མདང་དགོང་ངྷ་སར་མར་མེ་ཁྲོམ་སྐོར་སྐབས། ཀིརྟི་འབྲེལ་མཐུད་པ་བློ་བཟང་ཡེ་ཤེས་ལགས་ཀྱིས་བོད་པའི་གསར་འགོད་པ་ཚོས་ཁུངས་ལྡན་གནས་ཚུལ་འགོད་རྒྱུ་ལས་གནས་ཚུལ་རྫུན་མ་གསར་ལམ་དུ་མི་སྤེལ་བའི་ནན་སྐུལ་ཞུས་སོང་།
ངྷ་ས་ས་གནས་གཞོན་ནུ་དང་བུད་མེད། བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག མདང་དགོང་ཆུ་ཚོད་ ༦ ཙམ་ལ་བཞུགས་སྒར་ངྷ་ས་མེག་གྷན་ཁྲོམ་གཞུང་དུ་བོད་མི་སེར་སྐྱ་མང་ཚོགས་ ༣༠༠ ལྷག་གིས། ཕྱི་ཚེས་ ༢༤ ཉིན་རྔ་པ་ཁུལ་མཛོད་དགེ་རྫོང་སྟག་ཚང་ལྷ་མོ་ཀིརྟི་དགོན་པའི་རྒྱལ་གཅེས་དཔའ་བོ་གྲྭ་བློ་བཟང་ཟླ་བ་ལཊ་དང་གྲྭ་དཀོན་མཆོག་འོད་ཟེར་ལཊ་རྣམ་གཉིས་ཀྱིས། རྒྱ་གཞུང་གི་དྲག་གནོན་སྲིད་བྱུས་ལ་ངོ་རྒོལ་ཆེད་རང་ལུས་མེར་བསྲེགས་བཏང་སྟེ་སྐུ་འདས་གྲོངས་སུ་ཕྱིན་པར་གདུང་སེམས་མཉམ་སྐྱེད་ཆེད་མར་མེ་ཁྲོམ་སྐོར་ཞིག་གནང་སོང་།
ལས་འགུལ་མཇུག་སྡོམ་སྐབས་བཞུགས་སྒར་ཀིརྟི་བྱས་པ་གྲྭ་ཚང་གི་བོད་གནས་འབྲེལ་མཐུད་པ་གྲྭ་བློ་བཟང་ཡེ་ཤེས་ལཊ་ཀྱིས། མཛོད་དགེ་རྫོང་དུ་གྲྭ་བློ་བཟང་ཟླ་བ་དང་དཀོན་མཆོག་འོད་ཟེར་གཉིས་ཀྱིས་རང་ལུས་མེར་བསྲེཊ་བཏང་བའི་སྔ་ཕྱིའི་རྒྱབ་ལྗོངས་གནས་ཚུལ་ངོ་སྤྲོད་དང་འབྲེལ། བོད་ནང་ཛ་དྲག་གནས་ཚུལ་བྱུང་སྐབས་བཙན་བྱོལ་བོད་མི་ཚོས་ཆིག་སྒྲིལ་ནུས་པ་སྔར་ལས་རྒྱ་བསྐྱེད་དེ། མར་མེ་ཁྲོམ་སྐོར་ཡན་ཆད་ཀྱི་ལས་འགུལ་ཁག་ལ་མཉམ་ཞུཊ་དགོས་རྒྱུ་གལ་ཆེན་ཡིན་པ་དང་། དེང་སྐབས་བོད་པའི་གསར་འགོད་པ་ཁག་ཅིག་གིས་གནས་ཚུལ་ཁུངས་ལྡན་ཡིན་མིན་གཙོ་བོར་མི་འཛིན་པར། འགན་ཁུར་མེད་པའི་ཐོག་ནས་ངོ་དེབ་དང་སྐར་འཕྲིན་ (wechat) དྲ་ལམ་གནས་ཚུལ་བསྡུ་རུབ་ཀྱིས་ཐད་ཀར་གསར་ལམ་དུ་འགོད་རྐྱང་བྱེད་པ་ཡག་པོ་མིན་པ་དང་། བོད་པ་གསར་འགོད་པ་ཞིག་ཡིན་ན་རང་ཉིད་བོད་པ་ཞིག་ཡིན་པའི་ཆ་ནས་བོད་པའི་ཆབ་སྲིད་འཐབ་རྩོད་ལས་འགུལ་ཨང་དང་པོར་འཇོག་དགོས་པ་ལས། གསར་འགོད་པའི་ལས་ཀ་དེ་ཨང་དང་པོ་དང་བོད་དོན་ཨང་གཉིས་པར་བཞག་ན་གནས་བབ་ཐོག་ཏག་ཏག་བསྡད་མེད་ཅིང་། ལྷག་པར་དུ་ཚེས་ ༢༤ ཉིན་མཛོད་དགེར་གྲྭ་གཉིས་ཀྱིས་རང་སྲེག་བཏང་བའི་ཉིན་འཛམ་ཐང་དུའང་བུད་མེད་ཅིག་རང་སྲེག་བྱས་པའི་བདེན་པ་མིན་པའི་གནས་ཚུལ་བྱུང་ཡོད་རུང་། བོད་པའི་གསར་འགོད་པ་ཁག་ཅིག་གིས་གནས་ཚུལ་ཁུངས་དེ་ལྡན་ཡིན་མིན་བརྩད་གཅོད་གང་ཡང་མ་བྱས་པར། ཐད་ཀར་དྲ་ཐོག་ཏུ་བཀོད་དེ་རྒྱལ་སྤྱིའི་གསར་ལམ་ཁག་ཏུ་ཤུཊ་རྐྱེན་ངན་པ་བཞག་ཡོད་སྟབས། མ་འོངས་པར་བོད་པའི་གསར་འགོད་པ་ཚོས་ངེས་པར་དུ་ལས་ཀ་བྱེད་ཕྱོགས་བསམ་བློ་གཏོང་དགོས་པའི་སྐུལ་མ་གནང་སོང་།
དེའི་རྗེས། བོད་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ལགས་ཀྱིས། བོད་ནང་རང་ལུས་མེར་བསྲེགས་ཀྱི་གནས་ཚུལ་བསྟུད་མར་འབྱུང་བཞིན་པའི་སྐབས་དང་བསྟུན། བཙན་བྱོལ་དུ་གནས་སྡོད་བོད་མི་ཚོས་ལས་འགུལ་གང་དག་སྤེལ་དགོས་མིན་ཐོག་གཏམ་བཤད་སྤེལ་སོང་།
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བདག་གཞན་སུ་ཡིན་རུང་གནས་ཚུལ་ཁྱབ་བསྒྲག་དང་ཕྱི་ལོག་སུ་གསལ་བཤད་གནང་དགོས་བ་ཧ་ཅང་གི་གལ་ཆེན་རེད་དེ་མ་ཟད་གནས་ཚུལ་ཁ་གསལ་དང་ཁུངས་ལྡན་སོགས་ལ་གསར་འགོད་པ་དང་འབྲེལ་མཐུན་པ་སུ་ཡིན་རུང་ཐུགས་གནང་མཛད་དགོས་བ་ཧ་ཅང་གི་གལ་ཆེ།
བོད་གནས་ཉམས་ཞིབ་པ་བློ་བཟང་ཡེ་ཤེས་ལགས་ཀྱིས་དགོངས་ཚུལ་གནད་འགག་ཅན་ཞིག་གསུངས་འདུག བཀའ་དྲིན་ཆེ།
བོད་གནས་འབྲེལ་མཐུད་པས་གསུངས་པར་དེ་བདེན་པར་སྣང་། སྤྱིར་བཏང་ནས་བོད་རིགས་གསར་འགོད་པ་ཚོས་ངེས་པར་དུ་གཟབ་དགོས་པའི་དུས་ལ་སླེབས་འདུག དེང་སང་རྒྱའི་རྒྱུགས་ཁྱི་དེ་ཚོས་ཡང་གནས་ཚུལ་རྫུན་བཟོ་བྱས་ནས་དྲ་ལམ་དུ་འཇོག་མི་སྲིད་པ་མ་རེད། དེ་སྔོན་ཡང་བོད་ཀྱི་བང་ཆེན་དྲ་བའི་ཐོག་གསེར་རྟ་ནས་མི་གཉིས་ཀྱིས་རང་ལུས་མེ་བསྲེག་བཏང་ཡོད་པའི་གནས་ཚུལ་རྫུན་མ་བཏང་བྱུང་། ད་རེས་ཡང་གནས་ཚུལ་འདི་འདྲ་ཞིག་ངོ་དེབ་ཁག་ནས་བཏང་ཡོང་བ་ཨེ་ཤེ་ཡ་རང་དབང་རླུང་འཕྲིན་ཁང་གིས་དེ་མ་ཐག་བརྒྱུད་བསྒྲགས་བྱས་འདུག བརྟག་དཔྱད་དང་ཞིབ་འཇུག་མཐིལ་ཕྱིན་པ་མ་བྱས་པར་རྒྱལ་སྤྱིའི་གསར་ལམ་ཁག་ལ་བཏང་ནས་རྫུན་མ་ཡིན་པ་ར་འཕྲོད་སོང་ན། རྗེས་མ་གསར་འགྱུར་ལ་དོ་སྣང་དང་ཆ་འཇོག་མི་ཡོང་རྒྱུའི་ཉེན་ཁ་ཏན་ཏན་ཡོང་སྲིད་པས་ཚང་མས་རང་ཉིད་བོད་པ་ཞིན་བསམ་པ་དང་། རང་ཉིད་ལ་བོད་པའི་འགན་ཞིག་ཡོད་བསམ་པ་དེ་ནམ་ཡང་ཐུགས་ནས་མི་འདོར་བ་མཁྱེན།