དེང་
ཟླ་འགའི་གོང་ནས་ཡུ་རོབ་སྦེལ་ལྗམ་ནང་བོད་མི་སྐྱབས་བཅོལ་བ་མང་པོ་ཞིག་ལ་ཡིག་ཆ་མ་རག་པ་དང་ཡིག་ཆ་ནག་པོ་ཆགས་པ་སོགས་ཀྱི་དཀའ་ངལ་འཕྲད་བཞིན་ཡོད་པ་དང་། ཟླ་འདིའི་ཚེས་ ༢༥ ཉིན་སྤེལ་ལྗམ་བོད་རིགས་ཚོགས་པའི་གོ་སྒྲིག་འོག་རྒྱལ་ས་སྦར་སིལ་དུ། ཡིག་ཆའི་དཀའ་ངལ་སྐོར་ལ་ཚོགས་འདུ་ཞིག་ཚོགས་ཡོད་ཅིང་། ཚོགས་འདུའི་སྟེང་སྦར་སིལ་སྐུ་ཚབ་དོན་གཅོད་དངོས་གྲུབ་རྡོ་རྗེ་མཆོག་དང་ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་བཅས་ཕེབས་ཡོད་འདུག དེ་མིན། ཡིག་ཆ་ནག་པོ་ཆགས་མཁན་དང་དྲི་བ་གཉིས་བ་ཡོང་རྒྱུ་ལྷག་ཡོད་པ་བཅས་མི་ ༢༠༠ ཙམ་འདུ་འཛོམས་བྱུང་བའི་ཐོག་སྐུ་ཚབ་དོན་གཅོད་མཆོག་གིས་གསལ་བཤད་ལམ་སྟོན་བཅས་གནང་ཡོད་འདུག
མཇུག་ཏུ་མང་ཚོགས་ཀྱིས་བོད་མི་མང་སྤྱི་འཐུས་ལྷན་ཚོགས་ལ་སྙན་ཞུ་ཞིག་ཕུལ་ཏེ་སྦེལ་ལྗམ་གཞུང་གིས། བོད་མི་ཚོས་སྐྱབས་བཅོལ་དང་པོ་རྒྱ་གར་ནང་ཞུས་ཡོད་སྟབས་སྐྱབས་བཅོལ་གཉིས་པ་ཞུ་མི་ཆོག་པ་དང་། རྒྱ་གར་ནང་བོད་མི་རྣམས་བདེ་འཇགས་དང་རང་དབང་ཚད་ལྡན་ཡོད་པ། (R.C)དང་(I.C)ཡི་ཐོག་ནས་འཚོ་གནས་ཐོབ་ཐང་འདྲ་མཉམ་དང་འགྲོ་སྐྱོད་རང་དབང་ཡོད་པ། བོད་པ་ཚོ་སྦེལ་ལྗམ་ནང་ཡོང་དོན་དུ་དཔལ་འབྱོར་གྱི་ཆེད་ཡིན་པ། སྦེལ་ལྗམ་གཞུང་འབྲེལ་མི་སྣར་བོད་མིའི་སྒྲིག་འཛུགས་ཀྱི་འབྲེལ་ཡོད་ནས་རྒྱ་གར་ནང་ཡོད་པའི་བོད་མི་ཚོར་དཀའ་ངལ་མེད་སྐོར་བརྗོད་ཡོད་ཚུལ་སོགས་ཀྱི་རྒྱུ་མཚན་བགྲང་སྟེ་བོད་པ་ཚོར་ཡིག་ཆ་ནག་པོ་སྤྲོད་བཞིན་ཡོད་སྟབས། བོད་མི་མང་སྤྱི་འཐུས་ལྷན་ཁང་ནས་སྦེལ་ལྗམ་གཞུང་ལ་འབྲེལ་བ་ཞུས་ཏེ་དཀའ་ངལ་དེ་དག་སེལ་ཐབས་ལ་རོགས་མགོན་གནང་དགོས་པའི་འབོད་སྐུལ་ཞུས་འདུག
