རྒྱ་ནག་རྒྱལ་ཡོངས་སྐབས་བཅུ་གཉིས་པའི་ལུས་རྩལ་འགྲན་ཚོགས་ཁྲོད། བོད་རིགས་བུ་མོ་མཚོ་མོ་སྐྱིད་ལ་རྨིད་ཆིག་ཁྲིའི་རྒྱང་རྒྱུག་གི་གསེར་གྱི་རྟགས་མ་ཐོབ་འདུག
ཟླ་འདིའི་ཕྱི་ཚེས་ ༩ ཉིན་རྒྱ་ནག་ལོ་ལིན་ཞིང་ཆེན་ཧྲིན་དབྱང་གྲོང་ཁྱེར་དུ་སྐབས་བཅུ་གཉིས་པའི་རྒྱ་ནག་རྒྱལ་ཡོངས་ལུས་རྩལ་འགྲམ་ཚོགས་བསྡུས་ཡོད་པ་དང་། འགྲན་ཚོགས་ཐོག་མཚོ་སྔོན་ཞིང་ཆེན་ལུས་རྩལ་རུ་ཁག་གི་བོད་རིགས་བུ་མོ་མཚོ་མོ་སྐྱིད་ཀྱིས་སྐྱེས་མའི་རྨིད་ ༥༠༠༠ རྒྱུག་འགྲན་ལས་དངུལ་གྱི་རྟགས་མ་བླངས་ཡོད་པ་དང་། ཕྱི་ཚེས་ ༡༡ ཉིན་རྨིད་ཆིག་ཁྲིའི་མཐའ་མའི་འགྲན་བསྡུར་ཁྲོད་ཁོ་མོའི་སྐར་མ་ ༣༡ དང་སྐར་ཆ་ ༥༥ ཡི་གཟེངས་སུ་ཐོན་པའི་གྲུབ་འབྲས་བླངས་ཏེ་ཨང་དང་པོ་གསེར་གྱི་རྟགས་མ་ཐོབ་ཡོད། དེ་ནི་འདས་པའི་ལོ་ངོ་ ༢༠ ལྷག་གི་མཚོ་སྔོན་གྱི་རྒྱལ་ཡོངས་ལུས་རྩལ་བའི་རྒྱང་རྒྱུག་ལོ་རྒྱུས་ཀྱི་ཟིན་ཐོ་གསར་པ་ཞིག་ཡིན་འདུག
ལུས་རྩལ་བ་མཚོ་མོ་སྐྱིད་ནི་མཚོ་བྱང་བོད་རིགས་རང་སྐྱོང་ཁུལ་མདའ་བཞི་རྫོང་ནས་ཡིན་ཞིང་། ད་ལྟ་རང་ལོ་ ༢༡ ཡིན་པ་དང་། ཁོ་མོ་ད་ལོའི་རཱ་ཤི་ཡའི་རྒྱལ་ས་མཱོ་སུ་ཁོ་རུ་ཚོགས་པའི་རྒྱལ་སྤྱིའི་མཆོང་རྒྱུག་འཕེན་གསུམ་གྱི་འགྲན་ཚོགས་ཁྲོད་ཨང་ ༣༤ པ་དང་། རྒྱ་ནག་རྒྱལ་ཡོངས་མཱ་ལཱ་སཱོང་འགྲན་ཚོགས་ཁྲོད་ཨང་བཞི་པ། ༢༠༡༡ ལོའི་རྒྱ་ནག་ཧྲན་ཏུང་ཞིང་ཆེན་ཅི་ནན་གྲོང་ཁྱེར་དུ་སྐོང་ཚོགས་བྱས་པའི་རྒྱལ་ཡོངས་སྐབས་ ༧ པའི་ལུས་རྩལ་འགྲན་ཚོགས་ཀྱི་རྨིད་༥༠༠༠ རྒྱང་རྒྱུག་ཁྲོད་ཨང་གཉིས་པ་དང་། རྨིད་ཆིག་ཁྲིའི་རྒྱང་རྒྱུག་གི་ཨང་དང་པོ་བཅས་ཐོབ་ཡོད་འདུག
