རྒྱ་ནག་སྲིད་གྲོས་ཀྱི་མགོ་འཁྲིད་ཡིས་ཀྲིན་ཧྲིན་མདོ་སྨད་བླ་བྲང་དགོན་པར་གཟིགས་སྐོར་བྱས་ཏེ། རྒྱ་གཞུང་གིས་ཏཱ་ལའི་བླ་མར་བཟུང་བའི་སྲིད་བྱུས་ནི་བརྟན་ཞིང་གསལ་བོ་ཡིན་ཞེས་བརྗོད་ཡོད་འདུག
ཟླ་འདིའི་ཕྱི་ཚེས་ ༨ ཉིན། རྒྱ་ནག་རྒྱལ་ཡོངས་སྲིད་གྲོས་ཀྱི་མགོ་འཁྲིད་ཡིས་ཀྲིན་ཧྲིན་(俞正声)བོད་མདོ་སྨད་ཀན་ལྷོ་བོད་རིགས་རང་སྐྱོང་ཁུལ་བླ་བྲང་དགོན་གཙོ་བོར་གྱུར་བའི་ཤང་དང་གྲོང་བརྡལ་ཁག་ཅིག་གི་སློབ་གྲྭ་དང་བཟོ་གྲྭ་སོགས་སུ་ལྟ་སྐོར་དུ་སོང་སྟེ། རྒྱ་གཞུང་གིས་༸གོང་ས་མཆོག་ལ་བཟུང་བའི་སྲིད་བྱུས་ལ་འགྱུར་བ་མེད་པར་སྔར་བཞིན་མཐའ་གཅིག་ཏུ་ངོ་རྒོལ་ཡོད་སྐོར་དང་། བོད་ཁུལ་གྱི་སྤྱི་ཚོགས་བརྟན་ལྷིང་དང་དཔལ་འབྱོར་གོང་འཕེལ་གཏོང་བའི་ལས་གཞི་གལ་ཆེན་གཉིས་ཤུགས་ཆེར་སྤེལ་ཏེ་འཚོ་བ་ཡར་རྒྱས་ཕྱིན་ཚེ། བོད་རིགས་མི་མང་སྔར་ལས་ཏང་དང་མཐུན་སྒྲིལ་རྡོག་རྩ་གཅིག་ཏུ་སྦྲེལ་ཐུབ་པའི་སྐོར་སོགས་བརྗོད་ཡོད་འདུག
ཟླ་འདིའི་ཕྱི་ཚེས་ ༨ ཉིན་གྱི་སྔ་དྲོའི་ཆུ་ཚོད་ ༩ པ་ཙམ་ལ། ཡིས་ཀྲིན་ཧྲིན་བླ་བྲང་དགོན་དུ་འབྱོར་ཏེ། དགོན་པའི་གནད་ཡོད་མི་སྣ་དང་ཐུག་འཕྲད་སྐབས་བརྗོད་དོན། “ ཏཱ་ལའི་སྐུ་ཕྲེང་བཅུ་བཞི་པས་དུས་ཡུན་རིང་པོ་ནས་མེས་རྒྱལ་ཁ་བྲལ་གཏོང་བའི་བྱ་སྤྱོད་སྤེལ་ཏེ། རྒྱལ་ཡོངས་མི་མང་གི་ཐུན་མོང་ཁེ་ཕན་ལ་གཏོར་བཤིག་བཏང་ཡོད་པ་མ་ཟད། བོད་བརྒྱུད་ནང་བསྟན་གྱི་སྲོལ་རྒྱུན་ལམ་ལུགས་ལ་རྒྱབ་འགལ་བྱས་ཡོད། ཏཱ་ལའི་བླ་མའི་བོད་ཆེན་པོའི་ཚད་མཐོའི་རང་སྲིད་རང་སྐྱོང་དམིགས་འབེན་དུ་བཟུང་བའི་དབུ་མའི་ལམ་ནི། རྒྱ་ནག་གི་རྩ་ཁྲིམས་དང་མི་རིགས་རང་སྐྱོང་ས་ཁུལ་གྱི་བཅའ་ཁྲིམས་གཉིས་དང་འགལ་ཟླ་ཡིན་པ་དང་། རྒྱལ་ཁབ་གཅིག་གྱུར་དང་བོད་ཁུལ་འཕེལ་རྒྱས་བརྟན་ལྷིང་ཡོང་ཕྱིར། ངེས་པར་དུ་མངོན་གསལ་དོད་པོས་ཏཱ་ལའི་རུ་ཚོགས་ལ་འཐབ་རྒོལ་གཏིང་ཟབ་བྱེད་དགོས་ཤིང་། ཏང་གི་སློབ་གསོའི་ལམ་སྟོན་འོག་བོད་བརྒྱུད་ནང་བསྟན་གྱི་མི་སྣས་ཆབ་སྲིད་ཐད་ཏཱ་ལའི་བླ་མ་དང་དབྱེ་མཚམས་གསལ་བོ་བཟོས་ཏེ། བློ་བརྟན་འགྱུར་མེད་ཀྱིས་རྒྱལ་ཁབ་ཁ་བྲལ་གཏོང་བ་དང་། ཏང་གི་མགོ་ཁྲིད་དང་སྤྱི་ཚོགས་རིང་ལུགས་ཀྱི་ལམ་ལུགས་ལ་གཏོར་བཤིག་གཏོང་བའི་བྱ་སྤྱོད་ཚང་མར་མཐའ་གཅིག་ཏུ་ངོ་རྒོལ་བྱེད་དགོས། རྒྱ་གཞུང་གིས་ཏཱ་ལའི་བླ་མར་བཟུང་བའི་སྲིད་བྱུས་ནི་བརྟན་ཞིང་གསལ་བོ་ཡིན། ཏཱ་ལའི་བླ་མས་བོད་ནི་གནའ་སྔ་མོ་ནས་རྒྱ་ནག་དང་ཁ་འབྲལ་ཐབས་མེད་པའི་ཆ་ཤས་ཤིག་ཡིན་པ་ཡོངས་ཁྱབ་གསལ་བཤད་དང་། བོད་རང་བཙན་གྱི་ལངས་ཕྱོགས་དོར་ཞིང་། མེས་རྒྱལ་ཁ་བྲལ་གཏོང་བའི་བྱ་འགུལ་རིགས་མཚམས་འཇོག་བྱས་ཚེ། ད་གཟོད་རྒྱ་ནག་དབུས་གཞུང་དང་འབྲེལ་བ་ལེགས་བཅོས་བཏང་ཡོད་པར་བཤད་ཆོག ” ཅེས་བརྗོད་ཡོད་པ་དང་། ད་དུང་རྒྱལ་གཅེས་ཆོས་གཅེས་ཀྱི་ཤེས་ལྡན་དགེ་འདུན་པ་སྔར་ལས་མང་པོ་གསོ་སྐྱོང་བྱེད་དགོས་ཚུལ་སོགས་བརྗོད་ཡོད་འདུག
གཞན་ཡང་། ཡིས་ཀྲིན་ཧྲིན་བླ་བྲང་(王格尔塘)གྲོང་བརྡལ་དཀྱིལ་སྙིང་སློབ་ཆུང་དུ་ཕྱིན་ཏེ་དགེ་སློབ་ཚོར་གཏམ་བཤད་བྱས་དོན། “ གྲངས་ཉུང་མི་རིགས་ས་ཁུལ་དུ་སྐད་གཉིས་སློབ་གསོ་ཡར་རྒྱས་གཏོང་དགོས་ལ། སྐད་གཉིས་སློབ་གསོ་ཡིས་མ་འོངས་པར་སློབ་མའི་མདུན་ལམ་ལ་ཕན་ཐོགས་ཆེན་པོ་ བསྐྲུན་ཞིང་། མི་རིགས་བར་རྒྱུས་ལོན་དང་མཐུན་སྒྲིལ་གོང་འཕེལ་དུ་གཏོང་བར་ཕན་ནུས་ཆེན་པོ་ཐོན་ཐུབ་སྟབས། ཕྲུ་གུའི་དུས་ཀྱི་སློབ་གསོ་ནས་མགོ་བརྩམས་ཏེ་སྐད་གཉིས་སློབ་གསོ་རྩ་འཛིན་བྱེད་དགོས། ” ཞེས་སོགས་བརྗོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