲག་ལྷུན་རྩེ་རྫོང་དུ་༸གོང་ས་ཆེན་པོ་དབུ་བཞུགས་ཀྱིས་བོད་གཞུང་བཀའ་ཤག་ནས་བོད་རང་དབང་རང་བཙན་གྱི་གཞུང་དགའ་ལྡན་ཕོ་བྲང་སྔར་བཞིན་ཡོད་མུས་ཁར། རེ་ཞིག་ལྷོ་བྲག་ལྷུན་རྩེ་རྫོང་དུ་གནས་སྤོས་ཡོད་པའི་ཡོང་ཁྱབ་གསལ་བསྒྲགས་གནང་ཡོད་པ་དང་། དེ་ནས་རྒྱ་གར་ས་ཐོག་ཆིབས་བསྒྱུར་གནང་རྗེས་རྒྱ་དམར་གཞུང་གི་བཙན་ཤེད་འོག་བཞག་པའི་ཆིངས་ཡིག་དོན་ཚན་བཅུ་བདུན་ཟེར་བ་དེ་ཡང་རྒྱ་དམར་གཞུང་རང་ནས་རྩིས་མེད་རྡོག་རོལ་བཏང་བར་བརྟེན་ཏེ། ད་ཆ་བོད་གཞུང་ཕྱོགས་ནས་ཀྱང་རྩིས་མེད་ཡིན་ཅེས་ཡོང་ཁྱབ་གསལ་བསྒྲགས་གནང་ཡོད་པ་ཚང་མས་མཁྱེན་དགོས་པ་དང་། དུས་འདི་འདྲའི་སྐབས་རང་གི་རང་ལ་དྲན་སྐུལ་གཏོང་རྒྱུ་དེ་ཤིན་ཏུ་ནས་གལ་ཆེར་མཐོང་།
དེས་མ་ཚད་༸གོང་ས་སྐུ་ཕྲེང་བཅུ་བཞི་པ་ཆེན་པོ་རྒྱ་གར་ནང་བཙན་བྱོལ་དུ་ཕེབས་པ་ནས་བཟུང་སྟེ་ད་བར་དུ་རང་བཙན་ནམ་བོད་བསྟན་སྲིད་ཆེད་སྐུ་ངལ་ཇི་ཙམ་སྐྱོན་ཡོད་མེད་འདིར་གཅིག་གཅིག་གཉིས་གཉིས་ཞུ་མ་དགོས་པ་བོད་མི་བསམ་ཡོད་ཚང་མས་ཤེས་གསལ་རེད།
ད་ཆ་འདིར་སྦག་སྦུག་མེད་པར་ཐད་ཀར་བརྗོད་ན། ཕྱི་ཟླ་གཉིས་པའི་བཅུ་གསུམ་ཟེར་བ་དེ་དང་འབྲེལ་བའི་ལསའགུལ་དེ་དག་གཙོ་ཆེ་༧གོང་ས་ཡིད་བཞིན་ནོར་བུ་མཆོག་གིས་བོད་ཀྱི་བདེན་པའི་ཐབས་རྩོད་འདི་རང་བཙན་ཁོ་ན་དམིགས་ཡུལ་བཟུང་སྟེ་ཡོང་ཐབས་མེད་པར་གཟིགས་ཏེ། གཉིས་ཕན་དབུ་མའི་ལམ་ཀྱི་ཐབས་བྱུས་ལམ་སྟོན་མཛད་པ་དང་། གཞིས་བྱེས་རྒྱ་ཆེའི་མི་མང་ནས་མོས་མཐུན་གཏན་འབེབས་ཟིན་ཏེ་ད་བར་མི་ལོ་ ༢༥ ལྷག་ཙམ་ནང་གྲུབ་འབྲས་གང་འཚམ་བྱུང་ཡོད་པ་དེར་ཆོག་ཤེས་མེད་པར་འགག་པ་ཞུས་པ་གསལ་པོ་རེད། འོན་ཀྱང་འགག་པ་གནང་ན་མ་ཆོག་མ་འགྲིག་གི་སྐད་ཆ་ནམ་ཡང་ཞུ་གི་མེད་པ་དེ་མཁྱེན་པར་ཞུ།
