བོད་པས་དམངས་གཙོ་རྩོད་ཀྱི་མེད་ལབ་སོང་ཟེར་བ་དེ་བདེན་པ་ཡིན།

སུ་མཁས་སུ་འཇོན་སུ་བཟང་གླེང་གི་མེད།
གང་ཡིན་གང་འགྲིག་གང་བྱེད་གླེང་བར་འོས།

དམངས་གཙོ་མེད་པའི་རང་སྐྱོང་དེ།
ད་ལྟའི་གནས་བབ་འདི་ཙམ་སྟེ།
དབུ་མའི་ལམ་གྱི་རང་སྐྱོང་དེ།
དམངས་གཙོ་མེད་ཡོང་ཐབས་མེད།

གནད་འགག་ཆེ་བའི་གནས་ལུགས་འདི།
ཆོ་མེད་ཡིན་ན་དགོད་རེ་བྲོ།

རྒྱལ་ཁབ་ཀྱི་བདེ་འཇགས་དང་སོ་སོའི་རྐུབ་སྟེགས་གཉིས་ལས་སུ་ཡིན་ནའང་སོ་སོའི་རྐུབ་སྟེགས་གལ་ཆེན་པོ་བརྩི་བ་རེད། སེངྒེའི་སེམས་ནང་གི་སྐད་ཆ་ངོ་མ་དེ་གཞི་ནས་བཤད་བྱུང་། རྐུབ་སྟེགས་ཁོ་ནའི་ཆེད་དུ་ཁ་སྟོང་ལུང་པ་གང་བཤད་སོང་། འདས་པའི་དུས་རིམ་ནང་གི་ཕྱག་ལས་གནང་ཕྱོགས་ཡང་རྐུབ་སྟེགས་བརྟན་བཟུང་ཁོ་ན་ལས་བོད་མི་མང་དང་གཞི་ལུས་མི་མང་སེམས་ནང་མིན་འདུག སེངྒེ། སེངྒེ། ཤོག་བུའི་སེངྒེ་དངོས་གནས་རེད་འདུག ཆུ་མོ་དྭངས་དུ་དྭངས་དུ། ཉ་མོ་གསལ་དུ་གསལ་དུ་ཟེར་བ་བདེན་པ་མིན་ན་གང་རེད་གསུངས་དང་།

འོ་ཡ་ད་ག་རེ་བཤད་ཀྱང་ཡིད་ཆེས་མེད་སྔོན་མ་ཤོག་བུའི་སེངྒེ་ཟེར་བའི་རྩོམ་ཞིག་མཐོང་མྱོང་། དེ་དུས་ང་སེམས་ཕམ་མྱོང་ཡོད་གང་ཡིན་ཞེ་ན་མི་མང་གི་འོས་འདེམས་གནང་བ། དེང་དུས་ཀྱི་ཤེས་ཡོན་ཅན། ཆོས་ལུགས་དང་ཆོལ་ཁས་ཀླད་རྩ་མ་བསླད་པ། གང་ལྟར་ངས་བསམ་པར་རེ་བ་མང་པོ་ཞིག་ཡོད་ཙང་རེད། ད་ནི་ཁོང་ཤོག་བུ་རང་ཡིན་པ་ཤེས་སོང་ཁག་མི་འདུག ཁོང་ལ་གནའ་དེང་ཟུང་འབྲེལ་གྱི་ཤེས་ཡོན་ཕུ་སུམ་ཚོགས་པས་འདབ་གཤོག་གཉིས་དང་ལྡན་ཀྱང་རྡ་སའི་ས་ཁུག་དེར་། གུ་དོག་དྲག་པས་ཡང་མིན་ན་གཤོག་པ་ཆག་རྒྱུ་རེད། ཡང་མིན་ན་གཤོག་པ་ཚིག་རྒྱུ་རེད། དེ་བས་གཤོག་པ་གཉིས་དེ་སྲ་བའི་བྲག་དང་ཚ་བའི་མེ་གཉིས་ལ་མགོ་འབུལ་ལུས་འབུལ་གྱི་ཉམ་ཆུང་གཤོག་རྩལ་མེད་པའི་ལུས་བདེ་གྲོག་མ་ཞིག་བྱས་བསྡད་ན་ཡུན་རིང་པོ་གནས་ཐུབ་པའི་རེ་བ་ཡོད། གང་ལྟར་ཁྱོད་ལ་ཁག་མེད། གང་བཤད་གཞན་དབང་རེད། གང་བྱས་གཞན་དབང་རེད། གང་བཤད་ཆོས་རེད། གང་བྱས་དགེ་བ་རེད། ངོ་མ་ཆོས་པ་རེད། ངོ་མ་སློབ་མ་རེད། ད་ནི་ཁོང་གི་མིང་ལ་དད་ལྡན་བློ་བཟང་ལགས་ཞུ་རྒྱུ་ཡིན།