ཕྱི་ཚེས་ ༢༨ ཉིན་འདི་གས་གསར་འགོད་པ་བཀའ་ཤག་ཏུ་བཅར་ཏེ་བཀའ་དྲུང་གཡུ་ཐོག་ཀརྨ་དགེ་ལེགས་མཆོག་ལ་གོང་གསལ་གནད་དོན་སྐོར་ལ་བཀའ་འདྲི་ཞུ་རྒྱུ་ཡིན་སྐོར་ཞུས་པར་ཁོང་ལ་དུས་ཚོད་མེད་ཚུལ་གསུངས་སྟབས། བོད་མི་མང་སྤྱི་འཐུས་ལྷན་ཁང་དུ་བཅར་ཏེ། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ལ། སྦེལ་ལྗམ་བོད་མིའི་དཀའ་ངལ་སྐོར་སེལ་ཐབས་གང་འདྲ་གནང་གི་ཡོད་མེད་བཀའ་འདྲི་ཞུས་པར་ཁོང་གིས། “ ༢༠༡༣ ལོའི་ཕྱི་ཟླ་ ༡༠ ནང་ཚོགས་གཙོས་སྣེ་ཁྲིད་པའི་སྤྱི་འཐུས་ ༥ ཡུ་རོབ་ཏུ་ཕྱིན་སྐབས། སྦེལ་ལྗམ་དང་སུད་སིའི་སྐུ་ཚབ་གཟིགས་སྐོར་དུ་ཕེབས་པའི་གནས་ཚུལ་དེ་གོ་ཐོས་བྱུང་བ་མ་གཏོགས་ཚོགས་གཙོ་ཐུག་རྒྱུ་མ་བྱུང་ལ། བོད་མི་མང་སྤྱི་འཐུས་ལྷན་ཚོགས་དང་ཡང་ཐད་ཀར་འབྲེལ་བ་བྱུང་མེད་སྟབས། སྤྱི་འཐུས་ཀྱི་ངོས་ནས་འདི་ཞུས་ཡིན་དེ་ཞུས་མེད་ཟེར་ནས་ཞུ་རྒྱུ་གང་ཡང་ཡོད་པ་མ་རེད། ང་ཚོ་སྦེལ་ལྗམ་དུ་ཕྱིན་སྐབས་ད་ལྟའི་དཀའ་རྙོག་དེ་སྦེལ་ལྗམ་ཙམ་མིན་པར་ཧོ་ལན་ཌིའི་བོད་མི་སྐྱབས་བཅོལ་བ་ ༨༠ ཙམ་ལའང་ཡིག་ཆའི་དཀའ་ངལ་འཕྲད་འདུག་སྟབས། སྐབས་དེར་ང་ཚོ་ཁྲིམས་རྩོད་པ་དང་ཐུག་པའི་གོ་སྐབས་བྱུང་སོང་ལ། ཧོ་ལན་ཌི་བོད་རིགས་ཚོགས་པའི་སྙན་ཞུའི་ནང་གསལ་ལྟར། སྐབས་དེར་ང་ཚོས་ཧོ་ལན་ཌི་སྲིད་གཞུང་ལའང་སྙན་ཞུ་ཞིག་ཕུལ་བ་ཡིན། ཡིན་ནའང་། ཧོ་ལན་ཌི་སྲིད་གཞུང་གིས་སྐྱབས་བཅོལ་གནད་དོན་ཐོག་མཉམ་འབྲེལ་རྒྱལ་ཚོགས་ཀྱིས་གཏན་འབེབས་གནང་བའི་ཡིག་ཆའི་ནང་དོན་ལྟར་མ་གཏོགས་བྱེད་ཐུབ་པ་མ་རེད་ཅེས་ཚུར་གསལ་བཤད་གནང་སོང་། ”ཞེས་གསུངས་སོང་།
