མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་ཀྱི་སྤྲུལ་སྐུ་རྗེས་མ་ཡིན་སྲིད་དམ། ངོ་མ་ཡིན་ནམ།

བོད་ཀྱི་དུས་བབ།
༢༠༡༣/༠༥/༠༡
Share on FacebookShare on TwitterShare on EmailShare on Whatsapp

འབུམ་རམས་པ་བསྟན་འཛིན་རྡོ་རྗེས་བརྩམས། འཇམ་དབྱངས་གྲགས་པས་བསྒྱུར། 

འཇམ་དབྱངས་ནོར་བུས་བརྩམས་པའི་“བོད་ཀྱི་སྤྲུལ་སྐུ་རྗེས་མ་ཡིན་སྲིད་དམ། དབུས་བོད་མིའི་སྒྲིག་འཛུགས་ཀྱི་རྩ་ཁྲིམས་དང་འབྲེལ་བའི་རྩོད་རྙོག་དང་། མགོ་འཐོམས། ལྐོག་ཇུས་ཀྱི་སྐོར།”ཞེས་པའི་རྩོམ་ཡིག་འདིའི་ནང་དུ་བོད་ཀྱི་སྤྱི་ཚོགས་ཀྱི་སྲིད་བྱུས་དང་། དབུ་ཁྲིད་སྟངས། དམངས་གཙོ་བཅས་ཀྱི་སྐོར་ལ་བསམ་ཚུལ་གནད་འགག་ཅན་འགའ་འཁོད་འདུག

ཐོག་དང་པོར་ངས་ང་ཚོའི་ད་ལྟ་དང་མ་འོངས་པར་འབྲེལ་བའི་བརྗོད་གཞི་རྣམས་ཀྱི་ཐོག་བགྲོ་གླེང་བྱེད་འདོད། དེ་ནི་དམངས་གཙོའི་ལམ་ལུགས་ཀྱི་ནང་དུ་ལས་ཀ་ཚགས་ཚུད་པོ་ཡོང་བ་དང་ཐག་གཅོད་བྱེད་ཕྱོགས་ཀྱི་ཐད་གལ་ཆེན་པོ་ཆགས་ཡོད། རྩོམ་ཡིག་འདི་དང་འབྲེལ་ནས་གླེང་ན་ངས་གནད་དོན་འགའ་ཞིག་གི་ཐོག་ལྟ་ཕྱོགས་མ་འདྲ་བའི་སྒོ་ནས་བགྲོ་གླེང་བྱས་ཡོད།

དང་པོ། རྩོམ་པ་པོས་ “མི་དམངས་ཀྱི་དྲན་པ་དེ་ཐུང་ཐུང་ཡོད་ཙང་། མི་ཚང་མས་རང་རང་ལ་དྲན་གསོ་གཏོང་དགོས་པ་ཞིག་ལ་བློ་བཟང་སེང་གེ་ལགས་ནི་ ༢༠༡༡ ལོའི་ཟླ་ ༤ ཚེས་ ༢༦ ཉིན་བཀའ་བློན་ཁྲི་པའམ་བཙན་བྱོལ་བོད་གཞུང་གི་སྲིད་བློན་དུ་འོས་འདེམས་བྱས་པ་རེད། དེ་ལས་ལྷག་པ་མ་རེད་ལ་དེ་ལས་དམན་པའང་མ་རེད། བོད་ཀྱི་སྲིད་བློན་ནམ་ཁྱེད་ཚོ་མང་པོ་ཞིག་འབོད་པར་དགའ་བའི་བཀའ་བློན་ཁྲི་པ་ཙམ་ཞིག་རེད།”ཅེས་དྲན་གསོ་བྱས་ཏེ་བློ་བཟང་སེང་གེ་ལགས་ཀྱིས་རང་ཉིད་“ སྲིད་སྐྱོང་། དམངས་གཙོའི་ལམ་ནས་འོས་འདེམས་བྱས་ཤིང་༸གོང་ས་སྐྱབས་མགོན་ཆེན་པོ་མཆོག་གི་སྲིད་ཀྱི་ཤུལ་འཛིན་པ།”ཡིན་པར་འདོད་པ་དེ་བཀག་འདུག

