བཀའ་ཤག་གི་གསལ་བཤད།

པདྨའི་དྲི་བསུང་ལགས་ཀྱིས།༼སྤྱི་འཐུས་ཀར་ཆོས་འཕེལ་ནི། ཀམ་ཚང་བཀའ་བརྒྱུད་ཀྱི་འོས་ཤོག་བླུག་པ་རེད། འབྲི་གུང་བཀའ་བརྒྱཡད་དང་། འབྲུག་པ་བཀའ་བརྒྱུད་གཉིས་ནས་མོས་མཐུན་རྩ་བ་ནས་མེད། འོན་ཀྱང་འོས་ཤོག་བརྫུན་མ་མག་པོ་བཟོས་ནས་་ཚང་གིས་བླུག་པ་ཤ་སྟག་རེད།༽ཟེར་བ་ནི་ཀརྨ་ཆོས་འཕེལ་མི་སྒེར་ལ་འཁོན་འཛིན་གྱིས་ཀཾ་ཚང་ལ་ཟུར་གྱིས་ཟས་འདུག་པར་བློ་ཕམ་ཡོད། མ་གཞི་རྒྱ་གར་རང་དབང་ལུང་པ་རེད། སྨྲ་བརྗོད་རང་དབང་རེད། འོན་ཀྱང་རང་དབང་མང་གཙོ་ལོངས་སུ་སྤྱོད་མ་ཤེས་ན་སྤུ་གུའི་ལག་ཏུ་སྤུ་གྲི་སྤྲད་པ་དང་གཅིག་པ་རེད། བཤད་ཚད་བྱས་ཚད་རང་དབང་ཡིན་བསམ་ནས་ཁ་བདག་མེད་གང་དྲན་བཤད། ལག་བདག་མེད་གང་དྲན་བྲིས། རེད་དེ་འབྲི་འབྲུག་གཉིས་ཀྱི་ཚབ་དེ་ཁྱོད་ཀྱི་མཚོན་ཐུབ་དང་མི་ཐུབ། འོས་སམ་མི་འོས། འགྲིག་གམ་མི་འགྲིག་བསམ་བློ་སྔོན་དུ་གཏོང་རོགས། ཀརྨ་ཆོས་འཕེལ་ཀཾ་ཚང་གཅིག་པུས་འོས་ཤོག་རྫུན་མ་བཟོས་ནས་བླུགས་ཡིན་པ་ཁྱོད་ལ་དཔང་པོ་ཡོད་ཚོད་རེད། དེ་དུས་ཁྱོད་ཀྱི་ཧ་གོ་བཞིན་དུ་འོས་བསྡུ་ལས་ཁུངས་སོགས་འབྲེལ་ཡོད་བཤད་མ་ཕོད་པ་གང་བྱས་པ་རེད། དེས་ཁྱོད་རང་གི་ངོ་གདོང་དམར་རྗེན་སྟོན་འདུག་པས་གཟབ་པར་འཚལ། བུང་བུ་སྔོན་ས་རབ་རྗེས་ཟེར་བ་དེ་ཁྱོད་རེད་འདུག གང་ལྟར་སོ་སོས་བཤད་པ་དེ་བདག་པོ་ཡོད་པ་ཞིག་དང་འགན་ལེན་ཡོད་པའི་ཐོག་ནས་བཤད་རྒྱུ་དང་བྱེད་རྒྱུ་གལ་ཆེན་པོ་རེད། དེ་མིན་ཁ་ལ་ཚོད་མེད་རྐུབ་ལ་ཉོ་བའི་གཞི་ཞེས་པ་ལས་མ་འདས་སོ།།