ད་ལྟའི་རྒྱ་ནག་དམར་གཞུང་གིས་བོད་མིའི་ཐོག་མཁྲེགས་བཟུང་སྲིད་བྱུས་ཅི་འདྲ་བྱས་ཀྱང་རྒྱ་དམར་གཞུང་ནས་ཆེད་བཟོ་བྱས་པའི་བོད་ཀྱི་དཀའ་རྙོག་འདི་སེལ་ཐབས། འཚེ་མེད་ཞི་བ་དང་དབུ་མའི་ལམ་ཁོ་ན་ལས་མེད་པ་གང་ཡིན་ཟེར་ན། རྒྱ་དམར་གཞུང་ནས་ཆེད་བཟོ་བྱས་པའི་བོད་ཀྱི་དཀའ་རྙོག་འདི་གཞུང་གཉིས་དང་རྒྱལ་ཁབ་གཉིས་བར་གྱི་རྩོད་རྙོག་ལས་ལྷག་པ་རྒྱ་ཆེའི་བོད་ཆོལ་གསུམ་མི་མང་དང་། རྒྱ་ནག་མི་མང་གཉིས་ཀྱི་མ་འོངས་ཁེ་ཕན་དང་བདེ་རྩར་ཐུག་པར་བརྟེན། དཀའ་རྙོག་འདི་སེལ་ཐབས་སུ་རང་རེ་བོད་མི་རྣམས་ནས་༸གོང་ས་ཡིད་བཞིན་ནོར་བུའི་ལམ་སྟོན་དབུ་འཁྲིད་འོག་བློ་རྩེ་གཉིས་མེད་པར་བསྐྱོད་གལ་ཆེ་བ་ལས། དེ་མིན་ད་ནས་བཟུང་མི་ལོ་ ༥༠ རྗེས་སུ་ད་ལྟ་ང་ཚོས་མི་རབས་གོང་མར་༸གོང་ས་སྐུ་ཕྲེང་བཅུ་གསུམ་པའི་ཞལ་དམ་ལ་བཀའ་བརྩི་དང་ལེན་མ་ཞུས་པར་བློ་འགྱོད་བྱས་པ་ལྟར། རྗེས་མའི་མི་ཐོག་གིས་རང་ཚོར་དེ་ལྟར་བརྗོད་དགོས་པ་ཞིག་ཡོང་རྒྱུ་ངེས་སྟབས། དེ་དོན་བོད་མི་སེར་སྐྱ་ཕོ་མོ་རྒན་དར་གཞོན་གསུམ་ཚང་མས་མ་ལན་མ་འགྱོད་མེད་པ་གནང་རྒྱུར་ཡིད་ཟབ་གནང་གལ་ཆེའོ།།
རང་བཙན་ནི་བོད་མིའི་ཐོབ་ཐང་རེད། འདི་མི་དགོས་ཟེར་བ་སུ་ཡང་མེད། དེ་བཞིན་༸གོང་ས་སྐུ་ཕྲེང་བཅུ་གསུམ་པའི་རང་བཙན་བསྒྲགས་གཏམ་སྤེལ་ནས་ལོ་བརྒྱ་འཁོར་བར་དུས་དྲན་སྲུང་བརྩི་ཞུ་བ་ཤིན་ཏུ་ལེགས་ཀྱང་། གཞུང་འབྲེལ་གྱིས་སྲུང་བརྩི་མ་ཞུ་བ་དེར་བློ་ཕམ་ཞེ་དྲག་བྱུང་། ལོ་རྒྱུས་ནི་ལོ་རྒྱུས་ཡིན་པས། དེ་ངེས་པར་དུ་སྲུང་བརྩི་ཞུ་དགོས་བ་རེད། རེད་ད། ༸གོང་ས་སྐུ་ཕྲེང་བཅུ་གསུམ་པའི་ཆུ་གླང་རྩ་ཚིག་ཁ་ལ་ཁུར་ནས་༸གོང་ས་བཅུ་བཞི་པའི་དབུ་མའི་ལམ་ལ་ཟུར་ཟ་དང་དགག་པ་རྒྱག་པར་དེར་ཐ་གཅིག་ཏུ་མོས་མཐུན་ཞུ་ཐབས་བྲལ། གང་ཡིན་ཞེ་ན། ང་ཚོའི་གནས་སྟངས་ལ་གཅིག་བལྟ་དགོས་མ་རེད་དམ། འདི་ཚོར་དབྱེ་མཚམས་གསལ་པོར་ཕྱེ་དགོས་ཀྱི་འདུག
རྒྱ་དམར་གྱི་གདུག་རྩུབ་ནི་ཉིན་རེ་ནས་ཇེ་ཆེ་ཡིན་ གཞིས་ལུས་དཔའ་བོའི་འབོད་སྒྲ་ནི་༧གོང་ས་མཆོག་ཕྱིར་རང་ཡུལ་དུ་གདན་ཞུའི་འབོད་ཚིག་འདི་རེད། སྲིད་བློན་མཆོག་གིས་ཀྱང་ཐོག་མའི་འགན་ཁུར་གཙོ་བོ་ནི་༧གོང་ས་མཆོག་བོད་དུ་གདན་འདྲེན་རྒྱུ་ཡིན་པ་ཞལ་ནས་ཐོན་ཡོད། འདིར་སྒྲུབ་བྱ་ཁོ་ན་མི་གླེང་བར་སྒྲུབ་བྱེད་གླེང་རོགས་ སྒྲུབ་བྱེད་བཤད་ནས་ལོ་རྒན་དྲུག་ཅུ་འགྲོ་སོང་།
ཧ་ཧ། གུང་ཁྲན་དང་ཏང་གི་གསོས་ཕྲུག་གི་ཁ་ནས་དྲང་བདེན་གྱིས་སྐད་ཆ་ཞིག་བཤད་དུས་ཡག་རྟགས་ཞིག་ཁྱོན་ནས་མ་རེད་དོ། ཁོ་ཚོས་བདེན་པའི་གནས་ལུགས་ལ་རྫུན་དང་གཡོ་སྒྱུ་ཁྲམ་གསུམ་གྱིས་འཛམ་གླིང་འདི་ཉོ་རྩིས་བྱེད་པ་ནི་འཆར་ཅན་ཞིག་རེད། གང་ལྟར་སྐྱག་རྫུན་རི་ཙམ་བཤད་ན་བདེན་པ་གཡག་ཙམ་འཐོབ་ཐབས་བྱེད་པ་ནི་འཛམ་གླིང་མི་འབོར་དུང་ཕྱུར་བདུན་བཅུ་ལྷག་གི་མིག་ལམ་དུ་ཁྲིག་གེར་ཡོད་པ་རེད་དོ།
དབང་ཕྱུག་ཚེ་རིང་མཆོག་གི་དོན་སྙིང་ལྡན་པའི་བཀའ་མོལ་གནང་བར་དགའ་ཡོད།