ཡིན་ཡང་རྒྱུ་མཚན་ལྡན་པའི་ཐོག་ནས་བཤད་ན་འབུམ་རམས་པ་བློ་བཟང་སེང་གེ་ལགས་ཀྱིས་༸གོང་ས་མཆོག་ནས་བརྒྱུད་པའི་ལོ་རྒྱུས་ཀྱི་བྱུང་རིམ་ལྡན་པའི་སྲིད་ཀྱི་དབུ་ཁྲིད་ཀྱི་གོ་གནས་དེ་ཁྲིམས་མཐུན་ཞིག་དགོས་པ་རྩོད་གནང་བ་རེད། དེ་ལས་ལྷག་པ་ཞིག་མ་རེད་ལ་དེ་ལས་དམན་པ་ཞིག་ཀྱང་མ་རེད། ཡིན་ཡང་རྩོམ་པ་པོས་སྲིད་སྐྱོང་གི་སྲིད་ཀྱི་དབུ་ཁྲིད་ཀྱི་གོ་གནས་དེ་ལོ་རྒྱུས་ཀྱི་ཐོག་ནས་ཁྲིམས་མཐུན་ཡིན་མིན་ཐོག་གནད་དོན་སློང་བཞིན་པར་འདྲ། སྟབས་མ་ལེགས་པ་ཞིག་ལ་ཁོས་ “ཁོ་༸གོང་ས་མཆོག་གིས་ལོ་འགའི་སྔོན་དུ་གསུངས་མྱོང་བའི་མ་འདས་སྤྲུལ་སྐུ་དེ་ཨེ་རེད (༸གོང་ས་མཆོག་གིས་ཁོང་ཉིད་མ་འདས་སྔོན་ནས་ཁོང་དང་མཚུངས་པ་གཞན་ཞིག་ངོས་འཛིན་བྱེད་ཆོག)”ཅེས་སོགས་ཀྱི་དྲི་བ་དྲིས་ཏེ་སྲིད་སྐྱོང་ལ་འཕྱ་དམོད་དང་སྔོན་དཔག་ནོར་འཁྲུལ་ཅན་བྱས་འདུག

རྩོམ་པ་པོས་ད་དུང་བཤད་དོན། “གལ་སྲིད་སྲིད་སྐྱོང་ “༸གོང་ས་མཆོག་གི་སྲིད་ཀྱི་ཤུལ་འཛིན་པ་ཡིན་པ་”དང་ད་དུང་ཁོས་གཞུང་འབྲེལ་ཐོག་ནས་ཆོག་མཆན་སྤྲད་ཟིན་པའི་རྣམ་ཐར་རང་བཞིན་གྱི་གློག་བརྙན་དེའི་ནང་དུ་གསལ་བ་ལྟར་“བོད་ཀྱི་སྤྲུལ་སྐུ་རྗེས་མ་”དེ་ཡིན་སྲིད་ན་ང་ཚོ་ནི་སྲིད་བློན་སྲིན་འཛིན་དུ་བསྒྱུར་བ་ལས་ཀྱང་ཟབ་པའི་བཅའ་ཁྲིམས་ཀྱི་རྫབ་དོང་ཞིག་ཏུ་ལྷུང་ཡོད། སྲིད་བློན་སྲིད་འཛིན་དུ་བསྒྱུར་བ་འདིའང་དཀའ་རྙོག་ཅིག་ཡིན་ནའང་འདིས་བཅའ་ཁྲིམས་ལ་གཞི་མི་བཅོལ་བར་མཚན་ཉིད་རིག་པར་གཞི་བཅོལ་བའི་ལམ་ལུགས་ཞིག་ལ་འདྲི་འོས་པའི་ཆོས་ལུགས་ཀྱི་དྲི་བ་རྣམས་འདྲུད་ཡོང་གི་མ་རེད” 

༸གོང་ས་སྐྱབས་མགོན་ཆེན་པོ་མཆོག་གིས་འོས་བསྡུའི་ལམ་ནས་བདམས་པའི་དབུ་ཁྲིད་ལ་སྲིད་ཀྱི་དབང་ཆ་གནང་སྟེ་ཁོང་གི་སྔོན་རབས་པ་འགའ་ཞིག་གི་རྗེས་སུ་བཟུང་ནས་ཆོས་ཀྱི་དབུ་ཁྲིད་ཁོ་ན་གནང་གི་ཡོད། ལོ་རྒྱུས་རང་བཞིན་གྱི་ཐག་གཅོད་འདི་གནང་སྟེ་ཁོང་གིས་༸རྒྱལ་བ་ལྔ་བ་ཆེན་པོ་ནས་བཅུ་བཞི་པ་ཆེན་པོའི་བར་དུ་གནས་ཡོད་པའི་སྲིད་གཞུང་དང་དགོན་པ་དེའང་ཁ་ཁ་གནང་བ་རེད།