ཀརྨ་ཆོས་འཕེལ། སྐྱག་རྫུན་མ་བཤད།

༄༅།། ༢༠༡༣ ཟླ ༩ ཚེས ༢ ཉིན་གཞུང་ཞབས་སྡེ་འགན་ཡན་ལ་༸གོང་ས་ཆེན་པོས་ཞལ་མཇལ་བཀའ་སློབ་བཀའ་དྲིན་བསྐྱངས་སྐབས། ༸མགོན་པོ་གང་ཉིད་ཐུགས་ཕམ་གྱི་བཀའ་སློབ་རྗེས་ཟློས་ཙམ་ཡང་བྱེད་མི་ཕོད་པ་དེའི་བྱུང་རྐྱེན་ནང། ཀརྨ་ཆོས་འཕེལ་གྱིས་སྤྱི་ལྷན་སྐབས་བཅོ་ལྔའི་གྲོས་ཚོགས་ཚོགས་དུས་ལྔ་པ་བཀའ་ཤག་གི་ཚོགས་ཁང་ནང་སྐོང་འཚོགས་གནང་བའི་སྟེང་༼ ༢༠༡༣། ༣། ༢༧། ༽ཉིན་སྤྱི་འཐུས་སྒེར་གྱི་གསལ་བཤད་ཀྱི་མིང་འཁྱེར་ནས་༸གོང་ས་མཆོག་གི་འཁྲིས་ནས་༸མགོན་པོ་གང་གི་དགོངས་གཞིར་ལོག་འགྲེལ་དང། འཕྲོས་བཤད་དབུ་མའི་ལམ་གྱི་ཐུགས་འདུན་ཞལ་ཞེ་གཉིས་མེད་མིན་ཚུལ་གྱི་སྐུར་འདེབས་བྱས་པ་དེ་དག་ཚུད་ཡོད་ནའང། ཟླ་འདིའི་ཚེས ༦ ཉིན་ཁོ་པས་མང་གཙོ་དང་དྲང་བདེན། བོད་མིའི་ཐུན་མིན་ཡ་རབས་སྲོལ་རྒྱུན་རིག་གནས་དང་འགལ་ཟླར་ཕྱིན་པའི་དྲིན་ལན་ལོག་མཇལ་གྱི་བྱ་སྤྱོད་རྣམས་སྔ་འགྱོད་ཕྱིས་སྡོམ་བྱེད་རྒྱུ་ལས་ལྡོག་སྟེ། ཚེས་ ༢ ཉིན་གྱི་ཐུགས་ཕམ་བཀའ་སློབ་གནད་ཆེ་དེ་ཁོ་པ་དང་འབྲེལ་བ་མེད་ཚུལ། དེ་བཞིན་དེ་སྔའི་སྐུར་འདེབས་དེའང་ཉི་ཤར་སྦར་མོས་འགེབས་ཐབས་བྲལ་ཡང་མངོན་སུམ་ལ་བསྙོན་པ་མ་ཟད། བཤད་ས་དྲི་བ་གཏོང་མཁན་གྱི་ཕོ་གསར་དེ་ཡིན་མདོག་མདོག་གིས་ཉན་ས་༸གོང་ས་ཆེན་པོར་ཐད་ཀར་ཟུར་ཟ་བྱས་ཏེ། ཁོ་པ་” མ་བིན ” བཟོ་མཁན་༸གོང་ས་མཆོག་ཉིད་ཡིན་པ་དང། ཁྲིམས་ཁང་དུའང་བསྐྱལ་ངེས་པའི་གཡོ་གཏམ་བཤད་འདུག་པས། ཁོ་བོའི་བྱེད་བབ་འདི་དག་དུས་ནམ་ཡང་བོད་མི་ཚོས་ངོས་ལེན་མི་བྱེད་པ་གཞིར་བཞག་ཐོག་མདུང་རྩེ་ཁ་སྤྲོད་ཀྱིས་བདེན་པའི་ངོ་རྒོལ་མཐའ་གཅིག་ཏུ་བྱ་གལ་དང། བཀའ་སྤྱི་གཉིས་ནས་ངེས་པར་དུ་ཁོང་གིས་དེ་སྔར་གྲོས་ཚོགས་ནང་བཤད་པའི་”ང་རས་ཤེས་ཚོད་བྱས་པ་ཡིན་ན་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་ལམ་དབུ་མ་དེ་ཛ་དྲག་དང་། དེ་འདྲའི་གནས་སྟངས་གཟིགས་ནས་ཐབས་བརྒྱ་ཇུས་སྟོང་གི་ཐབས་ཤེས་ཞིག་བཏོན་གནང་པ་རེད་མ་གཏོགས། དགོས་ཡ་དེ་ད་ང་ཚོར་རང་དབང་རང་བཙན་རེད་ཝ་ཞེས་སྐུ་མདུན་གྱི་དགོངས་པའི་ནང་ན་དེ་ཡོད་པ་རེད་བསམས་ཀྱི་ཡོད།”ཅེས་དང། ཚེས་༦ ཉིན་སྤེལ་བའི་གསར་འགོད་གསལ་བསྒྲགས་ཟེར་བ་སོགས་༸གོང་ས་ཆེན་པོར་སྐུར་འདེབས་དང་བོད་ཀྱི་རྩ་དོན་ཕན་འབྲས་ཏིལ་ཙམ་མེད་པའི་གསལ་བསྒྲགས་མྱུར་ཏུ་བསྐྱངས་རོགས་ཞེས་འབོད་སྐུལ་དང། སྤྱི་འཐུས་རྣམས་པ་སྤྱི་པའི་འཐུས་མི་ཡིན་ན་མི་མང་གི་བཞེངས་ཕྱོགས་ལྟར་གཏམ་སྤྱོད་འདི་རིགས་ལ་ཤ་སོ་སོ་དང་གྲི་ཁ་ཁའི་རྣམ་འགྱུར་བསྟན་དགོས་པ་མ་ཟད། ༸རྒྱལ་བ་ཀརྨ་པ་དང་འབྲི་གུང་སྐྱབས་མགོན་རིན་པོ་ཆེ། ཏཱ་ཡི་སི་ཏི་རིན་པོ་ཆེ་གཙོས་བཀའ་བརྒྱུད་པ་སེར་སྐྱ་མགོ་མང་ཡོངས་ལའང་གནད་དོན་འདི་རིགས་ལ་ངེས་པར་ཐུགས་སྣང་དམིགས་བསལ་གནང་རྒྱུའི་འབོད་སྐུལ་དུ།། །།

