བོད་རང་བཙན་ལངས་ཕྱོཊ་ལ་འགྱུར་བ་གཏོང་དགོས།

གལ་སྲིད་སྲིད་སྐྱོང་དང་བཀའ་ཤག ཡང་ན་བཀའ་དྲུང་ཡིག་ཚང་སུ་ཡིན་ཡང་རང་བཙན་ལས་འགུལ་སྤེལ་འགྲོ་སྐབས་ཐོངས་ཆེན་རྒྱབ་གཉེར་གནང་བ་དེ་ནོར་བ་རེད། ལྐོག་གཡོ་ངན་ཇུས་རང་རེད། ཤར་ཕྱོགས་ཁུག་རྟས་འདི་ལས་ཀྱང་ཐད་ཀར་བཀའ་ཤག་ལ་སྙན་ཞུ་ཕུལ་ནས་གསལ་བཟོ་གནང་ན་ཡག་གི་རེད། འདི་དབུ་མ་པ་དག་གི་འགན་རེད་བསམས།།

ད་བྱས་དུས་བོད་མའི་སྒྲིག་འཛུགས་ཀྱིས་རང་བཙན་རྩོད་མཁན་རྣམས་ལ་དགྲ་བོའི་འདུ་ཤེས་འཛིན་དགོས་ཀྱི་ཡོད་པ་རེད། རྨི་ལམ་སྐྱིད་པོ་མ་གཏོང་ཤར་ཁུག་ལགས། བོད་མིའི་དབུ་ཁྲིད་རྣམས་དགྲ་གཉེན་དང་ཁེ་གྱོང་གི་དབྱེ་བ་མི་ཤེས་པའི་ལྐུགས་པ་དག་དག་མ་རེད་ད། དོན་འགྲུབ་ལྷ་དར་ལགས་ནས་གསལ་བཤད་གནད་ལ་ཕིགས་པ་གནང་སོང་བར་རྗེས་སུ་ཡི་རང་ཡོད། དེ་མིན་མི་འདིའི་སྨྱོ་ཧམ་ཇེ་ཆེ་རེད་ལ། མི་ཅོལ་ཆུང་འགའ་ཤས་མགོ་སྐོར་ཡང་ཐེབ་སྲིད་པ་རེད།

དོན་གྲུབ་ལྷ་དར་ལགས་ལ་བར་དོ་ངོ་སྤྲོད།

༄༅།། ཚིག་གི་མགོ་བསླངས་ཙམ་ནས་རང་ནོངས་ཁོག་ལ་མ་ཤོང་བར་ཐད་ཀར་མིའི་ཀུན་སྤྱོད་སྟེང་མཛུབ་མོ་བཙུགས་ཡོང་བ་འདིས་གནད་དོན་མང་པོ་ཞིག་རང་བཞིན་གྱིས་གསལ་བཤད་བྱེད་ངེས་པ་དང། ལྷག་པར་རྒྱལ་ཁམས་ཀྱི་ཁ་ན་ཤེས་རབ་ཀྱི་མིག་ཡོད་གསུངས་པ་ལྟར། ནག་མོ་ཇོ་འཛིང་ལྟ་བུའི་ང་མཆོག་ཁྱེད་དམན་གྱི་རྩོད་པ་བྱེད་པའི་སྲོལ་རྒྱུན་དང་ཁོར་ཡུག་གཉིས་ཀར་ལས་སྨོན་གྱིས་འབྲེལ་བ་སྤུ་ཙམ་མ་བྱུང་སྟབས། ཤེས་བྱའི་ནང་ཁོག་གི་རང་གཟུགས་སྟོན་པའི་ནག་འགེལ་རིགས་ལ་ཞུགས་འདོད་མེད།

དོན་གྲུབ་ལྷ་དར་ལགས་རང་བཙན་འཐབ་རྩོད་ཀྱི་མི་ཁོམ་དགུའི་བར་ཚུད་ནས། ད་བར་བོད་རང་བཙན་གྱི་ལོ་རྒྱུས་ཀྱི་གནས་བབ་ཐད་བསྐྱར་ཞིབ་གོ་བདེར་གསལ་འགྲེལ། རྒྱ་ནག་གིས་ཡོན་རྒྱལ་རབས་ནས་བཟུང་བོད་རྒྱ་ནག་གི་ཆ་ཤས་ཡིན་ཚུལ་གྱི་སྒྲུབ་བྱེད་ཕྲེང་བསྟར་སྒྲིག་པའི་རྫུན་རྐུབ་བརྡོལ་རྒྱུ་སོགས་ལ་ཤོག་ལྷེ་གཅིག་སྟོན་རྒྱུ་ཡོད་པ་ལྟ་ཞོག ཐ་ན་རང་བཙན་ཞེས་སྐད་ཤུགས་ཆེན་པོས་བཤད་པ་དེ་བཞིན་བོད་རང་གི་ལོ་རྒྱུས་དེབ་ཐེར་དག་གི་གུང་སྒྲིག་ནས་རང་དང་ལས་རོགས་རྣམས་ལ་ལས་འབྲས་ཀྱི་དྲི་བ་ཞིག་གཏོང་དགོས་ཚོད་གདའ་ཡང། རང་བཙན་འཐབ་རྩོད་པས་བོད་རང་བཙན་ལོ་རྒྱུས་ཐད་ཀྱི་གནད་འགག་རྣམས་མི་ཤེས་པ་ནི་ཅི་འདྲའི་ཐབས་སྐྱོ་ནའང་བཤད་ནས་ག་ལ་ཕན།

སྐབས་བབ་ཁོ་བོས་འདིར་སྙོག་ལས་དེ་རིགས་བཤད་དགོས་དོན་ཡང་ཕྱོགས་ལྷུང་དྲང་པོར་ཨེ་ཡོང་བསམས་པ་ཡེ་ནས་མེད། ཡིན་ནའང། དྲང་བདེན་གྱི་དྲི་མ་ཡལ་བའི་༧གོང་ས་ཆེན་པོའི་སྲིད་སྟེགས་དང། མི་མང་གི་རེ་བཅོལ་བློ་གཏོད་མཚམས་བཞག་མ་མྱོང་བའི་སྲིད་ཁྲི་འདིར་ཁོ་པ་ཚོའི་གོམས་སྲོལ་”ཕྱོགས་ལྷུང་ཟློས་གར་”བསྐྱར་འཁྲབ་བྱེད་ཀྱི་བསྡད་པ་ཡིན་ན། རྒྱུ་མཚན་གྱི་གཡོག་ལ་རྒྱུགས་ཤིང་རང་དོན་གཏམ་དོད་རྒྱང་ལ་བསྐུར་བའི་ཡི་གེ་བ་དག་དང་གཞི་རིམ་མང་ཚོགས་ཀྱིས་ཡན་པོར་མི་འཇོག་པ་ནི་ཆོས་ཉིད་ཅིག་ཡིན་པས་ལས་འབྲས་ཤེན་འབྱེད་མི་ཡོང་བ་ག་ལ་སྲིད་མོད། དོན་གྲུབ་ལྷ་དར་ལགས་ཀྱིས་ད་དུང་སྲིད་སྐྱོང་འགེབས་ཐུབ་ཀྱིས་བཀའ་ཤག་ལ་ཐོངས་ཆེན་རྒྱབ་གཉེར་སྤྲོད་སྲོལ་ཡོད་ལུགས་ལྟ་བུར་ཧམ་བཤད་བྱས་ཏེ། ནང་དོན་རང་གིས་རང་བཙན་ལས་འགུལ་སྤེལ་རྒྱུར་དབུ་མའི་གཞུང་གིས་ཨ་རིའི་ཐོངས་ཆེན་ཞུས་པའི་ནག་ཁུངས་ནང་གི་དོན་དངོས་ཁས་བླངས་པ་དང་སྦྲགས། གནང་ས་གནང་མཁན་གཉིས་ཀའི་སྙོག་ལས་དེ་བཞིན་སྔར་གྱི་ལམ་སྲོལ་ཡིན་ཟེར། ཧམ་པ་དང་བཙོག་པ་ལག་པས་འགེབས་བཞིན་ནམ་ཞག་བསྐྱལ་མིན་སོ་སོའི་འདོད་པ་རེད།

