དེ་རིང་ཁ་སང་གི་ངྷ་སའི་ཆབ་སྲིད་གནས་བབས།

རིགས་ཞེན་རིག་པའི་ལམ་ནས་རྒྱང་ལ་བལྟོས།།
ཕྱོགས་ཚིག་ལག་པའི་ནང་ཤུན་རྡུལ་དུ་བརླག།
ཡི་གེའི་དཀའ་ངན་སེལ་བ་ཡི་ག་ཆད།།
བསམ་ཞིང་ངུ་མ་དགོད་ཀྱིས་ཕྱིར་ཏུ་ལོག།

བོད་པ་ཟེར་གྱིན་སྙིང་ཁ་ནང་ལ་རྡེག།
མཁྲེགས་འཛིན་སྲིད་གཞུང་མདུན་ན་ཉམ་རེ་ཆུང་།།
ཆགས་སྡང་ཚོར་བ་མཐེ་གཞུང་མཐིལ་ན་ཁྱུད།།
མགོ་བོ་བཅག་ཅིང་མདུན་ངོས་ཨ་ལ་ལ།

ང་ཁྲམ་པ་བཟོ་ཡི་འདུག
སྤྱི་འཐུས་ཀརྨ་ཆོས་འཕེལ་གྱི་སྤྱི་འཐུས་སྒེར་གྱི་གསལ་བཤད་སྐོར་༧གོང་ས་མཆོག་ལ་བཀའ་འདྲི་ཞུས་པའི་བཀའ་ལན།

དྲི་བ། བཀྲ་ཤིས་བདེ་ལེགས། ཆབ་སྲིད་ཀྱི་གོ་རྟོགས་སྤེལ་གྱི་ཡོད་པར་འབྲེལ་བ་ཡོད་སྟབས། ༧གོང་ས་མཆོག་གིས་ལམ་དབུ་མ་རྩོད་ཀྱི་ཡོད་པ་བཀའ་སློབ་རབ་དང་རིམ་པར་ཕེབས་ཀྱི་ཡོད་ཀྱང། ཉེ་ཆར་སྤྱི་འཐུས་ཤིག་གིས་༧གོང་ས་མཆོག་ལམ་དབུ་མ་པ་མ་ཡིན་པ་རང་བཙན་གཙང་མ་རྩོད་ཀྱི་ཡོད་པ་རེད་ཅེས་གསུངས་པ་གོ་ཐོས་བྱུང། དེ་འདྲའི་ནོར་འཁྲུལ་ཅི་ལྟར་ཤོར་གྱི་ཡོད་པ་རེད། ༧སྐྱབས་མགོན་རིན་པོ་ཆེས་དེར་ཐུགས་བསམ་གང་འདྲ་བཞེས་ཀྱི་ཡོད།

༧གོང་ས་མཆོག ཨོ་ཡ། ང་ཁྲམ་པ་བཟོ་ཡི་ཡོད་པ་རེད། ང་ཁྲམ་པ་བཟོ་ཡི་ཡོད་པ་རེད་གདའ། ཤེས་སོང་ངམ། ངས་ཁ་ནས་རང་སྐྱོང་བཤད་ཀྱི་ཡོད་པ་མ་གཏོགས་སེམས་ཀྱི་སྟེང་ནས་རང་བཙན་རྩོད་ཀྱི་ཡོད་པ་རེད་ཅེས་པ་དེས་ང་ཁྲམ་པ་བཟོ་ཡི་ཡོད་པ་རེད། ང་ཁྲམ་པ་བཟོས་ན་ཕན་ཐོག་ཅིག་འདུག་གམ། ངས་འཛམ་བུ་གླིང་གི་མི་སུ་ལ་སྐད་ཆ་བཤད་པ་ཡིན་ནའང། དྲང་པོ་དྲང་བཞག་ཕྱི་གསལ་ནང་གསལ་བྱེད་དགོས་པ་རེད་ཅེས་རྟག་པར་བཤད་བསྡད་ཡོད། ངས་གོང་དུ་ཞུས་པ་ནང་བཞིན་རེད། ༡༩༥༠ ནས་ང་ཚོས་རང་བཙན་གྱི་ཐབས་ཤེས་བྱས་ཡོད་པ་རེད། མཐའ་མར་གྲོས་མཐུན་དོན་ཚན་བཅུ་བདུན་སྒང་ལ་ཕྱིན་པ་རེད། ད་དེ་ནས་རྒྱ་གར་དུ་སླེབས་ནས་ང་ཚོས་རང་བཙན་སྒང་ལ་འབད་བརྩོན་བྱས་པ་རེད། ག་གེ་འགྲུབ་ཡ་མི་འདུག་གཱ མ་བྱས་པ་མ་རེད་གདའ། རྗེས་སུ ༡༩༧༤ ནས་ཁ་ཞེ་གཉིས་མེད་ཐོག་གཉིས་ཕན་བྱས་པ་དེ་རེད། ཁ་ཞེ་གཉིས་མེད་ཡིན་མ་གཏོགས། དེ་ལྟའི་སྐད་ཆ་དེ་ཚོས་ང་ཁྲམ་པ་བཟོ་ཡི་ཡོད་པ་རེད། ཁྱེད་ནས་མིང་བཤད་མ་ནུས་པ་གེ་བྱེད་དགོས་པ་མ་རེད། ཀརྨ་ཆོས་འཕེལ་རེད། སྤྱི་འཐུས་ཀརྨ་ཆོས་འཕེལ་རེད། ཁོ་རང་ལྷག་བསམ་ཅིག་ད་ཏན་ཏན་ཡིན་རྒྱུ་རེད་པཱ། ཡིན་ནའང། བཤད་སྟངས་དང་བྱེད་སྟངས་དེས་ང་ཁྲམ་པ་བཟོ་ཡི་འདུག དེ་འདྲ་ཡིན་སྟབས། མཐའ་མར་འུ་ཐུག་ནས་ཡིག་ཚང་ནས་གསལ་བཤད་ཅིག་བྱེད་དགོས་འཁེལ་བ་རེད།

༼ ༡ མཆན། ༧གོང་ས་མཆོག་གིས་དབུས་ཀྱི་ཡུལ་སྐད་མ་བིན་གསུངས་འདུག མ་བིན་གྱི་དོན་ནི་ཁྲམ་པ་དང་སྐྱག་རྫུན་བཤད་མཁན་ལ་གོ་ཡི་ཡོད་པ་སྟབས་ཁྲམ་པ་ཞེས་བྲིས་ཡོད། ཤར་ཕྱོགས་ཁུག་རྟས། ༽

བརྙན་འཕྲིན་ངོ་མ་དྲ་འབྲེལ་འདི་ནས་གཟིགས།། http://www.youtube.com/watch?v=M3-rHjB6d_w&feature=share