ཤར་ཕྱོགས་ཁུག་རྟས།
༢༠༡༣། ༩། ༩། ཉིན།

དབུ་མའི་ལམ་གྱི་སྲིད་བྱུས་དེ་༸རྒྱལ་བ་རིན་པོ་ཆེས་བསྐུལ་བཞག་པ་ཞིག་མིན་པ་དེ་གསལ་པོ་བཟོ་དགོས།།ཕྱི་ལོ་ ༢༠༡༣ ཟླ་ ༩ ཚེས་ ༧ རེས་གཟའ་སྤེན་པའི་ཉིན་དྷ་ས་མེག་གྷན་སྟོད་པ་སྐྱིད་སྡུག་ཚོགས་ཁང་དུ་དབུ་མའི་ལམ་མི་མང་ལས་འགུལ་ཁང་གི་འགན་འཛིན་ལྷན་ཚོགས་སྐབས་གསུམ་པ་སྐོང་ཚོགས་གནང་ཡོད། དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་དབུ་མའི་ལམ་གྱི་སྐོར་གསུང་བཤད་གནང་དོན། “དབུ་མའི་ལམ་ལ་མོས་མཐུན་དང་རྒྱབ་སྐྱོར་གནང་མཁན་མང་པོ་ཞིག་གི་དགོངས་པ་བཞེས་ཕྱོགས་དང་བཀའ་མོལ་གནང་ཕྱོགས་ལ་བལྟས་པ་ཡིན་ན། རང་རང་སོ་སོའི་རྣམ་དཔྱོད་ཀྱི་ཐོག་ནས་བརྟག་དཔྱད་བརྒྱུད་དགོས་པ་རྒྱུ་མཚན་ལ་གཟིགས་ཏེ་དབུ་མའི་ལམ་ལ་མོས་མཐུན་རྒྱབ་སྐྱོར་དང་མཉམ་ཞུགས་གནང་གི་ཡོད་པ་དེ་གསལ་བོ་སྟོན་མ་ཐུབ་པར། དབུ་མའི་ལམ་གྱི་ནང་མཉམ་ཞུགས་གནང་རྒྱུ་དེ་༸རྒྱལ་བ་རིན་པོ་ཆེའི་བཀའ་དགོངས་ཡིན། ཞེས་ཞེས་དགོངས་པ་བཞེས་མཁན་དང་བཀའ་གནང་མཁན། ཕྱི་ལོགས་མིས་མཐོང་བསྡད་པ་མང་པོ་ཞིག་ཡོད། མཐོང་ཚུལ་དེ་མེད་པ་བཟོ་རྒྱུ་དང་དངོས་ཡོད་གནས་ཚུལ་གསལ་བོ་བཟོ་དགོས་པ་དེ་གལ་ཆེན་པོ་རེད་བསམ་གྱི་འདུག ༸རྒྱལ་བ་རིན་པོ་ཆེས་དབུ་མའི་ལམ་གྱི་སྲིད་བྱུས་བཟུང་ན་ཡག་པོ་ཡོང་ས་རེད་ཅེས་ཐོག་མར་དགོངས་འཆར་གནང་ཡོད་འོན་ཀྱང་། དེའི་རྗེས་སུ་ང་རང་ཚོའི་མཁྱེན་གསལ་ལྟར། དབུ་མའི་ལམ་གྱི་སྲིད་བྱུས་གཏན་འབེབས་གསལ་བསྒྲགས་མ་གནང་གོང་སྟེ། བདུན་ཅུ་དོན་གྲངས་ནས་བཟུང་༸སྐྱབས་མགོན་རིན་པོ་ཆེའི་མང་གཙོའི་བརྒྱུད་རིམ་ནང་ནས་མི་མང་གིས་ཐག་གཅོད་གནང་བའི་གནས་སྟངས། གྲོས་ཚོགས་ཀྱིས་ཐག་གཅོད་གནང་བའི་གནས་སྟངས། དམིགས་བསལ་ཚོགས་ཆེན་སྐབས་ཐག་གཅོད་