གནས་ཚང་ལགས། རེད། ང་ཚོའི་ཁང་པ་ཤོར་ཚར་བ་རེད་ལ། ཅ་དངོས་རྣམས་ཀྱང་ཤོར་ཚར་བ་རེད། མ་ཚད་ད་ལྟ་ཡོད་ཚད་ནས་ཡོད་ཚད་ཚིག་ནས་འོང་བའི་སྐབས་རེད། འོན་ཀྱང་ང་ཚོར་རེ་བ་ཞིག་ལྷག་ཡོད་པ་ནི་འཚིག་རོ་དེར་སྲུང་སྐྱོབ་གྱི་གོ་སྐབས་དང་། སླར་གསོ་ཡི་རེ་བ་དེ་ཁོ་ན་རེད། ང་ཚོས་ཁང་བའི་བདག་དབང་བཤད་བསྡད་ན། གལ་སྲིད་ལོ་མང་པོ་ཞིག་ནས་ཐོབ་ཚར་བ་དང་། ཚིག་ཚར་བ་དུས་མཉམ་གྱི་བེད་མེད་ཅིག་ང་ཚོར་རག་སྲིད་ཀྱང་། དེ་ཡང་ངེས་པ་ཞིག་ག་ལ་ཡོད། ད་དུང་དེ་བས་ཀྱང་ཁེ་བཟང་ཞིག་མེད་པ་ནི་ཨ་ཅང་ཅང་རེད།
གཉིས་ནས་གནའ་ནས་དབུ་མའི་ལམ་གྱི་བྱེད་ཐབས་དེ་ལག་ལེན་ལ་མ་བསྟར་བ་གང་ཡང་མིན། རྒྱ་གཞུང་གིས་གྲོས་མཐུན་དོན་ཚན་བཅུ་བདུན་ཡོངས་གྲགས་སུ་བསྒྲགས་པ་ནས། ང་ཚོའི་ངོས་ནས་དབུ་མའི་ལམ་གྱི་བྱ་ཐབས་དེར་མཚན་རྟགས་བརྒྱབ་པ་དང་གཅིག་པ་རེད། མ་ཟད་༸གོང་ས་མཆོག་དང་། པཎ་ཆེན་རིན་པོ་ཆེ་རྣམ་གཉིས་ཀྱིས་རྒྱ་གཞུང་དཔོན་རིགས་ཀྱི་མཚན་གནས་བཞེས་མྱོང་བ་རེད། ཕྱིས་བཙན་བྱོལ་དུ་འབྱོར་བ་ནས་ང་ཚོས་སྐབས་བསྟུན་རྒྱལ་སྤྱིའི་སྤྱི་ཚོགས་ནས་རོགས་སྐྱོར་རག་ཐབས་དང་། བོད་གནས་གསལ་བསྒྲགས་ཡོང་ཐབས། རྒྱལ་སྤྱི་ཆབ་སྲིད་ཀྱི་ཁ་ཕྱོགས། དེ་བས་ཀྱང་ཆེས་གལ་ཆེ་བ་ཞིག་ནི་བོད་མི་ཚོའི་བློ་བབ་མངོན་འདོད་བཅས་སུ་བསྟུན་ནས། སྐབས་བབ་ལངས་ཕྱོགས་ཤིག་འཛིན་དགོས་བྱུང་ཡོད་པ་བདེན་པ་རེད་དེ། དེ་ནི་སྐབས་དང་བསྟུན་ན་མཁས་པ་ཡིན་ཟེར་བ་ལྟར་མིན་པར། སྐབས་དེའི་བོད་མིའི་གནས་བབ་དབང་བཙན་པས་དེ་ལྟར་མི་འགྱུར་ཐབས་མེད་དུ་གྱུར་བ་དེ་རེད། ཕྱིས་སུ་༸གོང་ས་མཆོག་གིས་བོད་ཀྱི་འདས་མ་ད་གསུམ་གྱི་མཐའ་ལ་དཔག་ཏེ་ལམ་གཞན་མེད་པར་ངེས་ཤེས་གཏིང་སོན་བྱུང་དོན་ལྟར། མཐའ་མ་བོད་རྒྱའི་དཀའ་རྙོག་སེལ་ཐབས་དང་། གཙོ་བོ་བོད་ཀྱི་མི་དངོས་སྲོག་གསུམ་གྱི་འཕྲལ་ཕུགས་ལ་དགོངས་དེ་དབུ་མའི་ལམ་ཞེས་ཡོངས་གྲགས་སུ་སྤྱི་བསྒྲགས་གནང་བའི་རྒྱུད་རིམ་དེར། ཅིས་ཀྱང་ཡུལ་དུས་གནས་བབ་སོགས་ཀྱི་རྒྱུ་རྐྱེན་མང་དག་ཅིག་ཡོད་པར་ངེས་ཤེས་དགོས་པ་དེ་དེ་བཞིན་རེད། འདི་ནི་ང་ཚོ་ཨུ་ཐུག་པའི་ཐག་གཅོད་ཅིག་ལས་རྒྱགས་དྲག་པའི་གདམ་ཁ་ཞིག་མིན་པ་དེ་ཤེས་དགོས་པ་ཡང་གལ་ཆེ་བར་འདོད། གཞན་འདས་པའི་ཆ་ལ་ལེ་བདའ་བྱ་ས་ཞིག་གཏན་མེད་ལ། གལ་སྲིད་ཡོད་དབང་དུ་བཏང་ན་ཡང་དུས་བབ་མ་ཟིན་པའི་མང་ཚོགས་ཡིན་ཟེར་ན་ལས་གཞན་སུ་ཞིག་ལ་མཛུབ་མོ་གཟུག་ས་མེད། སྤྱིར་སྔོན་ཆད་ད་ལྟའི་ཚབ་བྱེད་དུ་འགྱུར་བ་མེད་པའི་དཔེས། ཅིས་ཀྱང་རིག་གཞུང་སྲུང་སྐྱོབ་ནི་བོད་ལ་མཚོན་ན་རང་ཁེ་གཙིགས་འཛིན་གྱི་ཡོང་འབབ་ཡག་ཤོས་དེ་ཡིན་པ་མ་ཤེས་པར་ག་ལ་རུང་།