སྤྱིར་ཟློ་བ་ཟེར་བའི་ཚིག་འདི་གླེན་ཤེད་ཨུ་ཚུགས་ཅན་དག་གིས་བེད་སྤྱོད་གནང་རྒྱུའི་ཚིག་གཅིག་མ་རེད། ལྷག་པར་དུ་དོན་གྲུབ་ལྷ་དར་ལྟ་བུ་དང་དག་ཆའི་མགོ་མི་འཁྱོང་བ་འཇམ་གཅེས་ལྟ་བུར་དེ་བས་ཀྱང་ལན་པོ་ཡོད་པ་མ་རེད།

བློ་སེང་གིས་བཀྲས་མཐོང་ལ་རྣམ་འགྱུར་ཅི་བསྟན་དང་དེའི་རྒྱབ་སྐྱོར་པར་ག་རེ་གནང་མིན་བཤད་མ་དགོས་པའི་དོན་དག་ཅིག་རེད། བློ་སེང་གི་བྱེད་སྟངས་དེས་དང་པོ་རང་ནས་ཁོང་ལ་ཐོབ་དགོས་པ་དང་ཐོབ་ན་བཟང་བའི་རྒྱབ་སྐྱོར་མང་པོ་ཞིག་འཕྲོ་བརླག་བཏང་ཟིན་པ་རེད།

བལ་ཡུལ་ནས་མང་ཆེ་བས་བཀྲས་མཐོང་ལ་རྒྱབ་སྐྱོར་ཡོད་པ་བལ་ཡུལ་གནས་སྡོད་ཀུན་ལ་ཕྲིས་དང་གསལ་བོ་རེད། བདེ་སྐྱིད་ཆོས་དབྱིངས་དང་ཁོ་པ་གཉིས་གནའ་སྔ་མོ་ནས་ལྐོག་ཐུག་ལྐོག་འཁྲིག་རེད། རྒྱལ་ཁབ་ཚད་ལྡན་ཞིག་ཡིན་ན་ཟུར་མོ་རོལ་ན་ཁྲིམས་འགལ་ཆགས་ཟིན་པ་རེད།

མངའ་རི་འོད་ཟེར་གཅན་གྱི་གཙོས་དྲ་འབུ་ཀུན་ལ་ཟློ་བ། སྤྱིར་ཕྱོགས་རིས་གདོན་གྱི་ཟིན་པས་ཅོང་ནད་ཅན་འདི་དག་ལ་དམིག་བསལ་འགྲེལ་བཤད་རྒྱག་འདོད་མེད་མོད། ཡིན་ཡང་རང་རིགས་ལ་རྒྱ་ལྡན་པའི་དྲ་གྲོགས་ཀུན་གྱི་མིག་སྔར་ནག་ཉེས་ཐེར་འདོན་རེ་དགོས་པ་ནི་བོད་མི་ཞིག་ཡིན་ཆ་ནས་འགན་ཡོད་པ་རེད། དེའི་ཕྱིར་ངས་དེ་རིང་འདིར་རྣག་ཐོག་གཙགས་འཁེལ་ཞིག་བཟོ་ན་འདོད།

༡ ཁྱོད་ཀྱིས་ཤེས་དགོས་པ་ཞིག་ནི་བོད་ཀྱི་ལོ་རྒྱུས་ནང་བྱུང་མ་མྱོང་བས་གཞིས་བྱེས་བོད་མིའི་ཆོལ་གསུམ་ཆོས་ལུགས་དང་བཅས་པས་མཛའ་འབྲེལ་ནི་ཡིད་སྨོན་ཤོར་དགོས་པའི་ལེའུ་གསར་པ་ཞིག་ལ་འགྲོ་བཞིན་པ་འདི་གཟུར་གནས་ཀུན་གྱིས་འདོད་ཚུལ་གཅིག་མཐུན་རེད། ཡིང་ཡང་ཁྱོད་དང་ཁྱོད་ལྟ་བུའི་བྱེ་གཏེ་དག་ནི་བྱེས་འབྱོར་བོད་མིའི་ཁྲོད་དུ་གཞན་གྱི་བརྒྱུད་སྐུལ་འོག་ནས་ཡོང་བ་ཉུང་ཉུང་ག་ལ་ཡིན། དཔེར་ན་ཁ་སང་ཐོན་པའི་གནས་ཚུལལྟ་བུ་ལས་ཉམ་མྱོང་ལེན་ཐུབ་ཀྱིན་ཡོད།

༢ ཁྱོད་ཚོས་གཉེར་བཞིན་པའི་བྱ་བ་ནི་བཙན་བྱོལ་བོད་མིའི་ནང་ཁུལ་དང་དེ་བཞིན་གཞུང་སྒེར་ཚོགས་སྡེ་ཁག་དང་། ཆབ་སྲིད་ཚོགས་པ་དག་གིས་དབར་དུ་གཏོར་བཤིག་གཏོང་གང་ཐུབ་བྱེད་ཀྱིན་ཡོད་པ་ནི་རང་གཤིས་དམར་ཧྲང་མ་དོན་སྟངས་འདི་ལས་གང་ཙམ་གསལ་པོ་མཐོང་ཐུབ་པ་ཞིག་རེད།

༣ ཁྱེད་ཚོས་ངན་བྱུས་བཤམ་སྟངས་ནི་ཐབས་མཁས་པོ་ཞིག་རེད། དཔེར་ན་མི་རིགས་ཀྱི་ལ་རྒྱལ་དང་། སྤྱི་པའི་རྩ་དོན་སོགས་ཀྱི་དར་ཆ་མཁའ་དབྱིངས་སུ་བསྒྲེང་སྟེ་གོ་སྐབས་དང་བརྒྱུད་ལམ་གང་ཡོད་ལ་འུར་རྒྱག་གི་ཡོད་པ་རེད།

༤ རང་རིགས་ལ་ལྷག་བསམ་དཀར་བའི་རིགས་མཐུན་དཔུན་ཟླ་རྣམ་པ་ཚོས་མཁྱེན་དགོས་པ་ཞིག་ནི་མི་སྒེར་སོ་སོས་ངོས་ནས་རང་ཚུགས་བརྟན་པོ་གནང་དགོས་པ་ལས་ཁ་མཁས་པ་དང་ལྕེ་ལེ་བདེ་མོ་དག་གི་རྗེས་སུ་ནམ་ཡང་གཡམ་རྒྱུག་མི་རུང་བ་ནི་དྲན་བསྐུལ་གྱི་ཚུལ་དུ་ཞུས་པ་ཡིན། །