གནང་བའི་གནས་སྟངས་དེ་ཚོ་ང་ཚོས་ཐུགས་ལ་བཞག་སྟེ། མི་མང་རང་གིས་ཐག་གཅོད་བྱས་པའི་སྲིད་བྱུས་ཤིག་རེད་མ་གཏོགས་༸སྐྱབས་མགོན་རིན་པོ་ཆེའི་བཀའ་ལ་བརྩིས་ནས་ཐག་གཅོད་བྱས་པ་ཞིག་དང་། ཡང་ན་༸རྒྱལ་བ་རིན་པོ་ཆེས་ཐུགས་བཙན་དབང་གིས་མི་མང་ལ་དེ་འདྲ་བྱེད་དགོས་པ་རེད་ཅེས། བཀའ་གནང་མེད་པར་དམངས་གཙོའི་རང་དབང་ཆ་ཚང་ལོངས་སུ་སྤྱད་པའི་ཐོག་ནས་སྡིངས་ཆ་རིམ་པའི་ཐོག་ལ་གོ་བསྡུར་དང་བསམ་ཞིབ་ལྷུག་པོ་བྱས་མཐར། མི་མང་གིས་རང་འདོད་ཀྱི་ཐོག་ནས་ཐག་གཅོད་བྱས་པའི་གཞིས་བྱེས་གཉིས་ཀྱི་རྒྱ་ཆེའི་མང་ཚོགས་ཀྱི་མང་མོས་ཡོད་པའི་གནས་བབ་ཅིག་ཡིན། ཁོང་གིས་མུ་མཐུད་དུ། “དེའི་ཕྱིར་དབུ་མའི་ལམ་གྱི་སྲིད་བྱུས་ལ་མོས་མཐུན་དང་རྒྱབ་སྐྱོར་མི་གནང་མཁན་ཚོར། ༸རྒྱལ་བ་རིན་པོ་ཆེའི་བཀའ་སྒྲུབ་ཀྱི་ཡོད་པ་མ་རེད། བཀའ་དང་འགལ་གྱི་ཡོད་པ་རེད་གསུང་བ་དེ་དངོས་ཡོད་གནས་ཚུལ་དང་མཐུན་པ་ཞིག་རྩ་བ་ནས་ཆགས་ཀྱི་ཡོད་པ་མ་རེད། ༸སྐྱབས་མགོན་རིན་པོ་ཆེས་ག་དུས་ཡིན་ཡང་དམངས་གཙོའི་ལམ་སྲོལ་རང་གི་ཐོག་ནས་མི་མང་སོ་སོའི་ཆབ་སྲིད་ལངས་ཕྱོགས་ག་འདྲ་འཛིན་པ་ཡིན་ནའང་སོ་སོའི་རང་དབང་རེད་ཅེས། ང་ཚོ་རྒྱ་གར་དུ་བསླེབས་པ་ནས་བཟུང་དགོངས་གཞི་དེ་ཡིན་ལ། བཀའ་ཡང་དེ་རང་གནང་ཡོད་པ་རེད།

བཀུར་འོས་སྤྱི་འཐུས་ཞེས་རུལ་མས་རང་བསྟོད་དང་ཁྭ་ཏས་སྐྱག་བསྟོད་བྱེད་ནི་རེད། ཉེ་སྔོན་ཆུ་སྒང་རྙིང་བའི་དུས་དྲན་མཛད་སྒོ་དང་། དེ་རིགས་དེ་མཚུངས་ཀྱི་མཛད་སྒོ་ཁ་ཤས་སུ་ཀརྨ་ཆོས་འཕེལ་སྐུ་མགྲོན་གཙོ་བོ་རེད་འདུག་སྤྱང་ཀི་ལ་རྣ་ཚལ་དང་ཁྲམ་པར་གཏང་རག་གཏོང་བ་ནི་ང་ཚོའི་སྤྱི་ཚོགས་འདིའི་སྣང་བརྙན་གསོན་པོ་དེ་རེད། ཡང་ཕྱོགས་གཅིག་ནས་ཁོང་ཚོ་ལངས་ཕྱོགས་གཅིག་པའི་ཞེན་ཁོག་མཚོན་རྟགས་ཡིན་རྒྱུ་རེད།