སྤྱི་ཚོགས་དང་སྲིད་དོན་གྱི་འགྱུར་བ་གསར་བ་འདི་དྲངས་ཟིན་པར་སོང་མ་འདས་སྤྲུལ་སྐུ་ཞེས་པ་ད་ལྟ་དང་མ་འོངས་པའི་སྲིད་སྐྱོང་ངམ་སྲིད་ཀྱི་དབུ་ཁྲིད་དང་འབྲེལ་བ་ཆགས་དོན་མེད། དེར་མ་ཟད་༸གོང་ས་མཆོག་གིས་ཁོང་གི་མ་འོངས་པའི་ཡང་སྲིད་ཀྱི་ཐོག་ཐག་གཅོད་བྱེད་པར་བྲེལ་བ་མེད་ཅེས་གསལ་བར་གསུངས་ཟིན། དུས་རན་པ་དང་དགོས་མཁོ་བྱུང་བར་གཟིགས་སྐབས་ཁོང་གིས་གང་བདམས་པ་དེ་བོད་དང་བོད་མིའི་ཆོས་ཀྱི་དབུ་ཁྲིད་ཁོ་ན་རེད།

རྩོམ་པ་པོས་འབུམ་རམས་པ་བློ་བཟང་སེང་གེའི་སྐོར་གྱི་དངོས་བྱུང་གློག་བརྙན་<<ཕྱི་མི། བོད་ཀྱི་སྤྲུལ་སྐུ་རྗེས་མ་ཡིན་སྲིད་དམ>>ཞེས་པར་གཞི་བཅོལ་ཏེ་ཆོས་དང་སྲིད་ཀྱི་གནད་དོན་རྣམས་མཉམ་དུ་བསྲེས་འདུག ངས་ཤེས་ཚོད་བྱས་ན་བོད་ཀྱི་སྤྲུལ་སྐུ་རྗེས་མ་དེ་འབུམ་རམས་པ་བློ་བཟང་སེང་གེའི་དབུ་ཁྲིད་དང་འབྲེལ་བ་ཡོད་མི་སྲིད། དེ་བས་གློག་བརྙན་བཟོ་བསྐྲུན་པ་རྣམས་ཀྱིས་དངོས་བྱུང་གློག་བརྙན་དེའི་མིང་གི་སྐོར་ལ་བསྐྱར་དུ་བསམ་ཞིབ་ཅིག་གནང་ན་ངོ་མ་མཁས་པ་རེད།

གཉིས་པ། རྩོམ་པ་པོས་༸གོང་མཆོག་གིས་ཕྱི་ལོ་ཉིས་སྟོང་བཅུ་གསུམ་ལོའི་ཕྱི་ཟླ་གསུམ་པའི་ཚེས་ཉེར་དགུ་ཉིན་རྒྱ་གར་བྱང་ཕྱོགས་ཀྱི་ས་ལུ་གྷར་དུ་གསུང་ཆོས་སྐབས་སུ་གནང་བའི་གསུང་བཤད་དེའི་ཐོག་དོགས་སློང་བྱས་འདུག དེའང་རྩོམ་པ་པོས་བཤད་དོན། “༸གོང་ས་མཆོག་གིས་ཁོང་གི་མི་མང་རྣམས་ཀྱིས་ཁོང་ལ་དད་པ་བྱེད་ཀྱིན་ཡོད་གསུངས་པ་བདེན་པ་བདེན་རྐྱང་རེད། ཡིན་ཡང་ཁོང་གི་གསུང་ཕྱི་མ་སྟེ་ “ང་ལ་ལས་འགན་ཡོད་”གསུངས་པ་དེ་ཁོང་ལ་བོད་ཀྱི་སྤྱི་ཚོགས་སུ་“དབང་ཆ་མཐོ་ཤོས་དེ་ཡོད་”གསུངས་པ་དང་གཅིག་ཡིན་ལ། ལྷག་པར་དུ་དབུ་མའི་ལམ་གྱི་གནད་དོན་གྱི་ཐོག་ཁོང་གིས་དེ་གསུངས་པ་དང་ཁྱད་མི་འདུག་སྟེ་སྲིད་བྱུས་ལ་འགྱུར་བ་གཏོང་མི་ཆོག་པའི་རྣམ་འགྱུར་བསྟན་ཡོང་གི་འདུག” འདིར་ཡང་རྩོམ་པ་པོས་༸གོང་ས་མཆོག་གི་གསུང་བཤད་དེ་ལ་དོགས་སློང་བྱས་པར་རྒྱུ་མཚན་ཅི་ཡང་མི་འདུག

༸གོང་ས་མཆོག་གིས་སྲིད་ཀྱི་དབང་ཆ་གཏད་ཟིན་རྗེས་ནས་སྲིད་དོན་གྱི་གསུང་བཤད་གནང་བ་ལས་གཡོལ་གང་ཐུབ་གནང་གི་ཡོད་ལ། གསར་འགོད་པ་རྣམས་བོད་ཀྱི་སྲིད་དོན་དབུ་ཁྲིད་གསར་བ་སྲིད་སྐྱོང་མཆོག་གི་ཕྱོགས་སུ་མངགས་ཀྱིན་ཡོད། ཁོང་གིས་ཁོང་གི་དམ་བཅའ་གསུམ་པོ་དེ་གསུང་བཞིན་འཛམ་གླིང་མི་མང་ལ་ཁོང་བོད་ཀྱི་སྲིད་ཀྱི་མགོ་ཁྲིད་མིན་པ་དང་། བོད་མི་མང་གིས་ཁོང་ལ་དད་པ་ཚད་མེད་བྱེད་པས་ན་ཁོང་ནི་དེ་དག་གི་མགྲིན་ཚབ་པ་ཡིན་པ་དང་། ཁོང་ཉིད་བོད་མི་ཡིན་པས་ན་འགན་ཁུར་ཡོད་པའི་སྐོར་བཅས་གསལ་བར་གསུང་གིན་ཡོད།

དེ་བས་ཁོང་གིས་བོད་དང་བོད་མིའི་ཕྱོགས་སུ་ལས་འགན་ཡོད་པ་ཚོར་བ་ལྟར་ད་དུང་ཁོང་ལ་“ལས་འགན་ཡོད”པ་རེད། འདི་བསྐྱར་བཅོས་བྱས་ཏེ་ “ད་དུང་སྲིད་ཀྱི་དབང་ཆ་མཐོ་ཤོས་དེ་ཡོད་”ཅེས་བྲི་སའི་གནས་ཤིག་མེད་ལ་བྲི་བྱ་དེའང་ནོར་བ་རེད། ཁོང་གིས་སྲིད་ཀྱི་དབང་ཆ་ཆ་ཚང་འོས་བསྡུའི་ལམ་ནས་བདམས་པའི་དབུ་ཁྲིད་ལ་གནང་ཟིན་པར་མ་ཟད།  འཛམ་བུ་གླིང་གིས་དེ་ཤེས་ཏེ་བློ་ཁོག་དང་གཞན་ཕན་ཅན་གྱི་ཐག་གཅོད་དེ་དང་བྱ་བ་དེ་ལ་བསྔགས་བརྗོད་ཀྱང་གནང་གིན་ཡོད།

རྩོམ་པ་པོས་ད་དུང་གླེང་དོན། “གལ་སྲིད་དེ་ལྟར་ཡིན་པ་དང་ཏཱ་ལའི་བླ་མ་རྒན་ཡོལ་གནང་རྗེས་ཀྱི་“ལོ་གཉིས་”ཀྱི་ནང་དུ་ཁོང་གི་སྲིད་བྱུས་དེ་ལམ་ལྷོང་བྱུང་ཡོད་མེད་ཀྱི་ཐོག་བགྲོ་གླེང་ལྷུག་པོ་ཞིག་བྱེད་མ་ཐུབ་ན་བོད་མི་བཙན་བྱོལ་བ་རྣམས་ལ་དམངས་གཙོ་ཡོད་པའི་གཏམ་དེ་ནི་གད་མོ་སློང་བྱེད་ཅིག་ཏུ་གྱུར་བ་རེད། འདི་རྒྱ་ནག་གཞུང་གིས་རྟག་ཏུ་ཏ་ལའི་བླ་མ་ཁུངས་བཙུན་མིན་པ་དང་གཞུང་དྲང་མིན་པའི་སྐྱོན་བརྗོད་བྱེད་པ་དེ་ངོ་མ་ཡིན་པའི་བདེན་དཔང་ལྟ་བུར་གྱུར་འདུག

གང་ལགས་ཤེ་ན་ཝོལ་སི་ཁྲི་རི་ཁྲི་དུས་དེབ་ཐོག་ཏུ་འདི་ལྟར་བཀོད་འདུག ‘རྒྱ་ནག་གཞུང་གིས་ཏཱ་ལའི་བླ་མ་རྒན་གཡོལ་ཞུས་པ་དེ་ནི་རྒྱལ་སྤྱིའི་ཚོགས་སྡེ་ཁག་ཡིད་དབང་འཕྲོག་ཕྱིར་འཁྲབ་པའི་གཡོ་སྒྱུ་ཞིག་ལ་བརྩི་གིན་ཡོད།’ ”  རྩོམ་པ་པོས་༸གོང་ས་མཆོག་གིས་ཁོང་གི་སྲིད་བྱུས་དབུ་མའི་ལམ་དེ་ཉིད་ལམ་ལྷོང་ཡོད་མེད་ཀྱི་ཐོག་ལ་བགྲོ་གླེང་ལྷུག་པོ་ཞིག་གནང་མི་ཐུབ་པའི་ཆེད་དུ་བར་གྱང་ཞིག་བསླངས་འདུག་བསམ་པར་འདྲ། འདི་ནི་རྩོམ་པ་པོས་བཤད་པའི་ཆོ་མེད་པའི་སྐད་ཆ་ཆེས་སྡུག་ཤོས་དེ་ཡིན་ངེས། ༸གོང་ས་མཆོག་ནི་མཐའ་མར་བོད་ཀྱི་གནད་དོན་བོད་མི་ཚོས་ཐག་གཅོད་ཀྱིན་ཡོད་ལ་ཁོང་ནི་གནད་དོན་དེའི་ཐོག་ཕྱི་གསལ་ནང་གསལ་ཡིན་གསུང་མཁན་དེའི་ཡན་ན་མེད་པ་དེ་རེད།

༸གོང་ས་མཆོག་གིས་དབུ་མའི་ལམ་གྱི་ལྟ་བ་དེའི་གྲོས་མགོ་བཏོན་ཡོད་ཀྱང་དེ་ནི་བོད་མི་མང་གི་སྐུ་ཚབ་ཚོས་ཚོགས་ཆེན་དང་སྤྱི་འཐུས་ཚོགས་ཏེ་གྲོས་མོལ་ལེགས་པར་བྱས་རྗེས་རྒྱལ་ཁབ་ཀྱི་སྲིད་བྱུས་སུ་བཟུང་བ་རེད། གལ་སྲིད་ང་ཚོ་བོད་པ་རྣམས་གནད་དོན་འདི་འདྲ་བའི་ཐོག་ལ་བགྲོ་གླེང་ལྷུག་པོར་བྱེད་མ་ཐུབ་ཚེ་ང་ཚོ་འཆུག་པ་རེད། ང་ཚོས་འདི་ལ་གདོང་ལེན་བྱེད་དགོས། རྩོམ་པ་པོས་འདོད་པའི་ལྡོག་ཕྱོགས་ཏག་ཏག་སྟེ་བོད་རིགས་འདུས་སྡོད་ཀྱི་ས་ཁུལ་ཁག་ཏུ་བོད་དོན་ཐོག་བགྲོ་གླེང་བྱེད་པ་མང་པོར་མཐོང་རྒྱུ་ཡོད།

ཉེ་དུས་ཚོགས་པའི་བོད་རྒྱལ་ཡོངས་རང་བཙན་ལྷན་ཚོགས་དང་ངྷ་སར་ཚོགས་པའི་རང་བཙན་ཚོགས་འདུ། ནུབ་ཕྱོགས་སུ་སྨྲ་བརྗོད་རང་དབང་ལ་བདེན་དཔང་བྱེད་པ་དང་ང་ཚོར་གལ་གནད་ཆེ་བའི་གནད་དོན་རྣམས་ཀྱི་ཐོག་རང་དབང་ངང་གྲོས་མོལ་བྱེད་ཀྱིན་ཡོད། དེར་མ་ཟད་སྤྱི་འཐུས་ཀརྨ་ཆོས་འཕེལ་གྱིས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་ཁང་ནང་དུ་ཁོ་རང་སྒེར་གྱིས་རང་བཙན་ལ་འཛིན་པའི་ལྟ་ཚུལ་བརྗོད་པ་འདི་དག་གིས་སྨྲ་བརྗོད་རང་དབང་དང་རང་དབང་དེ་བདག་སྲུང་བྱེད་བཞིན་པ་མཚོན་གིན་མི་འདུག་དམ།

༸གོང་ས་མཆོག་གིས་ང་ཚོའི་ཤིན་ཏུ་རིང་བའི་ལོ་རྒྱུས་ཀྱི་ཆེས་དཀའ་ཁག་ཅན་གྱི་དུས་སྐབས་སུ་གཞོན་ནུའི་དུས་ནས་རྒན་པོའི་དུས་བར་དུ་བོད་དང་བོད་མིར་ཞབས་ཕྱི་བསྒྲུབས་ཡོད་ཅིང་། ཁོང་གིས་ང་ཚོར་གནང་བའི་དམངས་གཙོ་སྟེ་རྩོམ་པ་པོས་ངོས་འཛིན་ཐོབ་ཡོད་པའི་ཕྱིར་བཞག་དངོས་པོ་དེ་གཅིིག་པུ་ང་ཚོས་ཕྱིར་ཚོད་གཞི་གཅིག་གིས་སྤྲོད་ཐབས་བྲལ་བའི་ལེགས་སྐྱེས་ཤིག་རེད།༸གོང་ས་མཆོག་གིས་བོད་ཀྱི་སྤྱི་ཚོགས་དང་། ངོ་བོ། ལེགས་བྱང་། བོད་དོན་བཅས་གནས་པའི་ཕྱིར་དུ་བློས་བཏང་ཚོད་མེད་ཅིག་གནང་ཡོད་ལ། ལེགས་སྐྱེས་གྲངས་མེད་ཅིང་ཕུལ་ཡོད་ནའང་། ཕྱིར་དེའི་ཚབ་དུ་ཅི་ཡང་སྦྱིན་དགོས་པའི་རེ་བ་གནང་གིན་མེད། ༸གོང་ས་མཆོག་གིས་ཁོང་གི་འོས་འགན་གྱི་སྐལ་བ་ལས་ལྷག་པ་ཞིག་གནང་ཡོད་པས་ད་མི་རིགས་ཀྱི་གནད་དོན་ཁ་ལོ་བསྒྱུར་རྒྱུ་དེ་ང་ཚོའི་ལས་འགན་རེད། བོད་ཀྱི་མ་འོངས་པ་དེ་༸གོང་ས་མཆོག་གི་ཕྱག་ཏུ་མེད་པར་བོད་མི་ཚོའི་ལག་ཏུ་ཡོད། ལྷག་པར་དུ་གཞོན་སྐྱེས་ཚོའི་ལག་ཏུ་ཡོད།

༸གོང་ས་མཆོག་གིས་ང་ཚོའི་ཆེད་དུ་གང་གནང་བ་རྣམས་བཀའ་དྲིན་རྗེས་སུ་དྲན་པའི་ཐོག་ནས་ང་ཚོ་རང་ཉིད་ཀྱི་སྐལ་བ་དེ་བསྒྲུབ་པའི་དམ་བཅའ་འཇོག ལྟ་ཚུལ་སྣ་མང་གི་ལམ་ནས་བོད་དོན་ལ་གོ་རྟོགས་ངེས་ཤེས་འཕེར་བ་ཞིག་སྐྱེས་པ་དེར་གཞི་བཅོལ་ནས་བྱ་བ་སྒྲུབ་པ་དང་ཐག་གཅོད་གནང་བ་སོགས་གནང་ཐུབ་ཚེ་དེ་ནི་ཐབས་ལམ་ཡག་ཤོས་སུ་མཐོང་ངོ་།།

འབྲེལ་ཡོད་གསར་འགྱུར།

མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས། བོད་མིའི་སྒྲིག་འཛུགས་ཀྱི་སྐུ་པར། ༢༠༢༥།༦།༣༠
Mobile App

༧གོང་ས་རྒྱལ་བ་རིན་པོ་མཆོག་ལ་རྒྱ་གར་གྱི་གཟེངས་རྟགས་མཐོ་ཤོས་དེ་དབུལ་དགོས་པའི་འབོད་སྐུལ་ཞུས།

༢༠༢༥/༠༧/༠༩
རྒྱ་གར་ཡུལ་མི་རྣམས་ཀྱིས་བོད་རིགས་བྱིས་པའི་བྲིས་པའི་རི་མོར་གཟིགས་ཞིབ་གནང་བཞིན་པ། འབྲེལ་ཡོད་ཀྱིས་མཁོ་སྤྲོད་གནང་། ༢༠༢༥།༧།༧
Mobile App

