༸གོང་ས་མཆོག་གིས་ཨི་ཊ་ལི་དང་སུད་སི། བྱང་ཨར་ལན་ཌི། དབྱིན་ཡུལ་བཅས་སུ་ཆོས་ཕྱོཊ་མཛད་འཕྲིན་ཁག་བསྐྱངས་ཏེ། དེ་རིང་ཕྱི་ཚེས་ ༢༢ ཉིན་བོད་གཞུང་མང་གཉིས་ཀྱིས་ཕེབས་བསུའི་ཁྲོད་ཕྱིར་བཞུཊ་སྒར་དུ་ཞབས་སོར་འཁོད་སོང་།
ཟླ་འདིའི་ཕྱི་ཟླ་ ༤ པའི་ཚེས་ ༡༡ ནས་ཚེས་ ༢༡ ཉིན་བར་དུས་ཡུན་བདུན་ཕྲག་གསུམ་ཙམ་རིང་། ༸གོང་ས་མཆོག་གིས་ཡུ་རོབ་རྒྱལ་ཁབ་ཨི་ཊ་ལི་དང་སུད་སི། བྱང་ཨར་ལན་ཌི། དབྱིན་ཇི་བཅས་སུ་ས་གནས་མང་ཚོགས་ལ་ཆོས་འབྲེལ་དང་བཀའ་སློབ། དེ་བཞིན་རྒྱལ་ཁབ་ཁག་གི་མཐོ་རིམ་དཔོན་རིགས་ཚོར་མཇལ་འཕྲད་བཅས་གནང་སྟེ། དེ་རིང་ཕྱི་ཚེས་ ༢༢ ཉིན་གྱི་ཉིན་གུང་ཆུ་ཚོད་ ༡༢ ཙམ་ལ་བོད་མིའི་སྒྲིག་འཛུགས་མང་གཙོ་ཀ་བ་གསུམ་གྱི་མཛད་གཙོ་རྣམ་པ་དང་། ངྷ་སའི་སེར་སྐྱ་མང་ཚོགས་ཀྱིས་ཕེབས་བསུའི་ཁྲོད་ཕྱིར་བཞུགས་སྒར་ཕོ་བྲང་དུ་ཞབས་སོར་བདེ་བར་འཁོད་སོང་།
ཕྱི་ཚེས་ ༢༨ ནས་ ༢༩ ཉིན་བར་༸གོང་ས་མཆོག་གིས་རྒྱ་གར་ཧི་མ་ཅལ་མངའ་སྡེར་རྟེན་གཞི་བྱས་པའི་ཌལ་ཧོལ་གཏན་སློབ་དབུ་བརྙེས་ཏེ། མི་ལོ་ ༥༠ འཁོར་བའི་དུས་དྲན་མཛད་སྒོར་ཆིབས་བསྒྱུར་བསྐྱང་རྒྱུ་དང་། ཕྱི་ཟླ་ ༥ པའི་ནང་མུ་མཐུད་དུ་ཨ་རིའི་གྲོང་ཁྱེར་ཁག་ཅིག་མཛད་འཕྲིན་བསྐྱང་རྒྱུ་ཡིན་འདུག
གསར་འགོད་པ། དཔལ་ལྡན།
