ཞི་ཆུང་ལཊ་སུ་མྱ་ངན་མཆོད་འབུལ།

དེ་རིང་ཕྱི་དྲོ་བོད་མིའི་སྒྲིག་འཛུགས་ཀྱིས་བོད་ནང་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་ཞི་ཆུང་ལགས་ཀྱི་ཆེད་གཞུང་འབྲེལ་ཐོག་མཆོད་འབུལ་སྨོན་ལམ་གནང་སོང་།

དེ་རིང་ཕྱི་ཚེས་ ༤ ཉིན་གྱི་ཕྱི་དྲོའི་ཆུ་ཚོད་ ༤།༣༠ སྟེང་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་གོ་སྒྲིག་འོག  བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བཀའ་ཟུར་ཀིརྟི་རིན་པོ་ཆེ་མཆོག་དབུ་བཞུགས་ཐོག ཁྲིམས་ཞིབ་ཁང་གི་ཁྲིམས་ཞིབ་པ་རྣམ་པ་དང་། སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་ཕྱག་རོགས་བཀའ་བློན་རྣམ་པ། བོད་མི་མང་སྤྱི་འཐུས་ཚོགས་གཙོ་གཞོན་གཉིས་གཙོས་པའི་སྤྱི་འཐུས་རྒྱུན་ལས། བོད་མིའི་སྒྲིག་འཛུགས་ཀྱི་དྲུང་ཆེ་ཆུང་དང་སྲི་ཞུ་ལས་བྱེད་ཡོངས། བཞུགས་སྒར་ཁུལ་གྱི་སེར་སྐྱ་མི་མང་བཅས་འདུ་འཛོམས་གནང་སྟེ། ཟླ་སྔོན་མའི་ཕྱི་ཚེས་ ༢༨ ཉིན་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་མཁན། བོད་མདོ་སྨད་རྔ་པ་ཁུལ་རྔ་པ་རྫོང་སྒོ་མང་མཐའ་བ་སྡེ་བའི་རང་ལོ་ ༤༡ ཡིན་པའི་རྒྱལ་གཅེས་དཔའ་བོ་ཞི་ཆུང་ལགས་དང་། དམ་པ་ཁོང་གི་ནང་མིར་གདུང་སེམས་མཉམ་སྐྱེད་ཆེད་གཞུང་འབྲེལ་ཐོག་མཆོད་འབུལ་སྨོན་ལམ་གནང་སོང་།  

བསྔོ་སྨོན་མཆོད་འབུལ་ཐོག་སྲིད་སྐྱོང་བློ་བཟང་སེང་གེ་མཆོག་གིས། ཕྱི་ལོ་ ༢༠༡༣ ལོའི་ཕྱི་ཟླ་ ༩ ཚེས་ ༢༨ ཉིན་རྔ་པ་རྫོང་གི་རང་ལོ་ ༤༡ ཡིན་པ་དང་། ཕྲུ་གུ་གཉིས་ཀྱི་ཕ་ཞི་ཆུང་ལགས་ཀྱིས་རང་ལུས་མེར་བསྲེཊ་གནང་སྟེ་འདས་གྲོངས་སུ་གྱུར་བ་ཁོང་དང་། ཁོང་གི་ནང་མི་ཉེ་འབྲེལ་གཙོས་པའི་བོད་ནང་གི་ཤ་ཁྲག་གཅིག་པའི་བོད་རིགས་སྤུན་ཟླ་ཚང་མར་བོད་མི་ཚོས་ཐུགས་སྨོན་གནང་དགོས་པའི་འབོད་སྐུལ་གནང་བྱུང་བ་མ་ཟད། ཉེ་སྔོན་ཁམས་རྟའུ་དང་རྫ་སྟོད་བཅས་སུ་གཏེར་ཁ་སྔོག་འདོན་དང་འབྲེལ་བའི་གནས་ཚུལ་བྱུང་ཡོད་པ་དང་། འབྲི་རུ་རྫོང་དུ་ལས་དོན་རུ་ཁག་དང་འབྲེལ་ཏེ་གནས་སྟངས་ཛ་དྲག་ཆགས་ཡོད་པའི་ཐད་ལ་སེམས་འཚབ་ཡོད་སྐོར་གསུངས་བྱུང་།