བཀའ་ཤག་གིས་ད་དུང་བཀུར་འོས་ཞེས་པའི་ཚིག་འདི་བེད་སྤྱོད་གནང་འདུག བཀུར་འོས་ཟེར་བ་འདི་མི་ཁྲམ་པ་ཧམ་ཆེན་དེ་འདྲ་ལ་འཇུག་གི་རེད་ཝེ། ད་དུང་༸རྒྱལ་བའི་དགོངས་གཞི་དཀྲུགས་མཁན་༸རྒྱལ་མཆོག་ཐམས་ཅད་མཁྱེན་པར་སྐུར་འདེབས་བྱེད་མཁན། བཀའ་སྤྱི་གཉིས་ཀྱི་གྲོས་ཚོགས་ནང་སྐབས་དེར་གསལ་བཤད་བྱས་ཀྱང་གང་ཡང་བཤད་མཁན་མ་བྱུང་ཟེར་མཁན། ཉུང་མཐར་བཟང་སྤྱོད་ཏིལ་ཙམ་མེད་པ། ལག་ཏུ་ཕྲེང་བ་འཁྱེར་བའི་ཧམ་ཆེན་ཁྲམ་པ་འདི་འདྲར་བཀུར་འོས་ཟེར་བའི་ཚིག་འདི་བེད་སྤྱོད་བཏང་ན། ༼ བདེན་པ་ཉིད་རྣམ་པར་རྒྱལ་གྱུར་ཅིག༽་ཅེས་པ་དེ་ད་ཐེངས་གྲོས་ཚོགས་ནང་བཟོ་བཅོས་བྱས་ཏེ་༼ སྐྱག་རྫུན་ཉིད་རྣམ་པར་རྒྱལ་གྱུར་ཅིག༽་ཏུ་གཏན་འཁེལ་གནང་རོགས། མི་དབང་བཀའ་ཤག་ལྷན་རྒྱས་ལགས།

ཁ་སང་༸རྒྱལ་བས་བཀའ་སློབ་ཕེབས་སྐབས། སྲིད་སྐྱོང་གི་དབུ་ཞབས་བར་དུ་ཟགས་གྲུབ་དང། ནང་སྲིད་བཀའ་བློན་གྱིས་སྤྱན་ཆབ་རྦབ་ཆུ་འབབ་འབབ་བྱས་པ་རེད་ཟེར། དེ་ཡིན་ན། ད་དུང་ཀར་ཆོས་ལྟ་བུ་ལ་བཀུར་འོས་ཟེར་དོན་ག་རེ་ཡིན་ན། ཤེས་ཡོན་ཅན་གྱི་བཀའ་ཤག་ལགས།།

ད་མང་པོ་མི་བཤད། བློ་ཕམ་རོགས་རེད། མདོ་དོན་བཙན་བྱོལ་ནང་གི་བཀའ་བརྒྱུད་པ་ཡོངས་ཀྱིས་དགོངས་པ་གཏིང་ཟབ་བཞེས་གནང་རྒྱུའི་དུས་ཚོད་ཕྱི་འགྲོ་བཞིན་འདུག བཙན་བྱོལ་བོད་མི་ཆིག་འབུམ་བཞི་ཁྲི་ལྷག་ལ་ཡོད་པ་དེ་༧གོང་ས་ཡིད་བཞིན་ནོར་བུ་དང་། རང་གཞུང་བཀའ་ཤག་གི་བཀའ་བློན་ཁྲི་པ། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སོགས་རེད། འདི་བོད་ཕྱི་ནང་གཉིས་ཀྱི་ཁོག་པའི་སྙིང་དང་དཔྲལ་བའི་མིག་ཡིན་ཟེར་ཡང་ཆོག་གི་རེད་དྲན་ཡོད། དེ་ལས་གཞན་པ་གང་ཚོར་ཅི་གང་ཡོད་པ་མ་རེད་བསམ་གྱི་ཡོད། ད་དགོངས་པ་ཏན་ཏན་བཞཻས་རན་རེད། སྐུ་མཁྱེན།