བསྟན་ཆོས་ལགས། བཙན་བྱོལ་གྱི་དྲ་འབུ་ཁ་ཤས་ཀྱི་རྒྱ་ནག་གི་སྲིད་ཇུས་ཤེས་སམ། ཁྱེད་རང་ལྟ་བུས་ཀུན་མཁྱེན་བླ་མའི་མཛད་པ་ལ་ལྟ་ཤེས་སམ། ཕྱོགས་རུས་པ་སོ་སོ་ཡིན་པ་མི་ཤེས་སམ།ལྷ་སའི་སྲིད་ཇུས་ནི་རྡ་སའི་གནམ་གཤིས་དང་མི་གཤིས་ལྟ་བུ་འགྱུར་ཆོག་ཆོག་ཡིན་ནམ།
ད་འགྲིག་མི་འདུག གདོད་མ་ནས་བོད་རྒྱ་ཁོངས་ཡིན་པར་ངོས་ལེན་བྱེད་དགོས་ལབ་ཀྱི་འདུག་གཱ ད་ཡིན་ན་ཆ་ཚང་ངོས་ལེན་དུ་བཅུག མཐའ་མ་དེར་འདི་འདྲའི་ལགས་སོ་ཟེར་ཡུལ་མེད་པ་ཞིག་ཏུ་བཏང་སོང་། ད་ཚར་ཤག
བོད་ཀྱི་བུས་ཝེ་འཕྲིན་ལམ་དུ་སྐྱག་མགོ་རྩྭ་འགེབ་ཀྱིས་ཀུན་མཁྱེན་ཡག་མདོག་གི་གཡོ་རྫུན་དེ་གཞི་ལ་གཞག་ནས་དུས་བབ་ལ་སྐྱོན་བརྗོད་པ་ག འགྲིག ཡ་འོ་ན། ཕྱོགས་ཡར་མར་གྱི་དྲ་རྒྱ་གང་དུ་འདུག་གམ། དོན་དངོས་སུ་ལྷ་སའི་སྲིད་ཇུས་ལྷོད་མེད་པས་གཡོ་བཤད་ཡིན་པ་སུ་མི་ཤེས།
ག་རེ་ཡིན་ན་ཧ་གོ་གི་མི་འདུག། དུས་ཚོད་གཅི་ག་གི་ནང་ལ་གསར་འགྱུར་མི་འདྲ་བ་ཁག་མང་པོ་ཡོངས་ཀྱི་འདུག དེ་ག་རེ་རེད་ཟེར་ན་གསར་འགོད་པའི་སྐྱག་རྫིན་བཤད་གྱི་ཡོད་པ་རེད།་ འདི་འདྲའི་རིགས་ལ་གསར་འགོད་པའི་ཧ་ཅིང་གཟབ་དགོས་པ་ཅིག་རེད། སོ་སོའི་པའ་ཁུག་ནང་ལ་བསམ་བློ་གཅིག་པོ་མ་བཏང་རོགས་གནང་ཟེར་ནས་འབོད་བསྐུལ་ཞུ་བ་ཡིན། འདི་འདྲ་བཤད་ན་རང་ལ་མི་ཕན་པ་དང་གཞན་ལ་གནོད་བྱེད་ན་མི་འགྲིག་གི། རང་གཞན་གཉིས་ཀྱིས་བྱ་བ་གང་ཅེས་པ་དེ་གནས་ལུགས་ཀྱི་དོན་དང་ལྡན་པ་ཞིག་བཤད་ན་རང་གཞན་གཉིས་ལ་ཕན་པ་ཏན་ཏན་ཡོངས་ཀྱི་རེད་མ་རྟོགས། སྐྱག་རྫིན་བཤད་ན་ཅི་ཡང་ཕན་གྱི་མ་རེད་གསར་འགོད་པ་ཚོ་ལགས།
རྒྱ་རྒན་ཟུར་གྱི་གྲྭ་བ་དེ་སུ་རེད་དམ།
བོད་ཀྱི་བུ་ལགས། སྐྱག་པས་རྐུབ་འགྱོག་ཨེ་ཐུབ་བསམ་མཁན་ཚོས་ཝེ་འཕྲིན་ནང་ལ་བསྐུར་བའི་ཕྱོགས་ཞེན་གཡོ་བཤད་དེ་འདིར་བཀོད་མ་ཡོང་རོགས་ཞུ།