ཡིན་ནའང། ངས་བརྗོད་དོན་གཙོ་བོ་ནི། དཔལ་ལྡན་སྲིད་སྐྱོང་ཡིན་ན་འདྲ། དཔལ་ལྡན་བཀའ་ཤག་ཡིན་ན་འདྲ། ད་ལྟའི་ཆར་རང་བཙན་ལས་འགུལ་སྤེལ་རྒྱུར་མཐུན་འགྱུར་ཞུས་པ་ཡིན་ན། རྩ་བའི་ལངས་ཕྱོགས་དང་འགྲིག་གི་ཡོད་པ་མ་རེད་ལ། བཀའ་ཤག་གི་སྲོལ་རྒྱུན་དང་ཁྱོན་ནས་མཐུན་གྱི་མེད་སྟབས། དེ་ལྟར་གནང་ན་ཁ་ཞེ་མི་མཚུངས་པ་ལྟ་བུར་གནས་པ་གསལ་བོ་རེད་ཅེས་པ་འདི་ཡིན། དཔེར་ན། གཞུང་འབྲེལ་མིན་པའི་ཚོགས་པ་རྣམས་གཞིས་ཆགས་ཁག་ཏུ་ལས་འགུལ་སྤེལ་འགྲོ་སྐབས། ལས་འགུལ་དེ་དག་གཞུང་གི་ལངས་ཕྱོགས་དང་མཐུན་ནའང། བཀའ་ཤག་དང་ས་གནས་གཞིས་མགོ་གཉིས་ཀས་མི་མང་བསྡུ་སྐོང་ཙམ་ལའང་རྒྱབ་གཉེར་མི་གནང་རྒྱུ་ནི་བཀའ་ཤག་གི་ཐག་གཅོད་ཡིན་སྟབས། ཐོངས་ཆེན་ཞུ་བའི་གནད་འགག་ཆེ་རིགས་ལ་རྒྱབ་གཉེར་གནང་ཐབས་ག་ལ་ཡོད། དོན་གྲུབ་ལྷ་དར་ལགས་ཀྱིས་ཀྱང་འདི་ལ་ཡག་བཤད་གནང་རྒྱུ་མེད་ལ་ལོས་མཁྱེན། སོང་ཙང། བཀའ་ཤག་གིས་འདིའི་ཐད་གསལ་བཤད་ངེས་པར་དགོས།།
༢༠༡༣། ༤། ༢༨། ཉིན།།

གཞོན་ནུའི་ཚོགས་གཞོན་ཨ་རིའི་ནང་རང་བཙན་ལས་འགུལ་སྤེལ་རྒྱུར་མཐོང་ཆེན་ཞུ་མཁན། སྲིད་སྐྱོང་བློ་བཟང་སེང་གེ་ཡིན་ན། ད་པེ་ཟགས་རེད། ཆོ་མེད་པ་རང་རེད།།

ཤར་ཁུག་ཁྱེད་རང་སྡུག་སྐད་རྒྱབ་མ་རྒྱབ་གང་ཡང་ཡོད་པ་མ་རེད། སྔར་ནས་ཁྱེད་རང་གི་མི་གཞི་ལྷང་ལ་བུད་ཟིན་པ་རེད། ཁྱེད་རང་གི་སྐད་ཆ་ལ་ཡིད་ཆེས་བྱེད་མཁན་སུ་ཡང་ཡོང་གི་མ་རེད། དེ་ལས་རྒན་པོ་ཤི་ཁ་མ་ཎི་རེ་འདོན་ཨེ་ཐུབ་བལྟས་ན་ཡག་ཤོས་རེད།

རང་བཙན་ཤུགས་ཆེན་པོས་བྱེད་ཁུལ་གྱིས་༧གོང་ས་མཆོག་དང་དབུ་མའི་ལམ་ལ་སྐུར་འདེབས་བྱེད་པ་འདི་དངོས་གནས་བྱས་ན་བྱབ་ཆུང་གི་ལས་ཀ་རེད། ཉེ་སྔོན་གཞོན་ནུའི་ཚོགས་གཞོན་དོན་གྲུབ་ལྷ་དར་ལགས་ཨ་རིར་སོང་ནས་གང་བྱུང་མང་བྱུང་བཤད་ཡོད་པ་གསལ་བོ་རེད། དེར་བཀའ་ཤག་གསར་པས་དགོངས་པ་ནན་མོ་ཞིག་བཞེས་དགོས་ཀྱི་འདུག་བསམས་ནས་བསྡད་ཡོད་དུས། དོན་གྲུབ་ལྷ་དར་ལགས་མ་གཞི་ནས་སྲིད་སྐྱོང་བློ་བཟང་སེང་གེ་མཆོག་ནས་རྒྱབ་གཉེར་ཤུགས་ཆེ་གནང་ནས་ཨ་རིང་ཕེབས་པ་ཞིག་རེད་འདུག མཐོང་མཆན་མ་སྤྲད་པ་ཞིག་ལ་བོད་ཀྱི་སྲིད་སྐྱོང་གིས་རྒྱབ་གཉེར་བྱས་ཏེ་”ཨ་རིའི་ནང་བོད་དོན་དྲིལ་བསྒྲགས་བྱེད་དགོས་པར་”འཁོད་རྐྱེན་ལོ་བཅུའི་མཐོང་མཆན་སྤྲད་འདུག སྲིད་སྐྱོང་དབུ་མ་པ་ལ་རང་བཙན་དྲིལ་བསྒྲགས་མཁན་ཞིག་དགོས་དོན་མེད་ནའང། སྲིད་སྐྱོང་གི་གནང་སྟངས་འདིས། སྲིད་སྐྱོང་སྐུ་ཉིད་དབུ་མའི་ལམ་ལ་ཡིད་ཆེས་ཡོད་མེད་དང་ཁ་ཞེ་གཉིས་མེད་ཡིན་པ་རྒྱ་ཕར་ཞོག བོད་མི་རྣམས་དོགས་པ་ཟ་དགོས་པ་ཞིག་རེད་འདོད་པས། བོད་མི་མང་གིས་ཕྱོགས་སྒྲིལ་ངན་རྒྱབ་ཇག་ལངས་བྱས་ཏེ་གཞུང་དང་གཞུང་གི་མཚན་མཐོང་བེད་སྤྱོད་ལོག་པར་གཏོང་བ་འདི་རིགས་ཤེས་དགོས་སྟབས།

བློ་བཟང་ཆོས་འབྱོར་རམ་ཤར་ཕྱོགས་ཁུག་རྟས་གཟབ་ནན་གྱིས་བསྒྲགས་པའོ།།

བོད་དགའ་ལགས་ནས་རིག་པའི་འཕྲུལ་འཁོར་བསྐོར་ཁུལ་གྱིས་བློ་བཟང་ཆོས་འབྱོར་གྱི་གཏམ་ལ་ལོག་འགྲེལ་བྱེད་མོད། དེ་ཡང་མི་སྐྱོན་སྟེ།

རང་བཙན་༧གོང་ས་ཆེན་པོ་བཅུ་བཞི་པས་བློས་བཏང་བ་ལྟ་བུའི་འདོད་ཚུལ་འཛིན་མཁན་དང། ཡང་ན་༧གོང་ས་ཆེན་པོས་མ་བབས་པའི་འཁུར་བོ་ཆེན་པོ་ཞིག་དང་དུ་བླངས་པ་སྟེ་མདོ་ཁམས་སྟོད་སྨད་ཡར་དྲུད་ནས་ཡོང་གི་འདུག་མདོག་མདོག་བྱེད་མཁན་གྱི་རང་བཙན་པ་ཚོས། སྐད་ཡིག་ཆོས་རིག་གང་ཡང་མི་གཙོ་ལ། བོད་མི་ཐམས་ཅད་ཀྱི་སྐྱིད་སྡུག་མཉམ་མྱོང་གི་འདུན་པ་གཅིག་སྒྲིལ་ཡང་མི་གཙོ་བར། གཙོ་བོའི་ནང་གི་གཙོ་བོ་བོད་ས་ཆུང་ཆུང་ཞིག་ལ་རང་བཙན་ཆུང་ཆུང་ཞིག་ཐོབ་ན་བསམས་པ་དག་གི་ཕྱི་ནང་གསང་གསུམ་གྱི་བྱ་བྱེད་ལས་གསུམ་གྱི་འབྲེལ་ཐོགས་ལྟོས་བཅས་ཚང་མ་དབུ་མའི་ལམ་དང་བློ་བཟང་ཆོས་འབྱོར་ཞེས་འབོད་པའི་མདུང་རྩེ་ཁ་སྤྲོད་བྱེད་ས་ཡིན་པས།