གུང་ཁྲན་ཏང་གནས་ཐུབ་མིན་དང་དགོས་མིན་དེ་གལ་ཆེན་པོ་རང་མ་རེད།
གུང་ཁྲན་ཏང་གིས་ངེས་པར་དམངས་གཙོ་ཁས་ལེན་དགོས་པ་རེད། ལེགས་བཅོས་གཏོང་དགོས་པ་རེད། དེའི་ཐོག་རྒྱ་ནག་གི་མཐོ་རིམ་དཔོན་རིགས་མི་ཉུང་བ་ཞིག་གིས་སྐད་ཆ་བཤད་མྱོང་ཡོད། ཡང་གཅིག་བཤད་ན་མི་དམངས་ཀྱི་དགྲ་བོ་ངོ་མ་དེ་ཏང་ནང་གི་དབང་འཛིན་པ་རུལ་སུངས་རིགས་ཡིན་པ་ལས་ཏང་མི་ཚང་མ་མིན། ཡང་གཅིག་བཤད་ན་ཏང་མི་མང་ཆེ་ཤོས་ནང་པར་འགྱུར་བཞིན་པ་རེད། དེ་ཚོ་མི་ཡག་པོ་མ་རེད་ཅེས་བཤད་དཀའ།
དཔེར་ན་རྒྱལ་ཁབ་ཚང་མའི་དམག་མི་གཅིག་པ་རེད། དེ་དབང་འཛིན་པས་བེད་སྤྱོད་ལ་རག་ལས་ཡོད། དེས་ན་མཐར་ཐུག་གི་དགྲ་བོ་ནི་དམག་དཔུང་རེད་དམ།

ཀླུ་ཚང་བ་ལགས། ཁང་པ་ཤོར་ཚར་བ་རེད། ཅ་དངོས་འཚིག་ཚར་བ་རེད། དེ་ལས་འདའ་ནས་ད་ལྟ་མིའང་འཚིག་གིན་པ་རེད། གལ་སྲིད་དེ་འདྲའི་ཤ་ཚ་ཡོད་ན་མི་ལོ༦༠ཡར་སྔོན་ནས་དེ་ལྟར་གནང་དགོས་པ་རེད། དེ་ག་རེ་མ་འགྲིག་པ་རེད་དམ། ཁ་བྲལ་བ་ཉུང་ཤོས་ཤིག་གི་གཡོ་འོག་ཏུ་ཚུད་པ་རེད་དམ། ཡང་ན། བོད་མིར་སྐྱིད་སྡུག་མཉམ་མྱོང་གི་བློ་ཁོག་མེད་པ་རེད།

