༄༅།། བསྐུར་འོས་ཆོས་བརྒྱུད་རིས་མེད་གྱི་བླ་སྤྲུལ་རྣམས་ཀྱི་གཙོས་རང་རིགས་བོད་མི་ཡོངས་ལ་ཆེད་དུ་ཞུ་རྒྱུར།
གངས་ལྗོངས་བོད་ཀྱི་ཆོས་དང་རིག་གཞུང་ཆགས་འཇིག་གི་སོ་མཚམས་སུ་བསླེབས་པའི་གཉན་ཕྲེང་གི་སྐབས་འདིར་རང་ནུས་ཅི་ཕན་གྱིས་བོད་སྤྱི་མཐུན་གྱི་བསོད་ནམས་གསོག་པར་ལས་དོན་གང་ཐུབ་སྒྲུབ་ཆེད་རིས་མེད་བླ་སྤྲུལ་ལྷན་ཚོགས་ཀྱི་ལས་འཆར་འདི་ལ།ཡོངས་རྫོགས་བསྟན་པའི་མངའ་བདག་༧དཔལ་ས་སྐྱ་བའི་ཁྲི་འཛིན༧གོང་མ་བདག་ཁྲི་རིན་པོ་ཆེའི་གཙོས་ཆོས་བརྒྱུད་ཁག་གི་དབུ་འཛིན་རྣམས་ཀྱི་དགོངས་བཞེད་དང་ཐུགས་ཁུར་འོག་ད་བར་ལྷན་ཚོགས་འདིའི་ལས་འཆར་ལ་འབད་པ་ལྷུར་ལེན་བྱས། འོན་ཀྱང་མི་རེ་ཟུང་ཞིག་གིས་ལྷན་ཚོགས་འདིའི་དགོས་པ་དང་དམིགས་ཡུལ་ལ་འགྲེལ་བཤད་སྣ་ཚོགས་བརྒྱུད་བསྒྲགས་བྱས་བའི་རྒྱུ་རྐྱེན་དང་ཉེར་ལེན་ལ་བརྟེན། ད་ཆ་ལྷན་ཚོགས་འདིའི་ལས་དོན་ལག་ལེན་ལ་འགོག་སྐྱེན་རིམ་པར་འཕྲད་ཡོད། ད་རེས་ལག་ཟུང་ཐལ་མོ་སྙིང་གར་སྦྱར་ཏེ་ཞུ་རྒྱུར། བོད་མི་སུ་འདྲ་ཞིག་ཡིན་ཡང་བོད་སྤྱི་བའི་ཛ་དྲག་གི་ཉེན་ཚབས་འདིར་ཐུགས་ཁུར་དང་ཚོར་སྐྱེན་ཡོད་ངེས་པ་ལགས་ན། སྐུ་ཉིད་ཀྱིས་ཀྱང་ཐུགས་རྒྱ་ཆེ་བཞེས་ཀྱིས་བློ་གཟི་བོར་གནས་ཏེ་ཐུགས་བསམ་བསྐྱར་ནན་གནང་རོགས་ཞུ་རྒྱུ་དང་། གལ་སྲིད་ལྷན་ཚོགས་འདིའི་དགོས་དམིགས་ཀྱི་རྒྱབ་མདུན་ལ་ཐུགས་དོགས་ཡོད་ཚེ་ཐད་ཀར་རྩད་ཞིབ་དང་དོགས་འདྲི་གནང་རྒྱུ་གལ་ཆེ། སྐབས་དེར་སྐབས་དོན་དང་འབྲེལ་བའི་བཀའ་ལན་ཞིབ་ཚགས་ཕུལ་ཆོག མཐའ་དོན་རང་ཅག་རྣམས་ཀྱི་དམ་ཚིག་འོ་ཆུ་གཅིག་འདྲེས་ཀྱིས་ཐུགས་སྣང་དང་མཉམ་རུབ་གནང་ཐུབ་པའི་རེ་བ་དང་ཡིད་ཆེས་ཡོད།
འབྲེལ་བ་གནང་ཡུལ།
ཞེས་འབྲས་སྒོ་མང་བརྩི་བཞག་སྤྲུལ་མིང་བས།