བོད་མི་ཚང་མའི་སྐྱིད་སྡུག་མཉམ་མྱོང་དང་ཤི་གསོན་མཉམ་རུབ་ཀྱི་འདུན་པ་ གཅིག་པུར། གང་ཟག་བྱེ་བྲག་པའི་ཚུལ་མིན་ལམ་སྟོན་རྒྱུ་མཚན་བྱས་ཏེ་སྤྱི་ལས་སྒེར་གཙོ་བའི་ཁུངས་རུལ་རུ་དཔུང་གི་རྒོལ་སྟངས་ཡིན་ན་འདྲ། གངས་ཅན་པ་སྤྱིའི་འཚོ་གནས་འཆའ་ཕྱོགས་གཏན་དུ་ཁ་མི་འཐོར་རྒྱུར་འདོད་མོས་མེད་ཚུལ་སྟོན་པའི་ཁུངས་མེད་རུ་དཔུང་ཡིན་ནའང་འདྲ། དེ་དག་ཀུན་གྱི་རྐུབ་ལ་གཡམ་རྒྱུགས་ཅལ་འདྲོགས་ཀྱིས་འདེད་པའི་དབང་རྟུལ་ཁེ་ཕན་གྱི་རྗེས་སུ་འབྲངས་པ་ཡིན་ནའང་འདྲ། འདི་དག་གིས་ལངས་ཕྱོགས་དང་དམིགས་དོན་གང་འདྲ་ཞིག་གི་མིང་བྱང་འཁྱེར་སྟེ་འཐབ་རྩོད་བྱས་ཀྱང། དེ་ནི་དབུ་མའི་ལམ་གྱི་རླབས་ཆེན་དགོངས་གཞི་དང་བོད་སྤྱིའི་མདུན་ལམ་དང་རྒྱབ་འགལ་དུ་སོང་བ་ངོས་ཟིན་པའི་ཐོག རྒྱ་ནག་ལ་གཟབ་གཟབ་བྱས་པ་ལྟར་གཟབ་གཟབ་བྱ་དགོས་པའི་དུས་ལ་བབས་ཡོད་པར་མཐོང་ངོ།།

བློ་བཟང་ཆོས་འབྱོར་གྱིས་“རང་བཙན་རྩོད་པའི་མདུང་རྩེ་དབུ་མའི་ལམ་དང། སྤྱི་ཚོགས་བདེ་འཇགས། ༧གོང་ས་ཆེན་པོའི་སྟེང་གཏད་པ་ཡིན་ན་དེ་ལ་སུས་ཀྱང་བཟོད་སྒོམ་བྱེད་ཐབས་བྲལ།” ཟེར། དེས་ན་ཁྱོད་ཀྱིས་བརྒྱ་བཤད་སྟོང་ལ་བཏུག་ཀྱང་། །ཡོས་ལ་འབབ་རྒྱུ་རྩམ་པ། །ཞེས་པ་ལྟར་རང་བཙན་འདོད་མཁན་གྱི་མི་དེ་ནི་ནམ་ཡང་མདུང་རྩེ་ཞིག་སྟེ་དབུ་མའི་ལམ་གཏོར་མཁན། སྤྱི་ཚོགས་ཀྱི་བདེ་འཇག་དཀྲོག་མཁན། ༸གོང་ས་མཆོག་གི་སྐུ་གསུང་ཐུགས་ལ་བཤེ་མཁན་ཞིག་རེད་ཅེས་པ་འདི་རེད།
ངའི་ཡ་ཁོག་ཏུ་ཁྱོད་ལ་དྲི་བ་སྟོང་ཕྲག་འགའ་ཞིག་ཡོད་པ་ལས་དཔེར་མཚོན་གཅིག་ཁོ་ན་འདྲི་ཡི་ཡིན། གཡས་དང་གཡོན་སོགས་རྙོག་བཤད་ལུང་པ་གང་གིས་འགེབ་ཐབས་མི་བྱ་པར་ལན་དྲང་པོ་གནང་རོགས།
ཨ་རིར་སྐུ་ཞི་བར་གཤེགས་པའི་སྐུ་གཅེན་པོ་སྟག་འཚེར་རིན་པོའི་སྲས་འཇིག་མེད་ནོར་བུ་སོགས་གཙོས་ཁྱིམ་ཚང་གཅིག་གི་མི་རབས་ནས་ད་བར་བོད་མི་ས་ཡ་དྲུག་གི་དོན་དུ་རང་བཙན་བརྩད་དང་རྩོད་བཞིན་པ་རྣམས་༸གོང་ས་མཆོག་ལ་གདུང་རྩེ་གཏོད་པ་ཡིན་ནམ།

བོད་དགའ་ལ།

དབུ་མའི་ལམ་ལ་ལོག་འགྲེལ་བྱེད་ཡུལ་དང། བྱས་ཏེ་མགོ་བསྐོར་འོག་ཚུད་འགྲོ་བ་ཞིག་ཡོང་གཞི་མེད་པ་གསལ་བོ་ཡིན་པ་ལྟར། རང་བཙན་རྩོད་པའི་མདུང་རྩེ་དབུ་མའི་ལམ་དང། སྤྱི་ཚོགས་བདེ་འཇགས། ༧གོང་ས་ཆེན་པོའི་སྟེང་གཏད་པ་ཡིན་ན་དེ་ལ་སུས་ཀྱང་བཟོད་སྒོམ་བྱེད་ཐབས་བྲལ་བ་མ་གཏོགས། རྒྱ་ནག་གཞུང་གི་དབང་བསྒྱུར་འོག་ནས་རང་བཙན་བརྩད་དེ་དབུ་མའི་ལམ་ལ་གནོད་སྐྱེལ་ཡོང་གི་ཡོད་ན་དེར་ངོས་ལེན་ཞུ་རྒྱུ་ལས། གནོད་སོང་ཞེས་རིག་རྡིབ་ཕག་གི་སྐད་ཆ་དེ་འདྲ་སུས་ཀྱང་བཤད་མི་སྲིད་པས། རང་གི་རྣམ་དཔྱོད་དང་གསལ་ཆ་མཐོང་བའི་མིག་དེ་ལོང་པ་མ་བཟོས་ན་འདྲ་ཆགས་པོ་མི་འདུག་གམ།

གནས་ཚང་ནས།
ལི་ཐང་ཨ་ཐར། གུང་ཐང་ཚུལ་ཁྲིམས། ཨ་ལོ་ཆོས་མཛད་བཅས་ལ་དགོངས་དག་མ་ཞུས་ན་ཟེར་བས་ཁ་སྟབས་འདིས་ཁོང་གི་ནང་སྙིང་མི་མཐོང་བ་ཞིག་མ་རེད། དགོངས་སེལ་ཞུ་དགོས་པ་ག་རེ་ཡོད་མེད་དང། དགོངས་སེལ་ཞུ་དགོས་པ་ཞིག་ཡོད་ནའང། དེར་ཡ་ལན་སློག་སྟངས་རང་བཙན་འཛིན་མཁན་གྱིས་དབུ་ལམ་མི་འདོད་པར་བསྙད་དེ་སྒེར་འཁོན་ཡོད་མདོག་སྟོན་པ་འདི་འདྲ་ནི་ཆེས་བྱབ་ཆུང་གི་བཀའ་མོལ་རང་རེད་འདུག ལར་ནས། དགོངས་སེལ་ཞུ་དགོས་རིགས་ཤོག་བུར་དཀར་པོར་ཡི་གེ་ནག་པོ་ཁྲ་ལམ་མེར་བཀོད་ཐུབ་ན། གུས་བརྩིས་ཐོག་བགྲོ་གླེང་བྱེད་རྒྱུར་གྲ་སྒྲིག་ཨང་གསར་ཡོད།

ལུང་རྟོགས་ལའང་ཞོར་དུ།

རང་སྐྱོང་མ་ཐོབ་པར། རང་སྐྱོང་འཛིན་སྐྱོང་གཅིག་ཏུ་སྒྲིལ་རྒྱུའི་འཐབ་རྩོད་ནང་སྐར་ལྔའི་དར་དམར་དང་གངས་སེང་དར་ཆ་ནམ་མཁའི་མཐོངས་སུ་སྒྲེང་རྒྱུ་ནི་ཁོ་བོའི་རྩ་བའི་འདོར་དུ་མེད་པའི་རྩ་བའི་དམ་བཅའ་ཡིན་ལ། གཉིས་སྨན་དབུ་མའི་ལམ་གྱི་སྙིང་དོན་དང་མཐུན་པའི་ལུང་རིགས་ཀྱི་སྒྲུབ་བྱེད་རི་ལྟར་ས་ཆེན་པོར་བཀོད་ཟིན། དེ་ལ་རིགས་པ་དང་བཅས་པའི་དགག་ཆར་ལྟར་འབབ་རྒྱུ་ཡོད་ན་ལས། སྐར་ལྔའི་དར་དམར་རམ་”རྒྱ་མིའི་དར་ཆ་”ཟེར་བ་ཙམ་གྱི་སེམས་ཚོར་ཙམ་གྱི་ན་ཟུག་བཟོད་ཀྱི་མི་འདུག་ན། སྡུག་གྱོང་རེད་ཅེས་སྐད་གསེང་མཐོན་པོས་ཞུ་རྒྱུ་མ་གཏོགས་མེད།།

དེང་སྤྱི་ཚོགས་ཁྲོད་མི་འགའ་ཞིག་གིས་གནས་ལུགས་མཁྱེན་གྱི་མི་འདུག ཐོག་མར་བོད་གཞི་བྱེས་གཉིས་ཀྱིས་རང་བཙན་དང་དབུ་ལམ་གང་ཞིག་རྩོད་དགོས་མིན་གནད་འགག་མ་རེད། ཕར་རོལ་རྒྱ་གཞུང་ཕྱོགས་ནས་བོད་དོན་ཐོག་གོ་བ་ལེན་སྟངས་དང་འཆར་གཞི་གང་ཞིག་འདུག་དཔྱད་དགོས་པ་གལ་ཆེན་རེད།
དབུ་ལམ་ལ་ལོག་འགྲེལ་བྱེད་མཁན་ཁྱུ་ཞིག་གིས་(ཤར་ཁུག་གཙོས་གོང་གི་ས་རྟགས་རྒྱབ་ཡོད་པའི་ཚོགས་མི་སོགས་)གཞོན་ནུས་རང་བཙན་བརྩད་པའི་རྒྱུ་མཚན་གྱིས་དབུ་ལམ་གྱིས་བོད་དོན་དཀའ་ངལ་སེལ་བར་འགོར་སོང་བར་འདོད། འོ་ན་དེ་སྔོན་གྲོས་མོལ་སྐབས་སུ་རྒྱ་གཞུང་ནས་༸ཏཱ་ལའི་བླ་མས་ཕུགས་སུ་རང་བཙན་དང་དྲག་སྤྱོད་སྤེལ་རྒྱུ་ཡོད་པ་མཚམས་འཇོག་དགོས་པ། ཆོལ་ཁ་གསུམ་པོ་ཡོངས་རྫོགས་ལ་རང་སྲིད་རང་སྐྱོང་ཞིག་གཏན་ནས་ཡོང་ཐབས་མེད་པ། ཉིས་སྟོང་བརྒྱད་ནས་བཟུང་བོད་དུ་ཞི་རྒོལ་བྱུང་ཚད་དྲག་སྤྱོད་དང་དེའི་ཇུས་སྟོན་པ་༸ཏཱ་ལའི་བླ་མ་དང་བཙན་བྱོལ་གཞུང་ཡིན་པ་ཁས་ལེན་དགོས་པ། སྐུ་འཚབ་རྣམས་༸ཏཱ་ལའི་བླ་མ་སྒེར་ངོས་ཀྱི་འཐུས་མི་ཞིག་ལས་བོད་གཞི་བྱེས་གཉིས་ཀྱི་འཐུས་མི་ཞིག་ནམ་ཡང་མིན་པ་སོགས། རྒྱ་གཞུང་གིས་ད་བར་ང་ཚོའི་དངོས་ཡོད་གནས་ཚུལ་དང་འདོད་དོན་ལ་རྒྱབ་འགལ་ཤ་སྟག་བཤད་ནས་བསྡད་པ་དེ་དག་ལ་ང་ཚོས་གོ་བ་ལེན་ཚེ་རྒྱ་གཞུང་ནས་དུས་ནམ་ཡང་གྲོས་མོལ་བྱ་འདོད་མེད་པ་གསལ་པོ་རེད། སྐུ་འཚབ་ཚོས་ཀྱང་དོན་དེ་དག་ཉམ་མྱོང་གི་ཐོག་ནས་ཧ་གོ་རྗེས་དགོངས་ཞུས་གནང་སོང་། དགོངས་ཞུ་སྐབས་སུ་ཁོང་རྣམ་པས་ཕྱིན་ཟིན་པའི་ལོ་མང་རིང་འབད་པའི་གྲུབ་འབྲས་གང་ཡང་མ་བྱུང་བར་རྒྱ་ཆེའི་མི་མང་རྣམས་ལ་དགོངས་སེལ་ཞུས་སོང་མ་གཏོགས་མུ་མཐུད་འགྲེལ་མོལ་གྱི་ལམ་ཀ་འདི་འདྲ་ཞིག་འདུག་པས་མི་རབས་གསར་པ་ཚོས་འདི་དང་དེ་གནང་དགོས་ཞེས་གང་ཡང་གསུང་རྒྱུ་མི་འདུག