རྒྱལ་མཚན་ཚེ་རིང་གིས་ཝེ་འཕྲིན་ནང་གི་སྐྱག་རྫུན་ཞིག་འདི་ལ་གཡུག་འདུག ཀེ རང་གི་དེ་ཕར་འཁྱེར་རྒྱུགས
གསེར་འབྲུག་སྡེར་ལྔ་ཟེར་བ་དེ་ལ་དྲི་བ་གཉིས་ཡོད།
༡༽ གལ་སྲིད་གསེར་སྡེར་ལགས་ཁྱོད་རང་ཀུན་མཁྱེན་རིན་པོ་ཆེ་ཡིན་པའི་དབང་དུ་དབང་དུ་བཏང་ན་ཁྱོད་ཀྱིས་རྒྱ་དཔོན་དེ་ལ་རྣམ་འགྱུར་ཅི་འདྲ་ཞིག་སྟོན་ས་རེད་དམ། ངས་བལྟས་ན་ཁྱོད་ཀྱིས་རྒྱ་དཔོན་དང་མཉམ་དུ་རྒྱ་གོས་མ་གཏོགས་བོད་གོས་མི་གྱོན་པར་ངེས་སོ་སྙམ། ངས་ནོར་བ་རེད་དམ།
༢༽ གལ་སྲིད་གསེར་སྡེར་ལགས་ཁྱོད་རང་སེར་འཕྲེང་དེའི་ཁྲོད་ན་ཡོད་པའི་གྲྭ་བ་ཞིག་ཡིན་ན་ཁྱོད་ཀྱིས་རྒྱ་དཔོན་དེའི་མཐོང་ས་དེ་ག་རང་དུ་རྒྱ་དཔོན་ལ་རྣམ་འགྱུར་ག་འདྲ་ཞིག་སྟོན་ངེས་ཡིན་ནམ། ཧཧཧཧཧཧཧཧཧཧཧཧཧཧ། རང་དབང་ལུང་པའི་ནངམིང་རྫུན་རེའི་འོག་ནས་ང་ཚཽས་འགན་ཁུར་མེད་པར་ཁ་ནང་ལ་ཡོང་ཚོད་བཤད་ན་སྤྱི་ཚོགས་ལ་ཕན་གནོད་གང་ཞིག་ཡོང་མིན་ཤོད་སླའོ།
ད་རེས་དུས་བབ་ཀྱི་གསར་འགྱུར་འདིར་ངོ་རྒོལ་ཡོད། ཕྱོགས་ཚང་མར་མིག་བཤེར་མི་བྱེད་པར་རྒྱ་དམར་གཞུང་གིས་གསར་འགྱུར་ལྟ་བུ་འགོད་པར་བློ་ཕམ་བྱུང་། དོན་ངོ་མར་འདི་འདྲ་ཞིག་ཀྱང་གོ་མེད་ནས་དེ་རིང་སྤྱི་ཟླ་ ༧པའི་ཚེས་ ༨ཉིན་གྱི་སྔ་དྲོ་དུས་ཚོད་དགུའི་སྟེང་རྒྱ་ནག་གི་ཆེས་མཐོ་དཔོན་རིགས་ 俞正声 བླ་བྲང་དགོན་པར་ཡོང་བ་དང་། དེ་ནས་བཞུགས་མོལ་ཚོགས་ཆུང་གི་སྐབས་གསུང་དོན་ངས་དགོན་བདག་ཀུན་མཁྱེན་འཇམ་དབྱངས་བཞད་པ་མཆོག་སྔོན་ཆད་ངོ་མི་ཤེས་ཀྱང་ད་ལོའི་ཚོགས་ཆེན་བཅོ་བརྒྱད་པའི་སྐབས་ཁོང་གིས་ང་ཚོར་ལྷ་སའི་སྲིད་ཇུས་ལྷོད་ཡངས་སུ་གཏོང་དགོས་པར་བཏོན་པའི་བསམ་འཆར་ལ་ང་ཚོས་གྲོས་བསྡུར་གྱིས་ཐག་གཅོད་བྱས་ནས་སྤྱི་ཟླ་དྲུག་པ་ནས་ལག་ལྟར་བྱེད་བཞིན་ཡོད་ཟེར་བ་དང་། བླ་མ་ཁོ་ནི་དྲང་བདེན་གྱི་སྐད་ཆ་གདོང་ཐུག་གིས་ཤོད་ཐུབ་མཁན་ཞིག་ཡིན་པས་འདི་རིགས་ནི་ནམ་ཡང་ང་ཚོའི་གྲོགས་པོ་བཟང་བོ་ཡིན་ཟེར་དང་། ད་དུང་ང་ཚོར་མ་འགྲིག་པ་ཡོད་ན་བཤད་ན་འགྲིག་རབས་བཤད་འདུག