དེ་མིན་ཁྱི་རྒན་རེ་ཟུང་གི་ངུ་སྐད་ལ་ཆ་འཇོག་དགོས་པ་མ་རེད། དུས་རྟག་དུ་རྫོགས་ཡ་ཡོད་པ་མ་རེད། ཁོང་ཚོས་མོས་བློ་དང་མཐུན་པའི་དཔྱད་བརྗོད་རེ་སྤེལ་དགོས་ཚེ། བདེན་པའི་གནས་ལུག་གང་ཡོད་ལོག་འགྲེལ་ཁོའི་ནས་ལམ་དུ་དྲངས་དང་་་དེ་ནས་ཁོང་ཚོས་ཐེ་བོང་གྱེན་དུ་བསྒྲེང་ཀྱི་རེད། དྲང་བདེན་ལམ་ནས་ག་ཚོད་བཤད་ཀྱང་སྡུག་སྐད་འདོན་པ་ནི་མི་འདི་ཚོའི་གཤིས་ངན་རེད་་་་་་་་་་་་་་་་་་་་་་་་
ཚྭ་སྒང་ཕོ་ཉས་གསུངས་པ་དེ་རང་རེད། དབང་ཕྱུག་ཚེ་རིང་གིས་ལོ་རྒྱུས་ཅིག་བཤད་ཁུལ་བྱས་འདུག་ཀྱང་། ལོ་རྒྱུས་ལ་རྒྱུས་མངའ་དེ་ཙམ་མི་འདུག་ལ་ས་ཁུལ་གྱི་མིང་ཡང་གོ་ནོར་ཐེབས་ནས་ལྷུན་རྩེ་རྫོང་དང་ལྷོ་བྲག་རྫོང་གཉིས་གཞི་གཅིག་ཏུ་སྦྲེལ་འདུག། ལྷུན་རྩེ་དང་ལྷོ་བྲག་གཉིས་རྫོང་རྦད་དེ་ཁག་ཁག་རེད། རྫོང་འདི་གཉིས་བོད་རང་བཙན་སྐབས་སུ་ལྷོ་ཁ་སྤྱི་ཁྱབ་ཀྱི་ཁོངས་སུ་གཏོགས་པ་རེད་ལ། ད་ལྟ་ལྷོ་ཁ་(ཀྲོན་ཆུས་)སམ་ལྷོ་ཁ་ས་ཁུལ་ལམ། ལྷོ་ཁ་མངའ་སྡེ་ཟེར་ན་ཆོག། འདིའི་འོག་ཏུ་(ཤན་)ནམ་རྫོང་ལྷུན་རྩེ་དང་ལྷོ་བྲག་གཉིས་འདིའི་ཁོངས་སུ་ཡོད་ཡོད་རེད།
མ་གཞི་དབང་ཕྱུག་གིས་ལོ་རྒྱུས་དངོས་ལ་ཞིབ་འཇུག་གི་རྒྱུད་རིམ་ཞིག་མ་ཡིན་པར་མདུང་རྩེ་རང་བཙན་ལྟ་གྲུབ་པར་གཏད་དེས་ལམ་དབུ་མའི་དགེ་མཚན་གླེང་ཞོར་བོད་དང་བོད་མི་རིགས་ལ་རང་དབང་གཙང་མ་ཞིག་ལ་མི་རེ་བར་ཁ་འཕོར་འཛུགས་ས་ཞིག་དང་གནས་སྐབས་ཀྱི་མལ་ས་དྲོན་མོ་ཞིག་རེག་ན་དེ་གས་འགྲིགས་པ་ཞིག་འདོད་ཀྱི་ཡོད་པ་རེད། འོན་ཀྱང་ཡ་མཚན་པ་ཞིག་ལ་ཀྲུང་དབྱང་སྲིད་གཞུང་གིས་སྔ་ཕྱི་བར་གསུམ་ལ་ཏཱ་ལའི་བླ་མ་དང་བོད་ཐོག་འཛིན་པའི་སྲིད་ཇུས་ལ་འགྱུར་བ་གང་ཡང་ཕྱིན་མེད་ལ། བོད་ནང་འཆར་གཞི་དང་ལག་བསྟར་རང་བཞིན་ལྡན