འགའ་ཞིག་གིས་གྲོས་མོལ་བྱས་པའི་རྒྱུད་རིམ་ཁྲོད་གྲུབ་འབྲས་བྱུང་ཡོད་པ་དང་དང་དེང་རྒྱ་ཕྱོགས་ནས་རྣམ་འགྱུར་བཟང་ཕྱོགས་ཡོད་པར་གླེང་བཞིན་འདུག གྲུབ་འབྲས་ཇི་བྱུང་བོད་ནང་གི་གནས་སྟངས་ལ་གཞིག་དགོས་པ་ལས་ཕྱི་ལོག་ཏུ་རྒྱ་མི་རིགས་རྣམས་ཀྱི་མཉམ་དུ་སྐད་ཆ་མང་པོ་བཤད་ཐུབ་པ་ཙམ་ཞིག་ལ་དུས་ནམ་ཡང་རྣམ་འགྱུར་བཟང་ཕྱོགས་ཞེས་མི་འདོད། ལར་དུས་རབས་ཉེར་གཅིག་པ་འགོ་བཙུག་ནས་བོད་ནང་དུ་ལོ་རེ་ནས་ལོ་རེར་དམ་དྲག་ཆེ་རུ་སོང་ནས། ཐ་ན་ནང་མི་ཉེ་འབྲེལ་ཕན་ཚུན་སྐད་ཆ་འཆད་སྐབས་དོགས་པ་བྱེད་དགོས་པའི་གནས་སུ་སྐྱེལ་བཞིན་པ་དང་། སེར་མོ་བ་ཞིག་རང་ཁུལ་ས་གནས་ཀྱི་རྫོང་ཕན་ཚུལ་འགྲོ་བ་ལའང་ཡིག་ཆ་ཁ་ཤས་དགོས་པ་སོགས། དེ་བཞིན་རྡུང་སྲེག་བཙོན་འཇུག་སྐྱི་གཡའ་བ་དམྱལ་བ་མི་ཡུལ་དུ་འཕོས་པ་ལྟར་བྱུང་དང་འབྱུང་བཞིན་པ་འདི་ཁོ་ནས་གྲོས་མོལ་གྱི་གྲུབ་འབྲས་གང་ཡང་བྱུང་མེད་པ་གསལ་པོ་རེད།
རྒྱུ་མཚན་དེ་དག་ལ་བརྟེན་ནས་རང་བཙན་རྩོད་མཁན་ཚོས་ཀྱང་བོད་ནང་གི་གཞིས་ལུས་སྤུན་ཟླ་ཚོའི་སྡུག་བསྔལ་ལ་སེམས་པས་མ་བཟོད་པ་དང་། སྟོང་བཞིན་པའི་བོད་ཀྱི་ཆོས་དང་རིག་གཞུང་སྐྱོབ་ཆེད་ལོ་རྒྱུས་རང་བཞིན་པའི་འཐབ་རྩོད་དེ་མུ་མཐུད་བྱ་ན་ཉིན་ཞིག་བདེན་པ་ནི་ནམ་ཡང་བདེན་པར་སོང་གྲུབ་འབྲས་ཞིག་ཡོང་བ་མིན་ནམ་སྙམ་བཞིན་ཡོད། སྐབས་འདིར་དབུ་ལམ་ལ་ལོག་འགྲེལ་པ་འགས་རང་བཙན་རྩོད་མཁན་ཚོར་འཆར་གཞི་གང་མི་འདུག་པས་རང་བཙན་ཇི་ལྟར་ལེན་གྱི་ཡིན་ཟེར། ངས་ལྟས་ན་རང་བཙན་རྩོད་ན་གྲི་དང་མེ་མདའི་ཁ་ནས་རྩོད་དགོས་རེད་དྲན་གྱི་མི་འདུག རང་བཙན་རྩོད་མཁན་ཚོས་རྒྱལ་སྤྱིའི་ཐོག་བོད་དེ་སྔ་མ་ནས་རང་བཙན་དང་ཁེར་ཚུག་གི་རྒྱལ་ཁབ་ཞིག་ཡིན་པར་གསལ་སྟོན་དང་། རང་བཙན་ཡིན་པའི་རྒྱལ་ཁབ་དེ་རྒྱལ་སྤྱིའི་ཁྲིམས་ལུགས་དང་དྲང་བདེན་གྱི་ཐོག་ནས་བདག་པོ་ལ་རྩིས་སྤྲོད་བྱ་རྒྱུའི་རྒྱབ་སྐྱོར་འཚོལ་རྒྱུ་དེ་རེད། འདི་ནི་དཔེར་ན་རྐུན་པོ་ཞིག་གིས་མི་ཕྱུག་བདག་ཞིག་གི་གཡུ་བརྐུས་ནས། ཕྱིས་ཕྱུག་བདག་གིས་རྐུན་པོ་ངོ་རྟགས་ཆོད་རྗེས་ཁྲིམས་ལ་གཏུག་སྟེ་གཡུ་བདག་པོར་ཕྱིར་སྤྲོད་དགོས་ཟེར་བ་དང་གཅིག་མཚུངས་རེད། ཕྱུག་བདག་གིས་གཡུ་ཕྱིར་ཐོབ་ཕྱིར་མཚོན་ཆ་བེད་སྤྱོད་རྒྱུ་ཟེར་གྱི་ཡོད་པ་མ་རེད། ཆོས་དང་འཇིག་རྟེན་གང་གིས་ཐོག་ནས་བཤད་ནའང་དངོས་པོ་དེ་ནམ་ཡང་བདག་པོར་གནས་རྒྱུ་ཡིན་པ་ནི་ཟློག་ཏུ་མེད་པ་ཞིག་རེད་ཟེར་གྱིན་ཡོད་པ་རེད།
འགྲེལ་མོལ་གནང་མཁན་ཚོས་གཡུ་རྐུན་མ་དང་བདག་པོ་ངེད་གཉིས་ཀས་ལོངས་སྤྱོད་རྒྱུ་ཡིན་ཟེར་གྱི་ཡོད་ཀྱང་། རྐུན་པོས་ད་དུང་ཁས་མི་ལེན་པ་ནི་སེམས་པ་སྐྱོ་དགོས་པ་ཞིག་རེད།
མཚམས་མཚམས་སུ་རྒྱ་གཞུང་གིས་ཡུལ་གྱལ་སྲིད་གཞུང་གི་གཞོན་ནུ་ཚོགས་པས་གཅིག་གཅིག་མིག་མིག་ཞིག་བྱེད་ཀྱིན་འདུག་མ་གཏོགས་སྐད་ཆ་བཤད་ཆོག་མདོག་མདོག་བྱེད་ཀྱི་འདུག འདིས་དོན་དག་ཅི་ཞིག་རེད་སྙམ་ན། འཛམ་གླིང་རྒྱལ་སྤྱིའི་ཐོག་བོད་དོན་ལ་དོ་སྣང་ཡོད་མཁན་ཚོས་རྒྱ་ནག་ལ་གནོན་ཤུགས་སྤྲོད་ཀྱིན་ཡོད་རྩང་རྒྱ་གཞུང་གིས་ཀྱང་ཁ་གཡར་སའི་ཐབས་ཞིག་ལོས་འཚོལ། ཐབས་དེ་མདའ་གཅིག་རང་རེད། མདའ་གཅིག་གིས་ཤ་བ་གཉིས་གསོད་བཞིན་པ་རེད། དང་པོ། རྒྱལ་སྤྱིའི་འགྲོ་བ་མི་ཡི་ཐོབ་ཐང་ཚོགས་པ་དང་མི་མང་རྣམས་ཁ་འགོག་པ་དང་། གཉིས་པ། བོད་གཞིས་ལུས་གཉིས་སུ་བོད་མི་རྣམས་དབུ་ལམ་དང་རང་བཙན་བར་དམག་འཁྲུག་ལང་དུ་འཇུག་པ་དེ་རེད། ཐོག་མར་འདི་རྣམས་ང་ཚོས་ངེས་པར་དུ་ཤེས་དགོས། དེ་ནས་འཐབ་རྩོད་ཀྱི་ལམ་ཁ་གང་ཞིག་ལ་ཞུགས་ན་འདོད་མོས་རེད།

