ཁ་སང་ཕྱི་ཚེས་ ༡༠ ཉིན་རྒྱ་གར་༼དར་རྒྱས་གླིང་དུས་བབ་(darjeelingtimes)༽ཞེས་པའི་གསར་འགྱུར་དྲ་ཚིགས་སྟེང་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༩ ཉིན་གྱི་ཕྱི་དྲོར་ཀ་ལོན་སྦུག་གི་ཉེ་འཁྲིས་སུ་ཡོད་པའི་ས་གནས་ཨ་ལེད་ཅི་ཀོད་པུ་(Alaichikhop)ནས་ཡིན་པའི་རང་ལོ་ ༡༤ ཡིན་པ་བུ་མོ་སཱ་རེས་ཀཱ་ (sarika) ཟེར་བ་ཞིག་ལ། གླ་གཏོང་རླངས་འཁོར་ཁ་ལོ་ཞིག་དང་། ཁོང་གི་གྲོགས་པོ་གྲྭ་བ་གསུམ་བཅས་ཀྱིས་བཙན་གཡེམ་བྱས་ཡོད་འདུག
གནང་ཚུལ་ནང་བཀོད་དོན། ཟླ་འདིའི་ཕྱི་ཚེས་ ༩ ཉིན་བུ་མོ་དེ་སྨན་ཞིག་ཉོ་ཆེད་ཀ་ལོན་སྦུག་གྲོང་ཁྱེར་དུ་སོང་སྟེ། ཕྱི་དྲོའི་ཆུ་ཚོད་ ༧།༣༠ ཙམ་ལ་ཕྱིར་གོམ་པ་བརྒྱབ་ནས་རང་ཁྱིམ་དུ་ལོག་སྐབས། གླ་གཏོང་རླངས་འཁོར་མཱ་རོ་ཊི(MarutiVan)ཡི་ཁ་ལོ་བ་ཀཱ་རན་རོད་ཀཱས་(Karan Roka)ཟེར་བ་ཞིག་གིས་ཁོ་མོར་གླ་མི་ལེན་པར་ཁྱིམ་དུ་བསྐྱལ་རྒྱུ་ཡིན་སྐོར་བརྗོད་དེ་རླངས་འཁོར་ནང་བཞག་ཡོད་པ་དང་། ལམ་བར་དུ་ཁོ་མོར་བཟི་སྨན་གང་རུང་ཞིག་སྤྲད་དེ་དྲན་པ་འཐོར་དུ་བཅུག་རྗེས། ཁོང་གི་གྲོགས་པོ་གྲྭ་བ་གསུམ་སྐད་བཏང་ནས་བུ་མོ་དེར་བཙན་གཡེམ་བྱས་ཡོད་པ་དང་། དེའི་རྗེས་ཁོ་མོ་རང་ཁྱིམ་འགྲམ་གྱི་ནགས་གསེབ་ཏུ་གཡུགས་ནས་ཕྱིན་ཡོད་འདུག
ཉིན་དེའི་དགོང་མོའི་ཆུ་ཚོད་ ༡༠ པའི་སྟེང་། གྲོང་གསེབ་དེའི་མི་ཁ་ཤས་ཀྱིས་ཁོ་མོ་མཐོང་ནས་སཱ་རེས་ཀཱ་(sarika) ཡིན་པ་ངོ་རྟགས་ཆོད་ཅིང་། དེ་མ་ཐག་ཀ་ལོན་སྦུག་སྨན་ཁང་དུ་འཁྱེར་ཡོད་པ་དང་། ས་གནས་ཉེན་རྟོག་ལས་ཁུངས་ལ་ཐོ་འགོད་(FIR)བྱས་འདུག ཁོ་མོའི་གཟུགས་པོའི་གནས་སྟངས་སྐོར་ལ་འབྲེལ་ཡོད་སྨན་པས་ད་སྔ་གང་ཡང་བརྗོད་མེད་ཀྱང་། ཁོ་མོས་མོར་བཙན་གཡེམ་བྱེད་མཁན་དེ་དག་ངོ་ཤེས་ཀྱི་ཡོད་ཚུལ་བརྗོད་ཡོད་འདུག