བཀྲས་མཐོང་ལ་རྒྱབ་སྐྱོར་བ་ཚོས་བློ་སེང་ལ་མ་འདོད་པ་བསྟན་ཡོད་མེད་ཤར་ཁུག་ལ་ལྟོས་དང་གཞན་གང་ཡང་དགོས་པ་མ་རེད། བལ་ཡུལ་གྱི་བོད་མི་ཚོས་བློ་སེང་ལ་རྒྱབ་སྐྱོར་མེད་པ་ཁྱོད་ཀྱིས་ཇི་ལྟར་ཤེས་སོང་། ཁུང་ལུང་མེད་པའི་སྐྱག་བཤད་མ་མང་། བདེ་སྐྱིད་ཆོས་དབྱངས་བློ་སེང་གི་ཟུར་མོ་ཡིན་པ་ཁྱོད་ལ་དཔང་རྟགས་ཅི་ཡོད། ཁོ་མོ་བཀའ་བློན་ལ་བཞག་པར་ཨ་མདོའི་མཁས་པ་ཚོར་ཕོག་ཐུག་འགྲོ་དགོས་དོན་ཅི་རེད། དྲི་བ་འདི་དག་ལ་ལན་ཁྱེར་ཤོག

ལུང་རྟོགས་ལ། བཀྲས་མཐོང་གི་རྒྱབ་སྐྱོར་པ་ཚོས་བློ་སེང་ལ་མི་འདོད་པ་གང་ཡང་བསྟན་ཡོད་པ་མ་རེད། བལ་ཡུལ་ནས་འོས་སྒམ་བཙན་འཕྲོག་བྱས་པ་ལ་བརྟེན་ནས་བཀའ་ཁྲི་བློ་བཟང་སེང་གེར་ཐོབ་པ་རེད་མ་གཏོགས། ཕྱི་ནང་གི་འགལ་རྐྱེན་མེད་ན་དེ་རིང་གི་བཀའ་ཁྲི་བཀྲས་མཐོང་རེད། ཡིན་ནའང། དེ་ཚོ་གླེང་ནས་ཅི་ཕན། རྒན་གཞོན་དང་སྐྱ་སེར། ཆོལ་ཁ་རིས་མེད་ཀྱི་བཀའ་བློན་འདེམས་རྒྱུ་དེ་བློ་སེང་གི་དམ་བཅའ་རེད། མ་གཞི་ནས་ཨ་མདོའི་ནང་མང་ཆེ་བས་ཁོང་གི་བཀའ་བློན་ལས་རོགས་ཁས་ལེན་མ་བྱས་ཀྱང། ཁོང་གི་རང་གི་ཟུར་མོ་བཀའ་བློན་དུ་གདམས་པ་དེས་མི་མང་པོ་ཐང་ཆད་ཡོད་པ་རེད། ཁོང་གིས་ཡོངས་གྲགས་ཀྱིས་བདེ་སྐྱིད་ཆོས་དབྱངས་ཀྱིས་ཨ་མདོའི་ཚབ་བྱེད་ཐུབ་པར་བསྒྲགས་པ་དེས་ཨ་མདོའི་མཁས་པ་མང་པོར་ཕོག་ཐུག་སོང་ཡོད་པ་གསལ་བོ་རེད། དེ་ཚོ་གླེང་འདོད་མེད། ངས་བལྟས་ན་འཇམ་གཅེས་དང་ལུང་རྟོགས་ཁྱེད་གཉིས་ཀྱང་བློ་སེང་ལ་འདི་ལྟར་རྒྱབ་སྐྱོར་བྱེད་དགོས་དེ་ལུང་ཚན་གྱི་ཆ་ནས་ལོས་ཡིན་འདོད་པས། རང་གིས་རང་ལ་ཞུ་དག་བཏང་ན་ཧ་ཅང་གསལ་བོ་ཆགས་ཀྱི་རེད། དེ་མིན་བློ་སེང་གིས་མ་འཇོན་པ། མ་ཤེས་པ། ནོར་འཁྲུལ་ཤོར་རིགས་གླེང་མི་ཆོག་པ་ཞིག་རྩ་བ་ཉིད་ནས་ཡོད་པ་མ་རེད།།

མངའ་རིས་འོད་ཟེར་ལགས། ཁྱེད་ཀྱིས་བསམ་ཚུལ་དེ་ནི་ཕྱོགས་རིས་གདོན་གྱི་སྨྱོས་ཟིན་པས་མི་བུ་དག་དང་། གཞིས་མེད་སྐྱོན་འཛུགས་ལ་དགའ་བས་མི་བུ་ཐལ་ཤལ་བ་ཉུང་ཤས་དང་། དོལ་ཚོགས་ཀྱི་རྗེས་རྒྱུག་མཁན་དང་། ཕ་ཆུས་དང་ཕོར་ཆུས་བརྗེ་མཁན་གྱི་བསང་མྱུལ་བ་དག་གིས་བཤད་ཡམ་ཙམ་ལས་དོན་དངོས་ཐོག་ཁྱེད་ཀྱིས་ཉོག་བཤད་དག་བདེནམིན་གཟུར་གནས་ཀུན་གྱི་གཟིགས་ཀྱི་ཡོད་པ་རེད། སྙིང་རྗེས་ཡུལ་དུ་གྱུར་པའི་མི་ངན་ཁྱོད་ཚོས་གང་བཤད་ཀྱང་གྲུབ་འབྲས་ནི་རང་གི་དེ་ཉིད་སྤྱི་ཚོགས་ཀྱི་མིག་སྔར་བཤམས་པ་ཙམ་ལས་གང་ཡང་མི་ཡོང་ངོ་་་་་་་

སྲིད་འགན་རྩིས་སྤྲོད་བདེ་བླག་ངང་ལམ་དུ་ལྷོང་རྒྱུར་བློ་སེང་རྩ་གཟུགས་ཙམ་ལས་མི་ཉན་ཡང་དེར་བསྟོད་དགོས། བསྟོད་དགོས་པའི་རྒྱུ་མཚན་གྱི་འབབ་ས་སྤྱིར་སྒྲིག་འཛུགས་རང་ལ་བཟོ་ལྟ་ཞིག་དང་ཆེ་མཐོང་ཞིག་སླེབས་དགོས་པར་ངེད་ནས་བསམས་ཤེས་ཡོངས་སུ་ཐུབ་ཀྱི་འདུག བསམ་ཤེས་ཐུབ་པའི་གནས་ཚུལ་འདི་གོང་དུ་ཞུས་ཚར་བ་རེད།

ཡིན་ནའང། དོན་དག་གཙོ་བོའམ་རྩོད་གཞི་ངས་བཤད་པའི་ཡིག་རྨོངས་ཞེས་པ་དེ་རྒྱུ་མཚན་གྱི་གཏན་ཚིགས་དེ་ཙམ་གྱིས་མཁས་པ་མཐའ་དག་མགུ་བ་བསྐྱེད་མི་ཐུབ་པ་དངོས་བདེན་རང་རེད། དེའི་ཆ་ནས་དེ་ལ་ནམ་ཞིག་དགག་གཞག་ཚད་ལྡན་གྱི་ཐལ་སྐད་བསྒྲགས་ཚེ་དེ་མཐུན་གྱི་ལན་འདེབས་རིགས་པ་དང་མཐུན་པ་བྱེད་ངེས་ཡིན།