ཕྲན་རང་དབུ་མ་པ་ཞིག་ཡིན་པའི་ཆ་ནས། ས་གནས་གཞོན་ནུ་ཁག་གི་དགོངས་ཚུལ་འདི་ཡག་པོ་རེད་ཅེས་ཞུ་མི་ཐུབ་ཀྱང། གཞོན་ནུའི་དབུས་ས་གཉིས་ཀྱི་ཕྱག་ལས་གནང་སྟངས་ནི་རྦད་དེ་ཁ་ཁ་ཡིན་པ་ངེད་རང་ས་གནས་ཁག་ཏུ་བསྐོར་བསྐྱོད་སྐབས་ར་འཕྲོད་བྱུང། ས་གནས་ཁག་མང་པོ་ནས་ངེད་ཚོར་ཞལ་ལག་འདྲེན་པ་དང་བསུ་བ་སྐྱེལ་མ་སོགས་ཀྱི་སྐབས། གཞོན་ནུའི་ལས་སྣེ་མང་པོས་ནུས་པ་དང་རྒྱུ་མཚན་རང་སྟེང་ནས་ཁོང་ཚོའི་ལངས་ཕྱོགས་རང་བཙན་དང་འབྲེལ་བའི་འཐབ་རྩོད་ལ་དེང་སང་གསོན་ཤུགས་མེད་པ་ཡོངས་སུ་ཁས་ལེན་བྱེད་ཀྱི་འདུག དེ་བཞིན། ཁོང་ཚོས་དབུ་མ་པ་རྣམས་ལ་ལྟ་སྟངས་འཛིན་གྱི་མི་འདུག དེ་ནི་ཁ་ཙམ་མ་རེད་སེམས་སྟེང་ནས་དེ་ག་རང་རེད། ད་བར་རང་བཙན་ལངས་ཕྱོགས་མུ་མཐུད་ན་དོན་དངོས་བོར་ཤི་གསོན་གང་དུ་ཐག་ཉེ་མིན་ལ་ར་འཕྲོད་པའི་གྲོས་བསྡུར་དང་བསྐྱར་ཞིབ་བྱས་མེད་སྟབས། ས་གནས་ཁག་མང་ཆེ་བར་སྔར་སྲོལ་རྒྱུན་འཛིན་ལྟ་བུའི་ས་གཞོན་ཡོད་པ་དང། བྱེ་བྲག་ས་གནས་ཀྱི་འཕྲོད་བསྟེན་དང་སྤྱི་ཚོགས་ཞབས་ཞུའི་ལས་དོན་སྣ་མང་ཚུད་དེ་འགྲོ་ཡི་ཡོད་པ་ལས། དབུ་མའི་ལམ་གྱི་ཐབས་ལམ་དང་དམིགས་ཡུལ་གང་ཅི་ཁས་ལེན་བྱ་ཐབས་བྲལ་བས་མིན་ཚུལ་ས་གནས་ཁག་མང་པོ་ནས་མགྲིན་དབྱངས་གཅིག་གྱུར་གྱིས་བརྗོད་བྱུང། གནས་སྟངས་འདི་ལོ་གཉིས་གོང་ནས་ངེད་ནས་ཤེས་རྟོགས་བྱུང་བ་ཞིག་ཡིན།

སོང་ཙང། ད་དངོས་གནས་བོད་དོན་ལས་ཀ་བྱེད་དམ་མི་བྱེད། བྱེད་ན་དངོས་ཡོད་གནས་ཚུལ་དང་མཐུན་པ་ཞིག་བྱེད་ཀྱི་ཡིན་དང་མིན་ཞེས་པ་འདི་བསམ་བློ་གཏོང་དགོས་པ་འདྲ་ལ། ཕྱོགས་གང་ནས་བལྟས་ཀྱང་རང་བཙན་ལ་རེ་བ་ཙམ་མེད་པའི་གནས་བབ་འདི་མུར་མུ་མཐུད་ལྷགས་པ་ཡིན་ན། དེ་གྱོང་ཅིག་མ་གཏོགས་ཕན་འབྲས་མེད་པ་གསལ་བོ་རེད། དེས་ན་བསམ་བློ་གསར་པ་དང་གྲ་སྒྲིག་གསར་པ་འདྲ་བྱེད་རྒྱུ་མེད་ན། གཞིས་ལུས་མི་མང་གི་ཛ་དྲག་གི་གནས་སྟངས་ལ་ལྷག་བསམ་རྣམ་དག་གིས་ཐུགས་འཁུར་བླངས་ནས། རྒྱ་བོད་དར་ཆ་མཉམ་དུ་ནམ་མཁར་འཕྱར་ཏེ། བཙན་བྱོལ་བོད་མི་ཚོས་ཆོལ་གསུམ་བོད་རིགས་ཡོངས་རྫོགས་ཤི་ན་གསོན་ན། སྐྱིད་ན་སྡུག་ན། རང་སྐྱོང་འཛིན་སྐྱོང་གཅིག་ནང་སྒྲིལ་རྒྱུའི་རྨད་དུ་བྱུང་བའི་འཐབ་རྩོད་འདི་དང་དུ་བླངས་ན་དེ་མཆོག་ཏུ་གྱུར་བ་ཞིག་རེད་འདོད།

ད་ང་ཚོས་བཤད་པའི་རིམ་པ་དང། ཐེ་ཚོམ་གྱི་རིམ་པ། སྒེར་གྱི་ཁེ་ཕན་གྱི་རིམ་པ་ནས་འདུག་མི་ཉན་པ་གསལ་བོ་རེད་ལ། འདི་མུར་ལྷགས་ན་རང་སྐྱོང་ད་ཕར་ཞོག ཆོལ་གསུམ་ཆིག་སྒྲིལ་ཡང་ཕར་ཞོག བཙན་བྱོལ་ནང་རང་མགོ་ཡག་པོ་ཞིག་ཐོན་རྒྱུར་ཕྱི་གེགས་ཕུད། ནང་གེགས་རུ་འཛིང་ནས་ཡོང་རྒྱུའི་རྟགས་མཚན་མང་པོ་འདུག་བསམས་སོང།

དེས་ན། བཙན་པོའི་སྐབས་ཀྱི་མངའ་དབང་གནས་བབ་དེའང་བཤད་རྒྱུན་ལྷ་སྒྲུང་གི་ཟོལ་གྱིས་ཁ་གཏད་རུ་འཛིང་ནས་བདེན་པ་གཅིག་ལ་བདེན་ལན་གཉིས་ཀྱིས་ཁུངས་འཁྱོལ་དུས་ཤིག་མེད་པ་དང། སིལ་བུར་འཐོར་བ་ནས་ཡོན་དང་ཆིང་གི་དུས་སྐབས་སོགས་ཀྱང། འདི་དང་གན་རེད་ཅེས་མངའ་དབང་གནས་བབ་གསལ་བོ་ཞིག་སྟོན་རྒྱུའི་གནས་བབ་མེད་ཁར། ཡོན་དང་ཆིང་རྒྱ་ནག་གི་རང་གི་རྒྱལ་རབས་ཡིན་པའི་སྒྲུབ་བྱེད་བསྟར་ལ་བསྒྲིགས་པ་དེ་དག། གླིང་ཆེན་པོ་འདིའི་དཔེ་མཛོད་ཁང་སོགས་སུ་ཡིག་རིགས་སྣ་མིན་གྱིས་ང་རྒྱལ་དང་བཅས་བཀྲམས་ཚུལ་ལ་གཞིགས་ན། རང་ཅིག་གི་ལོ་རྒྱུས་འཐབ་རྩོད་ཀྱི་སྙིང་སྟོབས་ཀྱང་ནད་ཀྱིས་ཟིན་པའི་མི་བུ་བཞིན་མགོ་བོ་གནམ་མཁར་བཀྱགས་ནས་སོང་ཆོག་པ་ཞིག་གཞར་ཡང་མེད་པ་ལྟ་བུ་བཟོས་འདུག་པ་སོགས། ཕྱོགས་ཀུན་པོར་མྱང་ཞིབ་འཐུས་ཚང་བྱས་རྗེས་ད་གཟོད་ལམ་གང་ཡག་པ་དང། གང་དུ་འགྲོ་དགོས་མིན་སོགས་ཡིད་ངོར་འཆར་བ་ཞིག་ཡིན་སྟབས།

དབུ་མའི་ལམ་གྱི་གཉིས་སྨན་གཞུང་ལམ་སྟེང་ཕེབས་པ་ནི་བཙན་བྱོལ་ནང་ཆིག་སྒྲིལ་འཐབ་རྩོད་ཀྱི་རྣམ་པ་དམིགས་བསལ་ཞིག་གཞི་རིམ་མི་མང་གིས་བསླངས་རྒྱུ་ཡིན་པའི་རྟགས་མཚན་གསལ་ཤོས་དེ་རེད་འདུག

རབ་བྱུང་བ་འམ་ཁྱིམ་པ་ཚོས།། སྲེག་བཅད་བརྡར་བའི་གསེར་བཞིན་དུ།། ལེགས་པར་བརྟག་ལ་དབུ་མའི་ལམ།། བླང་བར་བྱ་ཡི་གུས་ཕྱིར་མིན།། གནས་ལུགས་ཉིད་ལ་མི་ལྟོས་པར།། རྨོངས་ཞེན་དམ་འབུལ་བྱེད་པ་ནི།། དོལ་རྒྱལ་ལྟ་བུའི་ནང་འཁྲུག་ཅིག། རིང་མིན་སློང་བའི་སྔ་ལྟས་ཡིན།།