ཁོང་གིས་མུ་མཐུད་དུ། “ང་ཚོ་བོད་མི་སྐྱབས་བཅོལ་བ་ཚོར་སྐྱབས་བཅོལ་ཐོབ་ཐང་སྤྲོད་དང་མི་སྤྲོད་ཟེར་བ་དེ་ཁོ་རང་ཚོས་རྟོག་ཞིབ་བྱས་པའི་ཡིག་ཆ་དེ་ཚོ་གཞིར་བཞག་ནས་ཚུར་བཤད་ཡོང་གི་ཡོད་སྟབས། ཡིན་པ་ཡིན་པ་དང་མ་ཡིན་པ་མ་ཡིན་པ་དེ་ང་ཚོས་ཁྲིམས་རྩོད་པ་བརྒྱུད་ནས་ཕར་འགྲེལ་བཤད་བརྒྱབ་སྟེ། ཁོ་ཚོས་ཡིད་ཆེས་རྙེད་ཐུབ་པ་བཟོ་དགོས་བ་དེ་ཧ་ཅང་གལ་ཆེན་པོ་ཆགས་ཡོད་སྟབས། ད་ལྟ་སྐུ་ཚབ་དོན་གཅོད་དང་ས་གནས་བོད་རིགས་ཚོགས་པའི་ངོས་ནས་ཁྲིམས་རྩོད་པ་གླས་ནས་གྲ་སྒྲིག་གནང་གི་འདུག གལ་སྲིད་བོད་མི་མང་སྤྱི་འཐུས་ཀྱི་སྐུ་ཚབ་དང་ཡང་ན་ཚོགས་གཙོ་ཕར་ཕྱིན་ཏེ་དཀའ་ངལ་སེལ་ཐུབ་པའི་རེ་བ་དེ་འདྲ་ཡོད་པ་ཡིན་ན། སྐུ་ཚབ་དོན་གཅོད་དང་བོད་རིགས་ཚོགས་པས་ཚུར་གསུང་ཡོང་གི་རེད་ལ། དེ་དུས་ང་ཚོ་ཕར་བཅར་དགོས་པའི་གནས་སྟངས་ཤིག་རང་བཞིན་གྱིས་ཆགས་ཀྱི་ཡོད་པ་རེད། གནད་དོན་འདིའི་ཐད་ཚོགས་གཙོ་དང་སྲིད་སྐྱོང་མཆོག་བཀའ་མོལ་གནང་རྒྱུ་མ་བྱུང་ཡང་། ཉེ་སྔོན་སྲིད་སྐྱོང་མཆོག་དང་སྤྱི་འཐུས་ཚོགས་གཞོན་རྣམ་པ་གཉིས་ཀྱིས་བཀའ་བསྡུར་གནང་འདུག ངས་གོ་བ་ལྟར་ན། འཛིན་སྐྱོང་བཀའ་ཤག་ནས་དོན་གཅོད་ལ་དཀའ་ངལ་སེལ་ཐབས་གནང་དགོས་པའི་བཀའ་མངགས་གནང་འདུག ”ཅེས་གསུངས་སོང་།
ཉེ་ལམ་ཚོགས་གཙོ་མཆོག་སྦེལ་ལྗམ་ནང་ཕེབས་སྐབས་གཞུང་འབྲེལ་མི་སྣ་དེ་ཚོར་བཀའ་མོལ་གང་འདྲ་གནང་ཡོད་མེད་དྲིས་པར། “ང་ཚོ་སྤྱི་འཐུས་རྣམས་ཡུ་རོབ་ཏུ་ཕྱིན་སྐབས་ཡུ་རོབ་གྲོས་ཚོགས་དང་སྦེལ་ལྗམ་གྱི་གྲོས་ཚོགས་གོང་མའི་ཚོགས་གཙོ་དང་གྲོས་ཚོགས་འཐུས་མི་ཁག་ཅིག་ལ་མཇལ་ཡོད་པ་རེད་མ་གཏོགས། སྦེལ་ལྗམ་གཞུང་གི་འཛིན་སྐྱོང་མི་སྣ་དང་མཇལ་པའི་གོ་སྐབས་བྱུང་ཡོད་པ་མ་རེད། དེ་ལས་རིམ་ནང་དུའང་ཡོད་པ་མ་རེད། གྲོས་ཚོགས་ཀྱི་ཚོགས་གཙོ་སོགས་མཇལ་སྐབས་ང་ཚོས་གཙོ་བོ་བོད་ནང་གི་ཛ་དྲག་གནས་སྟངས་ཐོག་ཞུ་གཏུག་བྱས་པ་རེད། དེང་སང་ང་ཚོའི་སྤྱི་ཚོགས་ནང་ཡིག་ཆ་ནག་པོ་ཆགས་པའི་རྒྱུ་རྐྱེན་བོད་མིའི་སྒྲིག་འཛུགས་