གཟའ་ལྷག་པའི་ཉིན་བོད་རིགས་མདོ་ལ་རྫོང་གི་ཨ་རིག་བྲག་དཀར་སྡེ་བ་དང་། རྒྱ་རིགས་མེན་ལི་རྫོང་གི་ཚོ་མེན་སྡེ་བ་གཉིས་བར་འཁྲུག་འཛིང་ཤོར་ཏེ་བོད་མི་ ༡༧ ཙམ་ལ་རྨས་སྐྱོན་ཚབས་ཆེན་ཕོག་ཡོད་འདུག
དེ་རིང་དྷ་སར་གནས་སྡོད་ཨ་རིག་འགྱུར་མེད་ལགས་ཀྱིས་གནས་ཚུལ་ངོ་སྤྲོད་གནང་བ་ལྟར་ན། བོད་མདོ་སྨད་མཚོ་སྔོན་ཞིང་ཆེན་མཚོ་བྱང་ཁུལ་མདོ་ལ་རྫོང་(བོད་རིགས)ཨ་རིག་བྲག་དཀར་སྡེ་བ་དང་། ཀན་སུའུ་ཞིང་ཆེན་མེན་ལི་རྫོང་(རྒྱ་རིགས)ཚོ་མེན་གྲོང་རྡལ་གཉིས་བར། སྔོན་མ་ནས་ས་མཚམས་རྩོད་རྙོག་གི་འཁྲུག་འཛིང་ཡང་ཡང་ཤོར་བཞིན་ཡོད་པ་ལྟར། ཟླ་འདིའི་ཚེས་ ༡༧ ཉིན་མདོ་ལ་རྫོང་གི་བོད་རིགས་ས་སྲུང་བའི་སྡོད་གུར་རྒྱག་ཡུལ་འཁྱག་ལུང་དུ། རྒྱ་སྡེའི་ཚོ་མེན་གྱི་རྒྱ་རིགས་ཚོས་ཀན་སུའུ་ཀྲང་ཡེ་ས་ཁུལ་གྱི་རྒྱ་མི་ ༡༠༠ ལྷག་ལ་རྒྱ་སྒོར་ ༡༠༠༠ རེ་སྤྲད་དེ་གླས་ཡོང་སྟེ་བོད་མི་ས་སྲུང་བ་ཚོར་རུབ་རྡུང་བྱེད་དུ་བཅུག་ཡོད་འདུག
ཐེངས་འདིའི་འཁྲུག་འཛིང་ཁྲོད་ཡུལ་དེར་ས་སྲུང་བ་ ༣༠ ཡོད་པའི་ནང་གི་བྲག་དཀར་སྡེ་བའི་སྡེ་དཔོན་རབ་བརྟན་ལགས་ཀྱི་རྐང་ལག་བཞི་བོ་བཅག་ཡོད་འདུག་ལ། བོད་མི་བསམ་འགྲུབ་དང་ཞོའོ་ཀྲང་གཉིས་ཀྱི་མགོ་དང་རྐང་པར་རྨས་སྐྱོན་ཚབས་ཆེན་བཟོས་ཏེ། ཁོང་གསུམ་ད་ལྟ་ཀན་སུའུ་ཀྲང་ཡེའི་སྨན་ཁང་ཆེན་པོ་ཞིག་ཏུ་མྱུར་སྐྱོབ་བྱེད་ཀྱིན་ཡོད་ཀྱང་ཚེ་སྲོག་གི་ཉེན་ཁར་ཐུག་ཡོད་འདུག གཞན་རྨས་སྐྱོན་ཕོག་མཁན་ ༡༤ ཙམ་མེན་ལི་རྫོང་གི་སྨན་ཁང་ཞིག་ཏུ་ཁྲིད་ཡོད་པ་དང་། ས་སྲུང་བ་ ༡༠ ཙམ་སྐབས་དེར་རི་འགོར་འབྲོ་ཐུབ་པ་བྱུང་ཡོད་འདུག
གནས་ཚུལ་མཁོ་སྤྲོད་པས་བརྗོད་ན། འདས་པའི་ལོ་མང་སྔོན་ནས་མདོ་ལ་རྫོང་འོག་གི་ཨ་རིག་དང་། མེན་ལི་རྫོང་འོག་གི་ཚོ་མེན་གྲོང་རྡལ་གཉིས་བར་ས་མཚམས་རྩོད་ཉོག་གི་འཁྲུག་འཛིང་ཡང་ཡང་ཤོར་བཞིན་ཡོད་ཀྱང་། བོད་མི་ཚོར་ད་རེབ་ལྟ་བུའི་ཚབས་ཆེའི་ཉེས་རྡུང་དང་གྱོང་གུད་དེ་སྔོན་ཕོག་མྱོང་མེད་ཟེར།
