ཟླ་འདིའི་ཕྱི་ཚེས་ ༡༩ ནས་ ༢༣ བར་ཨ་རིའི་ (USAID) རོགས་ཚོགས་ཀྱིས་མཐུན་འགྱུར་དང་། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་གོ་སྒྲིག་འོག ལྡི་ལིའི་ (Vidya Sagar Institute of Mental Health and Neuroscience) ཞེས་པའི་བསྟི་གནས་ཁང་དུ། བཙན་བྱོལ་བོད་མིའི་གཞིས་ཆགས་དང་སློབ་གྲྭ་ཁག་གི་འཕྲོད་ལས་པ་ཁག་གཅིག་ལ་སེམས་ནད་འཕྲོད་བསྟེན་གྱི་ཟབ་སྦྱོང་ཐེངས་གཉིས་པ་གོ་སྒྲིག་གནང་ཡོད་འདུག
ཐེངས་འདིའི་ཟབ་སྦྱོང་དེ་ནི། རྒྱ་གར་ནང་ཡོད་པའི་བཙན་བྱོལ་བོད་མིའི་གཞིས་ཆགས་ཁག་གཙོས། བལ་ཡུལ་གྱི་བཀྲ་ཤིས་དཔལ་འཁྱིལ་དང་རྡོར་པ་ཊན། དཔལ་འབྱོར་གླིང། བལ་ཡུལ་མཆོད་རྟེན་བྱ་རུང་ཁ་ཤོར་བཅས་སུ་ཡོད་པའི་འཕྲོད་ལས་པ་རྣམས་ལ་དམིགས་པཞིག་ཡིན་འདུག་ལ། ཉིན་གྲངས་ལྔ་ལྷག་གི་ཟབ་སྦྱོང་ཐོག་རྒྱ་གར་གྱི་སེམས་ཁམས་རིག་པའི་སྨན་པ་པེལ་ལེབ་ཝ་ནེར་ཇི་ (Dr. Pallav Banerjee) ལགས་དང ། ཌི་པཱ་ལི་རའོ་ (Deepali Rao)། ཇཱན་ཌར་ཤི་ཀར་རཱ་ཇི་ནཱ་གྷི་རི་ (Chandrashekhar, Rachna Giri) ལགས་བཅས་ཆེད་ལས་སྨན་པ་ཁག་ཅིག་གདན་ཞུ་བྱས་ཏེ། བལ་ཡུལ་ནས་ཕེབས་པའི་འཕྲོད་ལས་པ་ ༩ དང་། སྔོན་དགའ་སློབ་གྲྭ ཤེས་རབ་དགའ་ཚལ་སློབ་གླིང། བོད་ཀྱི་དགེ་རྩ་ཚོགས་པ། ངྷ་སྟེང་བོད་ཁྱིམ། སུ་ཇཱ་བོད་ཁྱིམ། བཀྲ་ཤིས་ལྗོངས། ཀྲི་ཀྲང་། བསྟན་འཛིན་སྒང། ནོར་རྒྱས་གླིང་བཅས་ཀྱི་ཁྱོན་འཕྲོད་ལས་པ་ ༡༨ ལ་བྱིས་པ་དང་དར་མའི་སེམས་ནད་འཕྲོད་བསྟེན་དང་། དཀའ་ངལ་འོག་སེམས་ཚོར་མ་ཟིན་པ་རྣམས་ལ་སློབ་སྟོན་བྱེད་ཕྱོགས། སེམས་ངལ་བཅོས་ཐབས། སྨྱོས་རྫས་ངན་གོམས་འགོག་ཐབས་བཅས་ཀྱི་ཐོག་ཟབ་སྦྱོང་སྤྲད་ཡོད་འདུག
