མདོ་སྨད་མི་མང་ལ་བར་མའི་འོས་བསྡུ་བྱ་རྒྱུ་ཡིན།

༸གོང་ས་༸རྒྱལ་དབང་མཆོག་ལ་སྐུར་འདེབས་ཞུ་མཁན་རེ་ཟུང་མདོ་དབུས་ཁམས་གསུམ་ནང་ཡོད་པ་རེད། འོན་ཀྱང་མདོ་སྨད་ནང་དེའི་རིགས་ཧ་ཅང་ཉུང་ཉུང་རེད། འོན་ཀྱང་མདོ་སྨད་ནང་རྩ་བ་ནས་མེད་པ་མ་རེད། དཔེར་ན་ཀླུ་མཐར་བྱམས་ནི་མངོན་སུམ་འཛེམས་མེད་དུ་༸གོང་ས་མཆོག་ལ་སྐུར་འདེབས་ཞུ་མཁན་རེད།
འོན་ཀྱང་ངས་བལྟས་ན་ཀླུ་མཁར་བྱམས་ལ་སྤྱི་འཐུས་ཤིག་ཐོབ་ན་ཉིན་དེ་ནས་བཟུང་ནམ་ཡིན་ཡང་མདོ་སྨད་པ་ཚོ་ངོ་ཚ་དགོས་པ་ཞིག་འབྱུང་ངེས་རེད། ངས་བལྟས་ན་དེ་ཧ་ཅང་ཡག་པོ་རེད། སྐབས་དེར་ཁོང་ཚོར་གཞི་ནས་ཉམས་མྱོང་ཞིག་ཐོབ་ངེས་རེད། དེ་ནས་བཟུང་མདོ་སྨད་པ་ཚོས་ཀླུ་མཁར་བྱམས་ཀྱི་གསང་ན་ཅི་ཡང་མེད་པ་གསལ་ཐག་ཆོད་ཅིག་ཧ་གོ་འགྲོ་ངེས་རེད། ད་བར་དུ་སྐྱལ་སྟོང་ཚོས་ཀླུ་བྱམས་ལ་རེ་བ་བརྒྱབས་ཏེ། ཁོང་ཚོས་བྱེ་མ་བཙུར་ནས་སྣུམ་འབྱུང་གི་རེད། དྲན་བཞིན་ཡོད་པ་རེད། དེར་བརྟེན་ཉམས་མྱོང་ཞིག་ཐོབ་ན་ཡག་གི་རེད།

བློ་བཟང་ལགས། ཀླུ་མཁར་བྱམས་མདོ་སྨད་ངོ་ཚབ་མཚོན་མི་ཐུབ་པ་ཟེར་བ་ནི་ཁྱེད་ཀྱི་འདོད་པ་རེད། སྐབས་བཅོ་ལྔ་བར་འོས་འགྲན་སྐབས་མདོ་སྨད་མི་གྲངས་༧༠༠ལྷག་གི་འོས་འཕེན་མྱོང་བ་དེ་སུས་ཆུ་ལ་གཡུག་ཐུབ། དགྲ་བོ་རྒྱ་དམར་གྱི་ལྕག་སྒྲོག་འོག་ནས་བོད་རང་བཙན་གྱི་ཆེད་སྡུག་བསྔལ་མྱོང་བ་དང་། དུས་དེང་སང་རྡ་སའི་རི་རྩེ་ན་འཚོ་བ་འགྲིགས་ཙམ་གྱི་ངང་རྒྱལ་ཁབ་དང་མི་རིགས་རྩོད་མཁན་གྱི་མི་ཁོང་འདྲ་མདོ་སྨད་ནང་ངོ་མ་དཀོན་སེ་འདུག ང་ཚོ་མི་མང་བོ་ཞིག་རང་གི་འཚོ་བ་དང་ཁེ་ཕན་ཆེད་ཕྱི་རྒྱལ་ལ་འགྲོ་ཨེ་ཐུབ་ལ་བརྩོན་མཁན་དང་ཁ་ནས་རྒྱལ་བ་རིན་པོ་ཆེ་གླེང་མཁན་མ་གཏོགས། དོན་ལ་རྒྱལ་བའི་བཀའ་བཞིན་བོད་འདི་སྐྱོབ་བསམ་མཁན་ཉུང་ཉུང་ཡིན་པ་གསལ་བོ་མ་རེད་དམ། ང་ཚོས་ད་རེས་ཀླུ་མཁར་བྱམས་འོས་བླུགས་མ་ཐུབ་ཚེ་མདོ་སྨད་ཀྱི་ངོ་ཚ་དང་གཞིས་ལུས་རྒྱལ་ཞེན་པ་ཚོ་ཁོ་ཐག་ཆད་རྒྱུ་རེད་ད། ཤེས་དགོས་པ་ཞིག་ལ་སྐབས་འཚོལ་བ་དང་ཁེ་ཕན་ཆེད་རྒྱལ་ཁབ་དང་མི་རིགས་མི་བརྗེད་རྒྱུ་དེ་ཡིན།

འོས་བསྡུ་འགན་འཛིན་མཆོག་ལ་ཞུ་རྒྱུ།

མདོ་སྨད་སྤྱི་འཐུས་གསར་བསྐོའི་གནད་དོན་དེའི་སྐོར་དོགས་འདྲི་འདྲ་མིན་འདུག་པས་ཉིད་ནས་གསལ་བཤད་ཞིག་གནང་ན་བཟང་བར་མཐོང་།

ངས་རེ་འདུན་ཞུ་རྒྱུ་ནི་བྱུང་ན་རྙོག་དྲ་མེད་པར་སྤྱི་འཐུས་གསར་འདེམས་མི་དགོས་པ་དང་། དེ་མིན་ཡིན་གཅིག་མིན་གཉིས་བདམ་དགོས་ན་དེ་སྔའི་འོས་བསྡུའི་ཨང་༡༡་པ་དེ་བདམས་ན་མི་འགྲིག་པ་ཅི་འདུག དགོས་མེད་སྤྱི་དངུལ་འབུམ་ ༢༡ ཆུད་ཟོས་སུ་བཏང་ཕོད་པ་འདུག་གམ།

གནས་ཡུལ་རྒྱ་གར་རྒྱལ་ས་ལྡི་ལིའི་འོས་བསྡུ་ལ་གཅིག་གཟིགས་དང་། ཆབ་སྲིད་ཚོགས་པ་གསུམ་ཀར་འོས་གྲངས་མ་ལོངས་ཀྱང་གཞུང་ངོས་ནས་འོས་བསྡུའི་འགྲོ་སོང་ཡང་བསྐྱར་གཏོང་མི་དགོས་པའི་ཆེད་ཆབ་སྲིད་ཚོགས་པ་བར་འདུམ་སྒྲིག་ཡོང་འགྱུར་རྒྱུད་སྐུལ་བྱེད་བཞིན་པ་དེ་ཚོར་ཉན་ན་གང་འདྲ་འདུག ཁོང་ཚོ་རང་དབང་རྒྱལ་ཁབ་ཀྱི་རེད་དེ་གཞུང་དངུལ་ལ་དོན་མེད་འགྲོ་སོང་གཏོང་མི་དགོས་པའི་འབད་བརྩོན་བྱེད་བཞིན་པ་དེ་ང་ཚོས་དཔེ་བླངས་དགོས་པ་རེད།

དེ་མིན་སྒྲིག་གཞི་དང་དབང་ཡོད་ཏོག་ཏོག་བྱས་ནས་སྤྱི་དངུལ་བད་མེད་ལོངས་སྤྱོད་བྱེད་འདོད་ན་སྐུ་ཉིད་ཀྱི་དབང་ཐང་རེད།