་པའི་གདུག་རྩུབ་ཀྱི་སྲིད་ཇུས་སྔར་ལྷག་ཇེ་མཁྲེགས་ངང་འགྲོ་མུས་ལས་ཏཱ་ལའི་བླ་མ་དང་བཙན་བྱོལ་སྒྲིགས་འཛུགས་ངོས་ལེན་མེད་པ་ནི་ཨ་ཅང་ཅང་རྣམ་འགྱུར་ཡང་ཡག་ཙམ་ཞིག་བསྟན་མྱོང་མེད་ཀྱང་འདི་ན་མགོ་འདོགས་རིང་ལུགས་པ་དང་། ཀླད་རྙིང་མཁྲེགས་འཛིན་དང་། རྙིང་ཞེན་བག་ཁུམས་དང་གཉའ་ཞུམས་རིང་ལུགས་པ་ཚོས་ལམ་དབུ་མའི་སྒོ་སྐབས་བརྒྱུད་རང་ཁེ་ཞིག་རག་ཨེ་ཐུབ་ལྟ་ཡི་ཡོད་པ་རེད།
གཉིས་པའི་བཅུ་གསུལ་ལགཙིགས་ཆེན་གནང་བ་ནི། “བཀའ་དྲིན་ལོག་འཇལ་”ཡིན་ཞེ་ན། ངོ་ནས་ཧ་མི་གོ་བ་ཞིག་རེད།
གཡུལ་རྒྱལ་ལྷུན་རྩེ་རུ་བོད་གཞུང་གསར་འཛུགས་གནང་བ་དངོས་བདེན་ཡིན་རུང་ཟེར་བའི་བཤད་སྟངས་འདི་རྒན་པོ་མང་དག་ཅིག་གི་ངག་རྒྱུན་ལོ་རྒྱུས་སོགས་སུ་འཁོད་འདུག་རུང་། དོན་དངོས་སུ་འདི་ལ་གསར་འཛུགས་ཞེས་བཤད་ཚེ་ཐ་སྙད་ཀྱི་སྐྱོན་མེད་དམ་སྙམ། ད་སྔ་ཡན་དུ་དེབ་སོགས་སུ་ཐ་སྙད་གང་བེད་སྤྱོད་མང་པོ་བཏང་ཡོད་མེད་ལ་མ་བལྟས་པར་ལོ་རྒྱུས་ཀྱི་གུང་བསྒྲིགས་ནས་བསམ་ཚེ་འདི་ལ་ང་ཚོས་ངེས་པར་ཏུ་ལྷོ་ཁ་ལྷུན་རྩེ་རུ་བོད་གཞུང་བསྐྱར་འཛུགས་ཀྱིས་ས་མིང་གཡུལ་རྒྱལ་ལྷུན་རྩེ་རུ་བསྒྱུར་སོགས་སུ་བཤད་དགོས་པ་རེད་བསམ། གསར་འཛུགས་སུ་ངེས་པར་བཤད་དགོས་ཚེ་ད་བར་དུ་ང་ཚོས་བཤད་བསྡད་པའི་རྒྱུན་མ་ཆད་པའི་གཞུང་ས་དགའ་ལྡན་ཕོ་བྲང་ཆེན་པོའི་ཆབ་སྲིད་ཀྱི་འཕྲིན་ལས་ལ་བར་མཚམས་ཤིག་ཡོད་པ་དོན་གྱིས་ཁས་ལེན་དགོས་པ་མིན་ནམ་བསམ།
ད་ཤར་ཕྱོགས་ཁུག་རྟའི་བཤད་ཕྱོགས་ལ་རྒྱབ་སྐྱོར་བྱ་མཁན་མང་རུ་མང་རུ་འགྲོ་གི
ལྷོ་ཁ་ཞིང་ཆེན་མ་རེད། ས་ཁུལ་ཟེར་བ་དེ་རེད། རྒྱ་སྐད་ནང(ཀྲོན་ཆོས་)ཟེར་བཞིན་པ་དེ་རེད།
གོང་བཀོད་རྩོམ་ཡིག་དེའི་བརྗོད་བྱ་གཙོ་བོ་དང་སྨྱུག་རྩེ་ཕྱོགས་ས་གཙོ་བོ་དེ་རང་བཙན་ལས་དབུ་མ་བཟང་བ་དང་རང་བཙན་འདོད་མི་རིགས་ཚུལ་གྱི་སྐད་ཆ་རྙིང་པ་དེ་དག་ལས་གཏན་ཚིགས་གསར་པ་དང་གནས་ལུགས་གསར་པ་ནི་གང་ཡང་མི་འདུག་པས་རིན་ཐང་དེ་ཙམ་མི་འདུག། ཡིན་ན་ཡང་སྨྲ་བརྗོད་པ་རང་དབང་ཡོད་པས་བཤད་ཆོག་ལ་གླེང་ཡང་དེ་བས་ཆོག། དེ་ནས་འོག་ཏུ་འཆན་བཀོད་མཁན། ཡར་ཀླུང་ལྷ་རྗེ་ལགས་ཀྱིས་ལྷོ་བྲག་དང་ལྷུན་རྩེ་གཉིས་སོ་སོ་ཡིན་པར་གསལ་བཤད་གནང་བར་ཐུགས་རྗེ་ཆེ། ཡིན་ན་ཡང་ “བོད་ས་བཙན་བཟུང་བྱས་ནས་དེ་རིང་ཉིན་མོ་བར་ལྷོ་ཁ་ཞིང་ཆེན་ཁུངས་སུ་རང་འཇགས་ཡིན་”ཟེར་བ་ནི་ཧ་ཅང་ནོར་འདུག། ལྷོ་ཁ་ནི་ད་ལྟ་བོད་སྐད་དབང་དུ་བྱས་ན་ས་ཁུལ་དང་རྒྱ་སྐད་དབང་དུ་བྱས་(ཀྲོན་ཆོས་)ཟེར་བ་དེ་ཡིན་པ་ལས་ཞིང་ཆེར་རྩ་བ་ནས་མ་རེད།
གོང་བརྗོད་བསམ་ཚུལ་ལ་རྒྱབ་སྐྱོར་ཡོད། ཡིན་ནའི་དེའི་ནང་ལྷོ་ཁ་ས་ཁུལ་ལྷུན་རྩེ་རྫོང་ལ་བོད་གཞུང་གསར་འཛུགས་གནང་བ་ནི་དངོས་བདེན་ཡིན་རུང་ས་གནས་མིང་ལྷོ་བྲག་མིན། ལྷོ་བྲག་རྫོང་དང། ལྷུན་རྩེ་རྫོང་དེ་གཉིས་ལྷོ་ཁ་ས་ཁུལ་ཡིན་སྔར་བོད་རང་བཙན་ཡོད་པའི་སྐབས་སུ་ལྷོ་ཁ་སྤྱི་ཁྱབ་གྱི་ཁྱབ་ཁུངས་སུ་ཡིན་ལ་ད་ཆ་རྒྱ་དམར་གྱི་བོད་ས་བཙན་བཟུང་བྱས་ནས་དེ་རིང་ཉིན་མོ་བར་ལྷོ་ཁ་ཞིང་ཆེན་ཁུངས་སུ་རང་འཇགས་ཡིན་པས་དེ་གཉིས་བར་ཁ་ཕྱོགས་ཡང་འཛུལ་ཡོད་པས་ཡིད་ཟབ་དགོས་གལ། མ་ཟད་༸གོང་ས་༸མཆོག་རྒྱ་གར་དུ་ཕེབས་ལམ་ཡང་ལྷོ་བྲག་ས་ཁུལ་གང་ཡང་སྟབ་འཁེལ་བྱུང་མེད་པས་གསལ་བརྗོད་དུ།