ཕྱོགས་གཞན་ཞིག་ནས་བཤད་ན། རྒྱ་གཞུང་གི་རྩ་ཁྲིམས་འོག་ལ་ཤར་བསྐྱོད་གནང་ཡ་དེ་སླ་བོ་ཞིག་རེད། ཡིན་ནའང་། མི་ལོ ༦༠ཁྲིམས་འགལ་ཆགས་པ་དེ་ལས་སླ་བོ་ཁྱོན་ནས་ཡོག་མ་རེད། ལྷག་པར་རང་སྐྱོན་རང་བརྗོད་ཀྱི་ལས་འགུལ་ཛ་དྲག་གིས་རྒྱ་ནག་སྐམ་སར་ཁྱབ་ཀྱིན་པའི་དེ་རིང་། རྡ་ས་ཐར་ཡུལ་ཡོད་དམ།

གསལ་བཤད་ཅུང་བྱེད་འདོད་བྱུང།
ད་ལྟའི་ཆར་ང་ཚོར་རྩོད་ཆོག་ཆོག་གི་ཐོབ་ཐང་ཞིག་ཡོད་པ་ནི་མི་རིགས་ས་ཁོངས་རང་སྐྱོང་ཚད་ལྡན་ཞིག་ཡོང་ཐབས་འདི་རང་རེད། དེ་དང་འབྲེལ་བའི་ཐོམ་ཐང་གཞན་དག་ནི། རྩ་ཁྲིམས་དང་བཅའ་ཁྲིམས་ནང་གསལ་གྱི་འོས་བབ་དང་ཐོབ་ཐང་ཁག་རེད།
རྒྱལ་འབངས་ཤིག་གི་ངོས་ནས་བཤད་ན། འགྲོ་འདུག་རང་དབང། གཏམ་བརྗོད་རང་དབང། གསར་འགོད་རང་དབང། དད་མོས་རང་དབང་སོགས་ཡོད།
ཀྲུང་གོའི་མི་རིགས་ཧྲིལ་བོར་མཚོན་ན། དམངས་གཙོ་ནི་ཐུན་མོང་གི་འདོད་མོས་དང་ཕུགས་བསམ་ཆགས་ཡོད། མར་ལེའི་དགོངས་པ་ལྟར་ན་སྤྱི་ཚོགས་རིང་ལུགས་ནི་དམངས་གཙོ་རིང་ལུགས་ལས་ཚད་མཐོ་བ་ཡིན་དགོས། ཀྲུང་གོས་ཀྱང་རང་ཉིད་དམངས་གཙོ་ཡིན། དམངས་གཙོ་ཡོད་ཟེར་གྱིན་ཡོད་པ་རེད། འོན་ཀྱང་མི་དམངས་དང་མི་རིགས་ཁག་གིས་ཀྲུང་གོའི་དམངས་གཙོ་འདི་དོན་ངོ་མའི་དམངས་གཙོ་ཞིག་མིན་པ་ཤེས་ནས་དམངས་གཙོ་རྩོད་ལེན་གྱི་རྦ་རླབས་ཤིག་འཕྱུར་འོང་གིན་ཡོད་པ་རེད།
རྒྱུ་མཚན་དེ་དག་གི་ཕྱིར་ན་ཀྲུང་གོ་བ་སུ་ཞིག་ཡིན་ཡང་དམངས་གཙོ་རྩོད་ལེན་གྱི་ཐོབ་ཐང་ཡོད་པ་དང་རྩོད་དགོས་ངེས་ཤིག་ཆགས་ཡོད།
ང་ཚོས་བཏོན་པའི་རང་སྐྱོང་གི་བསམ་འཆར་དེས་ཐད་ཀར་དུ་དམངས་གཙོ་རྩོད་ལེན་དང་གུང་ཁྲན་ཏང་ལ་ཁ་གཏད་རྒྱག་གི་མེད་པ་འདྲ་བོ་ཡོད་ན་ཡང་དོན་ངོ་མར་དེ་ལག་བསྟར་གནང་དགོས་ཚེ་དམངས་གཙོའི་ལམ་དུ་མི་སྐྱོད་ཀ་མེད་ཆགས་ཡོད། དཔེར་ན། ངའི་ཕ་ཡུལ་རྨ་ལྷོ་སོག་རྫོང་ལྟ་བུར་ཆ་བཞག་ན་ཡང་རྫོང་དཔོན་དེ་མི་དམངས་ཀྱིས་འོད་འདེམས་བྱེད་ཆོག་པ་རེད། མི་དམངས་ཀྱིས་བདམས་པ་དེ་གོང་རིམ་གྱིས་ཁས་མ་བླངས་པར་གོང་རིམ་ནས་མར་མིང་འདོན་བྱས་པའི་མི་འགའ་ཡོད་པ་དེ་དག་ལས་གཅིག་འདེམས་དགོས་པའི་བཀའ་བཏང་ཡོད། མཐར་མི་དམངས་ཀྱིས་དེ་ལྟར་བདམས་པ་རེད། འདི་ལ་རང་བདག་གི་རང་དབང་དབང་ཆ་མི་འདུག་པ་དེ་ཅི། དམངས་གཙོ་མེད་པས་སོ། དེ་བཞིན་རང་སྐྱོང་ཁུལ་དང་རང་སྐྱོང་ལྗོངས་ཀྱི་དབུ་ཁྲིད་རིགས་མང་མོས་འོས་འདེམས་ལ་ངེས་པར་དམངས་གཙོ་དགོས་གལ་ཆེ་བ་ཡིན།
མདོར་ན་དམངས་གཙོ་མེད་པའི་རང་སྐྱོང་ཡག་པོ་ཞིག་ཀྲུང་གོ་ལ་ཡོང་ཐབས་མེད་པ་རེད།