ཨ་པོ་བློ་བཟང།

དུས་བབ་ནས་ཁྱེད་ཀྱིས་བསམ་ཚུལ་ཙམ་གྱི་རྩོམ་ཡིག་དེ་པར་སྐྲུན་མ་བྱས་པར་མཆན་དུ་བཀོད་དགོས་ཁེལ་པ་དེ་ཡག་པོ་བྱུང་ཤག མཆན་ལས་རྩོམ་ཡིག་གི་ཁྱད་ཆོས་གཅིག་མཐོང་ལྷ་པར་མཐོང་མ་སོང་། ཁྱེད་ཀྱིས་བཤད་པའི་མདོ་སྨད་སྤྱི་འཐུས་ཀྱི་འོས་ཆོས་དེ་དག་ནི་བྱེས་འབྱོར་མདོ་སྨད་མི་མང་སྟོང་གཉིས་གསུམ་ཙམ་གྱི་བསམ་བློ་ལ་གཞི་བཅོལ་པ་ཙམ་ཞིག་རེད་འདུག འདས་པའི་ལོ་ཟླའི་ནང་རང་ལུས་མེར་བསྲེགས་མང་ཤོས་དེ་མདོ་སྨད་ཁུལ་ནས་བྱུང་ཡོད་པ་དང་། དཔའ་བོ་དཔའ་མོ་དེ་དག་གིས་རྒྱ་གཞུང་ལ་ཡིད་ཆེས་བརླགས་ནས་ངོ་རྒོལ་གྱི་ཚུལ་དུ་བོད་ལ་རང་དབང་དགོས་ཅེས་ཏེ་རང་ལུས་མེ་ལ་ལྕེབས་པ་འདིས་གཞིས་ཀྱི་མདོ་སྨད་མི་མང་གི་མངོན་འདོད་དབུ་མའི་ལམ་མིན་པ་གསལ་པོ་སྟོན། དབུ་མའི་ལམ་ནི་ཡང་སྙིང་གུང་ཁྲན་ཏང་འོག་འདུག་རྒྱུ་དེ་རེད་པ། དེ་ཁྱེད་ཀྱིས་རྒྱུ་མཚན་དང་པོས་ལན་གྱི་ཚུལ་དུ་ཕུལ།

དེ་ནས་རྒྱུ་མཚན་གཉིས་པ་དེ་ནི་གང་ཟག་དགོས་དབང་གིས་བཀོལ་པ་ཞིག་ལས་རྒྱུ་མཚན་ཤིག་མི་འདུག དེའི་ལན་འདེབས་སུ་མདོ་སྨད་ཀྱི་སྤྱི་ཟུར་སྒྲོལ་དཀར་ལྷ་མོ་ཆོས་ཅན། ལྐོག་ཟ་རུལ་སུང་གི་ཞབས་འདྲེན་ཞུས་པར་ཁྱེད་ལྟ་བུ་མདོ་སྨད་མི་མང་དེ་དག་ཁ་ཁུ་སིམ་མེར་འདུག་པ་དེ་ཡང་སྙིང་༸རྒྱལ་དབང་ཐམས་ཅད་མཁྱེན་པའི་དཔུང་འདེགས་སུ་ཇི་ལྟར་འགྲོ་བ་རེད་དམ། དེའི་མ་ཚད་སྤྱི་འཐུས་ལས་བར་ནས་དགོངས་པ་ཞུས་ནས་གཞུང་སྒོར་འབུམ་ ༢༡ སྤྱི་པ་ལ་གྱོང་གུན་བཏང་པ་དེ་བོད་སྤྱི་ལ་ཕན་པ་རེད་པས། མདོ་སྨད་མི་མང་ཁ་ཁུར་པ་བློ་བཟང་ལགས་བསམ་བློ་མཐོངས་དང་། བརྟུལ་ཞུགས་དེས་མདོ་སྨད་མི་མང་གིས་མངོན་འདོད་ཀྱི་སྤྱི་འཐུས་ཀྱི་འོས་ཆོས་ཇི་འདྲ་ཞིག་དགོས་མིན་སྟོན་པ་རེད།

རྒྱུ་མཚན་མཐའ་མ་དེ་ནི་དགོད་མོ་བློངས་ཡག་རང་རེད་ཤག ངས་བལྟས་ན་ཆོལ་ཁ་ཆོས་ལུགས་ཀྱི་ཞེ་འཁོན་ལས་བསྒྲུབས་པའི་ཚོགས་པ་ཙག་ཙིག་དེ་ཚོའི་ནང་གི་ཆབ་སྲིད་དང་ངོ་དགའ་སྤྲེལ་ལད་འཁྲབ་རྒྱུར་དུས་ཚོད་ཟོད་དུ་མ་བཏང་ན་བཟང་བར་མཐོང་། དེ་ལས་སྤྱི་པའི་སྒྲིག་འཛུགས་དང་ཚོགས་ཁག་གི་ནང་ཞབས་ཞུ་གང་ཐུབ་ཞུས་ན་བོད་མི་སྤྱི་བོ་གནམ་བསྟན་ཡོངས་ཀྱི་འོས་འགན་ཞིག་སྒྲུབ་པ་རེད། མ་འོངས་པར་བོད་ལ་སྐྱིད་པའི་ཉི་མ་ཞིག་ཤར་བའི་དུས་མི་མང་རྣམས་ཆོལ་ཁ་ཆོས་ལུགས་ཀྱི་དབང་དུ་མ་སོང་པར་བོད་མི་མང་གི་ཞབས་ཞུ་སྒྲུབ་མཁན་རྐྱང་ཞིག་ཡོང་བའི་རེ་བ་ཞུ་བ་དང་དེ་རིགས་ད་ལྟ་ཡང་མི་ཉུང་བ་ཡོད། གལ་སྲིད་ཀླུ་བྱམས་ལ་སྔོན་མ་འོས་རག་ཡོད་ན་དེ་ཚོས་བསླུགས་པ་རེད། ཁྱེད་ཀྱིས་ཁོང་ཚོ་གཞོན་སྐྱེས་ཧོལ་རྒྱུག་པ་རྐྱང་གཅིག་རེད་བསམ་ན་ཁྱེད་རང་རང་ཉིད་ཆོས་ལུང་གི་ཞེན་དབང་སུ་བསྒྱུར་ཡོད་མིན་ཅིག་ཞིབ་འཇུག་བགྱིས།

བློ་བཟང་གི་ཁ་འཇམ་ཏོག་ཁ་པོ་ཀླ་མཁར་བྱམས་ལ་ལགས་དང་ལགས་ཟེར་ཀ་བྱས། བསྡུ་དོན་བཤད་ཡག་ངན་ཕྱོགས་ཀྱང་ལས་བཟང་ཕྱོགས་ཅི་ཡང་མི་བཤད་པ་དེ་འུ་ཅག་བོད་མི་རིགས་ཀྱི་རང་གཤིས་ཅི་འདྲ་ཞིག་རེད།

དབུས་འོས་བསྡུ་ལས་ཁུངས་ཀྱི་ཡིག་ཆ་ལྟར་ན། སྐུ་ངོ་ཀླུ་མཁར་བྱམས་ལ་སྐབས་བཅོ་ལྔ་བའི་འོས་བསྡུའི་ཁྲོད་འོས་ཤོག་ཆིག་སྟོང་ལྷག་རེག་ཡོད་པས། ཨ་མདོ་བས་འོས་ཞུགས་པའི་འོས་ཤོག་གི་བརྒྱ་ཆའི་བཞི་བཅུ་རེག་ཟིན་པར་ལྟ་སྐབས། ཨ་མདོ་བའི་ཁྲོད་དཔལ་འབྱོར་ཚེ་རིང་ལགས་ལྟ་བུའི་རང་བཙན་ལངས་ཕྱོགས་དགྲ་རུ་འཛིན་མཁན་ཡོད་ཀྱང་དེ་ནི་ཨ་མདོ་སྤྱིའི་ལངས་ཕྱོགས་ཤིག་མིན་པ་འདྲ། ད་རེས་ཨ་མདོ་བ་ཚོས་སྐད་ཆ་དྲང་མོར་བཤད་རན་འདུག་སྙམ།