ཏཱ་ལའི་བླ་མར་བཟུང་བའི་ཆབ་སྲིད་ཀྱི་སྲིད་ཇུས་ལ་འགྱུར་བ་མེད་ཟེར། དགོན་བདག་ཀུན་མཁྱེན་འཇམ་དབྱངས་བཞད་པ་མཆོག་ནས་ཀྱང་། ཁོ་རང་ཕེབས་པར་དགའ་བསུ་ཡོད་པ་དང་འབྲེལ། རང་ས་གནས་ལ་དཀའ་ཁག་གང་མང་ཞིག་འབྱུང་བཞིན་པར་གོང་རིམ་ནས་ཀྱང་གཟབ་གཟབ་བྱེད་དགོས་པ་སོགས་གསུངས།
ད་ཡིན་ན་གཉིས་ཕན་དབུ་མའི་ལམ་གྱི་ལྟོ་ཟ་ས་མ་རེད། རེ་བ་མ་བྱེད་ཞང་རྒན་ཚོ། ཟམ་གདོང་བླ་མས་མགོ་སྐོར་བཏང་བ་ལ་མ་འཐོམས།
ཀུན་མཁྱེན་་་་་རིན་པོ་ཆེ་་་་་་ ཁོ་ལ་གུས་ཞབས་ཀྱང་བྱེད་མི་ཐུབ་ལ་དད་པ་ནི་དེ་བས་བྱེད་ཐབས་བྲལ། སྨད་ར་བྱེད་ན་ནི་སྤུན་གྲོགས་རེ་ཟུང་ལ་འཕོག་འགྲོ དེར་ཁག་མེད། མི་ཟེར་བ་དེ་ཕྱོགས་ཞེན་ཅུང་ཟད་མེད་པ་ག་ལ་སྲིད། འོན་ཀྱང་གྲྭ་པ་དེ་ཚོ་སྙིང་རྗེ་་་་ སྤྱི་ཚོགས་ཀྱི་ཁ་རྡུང་་་་་་
འོ་ཡ། ད་བྱས་ན་དཔའ་ཆེན་ལགས། ཀུན་མཁྱེན་རིན་པོ་ཆེ་རྒྱ་དཔོན་གྱི་རྗེས་ན་ཕེབས་ཀྱིན་རྒྱ་དཔོན་ལ་ཅི་འདྲའི་གུས་བརྩི་ཆེ་མདོག་ལ། ཧ་ཧ། ད་དུས་ཚོད་མགོ་མཇུག་ལོག་པ་རེད་ཡང་ན། རྒྱ་དཔོན་དབང་ཐང་ཆེ་སོང་ནི་རེད། ཡང་ན་བླ་མ་གྲྭ་པ་སྲིད་དོན་མཁས་སོང་ནི་རེད།
ཚེ་རྡོར་དང་གསེར་སྡེར་ཞ་ར་ཡིན་ནི་མིན་ན་རྒྱ་དཔོན་རྗེས་ན་ཀུན་མཁྱེན་རིན་པོ་ཆེ་ཕེབས་ཀྱིན་པ་མཐོང་དགོས། གྲྭ་བ་ཚོས་མིག་གིས་སུ་ལ་ལྟོས་འདུག་ཞིབ་ཏུ་ལྟོས་ཤིག