གསེར་འབྲུག་ལགས། བོད་ཧོང་ཀོང་དང་ཨའོ་མན་བཞིན་དུ་ཕྱི་ཕྱོགས་ནས་ཚུར་ལེན་དགོས་ཀྱི་མེད་པ་བདེན་པ་རེད། འོན་ཀྱང་ད་ལྟའི་དུས་སུ་རྒྱ་གཞུང་ལ་དཀའ་ངལ་ཆེ་ཤོས་སྤྲོད་མཁན་ནི་བོད་དོན་འདི་ཡིན་པ་གསལ་པོ་རེད། དེས་ན་བོད་ལ་ཡང་རྒྱལ་ཁབ་ཅིག་ལ་ལམ་ལུགས་གཉིས་ཀྱི་སྲིད་ཇུས་འདི་ལག་བསྟར་བྱེད་མི་སྲིད་པ་མ་རེད་འདོད། 

གནས་ཚང་ལགས། ཧོང་ཀོང་གི་དམངས་གཙོ་དབྱིན་གཞུང་ལ་ཐུག་ཡོད་པ་བཞིན་དུ་མའེ་ཁལ་གྱི་དམངས་གཙོ་པོལ་ཅི་ཁལ་གཞུང་ལ་ཐུག་ཡོད་པ་རེད་ཟེར་ན་ཏག་ཏག་ཨེ་ཡིན་སྙམ། རྒྱུ་མཚན། དབྱིན་འཇི་ནི་སྟོབས་ཆེན་རྒྱལ་ཁབ་ཅིག་ཡིན་པས། རྒྱ་གཞུང་གིས་མི་འདོད་བཞིན་དུ་དབྱིན་གཞུང་གི་ཆ་རྐྱེན་ཁས་ལེན་མ་བྱས་རང་བྱས་ཆགས་སོང་བ་རེད། པོལ་ཅི་ཁལ་ནི་དབྱིན་གཞུང་ལྟ་བུའི་སྟོབས་ཤུགས་མེད་པ་མ་ཟད་མའེ་ཁལ་ལ་དམངས་གཙོ་ལག་བསྟར་དགོས་པའི་དགོས་འདུན་ཀྱང་གཏོན་མེད་པ་རེད། དེས་ན་དེ་གཉིས་མི་མཚུངས། གཞན་ཡང་ཟམ་གདོང་རིན་པོ་ཆེའི་རང་སྐྱོང་མངོན་འདོད་ཡིག་ཆ་དེ་རྒྱ་གཞུང་གི་འོག་ལ་འཛུལ་རྐྱང་གྱི་སྲིད་བྱུས་ཞིག་རེད་ཟེར་ན་གཟུ་བོར་གནས་པའི་སྐད་ཆ་མ་རེད། གལ་ཏེ་དེ་འདྲ་ཡིན་ན་ང་ཚོ་ད་དུང་བཙན་བྱོལ་ལ་སྡོད་དགོས་དོན་ཅི་ཡོད། སང་ཉིན་རང་བོད་ལ་ལོགས་སོང་ན་འགྲིག འོན་ཀྱང་ཕྱི་འབྲེལ་དང་རྒྱལ་སྲུང་ཙམ་ལས་ནང་སྲིད་ཀྱི་དབང་ཆ་ཡོངས་རྫོགས་བོད་པ་རང་ཉིད་ལ་ཡོད་དགོས་པ་གསལ་པོ་ཡིན་པས་རྒྱ་གཞུང་གིས་ཁས་ལེན་མ་བྱས་པ་རེད།

བློ་མཐུན་ལུང་རྟོགས་ལགས།

ཧོང་ཀོང་གི་མང་གཙོ་དབྱིན་གཞུང་ལ་ཐུག་ཡོད་པ་བཞིན་དུ་མའེ་ཁལ་གྱི་མང་གཙོའང་ཕུའུ་ཅི་གལ་གཞུང་ལ་ཐུག་ཡོད། དེ་བས། རྒྱལ་ཁབ་གཅིག་ལ་ལམ་ལུགས་གཉིས་ཞེས་པ་བཟོས་པ་རེད། ཡང་ཅིག་བཤད་ན། མའེ་ཁལ་ཕུའུ་ཅི་གལ་གཞུང་གིས་ལོ་ངོ ༤༠༠དབང་བསྒྱུར་བྱས་ཡོད་པས། དབྱིན་གཞུང་གིས་ཧོང་ཀོང་ལ་ལོ་ངོ༡༠༠དབང་བསྒྱུར་བྱས་པ་ལས་ལོ་རྒྱུས་རིང་ཞིང་། གོ་བབ་ངེས་ཅན་ཞིག་ཟིན་ཡོད།

དེ་ལས་ལྡོག་ནས་ཟམ་གདོང་གིས་རྒྱལ་ཁབ་གཅིག་ལ་ལམ་ལུགས་གཅིག་གི་འོག་འཛུལ་ཤག་གནང་ཡོད་པས། རང་བཙན་དོར། སྲིད་གཞུང་དོར། སྲིད་བློན་ཡང་དོར། ད་ལྟ་མང་གཙོ་མི་དགོས་ལབ་ཟིན་པ་ནི་རང་དབང་མི་དགོས་པའི་དོན་རེད། འོ་ན་ཅི་ཞིག་དགོས་སམ། མི་ལོ་དྲུག་ཅུར་ཕྱི་ལ་ཐོན་པ་ནག་ཉེས་མ་རེད་དམ། བྱས་པ་མཐའ་དག་བསླུ་བྲིད་མ་རེད་དམ།