གཞན་དུ། སྒེར་ནད་ཟེར་བ་འདི་སྤྱི་ཚོགས་ཀྱིས་བློ་སེང་དང་ངེད་གཉིས་བར་ལ་ཡོད་པར་མཐའ་གཅིག་ཏུ་ངོས་འཛིན་བྱེད་ཀྱི་རེད། ངོས་འཛིན་དེ་གཞི་རྩ་མེད་པ་ཁྱོན་ནས་མ་རེད། གང་ཡིན་ཞེ་ན། ང་དང་བློ་སེང་གི་རྙོག་གླེང་དེ་བཀའ་ཤག་ལྷན་རྒྱས་གྲོས་བསྡུར་ལྷུག་ལྷུག་ཅིག་བྱུང་ས་མ་སོང་བར་བྱུང་བའི་ལོ་གཉིས་ཙམ་ཡར་སྔོན་གྱི་འདས་དོན་ཞིག་རེད། དངོས་གནས་བྱས་ན་ཉི་མ་དེ་རིང་ཁྱེད་ཀྱིས་གསུངས་པ་ལྟར་བོད་མི་ཚོས་ཡིད་ཆེས་བློས་འགལ་བྱེད་སའི་མི་ཞིག་ཡིན་ན། སྒེར་ནད་ངོ་མ་སུས་རྒྱུན་འཁྱོངས་བྱེད་ཀྱི་ཡོད་མེད་ཀྱིས་ཡིད་ཆེས་རུང་མིན་གྲོགས་འཇམ་གཅེས་ཀྱིས་མཁྱེན་ངེས་ཡིན། བཤད་འདོད་ཞེ་དྲག་མི་འདུག་སྟེ། ང་ཤར་ཕྱོགས་ཁུག་རྟའི་འཕྲིན་ལས་ཀྱི་བགྱི་སྒོ་མཐའ་དག་ལ་ལོ་གཉིས་སྔོན་གྱི་འདས་དོན་དེ་དང་འབྲེལ་ནས་སྲིད་སྐྱོང་གིས་ཅི་བྱས་བརྗོད་ན་ཧ་ལས་ཤིང་ཡ་མཚན་པ་ཞིག་ཡིན། ངས་སྐུ་ངོ་བཀྲས་མཐོང་ལ་རྒྱབ་སྐྱོར་བྱས་པ་དེ་རྒྱུད་སྐུལ་སོགས་གང་ཡང་མིན་ཀྱང། རྣམ་རྟོག་དེས་བཀའ་ཤག་ལྷན་རྒྱས་མང་ཆེ་བ་བཀའ་མོལ་གནང་ས་མེད་པ་བཟོས་པ་ངས་ཚང་མར་ཕྱི་གསལ་ནང་གསལ་གྱིས་ཞུས་ཡོད། རྙོག་གླེང་དེའི་རིགས་ལ་ཞིབ་འཇུག་བྱེད་མཁན་ཚང་མར་ཁ་གསལ་གཏིང་གསལ་གྱིས་ལན་བཏབས་ཡོད། སོང་ཙང། ཁྱོན་ཡོངས་ནས་རང་གཞན་ཕྱོགས་ཚང་མྱང་ཞིབ་མཐར་ཕྱིན་པ་ཞིག་བྱས་པ་ཡིན་ན། མིང་ཆེན་པོ་ཅན་གྱི་སྲིད་སྐྱོང་དང།། མི་ཆུང་ཆུང་ཤར་ཕྱོགས་ཁུག་རྟ་གཉིས།། སུས་སྒེར་འཁོན་བཟུང་སྟེ་བྱབ་ཆུང་གི། ལས་བྱས་མིན་གསལ་ལེར་རྟོགས་ངེས་ཡིན།།

དེ་ཙམ་ཞུ་བཅས་སྡོམ་དུ།།

ཤར་ཁུག་གི་དམིག་ཡུལ་གསལ་པོ་རེད། སྲིད་སྐྱོང་ནི་གཞུང་གི་དབུ་ཁྲིད་མཐོ་ཤོས་དང་འཇོན་ཤོས་རེད། དོན་གྲུབ་ལྷ་དར་ནི་གཞུང་འབྲེལ་མིན་པའི་ཚོགས་པ་ཆེ་ཤོས་གཞོན་ལྷན་གྱི་ཚོགས་གཞོན་དང་འཇོན་ཐང་ཆེ་ཤོས་རེད། འདི་གཉིས་ནག་པོ་བཟོ་ཐུབ་སོང་ན་ཤར་ཁུག་གི་ལས་དོན་འགྲུབ་སོང་བ་རེད། བཀྲ་ཤིས་འཇིགས་མེད་ཅེས་པ་འདི་ཡང་ཤར་ཁུག་གི་སྤྲུལ་པ་མིན་ན་ཁྱི་རྔ་ཞིག་ཡིན་པ་ཐག་གི་ཆོད། གང་ལྟར་མི་འདི་ཚོ་ལ་ང་ཚོས་དོག་ཟོན་བྱས་ན་འགྲིག་པ་རེད།

