ཁ་སང་ཕྱི་ཚེས་ ༢༣ ཉིན་བོད་མིའི་སྒྲིག་འཛུཊ་བདེ་སྲུང་ལས་ཁུངས་ཀྱིས་རྒྱ་གཞུང་གིས་བཏང་བའི་གསང་མྱུལ་བ་སྤེན་པ་ཚེ་རིང་ཟེར་བ་ཞིག་འཛིན་བཟུང་བྱས་ཡོད་སྐོར་ཁྱབ་བསྒྲགས་བྱས་པའི་ཐད། དེ་རིང་འདི་གའི་གསར་འགོད་པས་བདེ་སྲུང་དྲུང་ཆེ་དངོས་གྲུབ་རྡོ་རྗེ་ལགས་སུ་བཅར་འདྲི་ཞུས་ཡོད།
དྲུང་ཆེ་ལགས་སུ། བདེ་སྲུང་ལས་ཁུངས་ལ་སྤེན་པ་ཚེ་རིང་རྒྱ་གཞུང་གི་གསང་མྱུལ་བ་ཡིན་པའི་བདེན་དཔང་ཁུངས་སྐྱེལ་ཅི་ཙམ་ཡོད་མེད་དྲིས་པར། ཁོང་གིས་“ དེ་དག་ཕལ་ཆེ་བ་སྤེན་པ་ཚེ་རིང་ཁོ་རང་ལ་སྐད་ཆ་དྲིས་ཏེ་ཁོ་རང་གིས་ལབ་པ་རྐྱང་རེད། ‘རྒྱ་གཞུང་གིས་དེ་འདྲ་བྱས་ནས་ང་བཏང་སོང་། ལས་འགན་དེ་དག་སྤྲད་སོང’ ཞེས་ཁོ་རང་གིས་ལབ་པ་རེད། ཁོ་རང་གིས་བཤད་པ་ལྟར་བྱས་ན། ཁོ་རང་སྔོན་མ་བཙོན་ཁང་དུ་ཚུད་འདུག སྐབས་དེར་རྫོང་དཔོན་དང་ཉེ་རྟོག་པ་ཚོར་ཁ་རྩོད་ཤོར་འདུག དེ་ནས་ལིའི་གཡུས་ཆོན་ཟེར་བ་དེས་ཁྱོད་རང་བཙོན་ཁང་དུ་སྡོད་འདོད་མེད་ན་རྒྱ་གར་ལ་སོང་སྟེ་ལས་འགན་དེ་དག་བསྒྲུབ་དགོས་ཞེས་ཆེད་མངག་བཏང་བ་ཞིག་རེད། ༢༠༠༩ ལོར་ཁོ་རང་རྒྱ་གར་དུ་ཡོང་བ་ཞིག་ཆགས་འདུག” ཅེས་བརྗོད་བྱུང་།
བཀྲ་ཤིས་རྒྱལ་མཚན་དང་ཀརྨ་ཡེ་ཤེས་གཉིས་ཀྱིས་སྤེན་པ་ཚེ་རིང་ཇི་ལྟར་འཇུ་བཟུང་བྱས་མིན་དྲིས་པར། “ སྤེན་པས་བཀྲ་ཤིས་རྒྱལ་མཚན་དང་ཀརྨ་ཡེ་ཤེས་གཉིས་མེད་པ་བཟོ་རྩིས་བྱས་པ་རེད། ཁོང་གཉིས་མེད་པ་བཟོ་དགོས་ཞེས་ལིའི་གཡུས་ཆོན་ཟེར་བ་དེས་ལས་འགན་སྤྲད་འདུག དེ་གང་ཡིན་ཟེར་ན། ཁོང་གཉིས་ཀྱིས་རྒྱ་ནག་ལ་དྲག་སྤྱོད་གཏོར་རྒོལ་གྱི་ལས་འགུལ་ཆེན་པོ་ཞིག་སྤེལ་རྒྱུའི་ཁས་ལེན་བྱས་ཏེ་བོད་གཞུང་ལ་ཡི་གེ་ཞིག་ཕུལ་ཡོད་པ་རེད། དེ་འདྲ་བྱུང་བ་ཡིན་ན་བོད་མི་དང་རྒྱ་མི་མང་པོར་ཤི་རྨས་ཡོང་གི་རེད། དེར་བརྟེན། ཁོང་གཉིས་མེད་པ་བཟོ་དགོས་པ་རེད་ཅེས་ལས་འགན་སྤྲད་ཡོད་པ་ཁོ་རང་གིས་ངོས་ལེན་བྱས་སོང་ ” ཞེས་བརྗོད་བྱུང་།