ཁ་སང་ཚེས་ ༡༡ ཉིན་གྱི་ཕྱི་དྲོར་ས་གནས་ཉེན་རྟོག་པས་བཙན་གཡེམ་བྱེད་མཁན་དག་འཛིན་བཟུང་གིས་འདྲི་རྩད་བྱས་ཡོད་འདུག་ལ། ཉེས་ཅན་དེ་བཞི་ནི་གླ་གཏོང་རླངས་འཁོར་ཁ་ལོ་བ་ཀཱ་རན་རོད་ཀཱས་དང་། ཁོང་གི་གྲོགས་པོ་གྲྭ་བསམ་གཏན་ཤེས་སྒྲུབ་(Samten Tshedup)དང་། ཕུར་བུ་རྡོ་རྗེ་(Phurba Dorjee)། ཟླ་བ་གྲགས་པ་(Dawa Dukpa)བཅས་ཡིན་སྐོར་སོགས་བཀོད་འདུག་ཀྱང་། གནས་ཚུལ་ནང་གྲྭ་བ་ཞེས་བརྗོད་ཡོད་པ་ཙམ་ལས་དགོན་པ་གང་ཡིན་པ་དང་། མི་རིགས་སུ་ཞིག་ཡིན་མིན་སོགས་ཁ་གསལ་མི་འདུག ད་ལྟ་ཁོང་ཚོར་རྒྱ་གར་གྱི་ཉེས་ཁྲིམས་ཨང་ ༣༧༦ ཞེས་པའི་འོག་བཀག་ཉར་བྱས་ཡོད་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
འགྲོ་བ་མིའི་ཀུན་སྤྱོད་དང་བརྒལ་ཞིང་ལྷག་པར་དུ་སེར་མོ་བ་ཡོངས་ལ་ཉེས་མེད་གྲིབ་ནག་གིས་གླེང་མོར་སྤྱི་ཚོགས་འད྄ིར་ཁྱབ་པར་བྱས་བས་ནག་ཉེས་གནམ་ལ་མི་ཤོང་བ་བཟོ་ཡོད་བས་ཁྲིམས་མཐུན་གྱིས་ཉེས་ཆད་ལྕི་མོ་དགོས་ངེས་རེད།་
གྲོགས་པོ་འཇང་ཧ་ཅང་གི་སྐད་ཆ་རྫིག་པོ་འདྲ་བཤད་ཡོད་དྲན་ཀི་ཡོད་བེ་ལས་ངན་པ་རང་རེད་ཁུངས་མེད་འོལ་ཚོད་དོན་མེད་ཉེས་ཆེན་གྱི་གཏམ་འདི་ཚོ་ཁོག་ལ་ཤར་ན་ཁ་ནས་བཤད་ཕོད་པ་ཞིག་རེད་བེ་ཁྱེད་རང་ངོ་ཚ་གི་མི་འདུག་གམ་༼དུས་རྟག་ཏུ་སེར་འབྲས་དགེ་གསུམ་ན་དེ་འདྲ་ཡོད་ཡོད་པ་རེད་༽ཆེས་སྐད་ཆ་སྙན་མོ་གོ་རྒྱུ་ཡོད་པ་གཏིང་ཟབ་པོ་བྲིས་ཡོད་བསམ་ཀི་ཡོད་བེ་་་ངས་ལྟོས་ན་ཁྱེད་རང་གྲྭ་ལོག་བན་ལོག་ཞིག་ཡིན་པ་བརྟེན་ཁེལ་དགོན་པ་གྲྭ་ཚང་ནས་ཟ་ཟ་ནས་ཕྱིར་དྲིན་ཆེན་ལ་དྲིན་ལོག་མི་བྱེད་པ་དུད་འགྲོ་ཁྱི་ཡིན་རུང་བྱེད་སྲིད་གི་མ་རེད་དོན་ངོ་མ་དེ་འདྲའི་གནས་ཚུལ་ཡོད་ན་ཁྱེད་གིས་གཅིག་གཅིག་གཉིས་བྱས་ནས་དྲ་ཐོག་ལ་བཀོད་མོད་རྟོག་བཟོ་དང་རྣམ་རྟོག་གིས་བསློང་བ་ཡིན་ན་དེ་ནི་དགོས་མེད་ཉོག་གཏམ་རང་རེད་དེ་ལ་ཁྱེད་རང་གི་ཚོད་བཟུང་ན་ཡག་གི་རེད་མ་གཏོགས་དེ་ནི་མཚམས་མེད་ཀྱི་ལས་ཟེར་བ་ལས་གཞན་གང་ཡང་མིན་ལས་དེས་མནར་མེད་ལ་འཕངས་བ་ཐོག་པ་མེད
དབྱར་ཁབ་ཀུན་བཟང་ཀྱིས་བཤད་རྒྱུར། འདི་དང་འདི་འདྲའི་རིགས་ད་དུང་ཡང་ཡོང་ངེས་བཤད་འདུག ཁོང་གི་གསུང་སྟངས་བྱས་ན་སྔོན་མ་ཡང་འདི་འདྲ་མང་པོ་བྱུང་ཚར་ཡོད་པ་འདྲ། གལ་ཏེ་ཁྱོད་ལ་བཤད་རྒྱུ་ཨེ་ཡོད། མེད་ན་ཡི་གེ་འབྲི་དུས་ཡིད་གཟབ་མཛོད།
གནས་་ཚུལ་ཁུངས་ལྡན་དང་དངོས་ཡོད་ཡིན་པས་ཚང་མ་ཐུགས་ཡིད་ཆེས་ཆོག། མི་འདི་བཞི་ལས་སྐྲ་རིང་ཅན་དེ་རྒྱ་གར་དང་གཞན་གསུམ་ནི་ས་གནས་དེརུ་འབྲུག་རྒྱལ་བཞི་པའི་མ་ཡུལ་གྱིས་སྦྱིན་བདག་བྱས་སྟེ་བདུད་འཇམ་སྐུ་གོང་མའི་སྐབས་སུ་བརྒྱག་གནངས་བའི་རྙིང་མ་དགོན་པ་ཆུང་ཆུང་ཞིག་གི་གྲྭ་བ་རེད་འདུག་ལ་་་་ད་ཆར་ཡང་འབྲུག་གཞུང་གིས་བླ་གྲྭ་ཚང་མར་ཟླ་ཕོག་མཐུན་འགྱུར་གནང་བཞིན་ཡོད་པའི་སྐད་ཆ་འདུག་་་་གྲྭ་བ་གསུམ་པོའི་ཕ་ཡུལ་ཡང་འབྲུག་ནས་རེད་འདུག།།
བསྟན་པར་ལྷག་བསམ་ཡོད་མདོག་མ་བྱེད་རང་གིས་བསྟན་པ་ཤེས་ཀྱི་ཡོད། གྲྭ་བའི་ཞབས་འདྲེན་བཞག་སོང་ཟེར་ནས་འུར་སྒྲ་མ་བྱེད་གྲྭ་བར་གྲྭ་བའི་འདུ་ཤེས་བཞག་མྱུང་ཡོད་དམ།
གནས་ཚུལ་གསལ་པོ་མ་ཆགས་གོང་ནས་ཡག་ཉེས་སྐད་ཅོར་ཉུང་ན་ལེགས་སྙམ།
དེ་ཡིན་པ་རེད་ད་སྐབས་ཀྱི་ཕྱི་ལོག་གི་དགོན་པ་དང་གྲྭ་ས་དེ་དག་ནས་གྲྭ་རྒྱུན་མང་ཉུང་ལ་ལྟོས་ནས་དགོན་པ་ཆེ་ཆུང་དང་སྐད་གྲགས་ཆེ་ཆུང་ལས། ཚུལ་ཁྲིམས་རྣམ་པར་དག་པ་དང་གྲྭ་བ་སྤས་དག་མིན་བསམ་བློ་མི་གཏོང་པར་གང་ནས་སླེབས་ན་དམར་པོ་ཞིག་གྱོན་ཡོད་པ་ཙམ་གྱིས་དགོན་པའི་ནང་ཉར་བཞིད་ཡོད་པས་རེད།