ང་རང་ཀླུ་མཁར་བྱམས་ལགས་ལ་མ་དགའ་པ་དེ་འདྲ་རྩ་བ་ཉིད་ནས་མིན། དྲང་མོ་དྲང་རྐྱང་གི་བསམ་ཚུལ་ཐོར་བུ་ཞིག་ཞུ་འདོད་བྱུང་སོང་། གལ་སྲིད་ཀླུ་མཁར་བྱམས་ལགས་མདོ་སྨད་སྤྱི་འཐུས་སུ་སླེབས་པ་ཡིན་ན། མདོ་སྨད་མི་མང་གིས་ཕལ་ཆེར་ངོས་ལེན་བྱེད་མདོག་ཁ་བོ་མ་རེད་བསམ་གྱི་འདུག མདོ་སྨད་མི་མང་གིས་ངོས་ལེན་མེད་པ་ཞིག་མདོ་སྨད་སྤྱི་འཐུས་ཀྱི་ཁོངས་སུ་བཞུགས་ན་དེས་མདོ་སྨད་མི་མང་གི་ངོ་ཚབ་ཟེར་ན་འདྲ་མདོ་སྨད་ཆོལ་ཁའི་སྤྱི་འཐུས་ཤིག་གི་ཚབ་མཚོན་ཐུབ་ཀྱི་ཡོད་པ་མ་རེད། གང་ཡིན་ཟེར་ན་དེའི་ཐད་ལ་ང་རང་ལ་རྒྱུ་མཚན་གསུམ་ཙམ་ཞུ་རྒྱུ་ཡོད། (དང་པོ།) བོད་པའི་རྩ་དོན་སྒྲུབ་ཕྱོགས་ཀྱི་ཐད་ནས་མདོ་སྨད་མི་མང་ཁྱོན་ཡོངས་ཀྱི་ལངས་ཕྱོགས་དེ་དབུ་མའི་ལམ་ལ་ཤར་སྐྱོད་གནང་གི་ཡོད་པ་ཚང་མས་མཁྱེན་གསལ་རེད། ཀླུ་མཁར་བྱམས་ལགས་ལ་མཚོན་ན་བཞེངས་ཕྱོགས་རང་བཙན་ཡིན་གསུང་བསྡད་ཡོད་པ་རེད། (གཉིས་པ།) མདོ་སྨད་མི་མང་༧གོང་ས་༧སྐྱབས་མགོན་ཆེན་པོ་མཆོག་ལ་དབུ་འོག་དཔུང་འདེགས་དང་ཁོང་གི་སྐུ་གསུང་ཐུགས་གསུམ་གྱི་མཛད་པ་འཕྲིན་ལས་ཐ་དག་ལ་གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ་བརྩི་བཀུར་སྲུང་སྐྱོབ་ཀྱི་དད་དམ་གཡོ་བ་མེད་པ་རྐྱང་ཆགས་བསྡད་ཡོད་པ་རེད། ཡིན་ནའང་ངས་ཆོལ་ཁ་གཞན་དག་ལ་དེ་འདྲ་ཡོད་མ་རེད་རྩ་བ་ཉིད་ནས་ཞུ་གི་མེད་ཀྱང་མདོ་སྨད་མི་མང་དེ་སྔོན་མ་ནས་གཅིག་གྱུར་འདྲ་བོ་ཞིག་དང་། མངོན་ལྐོག་གཡོ་ཟོལ་མེད་པར་ཡོངས་གྲགས་འདྲ་བོ་ཞིག་ཡིན་པ་ཚང་མའི་ཐུགས་ལ་མངའ་གསལ་རེད། ཡིན་ནའང་མི་རེ་ཟུང་གི་ལྟ་བ་ལངས་ཕྱོགས་མཐའ་དད་སེམས་པའི་ནང་དུའང་དད་དམ་གཙང་མ་མེད་མཁན་ཡོད་སྲིད་ཀྱང་བརྒྱ་ཆར་བཀུག་ན་ཕལ་ཆེར་གྲངས་ཆུང་ཁ་ཤས་ལས་འབབ་གི་མ་རེད་བསམ་གྱི་འདུག ཀླུ་མཁར་བྱམས་ལགས་ལ་མཚོན་ན་ཁོང་རང་གི་དེ་སྔའི་གསུང་བཤད་འགའ་རེ་དང་རྩོམ་ཡིག་དེ་འདྲའི་ནང་དུ་༧གོང་ས་༧སྐྱབས་མགོན་ཆེན་པོ་མཆོག་ལ་མ་གུས་པ་དང་ཟུར་ཟའི་ཚིག་དོན་གང་ལ་གང་འཚམས་རེ་ཡོང་གི་ཡོད་པ་རེད་ལ། དེ་མདོ་སྨད་མི་མང་ཙམ་མ་རེད་ཆོལ་ཁ་གསུམ་གྱི་མི་མང་ཚོར་ཞེ་དྲག་ཕོག་ཡོད་པ་རེད། སྤྱི་ཚོགས་ནང་དེ་རིགས་ཀྱི་སྐོར་ལ་གླེང་སློང་ཆེན་པོ་ཞིག་སྔོན་མ་ནས་འགྲོ་བསྡད་ཡོད་པ་རེད། (གསུམ་པ།) སྤྱི་ཡོངས་ཀྱི་ཐོག་ནས་ཀླུ་མཁར་བྱམས་ལགས་མདོ་སྨད་མི་མང་གི་ལས་དོན་ཁག་ནང་མཉམ་ཞུགས་ཧ་ཅང་ཉུང་ཉུང་རེད། ཁོ་རང་སྒེར་ངོས་ནས་མདོ་སྨད་ཀྱི་མི་སྣ་དེ་ཚོར་འབྲེལ་བ་ཏོག་ཙམ་སྐྱོ་བོ་རེད་ལ་བཀའ་མོལ་གནང་སྐབས་ཀྱང་མདོ་སྨད་ཀྱི་མི་སྣ་གལ་ཆེན་དེ་ཚོར་བརྩི་བཀུར་ཆེ་མཐོང་བྱེད་གི་མ་རེད། དེ་བཞིན་དུ་མདོ་སྨད་མི་མང་གི་ངོས་ནས་ཀྱང་ཀླུ་མཁར་བྱམས་ལགས་སུ་ཆེ་མཐོང་ཟེར་ན་འདྲ་ཆ་འཇོག་དེ་འདྲ་ཕལ་ཆེར་ཡོད་པ་མ་རེད་ལ། རྒན་པ་དག་དང་མདོ་སྨད་ཀྱི་ལས་ཀྱི་སྣེ་མོར་གཏོགས་མཁན་ཚོས་ཀྱང་ཁོང་རང་ལ་འབྲེལ་འདྲིས་ཆ་འཇོག་ཞན་པོ་རེད་བསམ་གྱི་འདུག དེ་ངས་སྡུག་ཅག་རེད་ཟེར་གྱི་མེད་ཁོ་རང་གི་གཤིས་ཀ་ཞིག་ཡིན་སྲིད་ཀྱང་མདོ་སྨད་མི་མང་གི་འཐུས་མི་ཞིག་ཏུ་འགྲོ་དགོས་ན་མདོ་སྨད་མི་མང་གི་མངོན་འདོད་དང་བཞེངས་ཕྱོགས་ལ་བརྒྱབ་སྐྱོར་ཞུ་དགོས་པ་མ་ཟད། བོད་སྤྱི་བའི་ལས་དོན་ཐོག་ལྷག་བསམ་དག་པ་ཞིག་དང་སྒོས་སུ་མདོ་སྨད་མི་མང་ལ་སྐྱིད་མཉམ་སྡུག་མཉམ་བྱེད་ཐུབ་མཁན་ཞིག་ཅི་ནས་ཀྱང་ཡིན་དགོས་པ་རེད་བསམ་གྱི་འདུག