ཁོང་ལ་བདེ་སྲུང་ལས་ཁུངས་ཀྱིས་གསང་མྱུལ་བ་རྩིས་སྤྲོད་བྱེད་མཁན་མི་སྣ་དེ་གཉིས་ཀྱི་པར་དང་གནས་ཚུལ་ཕྱིར་བསྒྲགས་བྱས་པ་དེས་ཁོང་གཉིས་ལ་དཀའ་ངལ་འཕྲད་མིན་དྲིས་པར། “ ང་ཚོའི་ལས་ཁུངས་ཀྱི་ངོས་ནས་གསལ་བསྒྲགས་ནང་པར་འཇོག་མིན་གནད་འགག་ཅིག་ཏུ་མཐོང་སྟེ་བསམ་བློ་བཏང་ཡོད། ཡིན་ནའང་ཁོང་གཉིས་ཀྱིས་མོས་མཐུན་ཐག་གཅོད་ལྟར་བཞག་པ་ཡིན། ང་ཚོས་ཁོང་གཉིས་ཀྱི་རེ་འདུན་ཡང་བསྒྲུབ་དགོས་ཆགས་ཀྱི་ཡོད་པ་རེད” ཅེས་བརྗོད་བྱུང་།
ཡང་ཁོང་ལ་ད་ལྟ་སྤེན་པ་ཚེ་རིང་གང་དུ་ཡོད་མེད་དང་། ཁོ་འཛིན་བཟུང་བྱེད་མཁན་གཉིས་ཀྱི་གནས་སྟངས་གང་འདྲ་ཡོད་མེད་དྲིས་པར། “ བདེ་སྲུང་ལས་ཁུངས་ཀྱིས་སྤེན་པ་ཚེ་རིང་ལ་བརྟག་དཔྱད་ཞིབ་འཇུག་བྱས་ཏེ་གནས་ཚུལ་གསལ་བོ་བྱུང་རྗེས། ཁ་སང་ཕྱི་ཚེས་ ༢༣ ཉིན་རྒྱ་གར་ཧི་མ་ཅཱལ་མངའ་སྡེ་ཀཱང་ར་རྫོང་ཉེན་རྟོག་ལས་ཁུངས་སུ་རྩིས་སྤྲོད་བྱས་ཡོད། ད་ལྟ་ཁོ་དེ་གར་བཀག་ཉར་བྱས་ཡོད་པ་དང་། མ་འོངས་པར་རྒྱ་གར་གཞུང་གི་ཁྲིམས་ལུགས་གཞིར་བཟུང་ཐག་གཅོད་བྱ་རྒྱུ་རེད། དེ་ནས། གསང་མྱུལ་བ་འཛིན་བཟུང་བྱེད་མཁན་ཀརྨ་ཡེ་ཤེས་ཧྥ་རན་སིར་ཕྱིན་འདུག བཀྲ་ཤིས་རྒྱལ་མཚན་ངྷ་རམ་ས་ལར་ཡོད་པ་རེད། ” ཅེས་བརྗོད་བྱུང་།
མཇུག་ཏུ་བདེ་སྲུང་ལས་ཁུངས་ངོས་ནས་༧གོང་ས་མཆོག་གི་སྐུ་ཕྱྭ་དང་གསང་མྱུལ་བའི་གནས་ཚུལ་སྐོར་ལ་ཞིབ་འཇུག་བྱེད་ཕྱོགས་གང་འདྲ་ཡོད་མེད་དྲིས་པར་ཁོང་གིས། “ རང་ཚོའི་གནས་སྟངས་ཆ་རྐྱེན་ལ་དཔག་པའི་བོད་ཕྱི་ནང་གཉིས་ཀྱི་གནས་ཚུལ་ལ་ཞིབ་འཇུག་གང་ཐུབ་བྱེད་ཀྱི་པ་རེད། ད་ལྟའི་ཆར་ང་ཚོར་ཁྲིམས་ཐག་གཅོད་པ་སོགས་མེད་སྟབས། ལས་དོན་དམིགས་བསལ་བ་དང་གལ་ཆེ་ཤོས་རིགས་རྒྱ་གར་གཞུང་དང་མཉམ་འབྲེལ་བྱེད་ཀྱི་ཡོད་པ་རེད། གནས་སྟངས་མང་པོ་ཞིག་གི་དབང་གིས་རྒྱ་གཞུང་ལ་ལས་ཀ་བྱེད་མཁན་དེ་འདྲ་ཡོད་སྲིད་པ་རེད། གཙོ་བོ་རྒྱ་ནག་གཞུང་གིས་ང་ཚོའི་སྒྲིག་འཛུཊ་འདི་གཏོར་བཤིག་གཏོང་རྒྱུའི་ཐབས་ཤེས་འདྲ་མིན་བྱེད་ཀྱི་ཡོད་སྟབས། བོད་མི་ཚང་མའི་ངོས་ནས་རང་ཉིད་ཀྱི་སྒྲིག་འཛུཊ་སྲུང་སྐྱོབ་བྱེད་ཐབས་ལ་འབད་བརྩོན་བྱ་རྒྱུ་དང་། མ་འོངས་པར་དེའི་རིགས་ཡོད་པའི་དོགས་གཞི་བྱུང་ཚེ་བདེ་སྲུང་ལས་ཁུངས་ལ་མཐུན་འགྱུར་གནང་རྒྱུ་ཧ་ཅང་གལ་ཆེན་པོ་རེད ” ཅེས་བརྗོད་བྱུང་།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འགའ་ཞིག་གིས་སྲིད་སྐྱོང་ལ་བཙན་གྱིས་སྐྱོན་བཙུགས་བྱེད་བཞིན་འདུག་པས་ཀུན་སློང་ཇི་ཡིན་མཁྱེན་གསལ་རེད།
བོད་ཀྱི་དུས་བབ་ཚང་གིས་དུས་ཐོག་ཆར་བ་ལྟ་བའི་དྲི་བ་གནད་དུ་འཁེལ་བ་བཏང་འདུག དངོས་གནས་བྱས་ན་སྤེན་པ་ཚེ་རིང་ཟེར་བ་དེ་རྒྱ་གཞུང་གི་གསང་མྱུལ་བ་ཡིན་མིན་གྱི་ཁུངས་སྐྱེལ་ར་སྤྲོད་གསལ་བོ་ཞིག་བདེ་སྲུང་ལས་ཁུངས་ལའང་བཤད་ཡག་མི་འདུག
གསང་མྱུལ་ཟིན་ཐུབ་པ་ཧ་ཅང་ཡག་པོ་རེད།སྔགས་བརྗོད་ཡོད།འདིར་ཐོག་ལ་བསམ་ཚུལ་འདྲ་མིན་ཞིག་སྤེལ་འདུག་པ་དེ་ལྟར་ཡང་དཔལྡན་རང་གཞུང་བདེ་སྲུང་ལས་ཁུངས་ཀྱི་ཏན་ཏན་ཞིག་གནང་ཡོད་པ་ཡིད་ཆད་ཡོད།
རྒྱ་གཞུང་གིས་བོད་མི་བརྒྱ་སྟོང་མང་པོ་མངོན་གསལ་དོད་པོས་གསད་བཟུང་རྡུང་གསུམ་བྱེད་ཀྱི་ཡོད་ཀྱང་། བཙན་བྱོལ་བོད་པའི་དྲ་འབུ་ཚོས་སྐྱོན་བརྗོད་བྱེད་པ་ཧ་ཅང་ཉུང་ཞིང་། ད་དུང་དེ་དག་གི་རྐྱེན་རྩ་བཙན་བྱོལ་སྒྲིག་འཛུགས་དང་དབུ་ཁྲིད་ཚོ་ཡིན་པ་ལྟ་བུ་བཤད་ཡོང་། བོད་ནང་དཔའ་བོ་མང་པོས་བོད་མི་རིགས་དང་བསྟན་སྲིད་ཀྱི་ཆེད་དུ་རང་ལུས་གསོན་པོ་མེ་ལ་བསྲེགས་ཀྱང་ཁོང་ཚོའི་སྙིང་སྟོབས་ལ་ཡི་རང་ཞུ་རྒྱུའི་ཚབ་ལ་ཁོང་ཚོ་ནི་ལྐུགས་པ་ཡིན་པ་དང་། བྱ་སྤྱོད་དེ་འཚེ་བ་ཡིན་་སོགས་འདྲ་མིན་བཤད་མཁན་མི་ཉུང་བ་ཞིག་འདུག