ད་དུང་༸གོང་ས་མཆོག་གིས་དེང་རབས་ཀྱི་ཤེས་ཡོན་ཐད་ཚད་ལོངས་པ་ཡིན་གསུངས་ཀྱི་འདུག ངས་བཀའ་དེ་ངོས་ལེན་གནང་ཐུབ་ཀྱི་མི་འདུག བློ་སེང་ལ་དེང་རབས་ཤེས་ཡོན་གྱི་གནས་ཚད་ཡོད་མེད་ཁྱོན་ཡོངས་ནས་བཤད་མི་ཐུབ་ཀྱང། ཁོང་གིས་བྲིས་པའི་འབུམ་རམས་པའི་ཆེད་རྩོམ་ཨིན་ཡིག་གི་གནས་ཚད། རྩོམ་གྱི་རང་རྩལ་སོགས་སྲིད་སྐྱོང་མ་བྱས་གོང་ཞེ་དྲག་གོ་རྒྱུ་མེད་པ་ཞིག་རེད། ཆབ་སྲིད་བསྐྱར་ཞིབ་རྩོམ་སྒྲིག་པས་ཁོང་གི་འབུམ་རམས་པའི་རྩོམ་གྱི་གནས་ཚད་གླེང་བའི་དཔྱད་གཏམ་དེར་ཡོངས་སུ་བདེན་པ་རེད་ཟེར་མི་ཐུབ་ཀྱང། ཁོང་གི་འབུམ་རམས་པའི་རྩོམ་ཡིག་དེ་རྒྱལ་སྤྱིའི་ཚད་རིམ་དང་ཡང་ན་ཧ་ཝ་ཌའི་རྩོམ་རྩེ་གྲས་ནང་ཚུད་མེད་པ་གསལ་སྟོན་གནང་ཟིན་པ་ཞིག་རེད། དེའི་ཆ་ནས་ངས་༸གོང་ས་མཆོག་གིས་བཀའ་དེ་ལྟར་གནང་བ་དང་ཟམ་གདོང་རིན་པོ་ཆེས་དམ་འབུལ་གཏམ་བཤད་སྐབས་མཁས་དབང་ཞེས་མིང་གསོལ་བ་འདི་གཉིས་རིགས་པ་དང་རྒྱུ་མཚན་གྱི་ལམ་ནས་ཁས་ལེན་བྱེད་ཐུབ་མ་སོང། ངས་བཀའ་སློབ་འདི་དག་མི་མང་དང་སྤྱི་པའི་ཆེད་དུ་གནང་བ་ཤེས་ནའང། ང་རང་བོད་ཀྱི་ཡི་གེ་བ་འདས་གསོན་ཡོངས་ཀྱི་གྲལ་མཐའ་བ་རང་དོན་བློས་གཏོང་མཁན་ཞིག་ཡིན་དུས། བོད་ཀྱི་སྐད་ཡིག་རིག་གནས་དང་བཅས་པར་བཅངས་པའི་བརྩེ་ཞེན་དང་རྒྱུ་འབྲས་དྲང་བཞག་གི་ཆ་ནས་ས་ཁོངས་དེར་བློ་སེང་ལ་མཁས་པ་ཕར་ཞོག ཡིག་རྨོངས་ཞེས་པའི་མིང་འདི་ལས་ཐོགས་ཀྱི་མེད་པ་གསལ་སྟོན་གནང་བ་ཙམ་ཡིན་ལ། མ་འོངས་པར་ངས་བོད་ཀྱི་སྲིད་སྐྱོང་དག་གི་ཆ་རྐྱེན་ནང་བོད་ཀྱི་སྐད་ཡིག་རིག་གནས་བཅས་ཀྱི་ཤེས་ཚད་རང་རྐྱ་ཐུབ་པ་ཞིག་དགོས་རྒྱུར་མ་འཁོད་དུས་སེམས་ཁྲལ་ཆེན་པོ་འདུག་ལ། གལ་སྲིད་སྲིད་སྐྱོང་ལ་བོད་ཀྱི་ཤེས་རིག་དང་ཨིན་ཡིག་ཤེས་མཁན་ཞིག་ལས་གང་དགོས་གདམས་དགོས་ན་ང་ཚོས་མཐའ་གཅིག་ཏུ་སྔ་མ་དེ་འདེམས་དགོས་པ་རེད། བོད་ཀྱི་རིག་གནས་ཀྱི་ཞགས་རྩི་ཕྲན་བུ་ཞིག་མེད་དུས་ཤོག་རྐྱང་རླུང་འཁྱེར་བ་ནང་བཞིན་མ་རེད་དམ། ལོ་གཉིས་ལ་ཉེ་བའི་རིང་གསལ་བོར་མཐོང་གི་མི་འདུག་གམ། གནད་འགག་དེ་འདྲའི་ཆེད་དུ་ཡིན། དེ་རིང་དེ་ཙམ་བྱེད།།

ཧཧཧཧཧཧ

རྒྱུན་ལྡན་དོན་གཅོད་ཀྱི་རྒྱབ་གཉེར་རྒྱུན་ལྡན་ལྟར་ཐོངས་ཆེན་ཞུ་རུ་འགྲོ་དུས་མི་འཁྱེར་དོན་ག་རེ་ཡིན་ནམ། རྒྱུན་ལྡན་ལྟར་འཁྱེར་དགོས་ལ་སྤྲོད་ཀྱི་ཡོད་པའི་ཡི་གེ་ཞིག་ལ་དང་པོར་ངོས་ལེན་མ་བྱས་པ། རྗེས་སུ་ངོས་ལེན་བྱེད་དགོས་དོན་ག་རེ་རེད་དམ། ཡང་ན་རྒྱུན་ལྡན་ལྟར་དོན་གཅོད་ཀྱི་རྒྱབ་གཉེརདང་པོ་ནས་འཁྱེར་ནས་མི་འགྲོ་དོན་ག་རེ་ཡིན་ནམ། འདི་ཚོར་གསལ་བོ་མེད་སྟབས། ཧམ་པ་སུས་བཤད་ཀྱི་ཡོད་མེད་གསལ་བོ་མ་རེད་དམ། ཡང་ན་རྒྱུན་ལྡན་རྒྱབ་གཉེར་དེ་དང་པོར་དོན་གཅོད་སྐུ་ངོས་གནང་མ་སོང་ངམ། རྗེས་སུ་ཅི་ལྟར་གནང་སོང། རྒྱུན་ལྡན་རྒྱབ་གཉེར་དང་པོར་འཁྱེར་ཡོད་དམ་མེད། མེད་ན་མི་འཁྱེར་དོན་ག་རེ་ཡིན་ནམ། ཡོད་ན་དང་པོར་ངོས་ལེན་མེད་པར་ཕྱིར་སློག་ཟིན་པ་ཞིག་ལ། རྗེས་སུ་ཅི་ལྟར་ངོས་ལེན་གནང་བ་རེད་དམ། འདི་རྣམས་ལ་གསལ་བཤད་གནང་ཐུབ་བམ། ཧཧཧཧཧཧ ལན་མེད་ན་མཐའ་དོན་མཐའ་དོན་ཞེས་འདར་སུག་སུག་གནང་དགོས་ཀྱི་མ་རེད་ལགས།། དབུས་རྒྱུན་གཞན་ཚོ་དགོངས་དག ཧཧཧཧཧ