དཀོན་མཆོག་མཁྱེན་ཟེར་ནས་བསྡོད་རྒྱུ་ལས་མང་པོ་གང་ཡང་བཤད་རྒྱུ་མེད་པའི་ང་། བློ་ཕམ་དང་ཁོང་ཁྲོ་ཇི་ཙམ་ལངས་ཀྱང་ཕན་གནོད་ཀྱི་ལས་འབྲས་ཟེར་བ་ནི་ང་རང་རང་ལ་འཁོར་བར་ངེས། དེས་ན་ངས་ངས་མིག་ཆུ་གཏོང་གིན་རང་ས་ལ་འདུག་རྒྱུ་ཡིན།
ལོ་བཅུའི་རིང་ཁྲིམས་ཐག་བཅད་ན་ཉུང་དྲག་འདུག།
ཚེ་བཙོན་དུ་གཞག་ན་འགྲིག་གི།
རྒྱ་གར་ལ་མཚོན་ན་རྒྱུན་ལྡན་ཞིག་རེད་་་་རྒྱ་གར་པ་ཚོས་ང་ཚོ་བོད་པའི་བུད་མེད་ཚོར་གྲངས་ལས་འདས་པ་བཏང་ཡོད་པ་རེད་་་་ཡིན་ནའང་བོད་པ་ཚོ་ངོ་ཚའི་དབང་གིས་གསང་བ་བྱས་ནས་བསྡད་པ་རེད་་་་གསང་བ་འདིས་རྒྱ་གར་པ་ཚོར་ལྷག་པར་སེམས་ཤུགས་དང་གོ་སྐབས་ཤིག་སྤྲད་པ་རེད་་་་་་རྡ་སའི་ཉེ་འཁོར་ན་ཡོད་པའི་བོད་པའི་བུད་མེད་ཚོར་རྒྱ་གར་པས་མ་བཏང་ས་ཞིག་ལྷག་ཨེ་ཡོད་ན
Goodcommend (2013.04.13)
འབྲུག་པའི་གྲྭ་རྫུན་གསུམ་གྱིས་རྒྱ་གར་གླ་འཁོར་གཏོང་མཁན་དང་ངན་པ་ལག་འབྲེལ་བྱས་ཏེ་ལང་ཚོའི་མེ་ཏོག་གཞི་ནས་རྒྱས་འགོ་ཚུགས་པའི་བུ་མོ་ཞིག་ལ་བཙན་གཡེམ་བྱས་པ་དེ་ནི་རྦད་དེ་ཧང་སངས་ཧོན་འཐོར་དགོས་པ་ཞིག་རེད། གྲྭ་བ་བྱེད་རྒྱུ་ཞེས་པ་ནི་རྒྱལ་ཁབ་ཀྱི་ཁྲལ་ལྟར་མི་འདོད་བཞིན་དུ་བྱེད་དགོས་པ་ཞིག་མིན་པས་སོ་སོ་འདོད་པ་མེད་ཚེ་ག་དུས་ཡིན་ཀྱང་མི་སྐྱའི་སྤྱི་ཚོགས་ནང་འཚུལ་ཏེ་བུད་མེད་དང་འབྲེལ་བ་བྱེད་ཆོག་པ་རེད། འདི་ནི་འབྲུག་པའི་གྲྭ་བ་རྣམས་ཀྱང་གཅིག་པ་ཡིན་རྒྱུ་རེད། འོན་ཀྱང་བཙན་གཡེམ་གྱི་ལས་ནི་ཧ་ཅང་གི་མ་རབས་མཐའ་ཤལ་གྱི་ལས་ཀ་ཞིག་ཡིན་པས་ལས་རྒྱུ་འབྲས་དང་སྐྱེ་བ་སྔ་ཕྱི་ཁས་ལེན་པའི་གང་ཟག་ཅིག་ཡིན་ཚེ་དུས་ནམ་ཡང་བྱེད་མི་རུང་བ་ཞིག་རེད་ལ་འདི་འདྲའི་རིགས་ལ་ཁྲིམས་ཐག་ནན་པོ་གཅོད་རྒྱུ་ཧ་ཅང་གི་གལ་