ཡང་ཁ་ཤས་ཀྱིས་སྐབས་སྔོན་མའི་འོས་བསྡུའི་ནང་ཁོང་རང་ལ་འོས་གང་ལ་གང་འཚམས་ཐོབ་ཡོད་པ་དང་ད་རེས་ཀྱང་འོས་ཐོབ་པ་ཡིན་ན་མདོ་སྨད་མི་མང་གི་འཐུས་མི་ཞིག་ཅི་ལ་མི་ཆགས་པ་དང་། མདོ་སྨད་མི་མང་གི་ངོ་ཚབ་ཅིའི་ཕྱིར་མི་མཚོན་པ་རེད། མདོ་སྨད་མི་མང་ལ་འོས་བསྡུ་བྱས་ཏེ་ཁོང་ལ་འོས་འཕེན་མཁན་དེ་དག་མདོ་སྨད་མི་མང་གི་འོས་ཤོག་ཏུ་རྩི་གི་མ་རེད་དམ་ཟེར་ན། དེ་ལའང་ཕྱོགས་གཅིག་ནས་རྒྱུ་མཚན་མེད་པ་མིན་ན་ཡང་། ཞིབ་ཚགས་མོས་བསམ་བློ་བཏང་བ་ཡིན་ན་ཕྱོགས་གཞན་ཞིག་ནས་ཤོད་སྟངས་དེ་ཏག་ཏག་བསྡད་ཡོད་པ་མ་རེད། མེད་པའི་རྒྱུ་མཚན་གཉིས་ཡོད། གཅིག་སྐུ་ཞབས་ཀླུ་མཁར་བྱམས་ལགས་སུ་འོས་ལྡུག་མཁན་དེ་ཚོ་གསར་བྱུང་གསར་བཤད་དང་ཅུང་ཧོལ་རྒྱུག་ཐོལ་བརྒལ་ལ་དགའ་མཁན་མཐོ་སློབ་གྲྭ་ཁག་ནང་གི་ཕྲུ་གུ་དེ་ཚོ་དང་སྤྱི་ཚོགས་ནང་གི་གཞོན་སྐྱེས་དེ་ཚོ་རེད་དྲན་གྱིན་འདུག ཁོང་ཚོས་བསམ་བློ་གཏིང་ཟབ་མོ་གཏོང་མུ་ཐུབ་པར་ཟ་ངེས་ཟིང་ངེས་དང་། མི་ཞིག་གིས་གསར་བཤད་འདྲ་བོ་ཞིག་བྱས་ན་དེ་ལ་རྒྱུ་མཚན་མེད་པར་དགའ་འགྲོ་བ་དང་། དེའི་རྗེས་སུ་རྒྱུག་འགྲོ་བ་གཞོན་སྐྱེས་སྤྱིའི་རང་གཞིས་རེད་ལ། ལྷག་པར་དུ་སློབ་གྲྭ་ཁག་ནང་འགྲོ་བཞིན་པའི་ཕྲུ་གུ་ཚོའི་རང་གཤིས་ཤིག་ཆགས་བསྡད་ཡོད་པ་རེད། གཉིས་པ་ཀླུ་མཁར་བྱམས་གྱིས་དེ་སྔོན་གཏམ་བཤད་ཡིན་ན་རེད་རྩོམ་ཡིག་དེ་འདྲའི་ནང་དུ་ཡིན་ན་རེད། མི་སྒེར་བ་ཁག་ཅིག་དང་བོད་གཞུང་། དེ་བཞིན་སྐུ་དྲག་མི་དྲག་ཟེར་བ་དེ་ཚོར་རྒྱུ་མཚན་ཡོད་མེད་ལ་མ་ལྟོས་པར་འཛེམ་སོན་མེད་པར་སྐྱོན་བརྗོད་བྱས་པ་དང་། ལྷག་པར་དུ་༧གོང་ས་སྐྱབས་མགོན་རིན་པོ་ཆེ་མཆོག་ལ་མཚན་སྨད་ཟེར་ན་རེད། གང་ལྟར་མ་གུས་པའི་བཀའ་མོལ་དང་རྩོམ་ཡིག་དེ་འདྲ་སྤེལ་བར་བརྟེན་ཏེ་སྤྱི་ཚོགས་ནང་ཀླུ་མཁར་བྱམས་ཟེར་ནས་ཁོ་རང་གི་མིང་དེ་ཚང་མའི་ཨམ་ཅོག་ནང་ཐོས་མྱོང་པ་འདྲ་བོ་ཆགས་བསྡད་ཡོད་པ་རེད། དེས་དབང་གིས་འོས་བསྡུ་ཆེན་མོའི་སྐབས་ལའང་མདོ་སྨད་མི་མང་ཚོའི་ངོས་ནས་བསམ་བློ་བཏང་ཡོང་དུས་ལམ་སིང་སེམས་ལ་དྲན་པ་དང་མིང་ཤེས་པ་དེ་ཀླུ་མཁར་བྱམས་ཆགས་ཡོད་པའི་དབང་གིས་མི་བཅུའི་ནང་དུ་ཁོ་རང་གི་མིང་དེ་འབྲི་བདེ་ཤོས་འདྲ་བོ་ཆགས་པ་རེད། ངས་ཀླུ་མཁར་བྱམས་ལགས་མདོ་སྨད་སྤྱི་འཐུས་ཀྱི་འོས་ཤོག་ནང་སླེབས་པ་དེ་རྒྱུ་མཚན་དེ་འདྲ་ཞིག་ལ་མཐོང་གི་ཡོད། གོང་གསལ་རྒྱུ་མཚན་འདི་དག་ལ་བརྟེན་ཏེ་གོང་འཁོད་གསར་འགྱུར་འདིའི་ནང་ཀླུ་མཁར་བྱམས་ལགས་མདོ་སྨད་སྤྱི་འཐུས་ནང་བསླེབ་དགོས་ཡོད་ཟེར་མཁན་མང་པོ་ཞིག་འདུག་ཀྱང་དེ་དག་ལ་རྒྱུ་མཚན་རྒྱབ་ལྗོངས་འདི་ལེགས་བསམ་པ་ཞིག་དྲན་མ་སོང་བས་འདིར་ལྟར་བྲིས་པ་ཡིན།།
༣༠༡༣།༡༢།༥
བསམ་ཚུལ་ཐུང་ཐུང་འདི་ཐོག་མ་བོད་ཀྱི་དུས་བབ་དྲ་ཚིགས་ཀྱི་རྩོམ་ཡིག་འགོད་སའི་ས་མིག་ནང་འགོད་རྒྱུར་རེ་བ་ཐེངས་ཁ་ཤས་ལ་ཞུས་ཀྱང་འཁོད་མ་སོང་བས་ཞབས་མཆན་ནང་སྤེལ་བ་ཡིན།