ཀྱི་གནད་ཡོད་མི་སྣས་བཟོས་བ་དང་། དེའི་ནང་ནས་ཀྱང་སྤྱི་འཐུས་ཚོགས་གཙོ་དང་ནང་སྲིད་བཀའ་བློན་མཆོག་གིས་བཟོས་བ་རེད་ཟེར་བ་སོགས་ཀྱི་དཀྲོག་གཏམ་མང་པོ་ཞིག་སྤེལ་བཞིན་ཡོད་པ་རེད། ང་རང་སྒེར་ལ་མཚོན་ན། དཀྲོག་གཏམ་དེ་ཞེ་དྲག་ཅིག་ཏུ་རྩི་ཡི་མེད་ཀྱང་། དེང་སང་ང་ཚོའི་སྤྱི་ཚོགས་ནང་དཀྲོག་གཏམ་མང་པོ་སྤེལ་ཏེ་མི་ཁ་ཤས་ནག་པོ་བཟོ་ཐབས་དང་བོད་མིའི་སྒྲིག་འཛུགས་ལ་མཐོང་བརླག་ཏུ་འཇུག་པའི་གནས་ཚུལ་ཡོང་གི་འདུག་སྟབས། ད་རེབ་སྦེལ་ལྗམ་ནང་གི་གནད་དོན་གཅིག་པུ་མ་རེད། སྐད་འཕྲིན་སོགས་སྤྱི་ཚོགས་དྲ་བ་ཁག་ནས་མ་འོངས་པར་ཡང་དེ་འདྲའི་རིགས་མང་པོ་སྤེལ་སྲིད་པས། དེ་འདྲའི་རིགས་བྱུང་བའི་སྐབས་སུ་བརྒྱུད་ལམ་ཁག་གིས་འབྲེལ་ཡོད་མི་སྣར་སྐད་ཆ་དྲིས་ཏེ། གནས་ཚུལ་དེ་བྱུང་ཡོད་དང་མེད་གསལ་བོ་མ་ཆགས་ཀྱི་བར་དུ་སྤྱི་ཚོགས་ཐོག་མ་བཀྲམ་ན་ཡག་པོ་ཡོད་པ་རེད། དེ་མིན་ང་ཚོའི་སྤྱི་ཚོགས་འདི་དཀྲོག་གཏམ་གྱི་སྤྱི་ཚོགས་ཤིག་ཆགས་ཏེ། ང་ཚོའི་མཐུན་སྒྲིལ་གྱི་ནུས་པར་གྱོང་གུད་ཆེན་པོ་ཕོག་རྒྱུ་ཡིན་པ་གདོན་མི་ཟ་བ་ཞིག་རེད། ”ཅེས་གསུངས་སོང་།
ནང་སྲིད་བཀའ་བློན་རྒྱ་རི་མཆོག་ལྡི་ལིར་གཞུང་འབྲེལ་ཕྱོགས་སྐྱོད་གནང་གི་ཡོད་སྟབས། གསར་འགོད་པས་ཁ་པར་བརྒྱུད་བཀའ་བློན་རྒྱ་རི་སྒྲོལ་མ་མཆོག་ལ། སྔ་ལོར་སྦེལ་ལྗམ་དང་སུད་སིའི་སྐུ་ཚབ་དྷ་སར་འབྱོར་སྐབས་ཕྱོགས་གཉིས་བར་བཀའ་མོལ་གནང་འདྲ་བྱུང་ཡོད་མེད་བཀའ་འདྲི་ཞུས་པར་ཁོང་མོས། “ སྐུ་ཚབ་ཚོགས་པ་དེར་ཐུག་ཡོད་དང་མེད་ང་ལ་གསལ་བོ་བྱས་ནས་བཤད་རྒྱུ་མེད། ཡིན་ནའང་། གསལ་བོ་བྱས་ནས་ག་རེ་ཞུ་ཐུབ་ཀྱི་ཡོད་ལབ་ན། བརྒྱ་ཆ་བརྒྱ་ཕར་ཕྱོགས་སུ་ཡོད་པའི་བོད་མི་ཚོར་གནོད་པ་ཅིག་བཤད་ཡོད་པ་རེད་བསམ་པ་རྩ་བ་ཉིད་ནས་མེད། ༧རྒྱལ་བ་ཡིད་བཞིན་ནོར་བུའི་བཀའ་དྲིན་ལ་བརྟེན་ནས་ང་ཚོ་བོད་པ་གང་དུ་ཕྱིན་ཡང་ བདེན་པ་བདེན་དྲང་ག་ཚོད་ཆགས་ཡོད་ན་མེད་ན། གང་ལྟར་བོད་ནང་གི་ཛ་དྲག་གནས་སྟངས་གཙོ་བོར་བཟུང་ནས་ཚང་མར་རོགས་སྐྱོར་གནང་གི་འདུག་ལ། དེ་ཚོའི་ཐོག་ས་གནས་གང་དུ་འབྲེལ་ཡོད་མི་སྣ་སུ་ཞིག་ལ་ཐུག་པ་དང་། ཡང་ན་ཚུར་ཡོང་མཁན་སུ་ཞིག་ཡོད་ནའང་ཚང་མར་རོགས་སྐྱོར་གནང་བར་ཐུགས་རྗེ་ཆེ། མུ་མཐུད་དུ་རོགས་སྐྱོར་གནང་རོགས་ཞེས་ཞུས་པ་མ་གཏོགས། རོགས་སྐྱོར་དགོས་ཀྱི་མི་འདུག་ཞུས་པ་དང་གནོད་པའི་སྐད་ཆ་ཞིག་བཤད་མྱོང་མེད།”ཅེས་གསུངས་སོང་།
ཁོང་མོས་མུ་མཐུད་དུ། “ན་ནིང་ཕྱི་ཟླ་ ༨ པའི་ནང་ང་སྦེལ་ལྗམ་དུ་ཕྱིན་པ་ཡིན། སྐབས་དེར་གཙོ་བོ་ནང་སྲིད་ལས་ཁུངས་ཀྱི་པན་ཌོ་(Pandoh) གཞིས་ཆགས་ཀྱི་དོན་དག་ཆེད་ཕྱིན་སྟབས། སྦེལ་ཇམ་གཞུང་གི་གནད་ཡོད་མི་སྣ་ལ་ཐུག་དགོས་པའི་གནས་ཚུལ་དམིགས་བསལ་བྱུང་མེད་ལ། དུས་ཚོད་ཀྱི་ཆ་ནས་ཀྱང་བྱུང་མ་སོང་། ཕྱི་ནང་གང་ཡིན་ཡང་སྐད་ཆ་ག་རེ་ཡོད་ལབ་ན། ང་ཚོ་མི་གཅིག་གཉིས་ཤིག་ལ་གཅིག་བྱས་པ་རེད། གཉིས་བྱས་པ་རེད་ཟེར་ནས་བཤད་པ་དེར། སྤྱིར་བཏང་ང་རང་ལ་དག་ཕུད་བྱེད་པའི་འདོད་པ་གང་ཡང་མེད། གང་ཡིན་ཟེར་ན། གལ་ཆེ་ཤོས་དེ་ད་ལྟ་ཕར་ཕྱོགས་ན་དཀའ་ངལ་འཕྲད་ཡོད་པའི་བོད་མི་ཚོའི་དཀའ་ངལ་སེལ་ཐབས་ལ་ག་རེ་བྱེད་རྒྱུ་འདུག དེ་ལ་ང་ཚོ་ཚང་མས་རྡོག་གཅིག་ཏུ་སྒྲིལ་དགོས་པ་རེད། ད་རེབ་ཀྱི་གནད་དོན་འདིའི་ཐོག་ནས་ཞུ་དགོས་པ་ཞིག་ལ། རྒྱ་གཞུང་གིས་བོད་ནང་དྲང་བདེན་མེད་པའི་སྲིད་བྱུས་སྤེལ་བཞིན་པའི་རྐྱེན་གྱིས་ང་ཚོ་རང་བཞིན་གྱིས་མིའི་ལུང་པར་སྐྱབས་བཅོལ་བྱས་ནས་བསླེབས་བསྡད་ཡོད་སྟབས། གནས་སྟངས་དེ་རང་གི་ཐོག་ནས་འབྲེལ་ཡོད་སུ་ལ་ཞུ་དགོས་ཀྱི་ཡོད་ནའང་ཞུ་རྒྱུ་དེ་གལ་ཆེན་པོ་རེད་དྲན་གྱི་འདུག ”ཅེས་གསུངས་སོང་།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཁ་བཤད་རྒྱུ་ལས་ད་ལྟ་བར་དུ་ལག་ལེན་ག་རེ་བྱུང་ཡོག་རེད།