འོན་ཀྱང་བདེ་སྲུང་ལས་ཁུག་གིས་གསང་ཉུལ་ཞིག་བཟུང་བ་ལ་འདི་ལྟར་དོག་སློངས་དང་ངོ་རྒོལ་གྱི་རྣམ་འགྱུར་སྟོན་དགོས་དོན་གང་ཡིན་ནམ། འདིས་སྟེང་ནས་བཙན་བྱོལ་བོད་མི་མང་པོ་ཞིག་ལ་འགྲོ་བ་མིའི་གཞི་རྩའི་ཀུན་སྤྱོད་ཙམ་ཡང་མེད་པ་གསལ་པོ་བསྟན་ཡོང་གི་འདུག
དུས་བབས་ཚང་ལ་ཞུ་རྒྱུ་ངས་ཁ་སང་དེ་རིང་འདིའི་ནང་ལ་བསམ་ཚུལ་དང་དགག་ལན་མི་ཉུང་བ་ཞིག་བཏང་ཡོད་ཡིན་ཡང་འདིའི་སྒང་དུ་མཐོང་རྒྱུ་མི་འདུག་གང་ཡིན་ནམ།
བྱ་ཁུག་རྟས། ་་་་་་སྲིད་སྐྱོང་གི་ཁོང་གི་བློས་གྲོགས་དེས་ནི་གངས་སྐྱིད་ནས་ལོ་གཉིས་མ་ཟིན་ཙམ་ལས་ཞབས་ཞུ་བསྒྲུབ་མྱོང་ཡང་མེད་ལ། དེ་ཡང་སྲིད་སྐྱོང་གི་གྲོགས་པོ་རྙིང་པ་ཡིན་པས་རྡ་སར་སྐོང་བ་དང། ད་ལྟ་ལམ་སེང་ལས་གནས་གལ་ཆེའི་སྟེང་འཛུགས་ཐུབ་བྱེད་པ་འདི་རིགས་ནི་མ་གཞི་ནས་དྲང་པོ་ཞིག་ཨེ་ཡིན་བསམས་མོད། གངས་སྐྱིད་ནས་ཞབས་ཞུ་ལྷག་བསམ་རྣམ་དག་གིས་ཞུས་ཏེ་མི་ལོ ༡༥། ༢༠ འགོར་བའི་ཤེས་འཇོན་ཉམས་མྱོང་སྣ་མང་ལྡན་པའི་གཞུང་ཞབས་ཚོར་དེའི་སྐོར་སྐད་ཆ་ཚིག་གཅིག་ཞུ་རྒྱུའི་གོ་སྐབས་གང་ན་ཡོད། ་་་་་ཟེར།
སོ་མྱུལ་བ་འཇུས་ཟེར་བ་འདི་ཁྲབ་སྟོན་གྱི་རྣམ་པ་ཅན་གྱི་གནས་ཚུལ་ཞིག་རེད་་་་་བོད་གཞུང་བདེ་སྲུང་ལས་ཁུངས་ཁྲབ་སྟོན་འདིའི་ནང་ལ་འདི་ལྟར་སྟབས་བདེ་བོས་ཞུགས་པ་ཕྲན་རང་བོད་མི་དཀྱུས་མ་ཞིག་གི་ངོས་ནས་བློ་ཕམ་ཆེན་པོ་བྱུང་་་།
ལྷག་པར་དུ་་སྤེན་པ་ཚེ་རིང་ཞེས་པ་ཁོ་རང་འཇུ་མཁན་གྱི་མི་གཉིས་གསོད་ཕྱིར་དུ་རྒྱ་གཞུང་གིས་བཏང་ཚུལ་བཤད་འདུག་་་་་མི་དེ་གཉིས་གསོད་དགོས་པའི་རྒྱུ་མཚན་དེ་མི་དེ་གཉིས་དང་བོད་གཞུང་ལག་འབྲེལ་གྱིས་རྒྱ་ནག་ནང་དྲག་སྤྱོད་སྤེལ་འཆར་ཡོད་པས་རེད་ཟེར་་་་བོད་གཞུང་གིས་མི་དེ་གཉིས་ཀྱི་ཁ་ལ་ཉན་ནས་སྤེན་ཚེ་རྒྱ་གར་གཉེན་རྟོག་པར་རྩིས་སྤོད་བྱས་འདུག་་་་བྱས་ནས་་བོད་གཞུང་གིས་སྤེན་ཚེ་འཇུ་མཁན་གཉིས་རྒྱ་གཞུང་ལ་དྲག་སྤྱོད་སྤེལ་བའི་འཆར་གཞི་ཡོད་མཁན་ཡིན་པའི་ངོས་འཛིན་བྱས་པ་རེད་དམ་་་་་་བོད་གཞུང་གིས་ཁོང་ཚོའི་གསུམ་པོས་གང་བཤད་པ་དག་སྟབས་བདེ་བོས་བདེན་པར་ཆ་འཇོག་བྱས་པ་རེད་དམ་་་གལ་སྲིད་དེ་ལྟར་ཡིན་་་ན་ང་ཚོས་རྩ་དོན་གཙོ་བོ་ཞིག་ནས་རང་ཉིད་ནག་པོར་བཟོས་ཚར་འདུག་་་་གཟབ་གཟབ་གནང་རོགས་་་་ངའི་སྤུན་ཟླའི་ཚེ་སྲོག་གིས་བསྐྱོར་བའི་ངའི་སྲིད་གཞུང་།
སོ་པ་ཞིག་འཇུས་པའི་གནས་ཚུལ་འདི་ལ་ལྟ་སྟངས་ཐད། ང་རང་ཁང་གསར་རྡོ་རྗེས་བཤད་པའི་དོགས་པ་དེ་བློ་ལ་འགྲོ་བྱུང། སོ་པ་འདིའི་གསལ་བསྒྲགས་ཐད་དྲ་འབུ་ཚོར་དྲི་བ་མང་པོ་ཡོང་གི་ཡོད་པ་འདིས་ཅི་ཞིག་གསལ་བཤད་བྱས་ཡོད་པ་རེད་ཟེར་ན། གཅིག་བྱས་ན་མི་མང་པོའི་དོ་སྣང་འདིའི་ནང་དུ་བཀུགས་ནས་དུས་ཡུན་གང་འཚམས་འཕྲོ་བརླག་ལ་གཏོང་དགོས་ཀྱི་མེད་འགྲོ ཡང་ཕྱོགས་གཞན་ཞིག་ནས་བདེ་སྲུང་ལས་ཁུངས་ནས་གསལ་བསྒྲགས་སྤེལ་སྟངས་ཀྱིས་མ་འདང་བའང་ཡིན་སྲིད།
གང་ལྟར་ངས་བསམས་ན་མི་མང་གི་དོ་སྣང་དྲངས་ཏེ། མི་མང་པོ་སོ་པ་གཅིག་འཇུས་པའི་གནས་ཚུལ་ལ་ཡུན་རིང་འཐོམ་དུ་བཅུགས་ནས། དེ་དང་མཉམ་དུ་སྲིད་སྐྱོང་གིས་རང་གི་བློས་གྲོགས་ཨ་རི་དོན་གཅོད་དུ་བསྐོས་པའི་གནས་ཚུལ་འདི་མངོན་ཆུང་ངང་རྙིང་པ་ཆགས་འཇུག་རྒྱུ་དང། ཕྱི་ཟླ ༩ ནས་ལས་མགོ་འཛུགས་སྐབས་གླེང་རྙོག་བྱུང་ན་དེ་སྔ་ནས་བསྐོས་བཞག་ཟིན་པ་རེད་ཅེས་ལབ་རྒྱུའི་གྲ་སྒྲིག་ཡིན་པ་གསལ་བོ་རེད།།
སྲིད་སྐྱོང་གི་ཁོང་གི་བློས་གྲོགས་དེས་ནི་གངས་སྐྱིད་ནས་ལོ་གཉིས་མ་ཟིན་ཙམ་ལས་ཞབས་ཞུ་བསྒྲུབ་མྱོང་ཡང་མེད་ལ། དེ་ཡང་སྲིད་སྐྱོང་གི་གྲོགས་པོ་རྙིང་པ་ཡིན་པས་རྡ་སར་སྐོང་བ་དང། ད་ལྟ་ལམ་སེང་ལས་གནས་གལ་ཆེའི་སྟེང་འཛུགས་ཐུབ་བྱེད་པ་འདི་རིགས་ནི་མ་གཞི་ནས་དྲང་པོ་ཞིག་ཨེ་ཡིན་བསམས་མོད། གངས་སྐྱིད་ནས་ཞབས་ཞུ་ལྷག་བསམ་རྣམ་དག་གིས་ཞུས་ཏེ་མི་ལོ ༡༥། ༢༠ འགོར་བའི་ཤེས་འཇོན་ཉམས་མྱོང་སྣ་མང་ལྡན་པའི་གཞུང་ཞབས་ཚོར་དེའི་སྐོར་སྐད་ཆ་ཚིག་གཅིག་ཞུ་རྒྱུའི་གོ་སྐབས་གང་ན་ཡོད། སོང་ཙང། བཅའ་ཁྲིམས་དོན་ཚན་དང་པོར་༧གོང་ས་མཆོག་གི་མཚན་འཁོད་གནས་བབ་དེ་འང། དགའ་ཉེ་ཕྱོགས་གཏོགས་ཡར་འཐེན་གྱི་གདོང་པགས་ལྟ་བུ་ཆགས་སོང་ན། ༧གོང་ས་མཆོག་གི་མཚན་གནས་རིན་པོ་ཆེ་དང་ལས་རྒྱུ་འབྲས་ཟེར་བ་དེའང་སྙིང་རེ་རྗེ།།
དྲུང་ཆེས་དྲི་ལན་གནང་བ་དང་གསལ་བསྒྲགས་སོགས་བདེ་སྲུང་བཀའ་བློན་མཆོག་ནས་ཞུ་དག་སོང་མེད་པ་འདྲ། ལབ་རྒྱུ་གླེང་རྒྱུ་འདི་འདྲའི་མང་བ་ལ། མི་གཅིག་སོ་པ་ཡིན་པའི་གསལ་བསྒྲགས་གཙང་མ་ཞིག་ཀྱང་སྤེལ་མི་ཤེས་དོན་ག་རེ་ཡིན་ནམ།
བོད་ཀྱི་དུས་བབ་ཚང་གིས་དུས་ཐོག་ཆར་བ་ལྟ་བའི་དྲི་བ་གནད་དུ་འཁེལ་བ་བཏང་འདུག དངོས་གནས་བྱས་ན་སྤེན་པ་ཚེ་རིང་ཟེར་བ་དེ་རྒྱ་གཞུང་གི་གསང་མྱུལ་བ་ཡིན་མིན་གྱི་ཁུངས་སྐྱེལ་ར་སྤྲོད་གསལ་བོ་ཞིག་བདེ་སྲུང་ལས་ཁུངས་ལའང་བཤད་ཡག་མི་འདུག
བོད་ཀྱི་དུས་བབ་ཚང་གི་དྲི་བ་ཁག་ཧ་ཅང་གནད་ལ་ཁེལ་འདུག བོད་ཀྱི་དུས་བབ་ཚང་གི་གསར་འགོད་པ་ཚོའི་ཚོར་ཤུགས་དེར་བསྔགས་བརྗོད་ཡོད། ཡིན་ནའང་བདེ་སྲུང་གི་ངོས་ནས་ལན་ཏག་ཏག་ཅིག་བརྒྱབ་མི་འདུག ཡར་དཀྱོག་མར་དཀྱོག་མང་པོ་བྱས་འདུག ཨང་དང་པོ་བདེ་སྲུང་ལས་ཁུངས་ཀྱིས་གསང་མྱུལ་བ་དེ་འཛིན་བཟུང་ཇི་ལྟར་བྱས་པ་དང་ག་དུས་ཤིག་ལ་བཟུང་པ་གསལ་བོ་མི་འདུག དེ་ནས་སྤེན་པ་ཚེར་བ་དེ་འཛིན་བཟུང་བྱས་དགོས་པའི་རྒྱུ་མཚན་དང་མི་དེ་གསང་མྱུལ་བ་ཡིན་པའི་ཁོངས་སྐྱེལ་ཡང་དེ་ཙམ་ཡིད་ཆེས་ཕེར་བ་ཞིག་བཤད་རྒྱུ་མེད་པ་དེ་དོགས་གཞིའི་གནས་ཤིག་ཆགས་འདུག