མདོ་སྨད་པ་ཚོས་ངེས་པར་དུ་བསམ་བློ་གཏོང་དགོས་པ་ཞིག་ལ། ཐེངས་འདིར་འོས་ཤོག་བསྡུ་དུས་ཧ་ཅང་གཟབ་དགོས་པ་ཞིག་ལ། ད་སྐབས་གྲོས་ཚོགས་ནང་ཡོད་པའི་མདོ་སྨད་ཀྱི་འཐུས་མི་ཁ་ཤས་ནང་བཞིན་ངག་མི་འཁྲོལ་བར་སྡོད་པ་དག་དང་མི་འདྲ་བར། བསམ་ཚུལ་ལྷུག་པོར་བརྗོད་ཐུབ་པའི་མི་བུ་ཞིག་འཚོལ་རྒྱུ་གལ་ཆེན་རེད་འདོད། སུ་ཞིག་འོག་ཏུ་ཆུ་སྣ་གར་ཁྲིད་ལྟར་མི་འགྲོ་བའི་མི་བུ་སྒེར་ཚིགས་ཅན་ཤིན་ཏུ་མཁོ་ཨང་།

ཨ་མདོ་བ་ལ་ལངས་ཕྱོགས་མེད་པ་དེ་འདྲ་གཏན་ནས་མ་རེད། ངྷ་སའི་མི་འཁྱམས་ཁ་ཤས་དང་རང་གིས་རང་ལ་བརྒྱུད་ལམ་ནང་འུར་བསྟོད་བྱེད་པ་མདོ་སྨད་མི་མང་གིས་ཤེས་གསལ་ལ་སོང། ག་དུས་ཡིན་ནའང། རྒྱལ་བ་རིན་པོ་ཆེར་མཚན་སྨོད་ཞུ་མཁན་ཞིག་དང། མི་རྙོག་དྲ་ཅན་ཚོའི་རྗེས་སུ་འབྲངས་པ་ཞིག་ལ་འོས་མི་ལྡུགས་ཐག་ཆོད་ཡིན་སྟབས། ཐུགས་ཁྲལ་མ་གནང་བློ་བདེ་བོ་གནང་ན་ཡག་གི་རེད།

དོན་གྲུབ་ལྷ་དར་ཀརྨ་ཆོས་འཕེལ་དང་ཁྱད་མེད་པའི་ཀླུ་མཁར་བྱམས་ལྟ་བུར་འོས་ཤོག་བླུགས་ན་རང་ཚུགས་མེད་མཁན་མགོ་མི་འཚོས་མཁན་མ་རེད་དམ། ཁོང་ཚོས་རྒྱལ་བ་རིན་པོ་ཆེར་མཚན་སྨོད་ཅི་ཞུས་ཚང་མར་མངའ་གསལ་རེད།།

གངས་ཕྲུག་ལགས་ནས༼གོང་ས་མཆོག་ལ་དངོས་ཤུགས་བརྒྱུད་གསུམ་ནས་ངོ་རྒོལ་བྱེད་མཁན་ཀླུ་མཁར་བྱམས་ལྟ་བུ་མདོ་སྨད་སྤྱི་འཐུས་ལ་བསྐོ་བཞག་གནང་ན་བཀའ་བརྒྱུད་སྤྱི་འཐུས་ཀརྨ་ཆོས་འཕེལ་གྱི་དཀའ་ངལ་རྣམས་རོ་ལང་རྒྱག་རྒྱུ་ཉག་ཅིག་རེད།༽ཟེར་བ་དེས་གང་ཞིག་སྟོན་གྱི་འདུག་གམ། བཀའ་བརྒྱུད་སྤྱི་འཐུས་ཀརྨ་ཆོས་འཕེལ་ལ་རོ་ལངས་རྒྱབ་རྒྱུ་དཀའ་ངལ་ཞིག་ཡོད་པ་གཏན་ནས་མ་མཐོང་། ཀླུ་མཁར་གྲོས་ཚོགས་ནང་དུ་སླེབས་པ་ཡིན་ན་གྲོས་ཚོགས་ནང་དུ་ངོ་དགའ་སྤྲེལ་ལད་ཁྲབ་མཁན་གྱི་གྲངས་འབོར་ཉུང་རུ་འགྲོ་རྒྱུ་ངེས་པ་རེད། ཁ་ནས་དུ་བ་ཐོན་སའི་ཁོར་ཡུག་མེད་ཀྱང་། ཁོག་ནས་མེ་འབར་མཁན་མང་རུ་འགྲོ་རྒྱུ་རེད་ཉག་ཅིག་རེད།

དྲི་བ་དང་པོ།
ཀིརྟིའི་སྒྲོལ་དཀར་ལྷ་མོས་ཅིའི་ཕྱིར་དགོངས་པ་ཞུ་དགོས་པ་རེད། ཁོ་མོས་གཞུང་དངུལ་སྒེར་སྤྱོད་བྱས་པ་དེ་ལ་བརྟེན་ནས་དགོངས་པ་ཞུ་དགོས་པ་རེད་དམ། ཡང་ན་བྱ་བ་གཞན་ཞིག་གི་དབང་གིས་དགོངས་པ་ཞུ་དགོས་བྱུང་བ་རེད། འདི་རིགས་མང་ཚོགས་ལ་ཁ་གསལ་ཚིག་གསལ་བྱེད་དགོས་པ་ཧ་ཅང་གི་གལ་ཆེན་པོ་རེད། སྤྱིར་དགོངས་པ་ཞུས་ན་མི་འགྲིག་པ་མེད་ཀྱང་། མང་ཚོགས་ལ་ཁ་གསལ་བོ་མ་བྱས་པར་འདི་ལྟར་འཇམ་ཅག་གེར་དགོངས་པ་ཞུས་སོང་བ་ཡིན་ན། གོང་གསལ་ཧིན་སྒོར་འབུམ་༢༡ ལྷག་གི་གྱོང་གུད་དེ་སུ་ཞིག་གིས་གསབ་དགོས་པ་རེད། དེ་བཞིན་འོས་བསྡུ་ལྷན་ཁང་གིས་ཀྱང་འདིར་སྐད་ཆ་མགོ་མཇུག་མི་མཚུངས་པ་གཉིས་བཤད་འདུག་པ་དེའི་གནད་ཅི་ཞིག་ལ་ཐུག་པ་རེད། གང་ལྟར། མདོ་སྨད་མི་མང་གིས་ཆུ་ཚོད་མང་པོ་ཞིག་འཕྲོ་བརླག་ལ་གཏོང་མི་དགོས་པའི་ཆེད་དང་། གཞུང་གི་མ་དངུལ་ཡང་ཆུད་ཟོས་སུ་མི་འགྲོ་བ། དེ་བཞིན་ཤེས་ཡོན་དང་འཇོན་ཐང་སོགས་གང་ཅིའི་ཐད་ནས་ཏག་ཏག་ཡོད་བསྡད་པའི་སྐུ་ཞབས་ཀླུ་མཁར་བྱམས་མདོ་སྨད་སྤྱི་འཐུས་སུ་བཞག་པ་ཡིན་ན། དེ་ནི་ཐབས་ཤེས་ཡག་ཤོས་རེད། མདོ་སྨད་མི་མང་གི་ཐད་ནས་བསམ་ན་ཡང་། ཀླུ་མཁར་བྱམས་ཐད་གར་འདེབས་སྐོས་བྱས་ན་ཡག་ཤོས་རེད། ང་ཚོས་རང་ཕྱོགས་རྐྱང་རྐྱང་བཤད་བསྡད་པ་རེད་མ་གཏོགས། ཤེས་ཡོན་དང་། བསམ་བློ། འཇོན་ཐང་། ལྷག་བསམ། སེམས་ཤུགས། ལོ་ཚོད། ཉམས་མྱོང་། སྐད་ཡིག་སོགས་ཕྱོགས་གང་ནས་བསམ་བློ་བཏང་ན། ཀླུ་མཁར་བྱམས་ཁོང་ལྟ་བུ་ཞིག་མདོ་སྨད་མང་ཚོགས་ནང་ཉུང་ཉུང་རེད། གང་ལྟར་ང་ཡིན་ནི། རེ་མདོ་སེངྒེ་ལྟ་བུའི་ཁ་ཡག་ཁོག་ངན་དག་འདེམས་པ་ལས་ཀླུ་མཁར་བྱམས་ཡག་ཤོས་རེད་བསམ་བསྡད་ཡོད།