ཆེན་པོ་རེད། ངས་གསར་འགྱུར་འདི་ཀློག་སྐབས་ཧང་སངས་པའི་གནས་ཚུལ་ཞིག་མཐོང་བ་ནི་མཆན་འདོགས་མཁན་འཇང་གཡུ་ལྷ་ཐོགས་འགྱུར་ཟེར་བ་ཞིག་གིས་གནས་ཚུལ་དེ་དམིགས་བསལ་གང་ཡང་མིན་ཚུལ་དང་གདན་ས་གསུམ་ན་ཉིན་རྟག་པར་བཙན་གཡེམ་གྱི་གནས་ཚུལ་བྱུང་གི་ཡོད་པ་མ་ཟད་མི་བསད་ནས་མགོ་བཅད་བཞག་ནའང་ཚང་མས་མ་མཐོང་མ་ཐོས་མདོག་མདོག་བྱས་ནས་འགྲོ་གི་འདུག་ཅེས་པ་དེ་རེད། ད་ལྟའི་བར་དུ་རྒྱ་དམར་གུང་ཁྲན་གྱིས་ཀྱང་འདི་འདྲའི་རྫུན་གཏམ་དང་དམའ་འབེབས་ཀྱི་སྐད་ཆ་བཤད་མྱོང་མེད་པར་སེམས། མ་ཟད་འདི་འདྲའི་སྐད་ཆ་རྫབ་ཆེན་དེ་འདྲ་མཆན་ཐོག་ཏུ་བཀོད་རྒྱུའི་ཆོག་མཆན་གནང་མཁན་གྱི་དུས་བབས་ཚང་ཡིན་ནའང་ངེས་པར་བསམ་བློ་གཏོང་དགོས་པ་རེད། མཆན་ལ་ཞིབ་བཤེར་བྱས་ཏེ་བཀོད་ཀྱི་ཡོད་པར་དུས་བབ་ཚང་གིས་གསལ་བོར་བརྗོད་འདུག འཇང་གཡུ་ལྷ་ཐོགས་འགྱུར་ཟེར་བའི་མིས་ཁོའི་བསམ་ཚུལ་བརྗོད་པ་མ་ཡིན་པར་ཁོས་དངོས་སུ་མཐོང་ཡོད་པའི་བཟོ་འདྲ་བོ་ཞིག་བྲིས་འདུག་པས་གདན་ས་སེ་འབྲས་དགའ་གསུམ་ནས་གནས་ཚུལ་དེ་ཁོངས་བསྐྱེལ་བྱེད་དགོས་ཞེས་དུས་བབ་ཚང་འཚོལ་དུ་ཡོང་ཚེ་མི་དེ་ནི་བཤད་མི་དགོས་པ་རེད་ལ། དུས་བབ་ཚང་ལའང་འགན་རྩ་བ་ནས་མེད་པ་ཡིན་རྒྱུ་མ་རེད་བསམ་གྱི་འདུག
གསར་འགྱུར་འདི་ཚགས་ཤོག་ཐོག་བཀོད་ཐུབ་མ་ཐུབ་ཙམ་ལས་དམིགས་གསལ་ཞིག་གང་ཡང་མ་རེད། གྲྭ་ས་སེར་འབྲས་དགེ་གསུམ་ལ་ཉིན་རྟག་པར་བཙན་གཡེམ་ཡོད་ཡོད་པ་རེད། ད་དུང་མི་བསད་མགོ་བོ་བཅད་ནས་བཞག་ཡོད་ནའང་གཡས་གཡོན་ཚང་མས་མ་ཐོས་མ་མཐོང་ཁུལ་བྱེད་ནས་འགྲོ་གི་ཡོད་རེད།
དེ་ལ་ཧ་ལས་ཧངས་སངས་དགོས་ཡག་གལ་མི་འདུག་ག དེ་ལས་སྡུག་པ་གྲྭ་པས་མི་བསད་ཀྱི་འདུག་ག
མགོ་རིལ་གསུམ་གྱི་ངོ་གདོང་ལ་ཡག་པོ་བལྟས་ན། བོད་གདོང་མེད་པར་བལ་གདོང་ཆེ་བར་མི་འདུག་གམ། དེ་གསུམ་གྲྭ་པ་དངོས་གནས་ཡིན་ནམ།