་་་་་་་་ ཁོང་གིས་“ དེ་དག་ཤུགས་ཆེ་བ་སྤེན་པ་ཚེ་རིང་ཁོ་རང་ལ་སྐད་ཆ་དྲིས་ཏེ་ཁོ་རང་གིས་ལབ་པ་རྐྱང་རེད། རྒྱ་གཞུང་གིས་དེ་འདྲ་བྱས་ནས་ང་བཏང་སོང་། ལས་འགན་དེ་དག་སྤྲད་སོང་ཞེས་ཁོ་རང་གིས་ལབ་པ་རེད། ཁོས་ང་ཚོར་བཤད་པ་ལྟར་བྱས་ན། ཁོ་རང་སྔོན་མ་བཙོན་ཁང་དུ་ཚུད་འདུག སྐབས་དེར་རྫོང་དཔོན་དང་ཉེ་རྟོག་པ་ཚོར་ཁ་རྩོད་ཤོར་འདུག དེ་ནས་བཙོན་ཁང་དུ་ལིའི་གཡུས་ཆོན་ཟེར་བ་དེས་ཁྱོད་རང་བཙོན་ཁང་དུ་སྡོད་འདོད་མེད་ན་རྒྱ་གར་ལ་སོང་སྟེ་ལས་འགན་དེ་དག་བསྒྲུབ་དགོས་ཞེས་ཆེད་མངགས་བཏང་བ་ཞིག་རེད། ༢༠༠༩ ལོར་ཁོ་རང་རྒྱ་གར་དུ་ཡོང་བ་ཞིག་ཆགས་འདུག” ཅེས་བརྗོད་བྱུང་། ་་་་་་་ཟེར།
རྒྱ་གཞུང་གི་གསང་མྱུལ་བ་སྤེན་པ་ཚེ་རིང་ཟེར་བ་ཞིག་རྒྱ་གར་གྱི་ཉེན་རྟོག་པ་དང་བདེ་སྲུང་ལས་ཁུངས་གཉིས་ཀྱིས། འཇུ་བཟུང་བྱས་ཡོད་པ་དེའི་སྐོར་ལ། ཕྱི་ཟླ་༥ ཚེས་༢༤ ཉིན་འདི་གའི་གསར་འགོད་པས་བདེ་སྲུང་དྲུང་ཆེ་དངོས་གྲུབ་རྡོ་རྗེ་ལ་བཅར་འདྲི་བྱས་ཡོད།
དྲི་བ། སྤེན་པ་ཚེ་རིང་རྒྱ་གཞུང་གི་གསང་མྱུལ་བ་ཡིན་པའི་ངོ་སྤྲོད་ག་འདྲ་
བྱས་ནས་བྱུང་བ་རེད།
ལན། ཁོ་རང་རྒྱ་གཞུང་གི་གསང་མྱུལ་བ་ཡིན་པའི་གནས་ཚུལ་ཁ་གསལ་ཆགས་པ་དེ། བཀྲ་ཤིས་དོན་གྲུབ་དང་། ཀརྨ་ཡེ་ཤེས་གཉིས་ལ་དུག་སྤྲད་རྒྱུའི་གནས་ཚུལ་ཞིག་བྱུང་སྟེ། ཁོ་རང་གཉིས་ཀྱིས་བདེ་སྲུང་ལས་ཁུངས་ལ་གནས་ཚུལ་རྩིས་སྤྲོད་བྱས་པ་རེད། དེ་ནས་ང་ཚོས་ཁོང་ལ་འདྲི་རྩད་བྱས་སྐབས་ཁོ་རང་གིས་ངོས་ལེན་བྱས་པ་ཞིག་རེད།
དྲི་བ། ཁོང་གིས་བཀྲ་ཤིས་དོན་གྲུབ་དང་ཀརྨ་ཡེ་ཤེས་གཉིས་ལ་དུག་སྤྲད་དགོས་པའི་རྒྱུ་མཚན་གང་རེད། དེའི་སྐོར་ངོ་སྤྲོད་ཅིག་གནང་རོགས།
ལན། རྒྱ་གཞུང་གིས་བཀྲ་ཤིས་དོན་གྲུབ་དང་། ཀརྨ་ཡེ་ཤེས་གཉིས་གཞུང་ལ་ངོ་ལོག་སྟེ་བཙན་བྱོལ་དུ་སོང་ནས་རྒྱ་གཞུང་དང་མི་མང་ལ་དྲག་སྤྱོད་ཀྱི་ལས་འགུལ་སྤེལ་འཆར་འདུག དེར་བརྟེན་སྤེན་པ་ཁྱེད་རང་གིས་ཁོ་རང་གཉིས་གཙང་མ་བཟོ་དགོས་རེད་ཅེས་ལས་འགན་སྤྲད་པ་ཞིག་རེད།