ཤར་ཁུག་མིང་ཅན་ལ་ཟློ་བ།
ཐོངས་མཆན་ཐད་དེ་སྔོན་བཤད་ཟིན་ལྟར། སྲིད་སྐྱོང་གི་ཤོག་ལྷེ་དང་ཡིག་འབྲུ་གཅིག་མེད་པར། རྒྱུན་ལྡན་དོན་གཅོད་ཀྱི་རྒྱབ་གཉེར་ལས་མེད་པ་དོན་དངོས་ཡིན་པ་ལས། ཧམ་བཤད་ཏིལ་འབྲུ་ཙམ་མེད། དེ་སྔོན་ཁྱོད་ལ་བཤད་ཟིན་ལྟར་ཁུངས་སྐྱེལ་ཡོད་ན་ཡིག་ཐོག་ལ་དགོས་པ་ལས། དེ་མིན་ཁྱེད་རང་གིས་བསྙོན་འཛུགས་དཀྲུགས་ཡིན་པ་ཁྲིམས་གཏུགས་མི་དགོས་པར།་ཁྱེད་ཀྱིས་ཁུངས་སྐྱེལ་མེད་པ་ནས་གསལ་པོར་ཆགས་ཟིན་་་་་དེ་བཞིན་ཡིག་ཐོག་ནས་དཔང་རྟགས་ར་སྤྲོད་མེད་པའི་ཁྱོད་ཀྱི་འཆལ་གཏམ་གྱི་དཀྲུག་ཤིང་འདི་རིགས་ལ་ད་ནས་ལན་འདེབས་གསལ་བཤད་ཕར་ཟད། བལྟ་ཀློག་ཙམ་ཡང་མི་བྱེད་པ་གསལ་བརྗོད་བྱེད་ཀྱི་ཡོད

གཞོན་ནུའི་ཚོགས་གཞོན་དོན་གྲུབ་ལྷ་དར་ལགས་ལ་ཞུ་བ། ཧཧཧཧཧཧཧ སྐུ་ལྷོད་ལྷོད་གནང་རོགས། སྐུ་ཉིད་སྐུ་རླུང་མ་བཞེངས་ལྷོད་ལྷོད་གནང་རོགས། བོད་རྒྱལ་ཁབ་འཛུགས་མཁན་ཞིག་གིས། ང་བོད་ཀྱི་ཡི་གེ་བའི་གྲལ་མཐའ་བ་ཤར་ཕྱོགས་ཁུག་རྟའི་མཉམ་ཏུ་སྲིད་སྐྱོང་ཡིག་རྨོངས་ལགས་ནས་ཁྱེད་ལ་ཕྱི་ནང་གསུམ་ནས་རྒྱབ་གཉེར་གནང་མ་གནང་གྲོས་མོལ་གྱི་ལམ་ནས་གསལ་བོ་ཆགས་ཀྱི་རེད་བསམས། ཧཧཧཧཧཧ

འོ་ན། ཁྱེད་ཨ་རི་གཞུང་ཚབ་ནས་ཕྱིར་སློག་པའི་གནས་ཚུལ་སྲིད་སྐྱོང་ཡིག་རྨོངས་པར་རྩ་ནས་ཞུས་མེད་དམ། ཧཧཧཧཧ

་་་་་་ གཞོན་ནུའི་ཚོགས་མི་སྲིད་སྐྱོང་གི་གཟིམ་ཤག་ཏུ་མཚན་ཆུ་ཚོད་བཅུ་གཉིས་ལ་ཕྱིན་པའི་གནས་ཚུལ་དེ་དོན་དངོས་ཡིན་ན། འགྲོ་མཁན་མི་སུ་རེད། ཟླ་དུས་ཚེས་གྲངས་ག་དུས་ཕྱིན་པ་རེད། སུ་ཡིས་མཐོང་པ་རེད། དེ་ཚོ་ཚང་མ་གསལ་པོར་བརྗོད་ན་གཞི་ནས་དོན་དངོས་ཤིག་ཆགས་ངེས་རེད། དེ་མིན་སྐད་ཆ་དེ་རིགས་ཆོ་མེད་ལོང་གཏམ་ལས་གཞན་ཅི་ཡང་མ་རེད། ་་་་་་ཟེར།

ཤར་ཁུག་མིང་ཅན་ལ་ཟློ་བ།
ད་ནས་ཁྱེད་རང་ལྟ་བུའི་སྐབས་འཚོལ་བ་མྱོང་མེད་པ་ཐོག་མའི་གསལ་བརྗོད་དང།
ཐོངས་མཆན་ཐད་དེ་སྔོན་བཤད་ཟིན་ལྟར། སྲིད་སྐྱོང་གི་ཤོག་ལྷེ་དང་ཡིག་འབྲུ་གཅིག་མེད་པར། རྒྱུན་ལྡན་དོན་གཅོད་ཀྱི་རྒྱབ་གཉེར་ལས་མེད་པ་དོན་དངོས་ཡིན་པ་ལས། ཧམ་བཤད་ཏིལ་འབྲུ་ཙམ་མེད། དེ་སྔོན་ཁྱོད་ལ་བཤད་ཟིན་ལྟར་ཁུངས་སྐྱེལ་ཡོད་ན་ཡིག་ཐོག་ལ་དགོས་པ་ལས། དེ་མིན་ཁྱེད་རང་གིས་བསྙོན་འཛུགས་དཀྲུགས་ཡིན་པ་ཁྲིམས་གཏུགས་མི་དགོས་པར།་ཁྱེད་ཀྱིས་ཁུངས་སྐྱེལ་མེད་པ་ནས་གསལ་པོར་ཆགས་ཟིན་་་་་དེ་བཞིན་ང་་་ད་ནས་ཡིག་ཐོག་ནས་དཔང་རྟགས་ར་སྤྲོད་མེད་པའི་ཁྱོད་ཀྱི་འཆལ་གཏམ་གྱི་དཀྲུག་ཤིང་འདི་རིགས་ལ་ད་ནས་ལན་འདེབས་གསལ་བཤད་ཕར་ཟད། བལྟ་ཀློག་ཙམ་ཡང་མི་བྱེད་པ་གསལ་སྟོན་བྱེད་ཀྱི་ཡོད

དོན་གྲུབ་ལྷ་དར་གྱི་གསལ་བཤད་ལ་བསྔགས་བརྗོད་ཡོད། ཡིན་ནའང་ཁྱེད་རང་གཞོན་ནུའི་ཚོགས་གཞོན་དུ་བསྡད་པའི་རིང་དབུས་གཞོན་ནུའི་རྒྱུན་ལས་ཀྱི་སྐད་ཆ་བཤད་ཕྱོགས་དང་ལས་བྱེད་གནང་ཕྱོགས་ལ་ཐལ་ཆ་མང་པོ་ཤར་ཏེ་དེང་སྐབས་ས་གནས་མི་མང་ཚང་མ་གཞོན་ནུ་ལྷན་ཚོགས་ལ་མི་དགའ་བ་ཆགས་ཡོད་པ་རེད།