གྲྭ་བ་འདི་ཚོས་ཞབས་འདྲེན་བཞག་ཚར་སོང་། ལྷག་པར་དུ་དགོན་པ་འདི་ལ་མིང་ཆལ་ཞེ་བོ་བཟོས་པ་རེད། མཐོང་ས་དགོན་པ་ཟེར་བ་འདི་འབྲུག་རྒྱལ་བོས་བཞེངས་པའི་འབྲུག་གི་དགོན་པ་རྙིང་ཤོས་རྩ་ཆེན་ཤོས་ཤིག་ལ་བརྩི་བ་རེད། སྤྱི་ལོ་ ༡༦༩༢ ལོར་བཞེངས་པ་རེད། དེང་སྐབས་གྲྭ་བ་ཉིས་བརྒྱ་མ་ཟིན་ཟམ་ཞིག་ཡོད་པ་རེད། གྲུབ་མཐའ་བཀའ་བརྒྱུད་ཡིན་པ་ཡོད་དྲན་སོང་། གསལ་བོ་མི་ཤེས།
འུ་ཚོའི་བཙན་བྱོལ་ཁྲོད་ཀྱི་དགོན་པ་དག་ལ་འདི་དང་འདི་འདྲའི་རིགས་ཅན་བསྟན་པར་རྨ་འབྱིན་པ་ད་དུང་དུ་མ་ཡོད་ངེས་པས་དགོན་བདག་སོ་སོས་ཞིབ་འཇུག་དང་། སྟངས་འཛིན་ནན་པོར་བྱ་རྒྱུ་གལ་ཆེ་རེད་སྙམ།
དེ་རིང་བསྐྱར་དུ་གནས་ཚུལ་ཐོན་པ་ལྟར་ན། གྲྭ་བ་དེ་གསུམ་ཀ་ལོན་སྦུག་གི་ཉེ་འཁྲིས་ Thongsa དགོན་པ་ནས་ཡིན་པ་དང་། འབྲུ་གི་མི་སེར་ཡིན་འདུག གྲྭ་བསམ་གཏན་མཁས་གྲུབ་ལོ་ ༢༡ དང་། ཕུར་བུ་རྡོ་རྗེ་ལོ་ ༢༠ ། ཟླ་བ་གྲགས་པ་ལོ་ ༢༠ བཅས་རེད།
གླ་གཏོང་རླངས་འཁོར་ཁ་ལོ་བ་དེ་རང་ལོ་ ༢༤ དང་། ཀ་ལོན་སྦུག་ Gumbahatta ཞེས་པ་ནས་ཡིན་འདུག
བུ་མོ་དེའི་ནང་མི་བལ་ཡུལ་ནས་ཡོང་བ་དང་ཕ་མ་གཉིས་ས་དེར་ལས་ཀ་ཙག་ཙིག་བྱེད་མཁན་ཡིན་འདུག བུ་མོ་སློབ་གྲྭ་སོགས་ལ་སྐྱོད་མྱོང་མེད་མཁན་ཞིག་ཡིན་འདུག
ད་རེབ་ཀྱི་བཙན་གཡེམ་དོན་རྐྱེན་དེ་རྒྱ་གར་གྱི་ཉེས་ཁྲིམས་ 376 (2) (g) ཞེས་པའི་ཉེས་པ་ཕོག་ཡོད་སྟབས། ལོ་ ༡༠ ནས་ཚེ་བཙོན་བར་གྱི་ཁྲིམས་ཐག་གཅོད་རྒྱུ་ཡིན་འདུག
དྲ་ཐག་ http://www.darjeelingtimes.com/main-news/general/5731-monastery-trio-held-for-rape.html
འགྲོ་བ་མི་ཡི་རྐང་འདྲེན་དེ་དག་མྱུར་ཏུ་བསྒྲལ་བར་འོས་སོ།