བརྩེ་བའི་སྐུ་མདུན་ཞེས་པའི་རི་མོའི་འགྲེམས་སྟོན་བྱེད་བཞིན་འདུག 

༢༠༢༥/༠༧/༠༩
བོད་རང་སྐྱོང་ལྗོངས་མི་དམངས་སྲིད་གཞུང་ཟེར་བའི་མགོ་ཁྲིད་གཞོན་པ་ཟུར་བ་ཝང་ཡུང་།
གསར་འགྱུར།

བོད་རང་སྐྱོང་ལྗོངས་ཟེར་བའི་མགོ་ཁྲིད་གཞོན་པ་ཟུར་བ་ཞིག་ལ་སྲོག་ཁྲིམས་གཅད་རྒྱུ་ཡིན་འདུག

༢༠༢༥/༠༧/༠༩
Ren Quanniu said the Henan Provincial Justice Department revoked his licence over comments he made in court in a 2018 case [File: Leo Ramirez/ AFP]
Mobile App

རྒྱ་ནག་ནང་གི་ཁྲིམས་ཀྱི་ཁོར་ཡུག་རིག་གནས་གསར་བརྗེའི་དུས་སྐབས་དང་འདྲ་བོ་ཆགས་ཡོད་སྐོར་བརྗོད།

༢༠༢༥/༠༧/༠༨
Foreign Ministry Spokesperson Mao Ning 
Mobile App

རྒྱ་ནག་གི་མགྲིན་ཚབ་པས་རྒྱ་གར་གྱི་སྲིད་བློན་མུ་དྷི་མཆོག་ལ་སྐྱོན་བརྗོད་བྱས།

༢༠༢༥/༠༧/༠༨
A group of foreign tourists takes in the Palace Museum in Beijing, on April 7, 2024. (PROVIDED TO CHINA DAILY)
Mobile App

རྒྱ་ནག་གིས་རྒྱལ་ཁབ་ ༧༠ ལྷག་ལ་ཐོངས་མཆན་རིན་མེད་སྤྲོད་ཀྱི་ཡོད་ཀྱང་བོད་མི་ཁག་ཅིག་གནམ་ཐང་ནས་ཕྱིར་ལོག་བཏང་འདུག

༢༠༢༥/༠༧/༠༨

མཆན། 6

  1. བསྟན་ཆོས། says:
    ལོ་ 12 སྔོན།

    དོན་ལ་དཔྱོད།རྩོམ་རྩལ་གཉིས་པར་ཞོག བོད་པས་གོང༧ས་མཆོག་སྐྱབས་མགོན་ལས་ལྷར་འཛིན་པ་? འདིར་དྲེང་བའི་འཇམ་ནོར་གྱི་སྐད་ཆ་དེ་དག་ཡང་དག་པ་ཨེ་རེད། དཔྱད་བྱ་གཙོ་བོ་དེ་རེད་བསམ་མོ།།

    Reply
  2. ཨ་མཆོད་འཇམ་དཔལ་ཚུལ་ཁྲིམས། says:
    ལོ་ 12 སྔོན།

    འདིར་གནད་དོན་ཞིག་ཡོད་པ་ནི་ང་ཚོ་མང་ཆེ་བས་༧གོང་ས་མཆོག་མི་རུ་འཛིན་མི་ཐུབ་པ་དེ་རེད། གལ་སྲིད་ང་ཚོས་༧ཁོང་ལ་མི་ཞིག་གི་འདུ་ཤེས་བཞག་ཡོད་ན་འཇམ་ནོར་གྱི་ཚིག་དེ་དག་གིས་ཕོགས་ཐུག་གང་ཡང་གཏོང་མི་ཐུབ།
    དྲི་བ་ཞིག་ཡོད་པ་ནིཿ ༧གོང་ས་མཆོག་ལ་ལྷ་ཡི་འདུ་ཤེས་འཇོག་པ་དེ་༧ཁོང་ལ་མཐོང་ཆུང་བྱས་པ་རེད་དམ་གདེངས་འཇོག་བྱས་པ་རེད། ངས་བལྟས་ན་མཐོང་ཆུང་དང་མཚན་སྨད་ངོ་མ་དེ་༧ཁོང་ལ་ལྷར་འཛིན་པ་དེ་མིན་ནམ་སྙམ། གང་ལགས་ཤེ་ན་གལ་སྲིད་ཁོང་ལྷ་ཡིན་ན་མི་ཡི་ཤ་ཚུགས་མ་གཏོགས་སྟོན་མི་ཐུབ་དོན་གང་ཡིན། གལ་སྲིད་༧ཁོང་གིས་བརྫུ་འཕྲུལ་ཞིག་བསྟན་ན་དེས་མང་ཚོགས་ཀྱི་བློ་འགུག་མི་ཐུབ་ཡེ་ནས་མི་སྲིད་པ་རེད།