བང་ཆེན་དྲ་བ་ནས།
བདེ་སྲུང་གི་དྲུང་ཆེའི་བཀའ་ལན་དེ་ཚོར་ཚོར་བ་ཞིག་དང་ལྗིད་ཅིག་ཨེད་འདུག མི་སྒེར་ཞིག་དང་ཚོགས་པ་ཆུང་ཆུང་ཞིག་གི་མི་ཞིག་གིས་ལན་བརྒྱབས་པ་མ་རེད།
དེ་བས་ཀྱང་འོག་གི་ཚིག་དུམ་དེ་ཅུང་དགོད་དྲོ་བའི་སྐད་ཆ་རེད།
༼༼རྒྱ་གཞུང་གིས་བཀྲ་ཤིས་དོན་གྲུབ་དང་། ཀརྨ་ཡེ་ཤེས་གཉིས་གཞུང་ལ་ངོ་ལོག་སྟེ་བཙན་བྱོལ་དུ་སོང་ནས་རྒྱ་གཞུང་དང་མི་མང་ལ་དྲག་སྤྱོད་ཀྱི་ལས་འགུལ་སྤེལ་འཆར་འདུག དེར་བརྟེན་སྤེན་པ་ཁྱེད་རང་གིས་ཁོ་རང་གཉིས་གཙང་མ་བཟོ་དགོས་རེད༽༽
ཁོང་གཉིས་རྒྱ་གཞུང་ལ་ངོ་ལོག་པ་ཡིན་ངེས་ཀྱང་། ཁོང་གཉིས་ཀྱིས་དྲག་སྤྱོད་ལས་འགུལ་སྤེལ་འཆར་ཡོད་དམ། ཡོད་དབང་དུ་བཏང་ཡང་ཁོང་གཉིས་རྒྱ་གར་ས་ཐོག་ཏུ་གསོད་དགོས་དོན་ཅི་རེད། དེ་ལས་སྟབས་བདེ་བ་ཁོང་གཉིས་ཀྱིས་རྗེས་དེད་ནས་བོད་ནང་དུ་འཇུ་བཟུང་མ་བྱས་དོན་ཅི་རེད། སྐད་ཆ་ཆུང་ཆུང་ཞིག་དང་གནད་དོན་ཆུང་ཆུང་ཞིག་གིས། རྒྱ་གཞུང་གི་རང་ཉིད་ཀྱི་ངོ་གདོང་བློས་གཏོང་གི་ཨེ་རེད།
རྒྱ་གཞུང་ལ་ངོ་ལོག་ནས་ཡོང་བའི་བོད་མི་ཁྲི་ཕྲག་མང་པོའི་ནང་ནས་བཀྲ་ཤིས་རྒྱལ་མཚན་དང་ཀརྨ་ཡེ་ཤེས་ཟེར་བ་འདི་གཉིས་རྒྱ་གཞུང་གིས་དམིགས་བསལ་ལྐོག་སྲུང་བྱེད་དགོས་དོན་གང་ཡིན་མི་ཤེས།
རྒྱ་གཞུང་གིས་ད་བར་གཞོན་ནུ་ཚོགས་པ་དང་དེའི་ཁྱབ་ཁོངས་སུ་ཡོད་པ་ཚོས་དྲག་སྤྱོད་སྤེལ་གྱིན་འདུག་ཟེར་བ་ལས། ད་བར་སྤྱི་ཚོགས་ནང་ཆབ་སྲིད་ཀྱི་ལས་འགུལ་འདི་ཡིན་ཞེས་སྤེལ་བ་དང་། ཐ་ན་མིང་ཙམ་ཡང་གོ་མྱོང་མེད་པའི་མི་དེ་གཉིས་རྒྱ་ནག་ལ་མཚོན་ན་ཇི་འདྲའི་གལ་ཆེན་ཞིག་དང་། མི་བུ་དུང་ཕྱུར་བཅུ་གསུམ་ཡོད་པའི་རྒྱལ་ཁབ་དེ་ཞེད་ས་བོད་པ་རྐང་གཉིས་ཡིན་པ་ནི་ཡ་མཚན་དངོས་བྱུང་རང་རེད།