རང་ཁྱིམ་དུ་སྨན་བཅོས་བྱེད་ཀྱི་འདུག

རྒྱ་གཞུང་གིས་ཆབ་སྲིད་བཙོན་པ་བློ་བཟང་བསྟན་འཛིན་ལཊ་སུ་མནར་གཅོད་ཚད་མེད་བཏང་སྟེ་དབང་བོ་སྐྱོན་ཅན་བཟོས་རྗེས། ཕྱིར་རང་ཁྱིམ་དུ་སྨན་བཅོས་བྱེད་དུ་བཏང་འདུག

རྒྱ་ནག་གཞུང་གིས་ཕྱི་ལོ་ ༡༩༨༨ ལོའི་ཕྱི་ཟླ་ ༣ ཚེས་ ༥ ཉིན། བོད་ཀྱི་རྒྱལ་ས་ལྷ་སར་བོད་མི་ཚོས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ཞི་རྒོ་བའི་ངོ་རྒོལ་བྱེད་སྐབས་འཛིན་བཟུང་བྱས་ཏེ། མི་ལོ་ ༢༤ ལྷག་གི་རིང་བཙོན་འཇུག་བྱས་ཡོད་པའི་དེ་སྔོན་བོད་ལྗོངས་སློབ་གྲྭ་ཆེན་མོར་སློབ་སྦྱོང་གནང་བཞིན་པའི་སློབ་མ་བློ་བཟང་བསྟན་འཛིན་ལཊ། བཙོན་ཁང་དུ་སྡོད་རིང་རྒྱ་ནག་གཞུང་གིས་བཀག་ཉར་འདྲི་གཅོད་དང་གཅར་རྡུང་མནར་གཅོད་ཚད་ལས་བརྒལ་བ་བཏང་སྟེ། གཅིན་པ་མངར་འགྱུར་ན་ཚ་བྱུང་བ་དང་། མཁལ་མ་དང་སྙིང་ཁམས་མི་བདེ་བ། མིག་གཉིས་ལོང་བར་གྱུར་བ་སོགས་གཟུཊ་པོའི་གནས་སྟངས་ཛ་དྲག་ཏུ་གྱུར་སྟབས། སྔར་ལོའི་ལོ་མཇུག་ཏུ་རྒྱ་གཞུང་གིས་སྨན་བཅོས་བདག་སྐྱོང་ལ་ཁ་གཡར་ཏེ་གློད་གྲོལ་བཏང་སྟེ། ཉེ་ལམ་རང་ཁྱིམ་དུ་སྨན་བཅོས་བྱེད་ཀྱི་ཡོད་འདུག ཅེས་ནོར་ཝེ་བོད་ཀྱི་རླུང་འཕྲིན་ཁང་གིས་གནས་ཚུལ་སྤེལ་འདུག

གནས་ཚུལ་ཤེས་རྟོཊ་བྱུང་བ་ལྟར་ན། རྒྱ་གཞུང་གིས་སྐབས་དེར་བློ་བཟང་བསྟན་འཛིན་ལཊ་འཛིན་བཟུང་ཐོག་དུས་འགྱངས་སྲོག་ཁྲིམས་ཀྱི་ཉེས་ཆད་བཅད་ཡོད་ཀྱང་། ཕྱིས་སུ་རྒྱལ་སྤྱིའི་སྤྱི་ཚོགས་ཀྱི་གནོན་ཤུཊ་འོག ༡༩༩༡ ལོར་དུས་ཡུན་ངེས་མེད་ཀྱི་བཙོན་འཇུག་ཁྲིམས་ཐག་བཅད་ཡོད་ལ། ༡༩༩༡ ལོའི་ཟླ་ ༣ ཚེས་ ༣༡ ཉིན་བློ་བཟང་བསྟན་འཛིན་གྱིས། སྐབས་དེར་བཙོན་ཁང་དུ་ལྟ་སྐོར་དུ་ཡོང་བའི་རྒྱ་ནག་གནས་སྡོད་ཨ་རིའི་གཞུང་ཚབ་ཁང་གི་གཞུང་ཚབ་པ་ལིས་ཅེ་མིན་ལ་སྙན་ཞུ་འབུལ་རྩིས་བྱས་སྐབས། རྒྱ་གཞུང་གིས་ཤེས་རྟོགས་བྱུང་སྟེ་ཁོང་ལ་སྡུག་སྦྱོང་མནར་གཅོད་ཚད་ལས་བརྒལ་བ་བཏང་ཡོད་པ་མ་ཟད། སྔར་ལོའི་ལོ་མཇུག་བར་གྲྭ་བཞི་བཙོན་ཁང་དང་སྤོ་གྲ་མོ་བཙོན་ཁང། ཆུ་ཤུར་བཙོན་ཁང་བཅས་སུ་བཙོན་འཇུག་བཀག་ཉར་བྱས་ཡོད།