དོན་གྲུབ་ལྷ་དར་ལགས་ནས་གསལ་བཤད་བདེན་པ་དང་ཁུངས་ཡོད་པ་ཞིག་གནང་འདུག ཤར་ཁུག་ཟེར་བའི་ཁྱི་འདྲ་བོ་ཁོ་བཀའ་ཤག་གསར་པ་དང་གཞོན་ནུ་གཉིས་ཀྱི་ཁོ་བའི་ཕ་རྒྱུ་ཚང་འཕྲོགས་ཡིན་པ་འདྲ་བོའི་ལྟ་སྟངས་ཡོད་ཡོད་རེད། དབུ་མ་ཡིན་ཟེར་ནས་རྒྱ་དམར་པོ་ལ་དགོས་པའི་ལག་ཆ་སྒྲུབ་བཞིན་པ་རེད། སྟབས་ལེགས་པ་ཞིག་ལ་འདི་ལོ་རྡ་སའི་དབུ་མའི་ལས་འགུལ་ཁང་ཟེར་བའི་ལས་ཁུངས་ནས་ལོ་མཇུག་དགུ་གླུད་མཉམ་དུ་གཡུག་ཚར་རེད། ད་དུང་ཁོ་པ་རྡ་སའི་སྤྱི་ཚོགས་ནང་དབྱེན་སྦྱོར་ལས་ཁོ་ན་ལ་འབད་བཞིན་པ་རེད་འདུག

མཐའ་སྡོམ་གྱི་གསལ་བཤད།
བཀྲ་ཤིས་འཇིགས་མེད་ལགས་ཞུ་བས། བདེན་རྫུན་གང་ཡིན་གསལ་པོ་མི་ཤེས་ཀྱང་གཞོན་ནུའི་དབུས་རྒྱུན་ཞིག་དང་བདེ་སྲུང་བཀའ་བློན་གཉིས་ཀྱིས་ཨ་རིར་སྡིང་ཆ་གཅིག་གི་ཐོག་ནས་རང་བཙན་དང་དབུ་མའི་རྩོད་སྒྲུབ་བྱས་པ་གཉིས་ཀའི་རྒྱབ་རྟེན་དཔལ་ལྡན་སྲིད་སྐྱོང་མཆོག་ཡིན་པ་ཟེར་བར།་སྒེར་ངོས་ནས་འགན་འཁུར་གྱི་སྒོ་ནས་གསལ་བཤད་ཞུ་རྒྱུར། གལ་སྲིད་འདི་ལོའི་གསུམ་བཅུའི་དུས་དྲན་སྐབས་བཤད་ཀྱི་ཡོད་ན། སྐབས་དེར་གཞོན་ནུའི་དབུས་རྒྱུན་དང། དཔལ་ལྡན་བདེ་སྲུང་བཀའ་བློན་མཆོག་ལྡིང་ཆ་གཅིག་གི་ཐོག་ནས་གཏམ་བཤད་བྱས་པ་བདེན་པ་ཡིན་པ་ལས། རྫུན་པ་མ་རེད་ལ།སྡིང་ཆ་གཅིག་ཐོག་གཏམ་བཤད་སྤེལ་མཁན་གྱི་གཞོན་ནུའི་དབུས་རྒྱུན་དེ་ཡང་གུས་པ་ཡིན།
་་འོན་ཀྱང་དེའི་རྒྱབ་རྟེན་དཔལ་ལྡན་སྲིད་སྐྱོང་ཡིན་ཚུལ་གླེང་ན་དེ་ནི་འཆོལ་གཏམ་ཙམ་དུ་ཟད། གང་ལགས་ཞེ་ན་ནིའུ་ཡོག་གི་གསུམ་དུས་དེ་དེར་ཡོད་པའི་ས་གནས་གཞོན་ནུ་དང་བོད་རིགས་སྤྱི་འཐུས་ཚོགས་པ་སོགས་གཞུང་འབྲེལ་མ་ཡིན་པའི་ཚོགས་སྡེ་ཁག་གིས་གཉེར་ཞིང་ང་རང་ས་གནས་གཞོན་ནུས་མགྲོན་འབོད་ཀྱིས་བཅར་བ་ལས། སྲིད་སྐྱོང་དང་བཀའ་ཤག་གི་རྒྱབ་རྟེན་གང་ཡང་མེད་པ་གསལ་པོ་ཡིན། དེ་སྔོན་ཤར་ཁུག་གིས་མི་བདེན་རྫུན་སྒྲིག་ལྟར་ངའི་ཐོངས་མཆན་ཐད་ནས་གླེང་ན་ཡོད་ན། དེ་ཡང་ངས་དེ་སྔོན་གསལ་བཤད་ཟིན་པ་ལྟར། ང་ཨ་རིར་སྐྱོད་པའི་མཐོང་མཆན་རྒྱབ་གཉེར་དེ་བཞིན་ཚོགས་སྡེ་ཁག་དང་མི་སྒེར་ཚང་མར་ཐོངས་མཆན་ཞུ་སྐབས།འབྲེལ་ཡོད་དོན་གཅོད་ལས་ཁུངས་ཀྱིས་་བོད་མི་ཞིག་ཡིན་པའི་ངོས་སྦྱོར་དང་རྒྱབ་གཉེར་གནང་ལམ་ལྟར། ང་ལ་ཡང་དེ་ལྟའི་གཅིག་མཚུངས་ཀྱི་རྒྱབ་གཉེར་ཞིག་ལས། དེ་མིན་སྲིད་སྐྱོང་དང་བཀའ་ཤག་སོགས་ཀྱི་རྒྱབ་གཉེར་དམིགས་བསལ་བ་ཞིག་ཚིག་འབྲུ་གཅིག་ཀྱང་གཏན་ནས་མེད།
་་་་་་་་སྤྱིར་བོད་ཀྱི་འཐབ་རྩོད་དེ་ད་ལྟ་ལམ་དབུ་མ་དང་རང་བཙན་ལངས་ཕྱོགས་མི་འདྲ་བ་གཉིས་ཀྱི་ཐོག་ཡོད་པ་ཡོངས་གྲགས་དང། འཐབ་རྩོད་བྱེད་མཁན་དེ་ཡང་སྒྲིག་འཛུགས་རང་བཞིིན་གྱི་ཆ་ནས་གཞུང་དང་གཞུང་འབྲེལ་མ་ཡིན་པ་གཉིས་ཡོད་པས། དེ་གཉིས་མཉམ་དུ་གཏམ་བཤད་སྤེལ་ན་འགན་འཁུར་གྱི་ཆ་ནས་དང། དམངས་གཙོའི་ལྟ་གྲུབ་ཀྱི་ཆ་ནས། ཆིག་སྒྲིལ་གྱི་ཆ་ནས་དགོས་མཁོ་དང་གཟི་བརྗིད་རང་བཞིན་ཞིག་ཡིན་པ་ལས། ཐེར་འདོན་དགོས་པའི་སྐྱོན་ཆ་ཞིག་མིན་པ་འགན་འཁུར་དང་ལོ་རྒྱུས་ཀྱི་གསལ་པོ་བཟོ་ངེས་ཡིན།
་དེ་བཞིན་གཞོན་ནུའི་རྒྱུན་ལས་རྣམས་མཚན་གྱི་ཆུ་ཚོད་བཅུ་གཅིག་བཅུ་གཉིས་ལ་སྲིད་སྐྱོང་མཆོག་གི་གཟིམ་ཤག་ལ་ཡང་ཡང་བཅར་གྱི་ཡོད་ཚུལ་སོགས་ཀྱི་ལབ་གླེང་མང་དག་ཅིག་ཡོད་ཟེར།་་་་་་་རང་ཉིད་ལ་མཚོན་ན་ད་བར་དཔལ་ལྡན་སྲིད་སྐྱོང་དང་བཀའ་བློན་བྱེ་བྲག་པ་སུ་གཅིག་གི་གཟིམ་ཤག་ལ་བཅར་མྱོང་མེད་ཅིང། གཞན་དག་བཅར་ཡོད་མེད་ཀྱང་ཤེས་རྟོགས་མེད། གལ་སྲིད་དབུས་རྒྱུན་གཞན་དག་སྒེར་གྱི་གྲོགས་པོའི་འབྲེལ་བའི་ཆ་ནས་སྲིད་སྐྱོང་མཆོག་གི་གཟིམ་ཤག་ལ་བཅར་་ཡོད་ན་དེ་ནི་མི་འོས་པ་ཞིག་ཇི་ལྟར་ཡིན་ནམ། བཤད་སྟངས་འདི་རིགས་དེ་སྔོན་བོད་ནང་རྙིང་གཏོར་གསར་འཛུགས་སྐབས། དགག་རྒྱག་ཐེར་འདོན་གྱི་མིང་ཐོག་ནས་ནང་མི་གཉེན་ཉེ་བར་དུ་འགྲོ་འོང་བྱེད་པ་ལ་ཡང་སྐྱོན་འདོགས་ཀྱིས་འཐབ་རྩོད་བྱས་པ་ལྟ་བུ་ལས་གནས་ལུགས་དང་དགོས་ཕན་མ་མཐོང་ཞིང།་དེ་མིན་སྤྱི་ལ་གནོད་གཞིའི་ལས་དོན་སྤེལ་བའི་ར་སྤྲོད་ཡོད་ན་ཁུངས་སྐྱེལ་དགོས་པ་ལས།་དོན་མེད་གོ་ཚུལ་ཙམ་གྱི་འོག་ནས་འགན་འཁུར་མི་སྣར་སྙོན་འཛུགས་ཀྱིས་དབུ་མ་དང་རང་བཙན་བེད་སྤྱད་ནས་དཀྲུག་ཤིང་དང་གནད་ཚུལ་ཆེད་བཟོས་གཏམ་མ་སྨྲ་ན་ལེགས་པ་ཐོག་མའི་གསལ་བཤད་དང། མཐའ་མའི་བསྡོམས་ཀྱི་ཚུལ་དུ་གླེང་བ་ཡིན་པས། སླར་ཡང་རྩོད་གླེང་བྱེད་འདོད་མེད།