མའེ་ཁལ་ལམ་ཨའོ་མན་དང་ཧོང་ཀོང་གཉིས་ཀྱི་གནས་སྟངས་གཞི་རྩའི་གཅིག་པ་རེད། ལོ་མང་དམངས་གཙོར་ལོངས་སུ་སྤྱད་ནས་གཞི་ནས་མེས་རྒྱལ་ཁྱིམ་ཚང་ཆེན་མོའི་པང་དུ་ལོག་དགོས་དུས། རྒྱལ་ཁབ་གཅིག་ལ་ལམ་ལུགས་གཉིས་ཀྱི་ཀོ་བ་རློན་པར་གོས་ཆེན་རྒྱན་སྤྲས་ཀྱིས་ཕྱུ་པ་སྙིང་རྗེ་མོའི་ཁ་གཡང་མ་བསྒྲགས་རང་བསྒྲགས་ཆགས་སོང་བ་རེད་ལ། མེས་རྒྱལ་ཁྱིམ་ཚང་ཆེན་མོའི་པང་དུ་ལོག་རྒྱུར་འགལ་རྐྱེན་འཕྲད་སྲིད་པར་དོགས་ཏེས་རྒྱལ་ཁབ་གཅིག་ལ་ལམ་ལུགས་གཉིས་ཀྱི་སྲིད་ཇུས་དེ་གཞི་ནས་མགོ་བུས་པ་རེད། ད་ཆ་ལོ་རེ་ནས་ལོ་རེ་ལམ་ལུགས་གཉིས་ཀྱི་སྲིད་ཇུས་ཀྱི་ནང་སྙིང་ཇེ་གསལ་ཇེ་གསལ་རེད། འོན་ཀྱང་བོད་ཀྱི་གནས་སྟངས་ནི་ཧོང་ཀོང་དང་མའེ་ཁལ་གཉིས་ལས་རྦད་དེ་ལྡོག་ཏེས། ཀྲུང་གོའི་དབང་བསྒྱུར་འོག་ཚུད་ཟིན་པས་ཕྱི་ཕྱོགས་ནས་མེས་རྒྱལ་གྱི་པང་དུ་ལོག་རྒྱུའི་གནས་སྟངས་དེ་བསྡད་མེད་པ་རེད། བྱས་ཙང་གལ་ཏེ་བོད་ལ་རྒྱལ་ཁབ་གཅིག་ལ་ལམ་ལུགས་གཉིས་ཀྱི་སྲིད་ཇུས་ལག་བསྟར་བྱེད་དབང་དུ་བཏང་ན། གྲངས་ཉུང་མི་རིགས་གཞན་དང་ལྷག་པར་དུ་ནང་སོག་དང་ཤིང་ཅང་གཉིས་པོས་ཁུ་སིམ་མེར་གནས་ཐབས་མེད་པ་དེ་ཤེས་ཀྱི་ཡོད་ཙང་། བརྟན་ལྷིང་སྲུང་སྐྱོབས་ཞེས་པར་རྒྱལ་ཁབ་ཀྱི་འགྲོ་གྲོན་ཆེ་ཤོོས་དེ་གཏོང་དགོས་པའི་རྒྱུ་མཚན་འདི་ལ་འཐུག་ཡོད་པ་རེད་ལ། དྲག་གནོན་དང་བཙན་གཤེད་ཀྱི་སྲིད་ཇུས་བཟུངས་དགོས་པའི་རྒྱུ་མཚན་ཡང་འདི་རང་རེད། མ་ཟད་མགོ་འབུལ་ལུས་འབུལ་གྱིས་རང་སྐྱོང་མངོན་འདོད་ཤོག་ལྷེ་འགའ་ལ་ངོས་ལེན་མི་བྱེད་པར་མཚོན་མདོག་འདྲ་མིན་བསྒྱུར་བ་དང་མིང་འདྲ་མིན་བཏགས་དགོས་པའི་རྒྱུ་མཚན་ཡང་འདི་རང་རེད།

ད་གང་ལྟར་ཆ་རྐྱེན་ཅི་ཡང་མེད་པའི་སྒོ་ནས་མེས་རྒྱལ་ཁྱིམ་ཚང་ཆེན་མོའི་པང་དུ་ལོག་འཇུག་རོགས་ཞེས་ཞུ་འབོད་བྱེད་པའི་དུས་ལ་སླེབས་པ་མིན་ནམ། ལྟས་ངན་རེད།

བློ་སེང་ལ་དབང་ཆ་ཡོད་པ་མ་རེད། ད་ལྟ་ཟམ་གདོང་རིན་པོ་ཆེ་ལ་དབང་ཚད་ཡོད་རེད། དེར་བརྟེན་བསམ་འཆར་ཡི་གེ་ལ་མི་བསྟེན་ན་འགྲོ་ས་ཞིག་མེད

དྲི་བ།
བོད་ནང་ལ་དམངས་གཙོའི་དགོས་འདུན་འདོན་ཀྱིན་མེད་པའམ་དེ་རྩོད་རྒྱུ་མིན་པའི་གནད་དོན་འདི་བཀའ་ཤག་གིས་གྲོས་མོལ་གནང་བའི་ཐག་གཅོད་ཅིག་ཡིན་ནམ་མིན།