ཧུན་སུར་རབ་རྒྱས་གླིང་བོད་མིའི་གཞིས་སྒར་རྒྱུད་སྨད་གྲྭ་ཚང་གི་ཚོགས་ཁང་དུ། ས་གནས་དེ་ཁུལ་གྱི་མདོ་སྟོད་ཆོལ་ཁའི་སེར་སྐྱ་མང་ཚོགས་དང་རྒྱུད་སྨད་དུ་སློབ་གཉེར་གནང་བཞིན་པའི་གདན་ས་གསུམ་གྱི་དགེ་བཤེས་བཅས་མི་མང་ ༣༠༠ ལྷག་གིས་ཚོགས་འདུ་འདིར་སྙིང་ནས་ཡིད་རངས་ཞུ་ངེས་ཡིན། དེ་མིན་དེང་སོང་སྐབས་འཚོལ་བ་ཚོས་ཡོད་ཚད་ཁ་ལ་འཁྱེར་ནས་འུར་རྒྱག་སྟངས་འདིར་ངན་ལོང་ཤོར་ཉེན་ཆེ་ཙམ་འདུག །ངས་ནང་རྒྱུན་ནས་མི་མང་མགོ་བསྐོར་འོག་མི་ཚུད་པར་ཡིད་ཆེས་བྱས་པ་བཞིན་དོན་ལ་ཡང་དེ་བཞིན་རེད་འདུག །ད་དུང་ཆོལ་ཁ་གཞན་གཉིས་དང་ས་གནས་ཡོངས་རྫོགས་ནས་མི་མང་ངོས་ནས་གྲོས་ཆོད་འདི་ལྟ་བུ་དགོས་གལ་ཆེ་བ་མཐོང་། །

མི་རབས་འདིས་འཇོན་རྒྱུ་ལས་རྒྱུ་ཞིག་ཡོད་ན་མི་རིགས་ལ་རང་དབང་དང་བདེ་སྐྱིད་ཞིག་བསྐྲུན་རོགས། ཁ་སྟོང་པས་ཐབས་ལམ་ཡག་རབས་དང་འབྲས་བུ་ཐོན་རབས་བཤད་ནས་ཅང་ཕན་གྱི་མ་རེད། འཇོན་རྒྱུ་དང་ལས་རྒྱུ་ཞིག་མེད་ན་མི་རབས་རྗེས་མར་ཐར་ལམ་ཞིག་ཅི་ནས་ཀྱང་འཇོག་རོགས། མི་རབས་རྗེས་མ་རྒྱའི་གཡོག་པོར་མ་བརྫངས་རོགས།

མི་འདི་ཚོས་ཅི་ཞིག་བསམ་གྱིན་ཡོད་དམ། ཅི་ཞིག་ལས་ཀྱིན་ཡོད་དམ། ལ་མོ་ཕར་ནང་ནས་རང་བཙན་དང་རང་སྐྱོང་གཉིས་ལ་རྣམ་དབྱེའི་ཁྱད་པར་མེད་ན། མདུང་རྩེ་ནང་ཁུལ་གཏད་དེས་ཁ་འཐོར་དགུ་གཏོར་གཏོང་རྩིས་མིན་ན་ཅི་རེད།
རེད་ཡ། མགོ་གཏད་རིང་ལུགས་པ་དང་སྐབས་འཚོལ་རིང་ལུགས་པ། སྲིད་དོན་ཚོང་པའི་ཤོག་ཁག། མི་རིགས་བླ་བཙོང་བའི་ཤོག་ཁག་བཅས་ལ་སྡིང་ཆ་ཡག་པོ་ཞིག་བསྐྲུན་འདུག། ད་ནི་མི་རིགས་ཀྱི་ལྷན་སྐྱེས་རང་བཞིན་གྱི་ཐོབ་ཐང་དང་མི་རིགས་ལ་རང་དབང་མི་རིགས་ལ་བདེ་སྐྱིད་ཞིག་མེད་པའི་སྟེང་དུ་རྨོངས་དད་དང་དབང་ཤུགས་དཔུང་བསྒྲིགས་ངོམས་ནས་འགྱེལ་བའི་སྟེང་དུ་རྡོག་རྫིས་གཏོང་བའི་ལམ་ལུགས་འདི་དར་སྤེལ་གཏོང་བཞིན་པར་ལ་མོ་ཕར་ནང་ནས་དགའ་བའི་བྲོ་འཁྲབ་སྐྱིད་པའི་གླུ་ལེན་རྒྱུ་ནི་སྨྲོས་མེད་རེད་དོ།

ངས་གནས་ཚུལ་འདི་ཐོག་མ་ཨེ་ཤ་ཡ་རང་དབང་རླུང་འཕྲིན་ཁང་ནས་ཐོས་སྐབས་ཧ་ཅང་དགའ་བོ་བྱུང་སོང་། ༧གོང་ས་མཆོག་གི་བཀའ་གསུང་ཅི་བསྒྲུབ་ཞུས་པ་ཡིན་ཟེར་བ་དེ་འདི་ལ་ཟེར་བ་རེད། http://www.rfa.org/tibetan/chediklaytsen/ukaylatsen/f42f66f62f0bf60f42f7cf51f0bf54f0d/hunsur-dotoed-members-urged-chushi-gangdruk-to-change-position-04232013112355.html
༧གོང་ས་མཆོག་གིས་བཀའ་སློབ་སྔ་ཕྱི་རིམ་པ་མང་པོ་གསུངས་པ་རེད། ད་ལྟ་༧གོང་ས་མཆོག་ཐུགས་ཕམ་ཞེ་དྲག་གནང་གི་ཡོད་པ་དང་། ལྷག་པར་དུ་ཉེ་ལམ་བལ་ཡུལ་བོད་མིའི་སྐུ་ཚབ་ཁག་བཞུགས་སྒར་དུ་གདན་འདྲེན་ཞུས་ཏེ་ཉིན་གཉིས་རིང་ཚོགས་མདུ་ཚོགས་པའི་མཇུག་ཏུ་༧གོང་ས་མཆོག་ལ་མཇལ་ཁ་ཞུས་སྐབས། ༧གོང་ས་མཆོག་གིས་འདི་ལྟར་གསུངས་པ་རེད། “”དབུ་མའི་ལམ་ལ་གྲུབ་འབྲས་ཆེན་པོ་འཐོན་ཡོད་པ་དེ་ཕྱི་གསལ་ནང་གསལ་རེད། ངས་ད་བར་དཀའ་ལས་བརྒྱབ་སྟེ་བརྩིགས་པ་འདྲ་བོ་ཞིག་བརྒྱབ་ཡོད་པ་དེ་ད་ལྟ་གཏོར་ཞིག་གཏོང་ཐབས་ལ་འབད་བརྩོན་བྱེད་ཀྱི་འདུག་ག”” ཞེས་ཐུགས་ཕམ་གྱི་བཀའ་སློབ་གནང་འདུག ངས་བསམ་ན་ད་ནི་བོད་མི་ཚོས་འདུག་ཚོད་མ་ཟིན་པ་ཡིན་ན་གྱོང་གུད་རི་འདྲ་ཞིག་ཐོག་ཏུ་བབས་ཏེ་བློ་འགྱོད་ཆེན་པོ་ཞིག་གི་ཉི་མ་འཆར་གྲབས་འདུག་