དཔར་རིས་ནང་གི་དགེ་འདུན་པ་དེ་ཚོས་དབུ་གུར་གུར་གྱིས་བཅོས་མའི་གུས་བརྩི་བླ་མེད་ཅིག་ཡོད་མདོག་བསྟན་པ་དེས་ལམ་དབུ་མའི་དགོངས་དོན་དང་ཡོངས་སུ་མཐུན་འདུག་སྙམ། ད་དུང་དམར་ཤོག་འགོ་གཙོས་ལག་ཕྱག་མཚན་བྱེད་སྟངས་འདིས་ལམ་དབུ་མ་ལམ་དུ་འགྲོ་ཡི་ཡོད་པ་འདྲ་ཞིག་མི་འདུག་གམ། འོན་ཀྱང་ཡ་མཚན་པ་ཞིག་ལ་དམར་ཤོག་པས་ནམ་ཡང་འགྱུར་མེད་དབུ་མ་པར་སྡང་མིག་དེ་ལྟར་བགྲད་དགོས་དོན་ག་རེ་ཡིན་ནམ།
པར་རིས་དེ་ལ་དཔྱད་པ་ཕྲན་ཙམ་བཏང་ན། དགེ་འདུན་པ་ཁ་ཅིག་གིས་དབུ་གུག་གུག་བྱས་ནས་དམར་ཤོག་གི་མགོ་འཁྲིད་དད་སེམས་བརྫུས་མའི་ཕྱག་རྒྱ་ཅན་ལ་གུས་ཉམས་སྟོན་པ་འདི་བཀྲ་མི་ཤིས་པའི་རྟགས་ཅིག་ཏུ་མཐོང་། གུས་ཉམས་དེའི་དོན་སྙིང་རྟོགས་དཀའ་བར་གདའ། མེ་མདའི་ཁ་གཏད་འོག་ནས་དེ་འདྲ་མ་བྱས་མཐུ་མེད་བྱུང་ན་ཅི་ཁག འོན་ཀྱང་། དགེ་འདུན་པ་ཞིག་གིས་ཕྱི་ནང་མི་མཐུན་པའི་བྱ་སྤྱོད་དེ་འདྲ་བསྟན་ན་ནི་བསླབ་པ་དང་འགལ་བར་སེམས། གལ་སྲིད་བསམ་པ་རྣམ་དག་གི་དམར་ཤོག་གི་དཔོན་པོ་གདུག་རྩུབ་ཅན་ལ་གུས་ཉམས་བསྟན་པ་ཡིན་ནའང་འགྲིག་མི་འདུག དེའི་རྒྱུ་མཚན་བོད་མི་བྱིངས་ཀྱིས་ལོས་མཁྱེན། གལ་སྲིད་དམར་ཤོག་གི་མགོ་ཁྲིད་དེའི་རྒྱབ་ན་ཕེབས་བཞིན་པའི་ཀུན་མཁྱེན་རིན་པོ་ཆེ་ལ་དད་གུས་ཀྱི་རྣམ་འགྱུར་བསྟན་པ་ཡིན་ན། དམག་ཤོག་དཔོན་པོ་གདུག་རྩུབ་ཅན་དེ་ཅུང་ཟད་ཕར་སོང་ཚར་རྗེས་སུ། ད་གཟོད་ཀུན་མཁྱེན་རིན་པོ་ཆེ་མཆོག་ཁོ་ནར་ཁ་གཏད་ནས་གུས་ཉམས་བསྟན་ན་ནོར་མི་འདུག འོན་ཀྱང་གུས་ཉམས་སྟོན་ཐབས་ལ་བློ་རིག་མ་བསྒྲིམས་པར་ནོར་འཁྲུལ་བྱུང་བས། རྒྱ་ནག་དམར་ཤོག་ལ་ཁོ་ཚོའི་བསམ་ཐོག་ཏུ་འཁེལ་བའི་འདྲ་པར་ཤུགས་རྐྱེན་ཤིན་ཏུ་བ་ཞིག་སྤྲད་འདུག དགེ་འདུན་པ་ཚོས་རྒྱ་ནག་དམར་ཤོག་གི་གཡོ་ཐབས་ལ་མ་གཟབ་པའི་དབང་གིས། མ་བསམ་ས་ན་རང་ཕྱོགས་ལ་ཤུགས་རྐྱེན་ངན་པ་བཟོ་སྲིད་པ་ནི་པར་འདིའི་བསླབ་བྱ་གཙོ་བོ་ཡིན་པར་འདོད།
