ཁམས་ནགས་ཤོད་འབྲི་རུ་རྫོང་བོམ་ཕན་ཤང་ངམ་གཤམ་ཆུ་ཤང་ཁོངས་ནས་སླར་ཡང་མི་ ༤ རྒྱ་ནག་གཞུང་གིས་འཇུ་བཟུང་བཙན་འཁྲིད་བྱས་འདུག
ཟླ་འདིའི་ཚེས་ ༡༥ ཉིན་ཁམས་ནགས་ཤོད་འབྲི་རུ་རྫོང་གཤམ་ཆུ་ཤང་ཡར་ལྡིང་གྲོང་ནས་རང་ལོ་ ༡༩ ཡིན་པའི་ཟླ་བ་ལྷུན་གྲུབ་དང་། རང་ལོ་ ༢༠ ཡིན་པའི་བཙུན་མ་བྱམས་པ་གཉིས་ཡར་ལྡིང་གྲོང་ནས་རྫོང་ཉེན་རྟོག་པས་འཇུ་བཟུང་བཙན་འཁྲིད་བྱས་ཡོད་འདུག ཁོང་གཉིས་འཛིན་བཟུང་བྱས་དོན་ཁ་པར་དང་བརྒྱུད་ལམ་ཁག་ནས་གསང་བ་ཕྱིར་བསྐུར་བྱས་པའི་ཉེས་པ་བཙུགས་ཡོད་འདུག
དེ་བཞིན། ཁ་སང་ཚེས ༡༧ ཉིན། རང་ལོ་ ༢༠ ཡིན་པའི་ཤུགས་ལྡིང་དགོན་པའི་དགེ་འདུན་པ་བྱམས་པ་ལེགས་བཤད་དང་། རང་ལོ་ ༢༥ ཡིན་པའི་སྐལ་རྣམ་གཉིས་ལྷ་ས་ནས་ཉེན་རྟོག་པས་འཛིན་བཟུང་བཙན་འཁྲིད་བྱས་ཡོད་འདུག གྲྭ་པ་འདི་གཉིས་ཀྱང་གོང་མཚུངས་ལྟར་གསང་བ་ཕྱི་གཏོང་བྱས་པའི་ཉེས་འཛུགས་བྱས་ཡོད་འདུག
ཕྱི་ཚེས་ ༡༥ ཉིན་ཡར་ལྡིང་གྲོང་ནས་ཟླ་བ་ལྷུན་གྲུབ་དང་བཙུན་མ་བྱམས་པ་གཉིས་རྫོང་ས་གནས་ཉེན་རྟོག་པས་འཇུ་བཟུང་བྱས་རྗེས། ཡར་ལྡིང་གྲོང་དཔོན་ཨ་ཅུང་དང་ཨ་བུ་ནམ་མཁའ་གཉིས་གཙོས་པའི་གྲོང་མི་མི་ཉུང་བ་ཞིག་རྫོང་ཉེན་རྟོག་ལས་ཁུངས་ལ་སོང་སྟེ། ཁོང་གཉིས་ལ་ནག་ཉེས་གང་ཡང་མེད་སྟབས་ཀློད་གྲོལ་གཏོང་དགོས་པའི་རེ་འདུན་བཏོན་ཡང་དོན་འབྲས་གང་ཡང་མ་སོན་མི་འདུག ད་ལྟའི་བར་ཁོང་ཚོའི་ནང་མི་དང་ཉེ་འབྲེལ་སུ་གང་ཡང་ཐུག་འཕྲད་བྱེད་བཅུག་མི་འདུག
གུང་ཁྲན་ཏང་གིས་གང་དམོད་པ། ཕལ་ཆེར་དམ་པའི་སྐྱེས་བུ་ཡིན།
མ་མཐར་སྙུག་ཐོགས་རྣམ་པ་ནི། བསམ་བློ་སྨིན་པའི་ཤེས་ལྡན་ཡིན།
དེའི་ཕྱིར་ཁྱེད་ཅག་རྣམས་ལ་འདུད། རྩོམ་འབྲིའི་རང་དབང་རྒྱལ་གྱུར་ཅིག
གུང་ཁྲན་ཏང་གིས་བསད་པ་ཀུན། །
ཕལ་ཆེར་མ་ཉེས་ཁག་གཡོག་ཡིན། །
མ་མཐར་ལག་ཐོག་ཁར་ཡང་། །
ཞིབ་གཤེར་མང་འདིར་སྐྱོ་བ་ལ། །
གུང་ཁྲན་ཏང་གིས་གང་འདུལ་བ།།ཕལ་ཆེར་རིགས་ཀྱི་དཔའ་བོ་ཡིན།།
མ་མཐར་ཞེ་ངན་བྱེད་པའང་།།རིགས་ཀྱི་འཁོན་དང་འབྲེལ་ནས་ཡོད།།
དེ་བས་ཁྱེད་ཅག་རྣམས་ལ་ཡང་།།ཡི་རངས་གདུང་བ་ཅིས་མི་བསྐྱེད།།
གུང་ཁྲན་ཏང་གིས་གང་བཟུང་པ། ཕལ་ཆེར་བདེན་དོན་རྩོད་མཁན་ཡིན།
མ་མཐར་བོད་མི་བཙོན་པ་རྣམས། བདེན་པའི་དཔའ་རྒོད་ཡིན་པར་འདོད།
དེ་བས་ཁྱེད་ཅག་རྣམ་ལ་ཡང། ཡི་རང་གདུང་སེམས་ཅིས་མི་སྐྱེད།