ཐེངས་འདིར་རྒྱ་མི་ཚོས་དབྱུག་པའི་སྣེ་མོར་ལྕགས་འཛེར་མང་པོ་བཙུགས་པའི་མཚོན་ཆ་ཞིག་བཟོས་ཡོད་པ་དེས། བོད་མི་ཚོར་གཞུས་ཏེ་ཤ་གསེང་དུ་ཟུག་རྗེས་ཕྱིར་འཐེན་སྐབས་ཤ་གཙབ་རལ་བཏང་ཡོད་འདུག་ལ། གཞན་རྡོ་དང་དབྱུག་པ་སོགས་ལག་ཏུ་གང་ཡོང་གིས་ཉེས་རྡུང་བཏང་ཡོད་འདུག གནས་ཚུལ་དེ་བྱུང་རྗེས་ཨ་རིག་བྲག་དཀར་སྡེ་བར་ཡོད་པའི་ཉེན་རྟོག་པ་དང་མེན་ལི་རྫོང་གི་ཉེན་རྟོག་པ། རྫོང་ཁག་གཉིས་ཀྱི་མགོ་ཁྲིད་ཁག་ཅིག་བཅས་ས་གནས་སུ་འབྱོར་སྐབས། རྒྱ་མི་ཚོས་ཚུར་ཕྱོགས་ཀྱི་ཉེན་རྟོག་པར་ཉེས་རྡུང་གཏོང་རྩིས་བྱས་སྐབས། རྫོང་གཉིས་ཀའི་མགོ་ཁྲིད་ཚོས་ཐབས་མཁས་བསྟུན་ཤེས་ཀྱིས་གསལ་བཤད་བྱས་མཐར་འཁྲུག་འཛིང་ཤོར་བཅུག་མི་འདུག
སྤྱིར་མདོ་ལ་རྫོང་ཨ་རིག་བྲག་དཀར་སྡེ་བ་དང་མེན་ལི་རྫོང་ཚོ་མེན་གྲོང་རྡལ་གཉིས་བོད་རྒྱའི་ས་མཚམས་ལ་ཁེལ་ཡོད་སྟབས། ལོ་ལྟར་དབྱར་ཀར་བསླེབས་ཐེངས་རེར་བོད་རིགས་དང་རྒྱ་རིགས་བར་ས་མཚམས་རྩོད་ཉོག་གི་འཁྲུག་འཛིང་ལན་མང་ཤོར་བཞིན་ཡོད་ཀྱང་། ཞིང་ཆེན་དང་ཁུལ་རིམ་པས་ད་བར་གནས་ཚུལ་ཐག་གཅོད་མ་བྱས་པར་བཞག་ཡོད་འདུག
མཚོ་སྔོན་ཞིང་ཆེན་མཚོ་བྱང་ཁུལ་མདོ་ལ་རྫོང་དུ་བོད་རིགས་ཞང་ ༧ དང་། རྒྱ་རིགས་ཞང་ ༡ ཡོད་པ་དང་། ཐེངས་འདིར་ཨ་རིག་བྲག་དཀར་སྡེ་བའི་མང་ཚོགས་ཀྱིས་ཡུལ་དམག་བསྡུས་ཏེ། ཕར་རྒོལ་བྱེད་རྒྱུར་གྲ་སྒྲིག་བྱས་ཡོད་ཀྱང་། མདོ་ལ་རྫོང་གི་མགོ་ཁྲིད་ཚོས་ཉིན་ ༥ རིང་ནང་གང་མགྱོགས་གནད་དོན་ཐག་གཅོད་ཐུབ་པ་བྱ་རྒྱུའི་ཁས་ལེན་བྱས་ཏེ་མང་ཚོགས་བཀག་འགོག་བྱས་ཡོད་འདུག
གསར་འགོད་པ། དོན་གོ
ཁ་བརྡར།
༥༽ ཀརྡོ་གཉེར་ཕྱག་པ་ནས།
སྤྱི་ལོ་ ༢༠༡༣ ཟླ་ ༧ ཚེས་ ༢༠ གི་ཆུ་ཚོད་ ༡༤ སྐར་མ་ ༠༠
རྒྱ་རིགས་བརྒྱ་པོ་ཆ་ཚང་ནང་ལ་ལོག་རྒྱུ་མེད་པར་དམར་གསོད་གཏོང་དགོས་རེད། དེ་མིན་རྙོག་ཁྲ་མ་བཟོས་ན་ཡག་བགྱིད། ས་འཚམས་ཆུང་ཆུང་གཅིག་གི་རྙོག་ཁྲས་བོད་རྒྱ་མི་རིགས་སྤྱི་ཡི་མཐུན་ལམ་ཡང་གནོད་བགྱིད་འདུག
བཟོད་པའི་གོ་ཆ་ལུས་ལ་མེད་ཀྱང་ཡོད་མདོག་བྱེད་པའི་བོད་པ་ཚོ །།
རང་སེམས་རླན་པའི་སྙིང་རྗེ་མེད་པར་གཞན་ལ་སྙིང་རྗེ་བྱམས་སེམས་བཤད །།
ས་གྲགས་གནམས་གྲགས་བཙན་པོའི་རྒྱུད་ཅེས་ཁ་ཕོ་རི་ལས་མཐོ་བ་སྨྲ །།
འདྲ་པར་དེ་ཡི་ན་ཟུག་སྦྱིན་ཀྱང་ཁྱོད་དང་ང་གཉིས་ཝ་ཡི་རྒྱུད །།