༼མདོ་སྟོད་ཆུ་བཞི་སྒང་དྲུག་ནས་བོད་རང་བཙན་གྱི་ལངས་ཕྱོགས་ལ་འགྱུར་བ་གཏོང་དགོས་པའི་གྲོས་འཆར་འདོན་རྒྱུ་ཡིན། ཟེར་བའི་ཡི་གེ་འདི་གཞིས་ལུས་རྣམས་ཀྱི་མཐོང་ན་ཅི་བསམ་ཡོང་། བོད་རྒྱལ་ཁབ་དང་མི་རིགས་ཁོ་ནའི་ཆེད་དུ་ཁོ་ཚོས་ཚེ་སྲོག་གི་འགྲོ་གྲོན་བཏང་དང་གཏོང་བཞིན་པར། བཙན་བྱོལ་རང་དབང་ལུང་པར་གནས་པ་རྣམས་ནི་ཁ་རྒྱགས་པ་དང་དཔུང་ངོམ་ཅན་ཁ་ཤས་ཀྱི་དབང་དུ་སོང་ནས་བོད་རང་བཙན་ལ་ངོས་ལེན་མེད་པའི་གྲོས་ཆོད་བཞག་པ་ནི་ངོ་ཚ་དགོས་པའི་ལས་ཀ་རེད། ད་དུང་མདོ་སྟོད་ཆུ་བཞི་སྒང་དྲུག་གི་མིང་ཁུར་བ་དེས་ཁོ་ཚོ་ལྟ་བུ་རྨོངས་ཞེན་དང་སྒེར་དོན་ཁོག་བཅུག་གི་མི་ངན་ཁ་ཤས་ཀྱིས་གྲོས་ཆོད་ཟེར་བའི་ཡིག་འཁྱམས་དེ་ལ་མདོ་སྟོད་ཚང་མས་ཚབ་མཚོན་ནུས་སམ། ད་དུང་རྡ་ས་རུ་བོད་རང་བཙན་གྱི་ཚོགས་ཆེན་ལ་མདོ་སྟོད་སྤྱི་འཐུས་འགྲོ་མི་ཆོག་གལ་སྲིད་སོང་བ་ཡིན་ན་མདོ་སྟོད་སྤྱི་འཐུས་ལ་ངོས་ལེན་མེད་ཟེར་བ་ནི་ཧ་ཅང་ཐལ་ཆེ་བའི་འཇིགས་བསྐུལ་རེད། དེ་ཡིན་ན་དང་པོ་ཧུན་སུར་ལ་མང་གཙོའི་གོ་རྟོགས་སྤེལ་བའི་འཛིན་གྲྭ་ཞིག་བཙུགས་དགོས་ས་འདུག

ངས་བསམས་ན་མི་ཁ་ཤས་ཤིག་གི་བྱེད་ཕྱོགས་ལ་དེ་འདྲའི་ཐུགས་འཚབ་གནང་དགོས་དོན་ཡོད་པ་མ་རེད། གཞི་རིམ་རྒྱ་ཆེའི་མི་མང་གིས་འདི་ལྟར་ཡིད་ཆེས་གནང་གི་ཡོད་དུས་སྟོབས་ཤུགས་ངོ་མ་དེ་འདི་རེད།

ག་དུས་ཡིན་ན། ལས་སྣེ་སྡོད་མཁན་རེ་ཟུང་གིས་ལངས་ཕྱོགས་རང་གི་ཐད་ནས་མིན་པར། ལངས་ཕྱོགས་འཛིན་མཁན་གྱི་སྒྲིག་འཛུགས་ཀྱི་སྔར་སྲོལ་དབང་ཆེན་དུ་བྱས་ནས། ཟུར་ཐོན་དབྱེ་འབྱེད་ཀྱི་རྣམ་འགྱུར་ཐོན་པ་འདི་རིགས་ནི་དེ་འདྲའི་ཚབས་ཆེན་ཞིག་མ་རེད་འདོད།

ངས་བསམས་ན་ང་ཚོ་མང་པོ་ཞིག་གིས་ཚེ་སྲོག་གི་རྩ་བ་དང་བདེན་དོན་གྱི་གཞི་མ། མི་རིགས་ལས་དོན་གྱི་སྙིང་བོར་བརྩི་བའི་༧རྒྱལ་བའི་བཀའ་དགོངས་ཤེས་ནས་སྤྲོ་བཞིན་སྒྲུབ་རྒྱུ་འདི། སྒྲུབ་འདོད་མེད་རིགས་ལ་ནན་འགེལ་བྱེད་ཀྱི་བསྡད་ན་རྒྱུ་མཚན་རང་སྟེང་ནས་འཚམས་པོ་ཡིན་རུང། དེ་ནི་གོ་བ་ལོག་སྒྲུབ་བྱེད་ཉེན་འདུག་པས། འདོད་མོས་ལྟར་ག་རེ་བྱས་ན་བྱེད་བཅུགས་ན་དེས་ཡག་གི་རེད་ལ། གལ་སྲིད་བོད་ཅེས་པ་འདི་ས་གནས་ཁ་ཤས་ལ་དངོས་གནས་རང་དུམ་བུར་བགོ་དགོས་པ་ཆགས་ནའང་འགྱོད་པ་གང་ཡང་ཡོད་པ་མ་རེད་ལ།་སུ་གང་གིས་གྱོང་མཐེ་བོང་ཙམ་ཡང་རེག་གི་མ་རེད་འདོད། རྩ་དོན་ལས་ནང་ཁུལ་གྱི་ཁེ་ཕན་དང་ཕྱོགས་ལྷུང་རྩོད་པ་༼ མདོ་སྟོད་སྤྱི་འཐུས་ཁ་ཤས་རང་བཙན་ཚོགས་འདུར་འགྲོ་བས་མཚོན། ༽འདི་རིགས་ལ་ཅི་བྱས་ན་བྱེད་དུ་བཅུགས་ན་ལོས་དགའ་བསམས།།།

གྲོས་ཆོད་དོན་ཚན་དང་པོའི་ནང་འཁོད་གནས་ཚུལ་ཁག་དངོས་ཡོད། ཉེ་ལམ་གཟའ་ལྷག་པ་སྟེ་ལྷག་དཀར་ཉིན་དང་བསྟུན་ཏེ་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་ཆགས་ཆགས་ཀྱི་ས་གནས་གཞོན་ནུ་ལྷན་ཚོགས་དང་། སྦེལ་ཀོབ་ལུགས་ཟུང་བསམ་འགྲུབ་གླིང་ས་གནས་གཞོན་ནུ་ལྷན་ཚོགས། གོ་ལི་སྒར་དོན་ལྡན་གླིང་ས་གནས་གཞོན་ནུ་ལྷན་ཚོགས། བདེ་སྐྱིད་སླར་གསོ་གླིང་ས་གནས་བོད་ཀྱི་གཞོན་ནུ་ལྷན་ཚོགས། ཧོན་སུར་རབ་རྒྱས་གླིང་ས་གནས་བོད་ཀྱི་གཞོན་ནུ་ལྷན་ཚོགས་བཅས་ཀྱི་རྒྱུན་ལས་སྐུ་ཚབ་རྣམས་སྦེལ་ཀོབ་ཏུ་ཚོགས་འདུ་ཚོགས་ཏེ་མ་འོངས་པར་གཞོན་ནུའི་ལངས་ཕྱོགས་དབུ་མའི་ལམ་ལ་འགྱུར་བ་གཏོང་རྒྱུའི་གྲོས་བསྡུར་བྱུང་ཡོད་པ་མ་ཟད། ཚོགས་འདུའི་མཇུག་ཏུ་གྲོས་ཚོད་དོན་ཚན་གཉིས་བཞག་ཡོད་པའི་ནང་དུ་སྤྱི་ལོ་ ༢༠༡༣ ་ཟླ་བ་ ༥ ་ཚེས་༢༣ ་ཉིན་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་ངྷ་རམ་ས་ལ་རུ་རང་བཙན་ཚོགས་འདུ་ཟེར་བ་ཞིག་འཚོགས་འཆར་ཡོད་པ་དེ་འཕྲལ་དུ་ཕྱིར་འཐེན་བྱེད་དགོས་པ་དང་། གང་མགྱོགས་སྤྱི་ཟླ་ ༥ ་ཚེས་ ༡༠་ནང་ཚུན་ལ་ཛ་དྲག་ཐོག་དབུས་བོད་ཀྱི་གཞོན་ནུ་ལྷན་ཚོགས་ཀྱིས་ངྷ་རམ་ས་ལར་ཚོགས་འདུ་ཞིག་སྐོང་དགོས་པ་སོགས་བཀོད་དེ་དབུས་གཞོན་ནུ་ལ་བཏང་ཡོད་འདུག་པ་བཅས་དངོས་ཡོད་གནས་ཚུལ་རེད་