འཆད་ཁྲིད།
༄༅། །སེར་བྱེས་མཁས་སྙན་གྲྭ་ཚང་ནས་ཕྱོགས་མཐའ་ཁག་གི་སློབ་གྲྭའི་གུང་སེང་དང་སྟབས་བསྟུན་བོད་མི་རིགས་ཀྱི་ཆོས་དང་རིག་གཞུང་མི་ཉམས་གོང་འཕེལ་ཆེད། སུམ་རྟགས་ཀྱིས་གཙོས་རིག་གནས་འཆད་ཁྲིད་དང་། ནང་ཆོས་ངོ་སྤྲོད་ཀྱི་ལས་གཞི་འདི་བཞིན་ཕྱི་ལོ་ ༢༠༡༠ ལོ་ནས་འགོ་འཛུགས་ཀྱིས་ད་བར་མུ་མཐུད་འགྲོ་བཞིན་ཡོད་པ་ལྟར། འདི་ལོ་ཡང་ ༢༠༡༤ ཕྱི་ཟླ་ ༠༡ ཚེས་ ༠༦ ནས་འགོ་འཛུགས་ཀྱིས་ཟླ་བ་གཅིག་རིང་ལོ་སྔོན་མ་ལྟར་བགྲོ་གླེང་སོགས་གོ་སྒྲིག་ཞུ་རྒྱུ་དང་། སློབ་ཚན་གང་ཡིན་ལ་རིགས་ལམ་གྱི་ཐོག་ནས་འཆད་ཁྲིད་བྱ་རྒྱུ་ཡིན་པར་མ་ཟད། ཨིན་སྐད་དང་ཚན་རིག ཨང་རྩིས་བཅས་ཀྱི་ཟབ་སྦྱོང་ཞིག་ཀྱང་གོ་སྒྲིག་ཞུ་རྒྱུ་ཡིན།
འཛིན་གྲྭ་དྲུག་པ་ཡན་ཆད་ལ་སུམ་རྟགས་དང་ནང་ཆོས་རིག་ལམ་བཅས་དང་། དྲུག་པ་མན་ཆད་ལ་ཡིག་གཟུགས་ཀྱིས་གཙོས་བློ་དང་འཚམས་པའི་སློབ་ཚན་གོ་སྒྲིག་ཞུ་རྒྱུ་ལགས་ན། ཕྱོགས་མཐའ་ཁག་གི་སློབ་ཕྲུག་འཛུལ་ཞུགས་གནང་འདོད་ཡོད་པ་རྣམས་འདི་ལོའི་ཕྱི་ཟླ་ ༡༢ པའི་ཚེས་ ༢༠ ནང་ཚུན་འདི་གའི་ཕྱག་མཛོད་ཁང་དུ་ཐོ་འགོད་གནང་ཟིན་པ་དགོས་རྒྱུ་དང་། སློབ་ཕྲུག་རྣམས་སློབ་ཚན་འཚོགས་རིང་མ་གཏོགས་བདག་སྐྱོང་དང་འགན་ལེན་ཞུ་རྒྱུ་མིན་པས་དེ་དོན་དགོངས་འཇགས་འཚལ།
སེར་བྱེས་མཁས་སྙན་གྲྭ་ཚང་ནས་ ༣༠༡༣ ཟླ་ ༡༡ ཚེས་ ༢༠ ཉིན་ལ།
འབྲེལ་བ་གནས་ས། ཚེ་དབང་། ༠༩༩༠༡༦༧༡༣༩༥ ། ཕྱག་མཛོད་དགེ་བཤེས་ཐུབ་བསྟན་སྨོན་ལམ། ༠༩༨༤༥༣༥༠༥༣༧