བོད་ཀྱི་གནད་དོན་ངོ་མ་ནི་མི་རེ་རེར་འགྲོ་བ་མིའི་ཐོབ་ཐང་མེད་པ་དང་མི་རིགས་ལ་མི་རིགས་རང་སྐྱོང་གི་ཐོབ་ཐང་མེད་པས་དེ་དག་རྩོད་ཀྱིན་ཡོད་པ་མིན་ནམ། དེ་དག་བོད་ལ་མི་འདུག བོད་ལ་སྤྲོད་དགོས་སོ་ཞེས་བོད་དོན་རྒྱབ་སྐྱོར་བ་ཡོད་ཚད་ཀྱིས་ཀྱང་རྒྱབ་སྐྱོར་རོགས་འདེགས་གནང་བཞིན་པ་མ་རེད་དམ།
དམངས་གཙོ་རྩོད་ཀྱིན་མེད་གསུངས་ན་དམངས་གཙོ་མི་དགོས་པ་བསྟན་པ་རེད། དམངས་གཙོ་མེད་པས་འགྲོ་བ་མིའི་ཐོབ་ཐང་སོགས་ཀྱང་མེད་སོང་བ་རེད། དམངས་གཙོ་ཡོད་ན་དེ་དག་རང་བཞིན་གྱིས་ཡོང་ཆོག་པ་དང་ཡོང་ཐུབ་པ་ཞིག་རེད། དེ་བས། དམངས་གཙོ་མི་དགོས་རང་སྐྱོང་དགོས་ཟེར་བ་ཞིག་ཇི་ལྟར་བཤད་ཤེས་སམ།

བསྐལ་རྡོར་དང་གང་སྡོམ་ཁྱེད་རང་གཉིས་ཀྱིས་བསམ་བཞིག་མེད་པའི་སྐད་ཆ་བཤད་ཀི་མ་འདུག ང་ཚོ་རང་དབང་འཐབ་རྩོད་པ་ཡིན་པ་ལས་དམངས་གཙོ་དོན་གཉེར་བ་མ་རེད། ང་ཚོར་རང་སྲིད་རང་སྐྱོང་ཐོབ་སོང་ན་དམངས་གཙོ་ལག་ལ་ཡོད་ཡོོད་པ་རེད། དཔེར་ན་ཧོང་ཀོང་ལྟ་བུ་རེད།

སྲིད་སྐྱོང་མཆོག་གིས་བོད་རྒྱ་འབྲེལ་མོལ་བསྐྱར་མཐུད་ལ་བརླག་མ་འཁེལ་ནས་ཁ་ཡར་དཀྱོག་མར་དཀྱོག་མ་གནང་རོགས། བོད་གཞིས་བྱེས་གཉིས་ཀས་ཉིན་མཚན་གཉིས་ཀར་གནས་ཚུལ་དེ་ལ་བསྒུག་བསྡད་ཡོད་པ་རེད།
བོད་པའི་དམངས་གཙོའི་ཐད་སྲིད་སྐྱོང་ལ་གསལ་བཤད་དོན་ཚན་ ༣ ་ཞུ་རྒྱུ་ཡོད།
༡༽ ༧གོང་ས་མཆོག་གིས་ང་ཚོ་བཙན་བྱོལ་བ་ཆགས་རྗེས་རླབས་ཆེན་གྱི་ལས་དོན་ཞིག་འགྲུབ་ཡོད་པ་ནི་ང་ཚོ་དམངས་གཙོའི་ལམ་སྲོལ་ཐོག་བསྐྱོད་ཐུབ་པ་བྱུང་བ་དེ་ཡིན་གསུངས་གི་ཡོད།
༢ ༽ བཙན་བྱོལ་སྤྱི་ཚོགས་ནང་གི་ཆབ་སྲིད་པ་སོགས་ཁ་ཐོགས་ཚུལ་ཚང་མས་བཙན་བྱོལ་བོད་མིའི་དམངས་གཙོ་འདི་༧གོང་ས་མཆོག་གིས་གསོལ་རས་སུ་བསྩལ་བ་ཡིན། ཡང་དག་ཅིང་མཐུན་མོང་མ་ཡིན་པའི་དམངས་གཙོའི་ལམ་བཟང་ཞིག་ཡིན་ཟེར་གྱི་ཡོད།
༣ ༽ རྒྱལ་སྤྱིའི་སྡིངས་ཆའི་ཐོག་ཆབ་སྲིད་ཀྱི་ཐད་ནས་བཤད་ཀྱང་། ང་ཚོ་རྒྱ་ནག་དམར་ཤོག་གཅིག་སྡུད་གཞུང་དང་མི་འདྲ་བར་སྨྲ་བརྗོད་རང་དབང་དང་དད་མོས་རང་དབང་ཆ་ཚང་ཡོད་པའི་དམངས་གཙོའི་ལམ་དུ་འགྲོ་སྐྱོད་བཞིན་ཡོད་ཟེར་ནས་ངོམ་སོ་བྱེད་ཀྱིན་ཡོད།
སྐུ་ངོ་སྲིད་སྐྱོང་མཆོག་གིས་ཡོད་ཚད་ཆུ་ལ་མ་བསྐུར་རོགས།