ཡ་མཚན་པ་ལ། རྒྱ་ནག་གཞུང་གི་དཔོན་རིགས་ནང་བོད་ཐོག་འཛིན་པའི་སྲིད་བྱུས་ལ་བསམ་ཚུལ་མ་མཐུན་པ་རིགས་གཉིས་ཡོང་གི་ཡོད་ས་རེད། ངས་དེ་རིང་དྲ་འབྲེལ་ཁག་ཅིག་ནང་གནས་ཚུལ་འདི་འདྲ་ཞིག་མཐོང་སོང་། (གནས་ཚུལ་དེ་དངོས་བདེན་ཡིན་་མིན་མུ་མཐུད་ནས་བརྟག་དཔྱད་བྱེད་དགོས། དངོས་བདེན་ཡིན་དབང་དུ་བཏང་ཡང་སེམས་གཏིང་གི་སྐད་ཆ་ཡིན་མིན་མུ་མཐུད་ནས་བལྟ་ཞིབ་བྱེད་དགོས་ལས་སྤྱི་ཚོགས་འུད་སྒྲོགས་བྱེད་མི་རུང་།
ད་ལྟ་རང་གནས་ཚུལ་ཐོན་པར་གཞིགས་ན། རྒྱ་ནག་གི་སྲིད་འཛིན་ཞི་ཅིན་ཕིན་གྱིས་བོད་རྒྱ་གྲོས་མོལ་མགྱོགས་པོ་བྱེད་འདོད་ཡོད་ཅེས་དང་། ད་ལྟའི་དུས་རབས་ཉེར་གཅིག་པ་འདི་ནི་གཅིག་གིས་གཅིས་ལ་གཉའ་གནོན་བྱེད་རྒྱུའི་དུས་རབས་ཤིག་མིན་པར་ངོས་འཛིན་ཡོད་པའི་ཐོག བོད་མི་རིགས་འདི་ཡང་རྒྱ་མི་རིགས་དང་གཅིག་མཚུངས་ཀྱི་ཐོབ་ཐང་འདྲ་མཉམ་ཡོད་དགོས་ངེས་ཤིག་ཏུ་མཐོང་གི་ཡོད་ཅེས་གསུངས་ཡོད་པ་རེད། ད་དུང་ཁོང་གིས་གསུང་དོན་འདས་ཟིན་པའི་ལོ་ངོ་ལྔ་བཅུ་ལྷག་གི་ཡར་སྔོན་དུ་ཀྲུང་དབྱངས་ནས་བོད་ཞི་བའི་གཅིང་གྲོལ་བཏང་བ་ནས་བཟུང་བོད་རྒྱ་མི་རིགས་དབར་ཕན་ཚུན་རོགས་རོམ་དང་གཅིག་ཕན་གཅིག་གྲོགས་མང་པོ་བྱུང་ཡོད་ལ། མ་འོངས་པར་ཡང་སྔོན་ལས་ལྷག་པའི་འཁྱམ་མཐུན་ལྡན་པའི་ཁྱིམ་ཚང་ཞིག་ཏུ་འགྱུར་བར་རེ་བཞིན་ཡོད་ཅེས་དང་། ཕྱིར་རྒྱལ་དུ་ཡོད་པའི་བོད་རིགས་སྶུན་ཟླ་ཡོངས་རྫོགས་ཕྱིར་རང་ཡུལ་དུ་ཕེབས་པར་དགའ་བསུ་ཡོད་ལ། འཛམ་གླིང་ཡོངས་ཀྱིས་བརྩི་ཡུལ་༧གོང་ས་རྒྱལ་བ་རིན་པོ་ཆེ་ལ་བརྩི་འཇོག་ཡོད་ལ་ཁོང་གིས་བཏོན་པའི་གཉིས་ཕན་དབུ་མའི་ལམ་ལ་མོས་མཐུན་ཡོད་པ་མ་ཟད་མི་རིགས་གཉིས་ཀར་ཕན་ཐོག་ཡོད་པ་ཞིག་ལ་ངོས་འཛིན་གྱི་ཡོད་ཅེས་གསུངས། གནས་ཚུལ་འདི་ཤིང་ཧ་གསར་ཁང་ནས་ 2013 ཟླ་བདུན་པའི་ཚེས་ 10 ཉིན་ཐོན་པ་ཞིག་རེད་འདུག)