གསར་འགོད་པ། པདྨ་མཚོ།
ཨ་མའི་ནུ་རིན་དང་། ཨ་ཕའི་སྐུ་དྲིན་འཇལ་བ་རེད། མཚོ་སྐྱིད་རྟག་ཏུ་རྒྱལ་འགྱུར་ཅིག
རིགས་ཞེན་དཔག་མེད་ཀྱིས་ཕྱག་པའི་དྲ་གྲོགས་རྣམས་པར་སྙིང་ཐག་ནས་ཐུགས་རྗེ་ཆེ་ཞུ། རྒྱལ་ཡོངས་ཁྲོད་ནས་བོད་ཀྱི་བུ་མོ་མཚོ་མོ་སྐྱིད་ཀྱིས་འགྲན་བསྡུར་ཁྲོད་ནས་ཨང་དང་པོའི་གསེར་གྱི་རྟགས་མ་ཐོབ་པ་མ་ཟད་བོད་མི་རིགས་ཀྱི་ལ་རྒྱའི་མགོ་འཕང་དགུང་ལ་བསྟད་པར་དགའ་བསུ་དང་བསྔགས་བརྗོད་ཞུ། ད་དུང་ང་ཚོ་ཤ་ཁྲག་ཅིག་པའི་བོད་རིགས་སྤུན་ཟླ་དག་གིས་ཁོ་མོ་ལ་རྒྱབ་སྐྱོར་དང་ཡིད་རིང་བསྔགས་བརྗོད་བྱེད་དགོས་སོ།
ཤིན་ཏུ་ནས་ལེགས་སོ།། གཏམ་བཟང་དེ་སྙན་ནོ།།། ང་ཚོ་ནི་མཐོ་འོ།། ཁྱེད་རང་ནི་དཔའ་འོ།།
མཛེས་མ་མཚོ་མོ་སྐྱིད་ལ་བཀྲ་ཤིས་བདེ་ལེགས་ཞུའོ།
བོད་རིགས་བུ་མོ་མཚོ་མོ་སྐྱིད་ལ་བཀྲ་ཤིས་བདེ་ལེགས་ཞུ། བོད་མི་ས་ཡ་དྲུག་གིས་ཁྱོད་ལ་བསྟོད་སྔགས་བྱེད། གསར་འགོད་པ་པདྨ་མཚོ་ལ་བཀྲ་ཤིས་བདེ་ལེགས་ཞུ། ང་ཁྱོད་ཀྱིས་བྲིས་པའི་གསར་འགྱུར་ལ་ཧ་ཅང་དགའ།
མཐོ་སྒང་བ་ཚང་གི་ཁ་བའི་རླུང་རྟ་མཐོ་རུ་བཏེགས་པའི་མཛངས་མ་ལགས།
ཁྱེད་ཀྱིས་ཡང་བསྐྱར་བོད་པ་ཚང་གི་མཚན་སྙན་ལ་ཟིན་ཐོ་གསར་བ་ཞིག་བཀོད་པར་ངེད་ཅག་ཡུལ་གྱར་སྤུན་ཟླ་དག་གི་སེམས་ཁུངས་ལ་རྒྱ་དང་སྤོབས་པས་ཁེངས་ཏེ་མདའ་བཞིའི་བུ་མོ་མཚོ་མོ་སྐྱིད་དང་ཡང་ན་ཁ་བའི་མཛངས་མ་ཁྱེད་ལ་བཅོས་མིན་སེམས་ཀྱིས་རྟེན་འབྲེལ་ཞུ། ད་དུང་ཁྱེད་ཀྱིས་ཁ་བ་བོད་པ་ཚང་གི་ལ་རྒྱའི་མགོ་འཕང་མཐོ་རུ་འདེགས་པའི་ཡིད་ཆེས་དང་ཆོལ་སེམས་དེ་ནི་ངེད་སྤུན་ཟླ་དག་གི་སྙིང་དབུས་ན་དུས་རྟག་ཏུ་མཆིས།