བཅར་འདྲི་འདི་ལ་མཚོན་ན་འོས་བསྡུའི་འགན་འཛིན་མཆོག་གི་དྲིས་ལེན་ནས་གསར་འགོད་པའི་དྲི་བ་ཁག་རྩ་ཆེ་བ་དང་ཀློག་པ་པོ་ང་འདྲ་དང་ང་འདྲ་བ་ཚོ་ལ་བློ་སྐྱེད་བསྟེར་ཐུབ་ཀྱི་འདུག དུས་བབ་ཚང་གི་གསར་འགོད་པ་ཚོའི་གནས་ཚད་ཧ་ཅང་ཐོ་བོ་འདུག
ངས་འདི་ལ་ཨེ་ཤ་ཡ་རང་དབང་རླུང་འཕྲིན་ཁང་ཚང་གི་གསར་འགོད་པ་སྟག་ལྷ་རྒྱལ་ཟེར་བ་དེ་བསམ་ཚུལ་བཤད་ཡོད་པ་ཞིག་འདིའི་འོག་ཏུ་འགོད་ཆོག་པ་བྱོས།།
དེ་ཡང་བོད་མིའི་སྒྲིག་འཛུགས་ཀྱི་འོས་བསྡུ་ལྷན་ཁང་གི་འགན་འཛིན་འཇམ་དཔལ་ ཆོས་བཟང་ལགས་ཀྱིས་བོད་ཀྱི་དུས་བབ་ལ་བརྗོད་དོན། མདོ་སྨད་སྤྱི་འཐུས་ཀིརྟི་སྒྲོལ་དཀར་ལྷ་མོ་ལགས་ཀྱིས་སྐབས་བཅོ་ལྔ་པའི་སྤྱི་ འཐུས་ནས་དགོངས་པ་ཞུས་བའི་ཚབ་ལ་སྒུག་ཐོ་ཡོད་པ་མ་རེད། བཅའ་ཁྲིམས་དོན་ཚན་ ༥༧ ནང་སྤྱི་འཐུས་ལས་ཐོག་ནས་དགོངས་པ་ཞུས་ན་དེར་སྒུག་ཐོ་མེད་ཚེ། ཉིན་ ༡༨༠ ཡི་ནང་དུ་དེའི་ཚབ་ལ་འདམ་དགོས་པ་རེད། འོན་ཀྱང་། འོས་བསྡུའི་སྒྲིག་གཞི་དོན་ཚན་༥༡པའི་ནང་གསེས་༢པའི་ནང་། སྤྱི་འཐུས་ལས་རྒྱུན་གྱི་རིང་ལ་ས་མིག་སྟོང་པ་ཐོན་ན་བར་མའི་འོས་བསྡུ་མ་དགོས་ པར་སྒུག་ཐོ་ནས་བསྐོ་བཞག་བྱ་རྒྱུ་ཞེས་བཀོད་ཡོད་པར་བརྟེན། བཅའ་ཁྲིམས་དང་འོས་བསྡུའི་སྒྲིག་གཞི་གཉིས་ཏོག་ཙམ་མི་མཐུན་པར་གྱུར་ཡོད། སྐབས་བཅོ་ལྔ་པའི་སྤྱི་འཐུས་བདམས་ཚར་རྗེས་བརྒྱ་ཆ་དེ་མེད་པ་བཟོས་ཡོད། སྤྱི་འཐུས་ཐོབ་མེད་ན་ཡང་སྒུག་ཐོ་ཡོད་ན་བསྐོ་བཞག་བྱས་ན་འགྲིག་བསམ་ནས་སྤྱི་ འཐུས་ཚོགས་གཞོན་ལ་བཀའ་འདྲི་ཞུས་དུས། དེ་འགྲིག་གི་མེད་སྟབས་བར་མའི་འོས་བསྡུ་བྱ་དགོས་བྱུང་བ་རེད་ཅེས་དང་། ཡང་དེ་སྔོན་གྱི་ཐག་གཅོད་ལྟར་སྤྱི་འཐུས་གང་རུང་ཞིག་གིས་རྩ་དགོངས་ཞུས་ཚེ་ བསྐྱར་འདམ་མི་དགོས་པའི་ཐད་ཁོང་གིས། སྐབས་བཅོ་ལྔ་པའི་སྤྱི་འཐུས་དེ་ཚོ་བདམས་རྗེས་བརྒྱ་ཆ་དེ་མེད་པ་བཟོས་པ་རེད། ད་ཐེངས་དགོངས་པ་ཞུ་མཁན་དེ་སྐབས་བཅོ་ལྔ་པའི་སྤྱི་འཐུས་དང་འབྲེལ་བ་ཡོད་སྟབས་། སྐབས་བཅོ་ལྔ་པའི་སྤྱི་འཐུས་ལ་བསླེབ་རྒྱུར་བརྒྱ་ཆ་དེ་ལོན་དགོས་ཀྱི་ཡོད་པ་ རེད་ཟེར། ཡང་ཐེངས་འདིའི་བར་མའི་འོས་བསྡུ་ལ་བརྒྱ་ཆ་ལོངས་དགོས་པའི་ཆ་རྐྱེན་གང་ཡང་ཡོད་ པ་མ་རེད། གང་ཡིན་ཟེར་ན་སྐབས་བཅོ་ལྔ་པའི་སྤྱི་འཐུས་ལྷན་ཚོགས་ཀྱིས་ཐག་གཅོད་གནང་ཚར་བ་ རེད། ཐེངས་འདིར་བརྒྱ་ཆ་དགོས་ཀྱི་མེད་དུས་འོས་ཤོག་མང་ཤོས་ཐོབ་མཁན་རྩེ་ཏོག་བྱ་ རྒྱུ་ཡིན་ཞེས་འབྲེལ་བརྗོབ་བྱས་ཡོད། དེ་ལྟར་ན། དགོངས་པ་ཞུས་པའི་སྤྱི་འཐུས་དང་། གདམ་བྱའི་སྤྱི་འཐུས་དེ་སྐབས་བཅོ་ལང་བའི་འཐུས་མི་ཡིན་པ་གཅིག་མཚུངས་ཡིན་ཡང། སྒུག་ཐོ་ལས་བདམས་ན་བརྒྱ་ཆ་ལོངས་དགོས་པ་དང་། བར་མའི་འོས་བསྡུ་ལ་བརྒྱ་ཆ་ལོངས་མི་དགོས་པ་དེ་འགལ་ཟླར་གྱུར་ཡོད། སྐབས་བཅོ་ལྔ་བའི་མདོ་སྨད་སྤྱི་འཐུས་འོས་འདེམས་ཀྱི་མཇུག་འབྲས་སྒུག་ཐོ་ལྟར་ན་ དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་ཟུར་བ་ཀླུ་མཁར་བྱམས་ཐོན་ཡོད་པ་ རེད་འདུག
གསར་འགོད་པ་སྟག་ལྷ་རྒྱལ།