    Reply
  3. Dawai Shonu says:
    ལོ་ 12 སྔོན།

    བོད་པའི་སྤྱི་ཚོགས་ནང་བུམ་རམ་པའི་མིང་ཡོད་མཁན་ལམ་ཁ་བོར་བ་དེ་འདྲ་མང་པོ་ཡོད། དེའི་ནང་ནས་གཅིག་ནི་རྩོམ་འདིའི་བདག་པོ་བསྟན་འཛིན་རྡོ་རྗེ་ཡིན་ས་རེད། རྩོམ་འདི་བྲིས་མཁན་གྱིས་འཇམ་དབྱངས་ནོར་བུའི་རྩོམ་ལ་འགག་ལན་རྒྱག་ཁུལ་བྱས་འདུག་ཀྱང་ཆོ་གཅིག་ཀྱང་བྱུང་མིན་འདུག འབུམ་རམ་པའི་རྩོམ་གི་དྲི་མ་ཡང་མིན་འདུག

    Reply
  4. ལྗང་གཞོན། says:
    ལོ་ 12 སྔོན།

    བསྟན་འཛིན་རྡོ་རྗེ་ལགས་ཀྱི་དགག་རྩོམ་འདིར་བཀླགས་རྗེས་ཁོང་གིས་འབུམ་རམས་པའི་ཉམས་ཞིབ་(thesis) གང་འདྲ་ཞིག་བྲིས་ཡོད་ན་བསམ་པའི་དོགས་པ་བྱུང་། འཇམ་ནོར་གྱི་རྩོམ་ཡིག་ལ་དགག་རྩོམ་ཞིག་སྤེལ་ཁུལ་བྱས་ཡོད་ཀྱང་། འཇམ་ནོར་གྱི་རྩོམ་ཡིག་གི་དོན་ཚན་བྱེ་བྲག་པའི་ཐད་འགྲེལ་བཤད་ཙམ་དང་རང་ཉིད་རྩོམ་ཡིག་དེར་མོས་པ་མེད་པའི་རྣམ་འགྱུར་ལས། ཕ་རོལ་པའི་རྩོམ་ཡིག་ཚད་ལྡན་མིན་པའི་ཁུངས་སྐྱེལ་ར་སྤྲོད་དང་རང་ཉིན་གྱི་ལངས་ཕྱོགས་ལ་སྒྲུབ་བྱེད་གང་ཡང་མི་འདུག དཔེར་ན། ” འདིར་ཡང་རྩོམ་པ་པོས་༸གོང་ས་མཆོག་གི་གསུང་བཤད་དེ་ལ་དོགས་སློང་བྱས་པར་རྒྱུ་མཚན་ཅི་ཡང་མི་འདུག ” ཅེས་པ་ལྟ་བུ་རེད། རྒྱུ་མཚན་ཅི་ཡང་མེད་ན་ཇི་ལྟར་མེད་པ་ལྟ་གྲུབ་དང་གནས་ལུགས། སྲིད་བྱུས་བཅའ་ཁྲིམས་སོགས་གཞི་རུ་བཞག་སྟེ་བསྒྲུབ་དགོས་པ་ལས། རྒྱུ་མཚན་མི་འདུག་ཅེ་ན། དེས་ག་རེ་སྒྲུབ་ཐུབ་བམ།

    Reply
  5. གནས་ཚང་། says:
    ལོ་ 12 སྔོན།

    ལག་ལེན་མེད་པའི་གཞུང་ལུགས་ཀྱི་སྐད་ཆ་རེད། ལ༈ག་བསམ་གྱི་སྐད་ཆ་རེད། ཡིན་ནའི། ལག་ལེན་དང་རྒྱང་ཁད་ཡོག་རེད། གལ་སྲིད་བདེན་པ་མ་རེད་བསམ་ན། འབུམ་རམས་པ་ལགས་ངྷ་སར་ལས་ཀར་ཕེབས་དང་ཤེས་ཐག་ཆོད་ཡོད་དོ།

    Reply
  6. ཤིག། says:
    ལོ་ 12 སྔོན།

    ལན་ཡག་པོ་ཞེ་དྲག་གསུང་འདུག། ལེགས་སོ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese