ཨ་རུ་ན་ཅལ་ཕྱོགས་ཀྱི་བོད་མི་ཆིག་སྟོང་ཁེ་ན་ཌའི་ནང་གཞིས་སྤོ་བྱ་རྒྱུའི་ལས་འཆར་ཁྲོད། ཟླ་འདིའི་ཚེས་ ༡༩ ཉིན་མི་གྲངས་ ༢༠༤ ལ་དངོས་སུ་མགྲོན་ཤོག་འབྱོར་ཡོད་འདུག
དེའི་སྐོར་གྱི་གནས་ཚུལ་ནང་བཀོད་དོན། “ཁ་ན་ཌར་བོད་མི་ཆིག་སྟོང་གནས་སྤོ་བྱ་རྒྱུའི་ལས་གཞིའི་འོག རྒྱན་ཤོག་འཕངས་ནས་རྒྱན་ཐོབ་པའི་བོད་མི་གྲངས་ ༨༩༠ ཡོད་ཁོངས་ནས་མི་གྲངས་ ༢༠༤ ཆེད་མགྲོན་ཤོག་གི་འགེངས་ཤོག་དེ་བཞིན་ཕྱི་ལོ་ ༢༠༡༣ ཟླ་ ༣ ཚེས་ ༡༩ ཉིན་འབྱོར་ཡོད། མགྲོན་ཤོག་གི་འགེངས་ཤོག་རྣམས་བཀང་སྟེ་ལྡི་ལིར་རྟེན་གཞི་བྱས་པའི་ཁེ་ན་ཌའི་ ཆེས་མཐོའི་གཞུང་ཚབ་ལས་ཁུངས་སུ་ (Canadian High Commission, New Delhi) ཕྱི་ལོ་ ༢༠༡༣ ཟླ་ ༣ ཚེས་ ༡༧ འགྱངས་མེད་འབུལ་དགོས།
མགྲོན་ཤོག་གི་འགེངས་ཤོག་འབྱོར་བའི་མི་གྲངས་ ༢༠༤ ནས་ཏི་ཛུ་དར་རྒྱས་གླིང་ནས་མི་གྲངས་ ༦༤ ཡོད་པ་དང། ཀྲུ་ཀྲིང་ནས་མི་གྲངས་ ༣༧ བྱུང་ཡོད། དེ་བཞིན་མིའོ་གཞིས་ཆགས་ནས་མི་གྲངས་ ༧༩ ཡོད་པ་མ་ཟད། བསྟན་འཛིན་སྒང་ནས་མི་གྲངས་ ༢༤ བཅས་བསྡོམས་མི་གྲངས་ ༢༠༤ ལ་འབྱོར་ཡོད། མགྲོན་ཤོག་འབྱོར་བའི་མི་གྲངས་ ༢༠༤ ཡོད་པ་རྣམས་ལ་དྲི་རྩད་བྱ་རྒྱུ་དང། ཁོང་རྣམས་ཀྱི་གཟུགས་གཞི་བདེ་འཕེར་ཡིན་མིན་སྨན་པའི་བརྟག་དཔྱད་བྱ་རྒྱུའི་དུས་ ཚོད་གནས་སྐབས་རིང་ཕྱི་ལོ་ ༢༠༡༣ ཟླ་ ༥ ནང་གནང་གཏན་འཁེལ་ཡོད།
དེ་ཡང་ཁེ་ན་ཌའི་ཆེས་མཐོའི་གཞུང་ཚབ་ལས་ཁུངས་ཀྱིས་ཨ་རུ་ན་ཅལ་པར་དེ་ཤི་མངའ་ སྡེ་ནས་རྒྱན་ཤོག་ཐོབ་པ་རྣམས་ལ་སྟབས་བདེའི་ཆེད། ཨ་སམ་མངའ་སྡེའི་ཏིན་སུ་ཀི་ཡ་(Tinsukia) དང་སྡིབ་རུ་གྷར་ (Dibrugrah) དུ་དྲི་རྩད་དང་གཟུགས་གཞི་བརྟག་དཔྱད་གནང་རྒྱུ་ཡིན་འདུག་པ་མ་ཟད། ཐེངས་འདིར་ཁེ་ན་ཌའི་ཆེས་མཐོའི་གཞུང་ཚབ་ལས་ཁུངས་ཀྱིས་ཕྱི་མི་གཞིས་སྤོ་བྱ་ རྒྱུའི་དོད་(Immigration Fees)འབུལ་མི་དགོས་པའི་ཆག་ཡང་བཏང་བར་བརྟེན། ཁེ་ན་ཌའི་སྒོར་བཞི་འབུམ་ལྔ་ཁྲི་དང་ ༼༤༥༠ ༠༠༠༽ ( $ 450,000) དང་། རྒྱ་གར་སྒོར་ས་ཡ་ ༼༢༤༽ (Rs. 2.4 crores) ཙམ་ཁེ་ཕན་བྱུང་ཡོད”ཞེས་བོད་མིའི་སྒྲིག་འཛུགས་དྲ་བར་བཀོད་འདུག
ངེད་ཀྱིས་བཤད་ན་དེ་ནི་གཏམ་ངན་ཞིག་རེད། བོད་མི་ཕྱི་རྒྱལ་འགྲོ་ཡ་མང་དྲག་པ་དང་ཕྱི་རྒྱལ་དུ་སྡོད་དྲག་ན་མི་རབས་གསུམ་བཞིའི་རྗེས་སུ་དེ་དག་གི་བརྒྱུད་པ་བོད་མི་ཡང་དག་ཅིག་ཡོང་ཁག་པོ་རེད། དངུལ་རྐྱང་པར་བསམ་སྡད་ན་འགྲིག་གི་ཡོད་དམ། དྲ་གྲགས་རྣམས། དཔྱོད་ཅིག
ཁེ་ན་ཊའི་གཞུང་ལ་ཐུགས་རྗེ་ཆེ་ཞུ།
གཞིས་ཆགས་ཚོར་རྟེན་འབྲེལ་ཞུ།
གསར་འབྱོར་ཚོ་སྙིང་རེ་རྗེ།
དེ་ཚོར་རྒྱ་གར་གཞུང་གི་བལྟ་རྟོག་མེད་ལ།
ཁེ་ན་ཊར་འགྲོ་བའི་ལམ་ཁ་ཡང་མེད།
གསར་འབྱོར་ཚོར་ནམ་ཡང་བསྐལ་མེད།
གཏམ་བཟང་རེད།
ཁེ་ན་ཌའི་གཞུང་ནས་བོད་མིའི་སྐྱིད་སྡུག་མཉམ་མྱོང་དངོས་སུ་ཕྱག་བསྟར་གནང་བར་བཀྲིན་ཆེ་ཞུ་འདོད།
དེ་ཁུལ་བོད་མི་ཚོས་ཡིད་གཟབ་ཞི་འཇམ་བཟང་སྤྱོད་འགྲིག་མཐུན་གྱིས་རེས་མོས་བཞིན་འཕུར་དགོས་པ་ལས། ནང་ཁུལ་འཁྲུག་རྩོད་མིག་དཔེ་ངན་པ་མི་ཡོང་བར་གཟབ་དགོས་སོ།།