ཉིན་མ་རྟག་པར་གསར་འགྱུར་བརྒྱུད་ལམ་ཁག་ན་ཁ་བརྡར་ཏེ་སོ་སོ་ཁྱབ་བསྒྲགས་ཡོང་ཐབས་ལ་ཐབས་ཤེས་འདྲ་མིན་སྣ་ཚོགས་འཐེན་བཞིན་པ་དེ་སྤྱི་འཐུས་ནང་འདེམས་ན་ཆོ་ཡོད་པ་མ་རེད་ཟེར་བ་དེ་བདེན་པ་རེད། མི་འདི་དག་ལ་ཤེས་འཇོན་ལྷག་བསམ་གྱི་དྲི་ཙམ་ཡང་བྲོ་བ་མ་རེད། སྤྱི་ཚོགས་ནང་རྙོག་གླེང་བཟོས་ཏེ་ཆོལ་ཁ་ཆོས་ལུགས་རྙོག་དྲ་བཟོ་རྒྱུ་དང་སོ་སོའི་མིང་དྲག་དང་ཁེ་ཕན་ཐོག་ཤི་འཐམ་བྱེད་མཁན་རྐྱང་ཡིན་པ་རེད།

མདོ་སྨད་མི་མང་ནས་ད་བར་དུ་སྤྱི་འཐུས་དེ་ཚོ་མང་ཆེ་བ་ཧ་ལས་པའི་ཡག་པོ་རེད། ད་ཐེངས་ཡིན་ན་ཡང་ཕྱོགས་ཡོངས་ནས་དྲང་པོར་གཟིགས་ནས་འོས་བླུགས་རོགས་གནོངས། བདག་གིས་ཕྱོགས་ཞེན་དེ་འདྲ་རྩ་བ་ཉིད་ནས་མིན། འོས་མི་ཁ་ཤས་ཚང་མའི་སྤྱན་ལམ་དུ་ཕུལ་གྱི་ཡིན། བཀའ་བསྒྱུར་བ་པོ་ རེ་མདོའི་སེང་གེ ཆབ་སྲིད་བཙོན་ཟུར་དགེ་བཤེས་བློ་བཟང་དཔལ་ལྡན། ནོར་གླིང་མཐོ་སློབ་ཀྱི་སློབ་དཔོན་ལྷ་ལུང་རྒྱལ། འདི་གསུམ་གང་རུང་ཞིག་བླུགས་ཐུབ་ན་འོས་ཤིང་མཚམས་པ་རེད།

༼སྒུག་ཐོ་མེད་ན་བཅའ་ཁྲིམས་དོན་ཚན་ ༥༧ ནང་སྤྱི་འཐུས་ཡིན་བཞིན་པ་ཞིག་སྤྱི་འཐུས་ལས་ཐོག་སྐབས་དགོངས་པ་ཞུས་ན་དེར་སྒུག་ཐོ་མེད་ཚེ་ཉིན་ ༡༨༠ ཡི་ནང་ལོགས་ལ་དེའི་ཚབ་གསར་འོས་འདེམས་བྱས་ཚར་དགོས་ཡོད་ཅེས་གསལ་ཡོད་པ་རེད།༽

༼འོན་ཀྱང་། འོས་བསྡུའི་སྒྲིག་གཞིའི་དོན་ཚན་ ༥༡ པའི་ནང་གསེས་ ༢ པའི་ནང་སྤྱི་འཐུས་ལས་རྒྱུན་གྱི་རིང་ལ་ས་མིག་སྟོང་པ་ཐོན་ན་བར་མའི་འོས་བསྡུ་མ་དགོས་པར་སྒུག་ཐོ་ནས་བསྐོ་བཞག་བྱ་རྒྱུ་ཞེས་པ་ཞིག་ཡོད་པ་རེད། ༽ ཞེས་གསུངས་འདུག

བཅའ་ཁྲིམས་དང་འོས་བསྡུའི་སྒྲིག་གཞིའི་ཐད་མ་འདྲ་བ་ཆགས་སྲོལ་ཞིག་ཡོད་མ་རེད། སྒྲིགས་གཞི་གང་ཡིན་བཅའ་ཁྲིམས་ཀྱི་དོན་ཚན་གང་རུང་གི་ཆ་རྐྱེན་འོག་གཏན་འབེབས་བྱེད་དགོས་པས་བཅའ་ཁྲིམས་ལ་འགྱུར་བ་སོང་ན་སྒྲིག་གཞིར་རང་བཞིན་གྱིས་འགྱུར་བ་འགྲོ་དགོས་པ་ཁྲིམས་ཀྱི་འགྲོ་སྟངས་རེད། འགྲེལ་བཤད་འདི་ནི་མི་མང་ལ་མགོ་རྙོག་བཟོ་བྱེད་ཅིག་རེད།

སྐབས་བཅོ་ལྔ་བའི་སྤྱི་འཐུས་ལ་བརྒྱ་ཆ་ལོངས་དགོས་པ་རེད་ཀྱང་། བར་མའི་འོས་བསྡུ་ལ་བརྒྱ་ཆ་ལོངས་མ་ལོངས་ཀྱི་སྐད་ཆ་མེད་པར་རྩེ་བཏོག་བྱེད་ཀི་རེད་ཟེར་བ་འོས་བསྡུ་ལྷན་ཁང་གི་དམིགས་གསལ་སྐུ་དབང་ཡིན་ན་མ་གཏོགས་ཁྲིམས་མཐུན་མ་རེད།

གྲོས་ཚོགས་འཚོགས་ཐེངས་བཞི་ཙམ་ལས་ལྷག་མེད་པས་མདོ་སྨད་སྤྱི་འཐུས་ཤིག་མི་དགོས་པ་བྱེད་མིན་མདོ་སྨད་མི་མང་རང་ལག་ཏུ་ཡོད་པ་མ་གཏོགས་སོགས་གསུངས་པ་འདི་ཡང་། གྲོས་ཚོགས་ཀྱི་ལམ་ལུགས་ནང་”ལག་པ་གཅིག་གིས་སྲིད་ལུགས་བསྒྱུར་”ཟེར་བ་དེ་མི་མང་འཐུས་མིའི་ཆེ་མཐོང་དང་། སྟོབས་ཤུགས། བོད་ཀྱི་སྲིད་ཇུས་སོགས་ཀྱང་འཐུས་མི་གྲངས་ཚང་གིས་ཐག་གཅོད་བྱེད་ཀྱི་ཡོད་པ་ལ་འབྲེལ་ཆེ་བས་བསམ་བློ་ཆེ་ཙམ་གཏོང་དགོས་འཁེལ་གྱི་རེད་མ་གཏོགས་དེང་གི་མདོ་སྨད་རྒྱུན་ལས་ལྟ་བུས་ཐག་གཅོད་འཇོན་པ་ཞིག་ཁག་པོ་རེད།

འོས་མིའི་ཐད་ནས། སྤྱི་འཐུས་གྲོས་ཚོགས་ནང་ད་བར་དུ་མདོ་སྨད་སྤྱི་འཐུས་མང་དག་ཅིག་གིས་ཞལ་སྒོ་མི་ཕྱེས་པ་དང་། བྱིས་པ་དག་ཡིག་རེ་སྐྱོར་བ། རྡ་ས་གཡས་གཡོན་དུ་མགོ་ཐོགས་ཚད་ལ་བསམ་བློ་ཡོད་པའི་ཆབ་སྲིད་ཀྱི་སྐོར་གྱི་རང་གི་བསམ་ཚུལ་རེ་གསུངས་པ་ལས། དབུས་བོད་མིའི་སྒྲིག་འཛུགས་ཀྱི་འཛིན་སྐྱོང་གནས་བབ་དང་། རྩིས་བཤེར། ལས་གཞི་འཆར་འགོད་སོགས་ལ་ཆ་ཤས་བཞེས་ཐུབ་མེད་པ་མ་ཟད། གནས་ཡུལ་རྒྱལ་ཁབ་ཀྱི་མི་སྣ་ཆེ་དྲག་ཅིག་ལ་རང་སྐྱ་ཐུབ་པའི་འབྲེལ་ལམ་ཡང་འཇོག་གནང་མེད་པས། ཡོང་འགྱུར་གྱི་སྤྱི་འཐུས་ནི་གོང་གི་དེ་དག་ངེས་པར་མཁྱེན་མཁན་ཞིག་དང་འཇོན་མཁན་ཞིག་ཅིས་ཀྱང་གལ་ཆེ་ལ་དོན་ཡང་ཆེ་བར་འདོད། དེ་མིན་མི་ཤ་ཆེ་ཀོ་མཐུག་ཅིག་གིས་ཕན་ཐོགས་ཅི་ཡང་ཡོད་པ་རེད་ལ། མགོ་ཐོགས་ཚུལ་ལ་རང་རང་སར་ཡོད་པའི་བསམ་ཚུལ་དེ་འདྲ་བཤད་མཁན་ཡང་དགོས་མཁོ་ཡོད་མ་རེད་བསམ། འདི་བསམ་ཚུལ་ཡིན།