འཁྲུག་འཛིང་ཤོར་ཚར་འདུག ༼རྫོང་གཉིས་ཀའི་མགོ་ཁྲིད་ཚོས་ཐབས་མཁས་བསྟུན་ཤེས་ཀྱིས་གསལ་བཤད་བྱས་མཐར་འཁྲུག་འཛིང་ཤོར་བཅུག་མི་འདུག༽ ཟེར་ན་ག་རེ་ཟེར་གི་ཡོད་རེད།
རྒྱ་ནག་གི་རྩ་ཁྲིམས་འོག་ཏུ་གཅར་རྡུང་དང་གསོད་གཏུབ་ལས་མེད་པར་ར་གསལ་བོ་འཕྲོད་པ་རེད། གནས་སྟངས་འདི་མཐོང་སྐབས། སྟོན་པ་ཞལ་བཞུགས་དུས་ཡིན་ཡང་ཨ་ཁ་ཁ་གསུངས་ཤག་རེད།
བོད་བཙན་པོའི་སྐབས་སུ།
བོད་བོད་ཡུལ་ན་སྐྱིད།
རྒྱ་རྒྱ་ཡུལ་ན་སྐྱིད།
ཅེས་བཀའས་བཅད། རྡོ་རིངས་ལའང་བྲིས། ཤར་ལྷོ་ནུབ་བྱང་ལ་སྟོབས་དཔུར་བསྐྱེད་དེ་བོད་ཅེས་སྟོབས་དང་འབྱོར་བ། མངའ་ཐང་ལོངས་སྤྱོད་གང་ཐད་ནས་གཞན་སུ་འདྲ་ཞིག་དང་ཡང་འདྲ་མཉམ་དུ་གནས་ནས་ཡོང་བ་རེད། ད་དུང་བོད་རྒྱ་གཉིས་ནི་གནའ་སྔ་མོ་ཤེད་ཤུགས་འདྲ་མཉམ་ཡིན། རྒྱུ་འབྱོར་འདྲ་མཉམ་ཡིན། དམག་ཐོབ་རེས་རེ་ལ་ཤོར་རེས་རེ། རྒྱལ་ས་ཡང་འཕྲོག་རེས་རེ་ལ་ཤོར་རེས་རེ་ཡང་བྱས་མྱོང་།
འོན་ཀྱང་སྐབས་ཤིག་ནས་བོད་མི་རིགས་འདིས་བྱང་ཆུབ་སེམས་དཔའ་མ་ཆགས་རུང་རྒྱུད་ནས་བྱང་སེམས་འདོར་མི་ཉན་ཟེར་ནས་ད་བར་དུ་འདོད་པ་ཆུང་ཞིང་ཆོག་ཤེས་པར་བྱས་ནས་འོང་། ཞ་ཐ་ཤ་དར་རྒྱས་ཆེད་དུ་བཟའ་བཏུང་ཞིམ་མངར་ལྡན་དག་ཀྱང་ཆོག་ཤེས་པའི་སྒོ་ནས་སྙུང་ཅི་བཏུབ་ཀྱིས་ལུས་ཟུངས་མཛད་པར་བྱས།
དེ་རིང་གི་དུས་འདིར་བོད་ཟེར་ན་འཛམ་གླིང་གི་རྒྱལ་ཁབ་ཡུལ་མང་པོས་མི་ཤེས། མི་རིགས་འདི་ཡང་མཐོང་མ་ཐག་ནས་ “ཅིན་ Cin “རེད་ཟེར།
བོད་མི་ཚོས་ཀྱང་རང་ཉིད་
“ཅིན་ Cin “མིན་ཡང་ཡིན་ཁུལ་བྱས་དང་བྱེད་བཞིན་ཡོད།
ཨ་ཧོ། དེ་རིང་འདིར་གཟིགས་དང་། བོད་བོད་ཡུལ་སྐྱིད་མ་ཐུབ། རྒྱ་རྒྱ་ཡུལ་ནས་འདུག་མ་ཤེས། ད་བོད་འདིས་རང་གི་རང་ཉིད་ཀྱི་མེས་པོ་དག་ངོ་སེས་ཤིང་དྲན་པར་བྱས་ནས། བོད་བོད་ཡུལ་ནས་སྐྱིད་ཐུབ་ཅིང་། རྒྱ་རྒྱ་ཡུལ་འདུག་ཤེས་པའི་ལས་ཀ་རེ་ཅི་ལྟར་བྱ་ནུས་སམ། ཐབས་དང་ལམ་གང་ཡོད་ན་ད་འདོད་རན་རེད་སྙམ།
རྒྱང་ནས་གླད་དེ་རྒྱང་ནས་འགོར་དྲག་ན་ཕྱི་ནང་གཉིས་ཀྱང་འགལ་བའི་འགལ་བར་མི་འགྱུར་བའི་ངེས་པ་སུའང་མི་འདུག་སྙམ། བོད་མིས་བོད་སྐྱོབས་བློ་རིག་རྩལ་དུ་སྤྲིགས་རོགས་ཀྱེ།