རྡ་སའི་ཆབ་སྲིད་འདི་ཞེད་སྣང་ཚ་བོ་ཅུང་ཙམ་ཡོད་པ་རེད་གདའ། བལ་ཡུལ་ནས་འོས་སྒམ་འཕྲོག་མེད་ན་ང་ཚོའི་སྲིད་སྐྱོང་བཀྲས་མཐོང་བསྟན་འཛིན་རྣམ་རྒྱལ་ལགས་རེད། ཡིན་ནའང། དེ་མ་བྱུང་བ་རེད། བལ་ཡུལ་ནང་བཀྲས་མཐོང་ལ་རྒྱབ་སྐྱོར་ཧ་ལས་པའི་ཚད་མཐོན་པོ་རེད། འོས་སྒམ་འཕྲོག་པ་དེའི་ནང་དུའང་མི་མང་པོས་རྡ་ས་དང་རྙིང་རུལ་རུ་ཁག་གི་ལག་པ་བརྐྱངས་མེད་འགྲོ་ཞེས་དོགས་པ་ཡོད་པ་རེད། དོགས་པ་དེ་ལ་རྒྱུ་མཚན་མེད་པ་ཞིག་ཀྱང་མ་རེད། གང་ཡིན་ཞེ་ན། བཀྲས་མཐོང་ལ་རྒྱབ་སྐྱོར་གྱི་དར་ཆ་གནམ་དུ་འཕྱར་ནས་ཁྱབ་བསྒྲགས་བྱེད་དུ་ཡོང་མཁན་ཐོག་མ་བལ་ཡུལ་གྱི་བོད་གཞུང་གི་གཞུང་ཞབས་ཟུར་པ་དང་ཕྱུགས་བདག་ཁ་ཤས་རེད། ཡིན་ནའང། འོས་སྒམ་འཕྲོག་པ་དེའི་ནང་གི་དོགས་པ་ད་དུང་ཡང་སེལ་ཐུབ་མེད། བློ་སེང་གིས་རང་གིས་རང་བསྟོད་རྒྱག་སྟངས་༸གོང་ས་ཆེན་པོའི་ཞབས་རྗེས་འབྲངས་ནས་ཆེན་པོ་བཟོ་སྟངས། གསར་འབྱོར་ཚོར་རང་གི་པར་སྟེང་ས་ཡིག་རྒྱབ་སྟེ་དོ་གལ་ཆེན་པོས་སྤྲོད་སྟངས་སོགས་ཀྱིས་ཁོང་ནི་སྤྱི་སྒེར་གཉིས་བརྗེ་བོ་མི་རྒྱག་མཁན་ཞིག་མ་རེད་ཟེར་མི་ཐུབ་ཅིང། དོགས་པ་ནི་ཧ་ཅང་ཆེན་པོ་རེད། དཔེར་ན་ཆུ་སྒང་གི་དྲུང་ཆེ་བྱས་པ་དང། ཕྱི་སྡོད་རྒྱ་མི་བྱས་ཏེ་པེ་ཅིང་དུ་བསྐྱོད་པ། ལི་ཐང་བརྟན་བཞུགས་སར་ང་ཕྱོགས་ཁག་སྒྲིལ་དུ་ཡོང་བ་ཡིན་ཞེས་གསུངས་པ་སོགས་རྒྱབ་ལྗོངས་དང་ལོ་རྒྱུས་གང་ཐད་ནས་གཙང་མ་རྩ་བ་ནས་མེད་སྟབས་དོགས་པ་ནི་སྔར་ལས་ཀྱང་ཆེ་རུ་ཆེ་རུ་འགྲོ་ཡི་འདུག་ལ། འཇིགས་མེད་ཀྱི་རྩོམ་འདིས་དེ་བས་ཀྱང་དོགས་པ་རྣམས་དྲན་གསོས་སོང།།