གོང་ས་མཆོག་ལ་དངོས་ཤུགས་བརྒྱུད་གསུམ་ནས་ངོ་རྒོལ་བྱེད་མཁན་ཀླུ་མཁར་བྱམས་ལྟ་བུ་མདོ་སྨད་སྤྱི་འཐུས་ལ་བསྐོ་བཞག་གནང་ན་བཀའ་བརྒྱུད་སྤྱི་འཐུས་ཀརྨ་ཆོས་འཕེལ་གྱི་དཀའ་ངལ་རྣམས་རོ་ལང་རྒྱག་རྒྱུ་ཉག་ཅིག་རེད།

བློ་བཟང་དོན་ལྡན་ལགས་ཀྱིས་ཚིག་ཉུང་དོ་འདུ་བའི་སྐད་ཅ་ཧ་ཅང་རྩ་བ་ཆེན་པོ་ཞིག་གསུངས་འདུག དངོས་ནས་དྲང་གནས་བདེན་པ་བདེན་རྐྱང་རེད། ནམ་རྒྱུན་གསར་འགྱུར་བརྒྱུད་ལམ་ཁག་ཏུ་འཐོན་ཏེ་བཤད་རྒྱུ་མེད་རུང་ཡོད་ཁུལ་བྱས་ཏེ་བཙུར་གྱི་ཡོད་པ་དང་མི་མང་ཚོགས་ས་འཛོམས་ས་ཁག་ཏུ་གོ་སྐབས་ཨེ་རེག་ལ་བལྟ་སྡོད་མཁན་དེ་ཚོའི་ཀུན་སློང་སྐྱུག་བྲོ་བོ་རྐྱང་ཆགས་འདུག

ནམ་རྒྱུན་ལྷ་མོ་སྐྱབས་ཀྱི་གཏམ་ལ་རིན་ཐང་ལྟ་བཞིན་མེད་ཀྱང་དེ་རིང་དྲི་བ་གནད་དུ་འཁེལ་བ་ཞིག་དང་དགོངས་ཚུལ་གནད་དུ་འཁེལ་བ་ཞིག་གསུང་འདུག གད་མོ་བྲོ་བ་ཞིག་ལ་སྒུག་ཐོ་དེ་སྐབས་བཅོ་ལྔ་དང་འབྲེལ་བས་བརྒྱ་ཆ་ལངས་དགོས་ན་གདམ་འབྱུར་གྱི་སྤྱི་འཐུས་དེ་ཡང་སྐབས་བཅོ་ལྔ་པའི་སྤྱི་འཐུས་ཡིན་པས་དེ་ལ་བརྒྱ་ཆ་ལོང་མི་དགོས་པ་ཅི་ཡིན་ནམ། དྲི་བ་གཉིས་པའི་ལན་དང་དྲི་བ་ཐ་མའི་ལན་གཉིས་ཀྱི་ནང་འགལ་ལ་དྲ་གྲོགས་ཚོས་ཞིབ་ཏུ་གཟིགས་དང་ཁྲིམས་དང་སྒྲིག་ལམ་ལ་ལྟོས་འདུག་གམ་ཡང་ན་གང་ཟག་ལ་ལྟོས་འདུག རེ་བ་ཞིག་ལ་ཧིན་སྒོར་འབུམ་༢༡་གཙང་པོའི་ནང་དུ་མ་གཡུག་པར་སྒུག་ཐོ་ནང་དུ་ཡོད་པའི་མི་དེ་སྤྱི་འཐུས་སུ་བསྐོ་རོགས་ཞུ་རྒྱུ་ཡིན།

དོགས་འདྲི་ཞིག
སྐབས་བཅོ་ལྔ་པས་བརྒྱ་ཆའི་༣༣་ལོངས་མི་དགོས་པ་བཟོས་པ་དང་། བར་འདེམས་ལ་རྩེ་བཏོགས་ཀྱིས་ལེན་ཆོག་ན། སྐབས་བཅོ་ལྔ་བའི་བདམས་ཐོའི་ནང་གི་སུ་མཐོ་བ་དེ་ལེན་མི་ཆོག་པའི་རྒྱུ་མཚན་ཅི།
“སྐབས་བཅོ་ལྔ་པའི་སྤྱི་འཐུས་འོས་བསྡུའི་སྐབས་སྤྱི་འཐུས་འཐོབ་རྒྱུར་བརྒྱ་ཆ་ ༣༣ དགོས་ཀྱི་ཡོད་པ་རེད། སྐབས་བཅོ་ལྔ་པའི་སྤྱི་འཐུས་བདམས་ཚར་རྗེས་བརྒྱ་ཆ་དེ་མེད་པ་བཟོས་པ་རེད། སྤྱི་འཐུས་ལ་ཐོབ་མེད་ནའང་ཐོ་དེ་འདྲ་ཡོད་ན་བསྐོ་བཞག་བྱས་ན་འགྲིག་གི་མེད་འགྲོ་བསམ་ནས་བཀའ་འདྲི་ཞུས་དུས་དེ་འགྲིག་གི་མི་འདུག དེ་འགྲིག་གི་མེད་པར་བརྟེན་བར་མའི་འོས་བསྡུ་བྱ་དགོས་བྱུང་བ་རེད།” འདི་སྟབས་བདེ་རུ་བཟོས་པ་རེད་དམ་ཁག་ཏུ་བཏང་བ་རེད།

ང་རང་གིས་འོས་མི་ནི་ཀླུ་མཁར་བྱམས་རང་ལ་ཡིན། དེ་ལ་ཕྱིར་ནུར་མེད་ལགས་དཀོན་མཆོག་གསུམ།

ཧ་ཅང་གནད་འགག་གི་དུས་ཚོད་ཅིག་ལ་བོད་ཀྱི་དུས་བབ་གསར་ཁང་གིས་བཅར་འདྲི་གལ་ཆེན་པོ་ཞིག་བྱས་འདུག སྤྱི་ཚོགས་ནང་གླེང་སློང་དང་མོག་ཉོག་པོ་ཚང་མ་ཞི་འཇགས་བཟོས་སོང་། འོས་བབ་མེད་པའི་མི་མང་པོ་ཞིག་གིས་སྤྱི་འཐུས་གཅིག་གི་རྐུབ་སྟེགས་དེ་ཧབ་ཐོབ་རྒྱག་གི་ཡོད་པ་རེད།

ང་ལ་མདོ་སྨད་སྤྱི་འཐུས་འོས་མི་གཉིས་ཡོད།
སྤྱི་ཟུར་གསེར་རྟ་ཚུལ་ཁྲིམས་འོད་ཟེར་དང་ཨ་ཚོགས་ཀླུ་མཁར་བྱམས་གཉིས་ཡིན།