འདིར་དྲ་ཀློག་པ་མང་པོ་ཞིག་གིས་དགོངས་ཚུལ་གསུང་འདུག མི་རེ་ངོས་ནས་དགོངས་ཚུལ་རེ་གསུངས་ཡོད་པ་ལས་མཐའ་གཅིག་ཏུ་འདི་ལྟར་རེད་ཅེས་གསུང་ཐུབ་མཁན་ནི་ཁག་པོ་རེད། གང་ལྟར་དེང་སྐབས་སྦེལ་རྗམ་དུ་བོད་མིར་སྐྱབས་བཅོལ་མ་རག་པའི་དཀའ་ངལ་འཕྲད་བཞིན་པ་དངོས་ཡོད་རེད། ཡིན་ན་ཡང་དཀའ་ངལ་འཕྲད་པའི་རྒྱུ་རྐྱེན་ནི་སུ་གཅིག་གིས་ཀྱང་གཏན་ཁེལ་བ་བཤད་ཁག་པོ་ལྟ་བུར་གྱུར་ཡོད། ཡིན་ནའང་། ས་གནས་སུ་ཡོད་པའི་མི་ཞིག་གི་ངོས་ནས་གང་མཐོང་ཐོས་བྱུང་བ་ནི་འདི་ལྟར་རེད། སྦེལ་རྗམ་དུ་བོད་མིར་སྐྱབས་བཅོལ་མ་སྤྲད་པའི་བོད་མི་༤༠ ལྷག་ཅིག་ལ་སྦེལ་རྗམ་གཞུང་གིས་སྐྱབས་བཅོལ་སྤྲད་མི་ཐུབ་པའི་རྒྱུ་མཚན་ཡིག་ཐོག་ནས་སྤྲད་པ་དག་ལ་ཞིབ་འཇུག་བྱས་པ་འདི་ལྟར་རེད།། ༼གཅིག ཁྱེད་རང་ཚོར་རྒྱ་གར་གཞུང་གིས་དཀའ་ངལ་གང་ཡང་མེད་པར་ RC སྤྲོད་ཀྱི་ཡོད་པ་དང་། RC དེའི་ཐོག་ནས་རྒྱ་གར་དུ་རང་འདོད་ལྟར་ལས་དོན་གང་ཡང་བྱེད་རྒྱུའི་ཐོབ་ཐང་འདྲ་མཉམ་འདུག གཉིས། RC ལག་དེབ་ཡོད་པ་དེའི་སྐྱབས་བཅོལ་དང་པོ་རྒྱ་གར་ལ་ཞུས་འདུག་པ་མཚོན་གྱི་འདུག་པས། སྦེལ་རྗམ་གཞུང་ནས་སྐྱབས་བཅོལ་གཉིས་པ་ཞིག་སྤྲོད་ཀྱི་མ་རེད་ཅེས་དང་། གསུམ། རྒྱ་གར་གཞུང་ནས་བོད་པར་སྐྱབས་བཅོལ་ལམ་སྲུང་སྐྱོབས་དང་ལྟ་རྟོག ཐོབ་ཐང་ཆ་ཚང་འདུག་ལ། རྒྱ་གར་ནང་འཚར་ལོངས་བྱུང་བ་དང་བོད་ནས་སླེབས་པ་སུ་ཡང་རྒྱ་ནག་ལ་རྩིས་སྤྲོད་བྱས་པའི་གནས་ཚུལ་བྱུང་མི་འདུག བཞི། རྒྱ་གར་ནང་བོད་མི་ཚོའི་ཚེ་སྲོག་ལ་ཉེན་ཁ་ཅི་ཡང་མེད་པར་བདེ་འཇགས་དང་རང་དབང་ཡང་དག་པ་འདུག ལྔ། བོད་མིར་རྒྱ་གར་ཀྱིས་ཕྱིར་སྤྱོད་ལག་དེབ་ IC སྤྲོད་ཀྱི་ཡོད་པ་དང་། དེའི་ཐོག་ནས་རྒྱལ་ཁབ་གཞན་དུ་ཕྱིར་སྤྱོད་བྱེད་ཐུབ་པ་དང་། དེ་ནས་རྒྱ་གར་ནང་ཚུར་ལོག་རྒྱུར་དགག་བྱ་མེད་པར་(No objection to return to India) ཅེས་འཁོད་འདུག དྲུག སྦེལ་རྗམ་གཞུང་འབྲེལ་མི་སྣ་རྒྱ་གར་ལ་ཕྱིན་ནས་བོད་མིའི་གནས་སྟངས་སྐོར་སྐད་ཆ་དྲིས་སྐབས་བོད་གཞུང་གི་འབྲེལ་ཡོད་མི་སྣས་རྒྱ་གར་ནང་ཡོད་པའི་བོད་མི་ཚོར་ཕྱོགས་གང་ཅིའི་ཐད་ནས་དཀའ་ངལ་མེད་པ་དང་། ལྷག་པར་རྒྱ་གར་གཞུང་གིས་ལྟ་རྟོག་རོག་རམ་སོགས་ཚད་ལྡན་ཡོད་སྐོར་གསུང་འདུག བདུན། ཁྱེད་རང་ཚོ་རྒྱ་གར་ནས་སྦེལ་རྗམ་ལ་ཡོང་དོན་གཙོ་བོ་དཔལ་འབྱོར་གྱི་ཆེད་དུ་རེད་འདུག་པས་དཔལ་འབྱོར་ནི་འཛམ་གླིང་སྤྱིའི་དཀའ་ངལ་རེད། ༽ གོང་འཁོད་དོན་ཚན་བདུན་ཅན་འདི་སྐྱབས་བཅོལ་མ་རག་པའི་བོད་མི་དེ་དག་གིས་སོ་སོར་སྦེལ་རྗམ་གཞུང་གིས་སྐྱབས་བཅོལ་མ་སྤྲད་པའི་རྒྱུ་མཚན་ཡིག་ཐོག་ནས་གནང་བ་དག་གི་ནང་གཅིག་གྱུར་བྱུང་བའི་གནས་ཚུལ་ཁག་རེད། དོན་ཚན་དེ་དག་གི་ནང་ནས་དོན་ཚན་དྲུག་པ་ནི་བོད་མིའི་སྒྲིགས་འཛུགས་ཀྱིས་བོད་མིར་དཀའ་ངལ་མེད་སྐོར་བཤད་པ་དྲང་འདུག གནད་དོན་འཛི་སྦེལ་རྗམ་སྐྱབས་བཅོལ་ལས་ཁང་གིས་གསུང་པ་རེད་འདུག སྐྱབས་བཅོལ་མ་རག་པའི་བོད་མི་དེ་དག་ནང་ད་དུང་སྐྱབས་བཅོལ་བསྡུག་ནས་ཡོད་པའི་བོད་མི་ཁོང་ཚོས་སྐྱབས་བཅོལ་མ་རག་པའི་རྒྱུ་རྐྱེན་དོན་ཚན་ཁག་ཕྱོགས་བསྡུས་བྱས་ནས་དཔལ་ལྡན་བཀའ་ཤག་དང་བོད་མི་མང་སྤྱི་འཐུས་བཅས་ལ་སྙན་ཞུ་ཕུལ་བའི་ནང་བཀོད་པ་རེད། དེ་མིན་འབྱུང་འགྱུར་ཕྱི་ཟླ་ ༣ པའི་ནང་སྦེལ་རྗམ་རྒྱལ་ཡོངས་འོས་བསྡུ་ཞིག་ལ་ཐུབ་ཡོད་པ་དང་། ཕྱི་ཟླ་ ༥ པའི་ཡོ་རོབ་རྒྱལ་ཡོངས་འོས་བསྡུ་ལ་ཐུག་ཡོད་པས་ཆབ་སྲིད་པ་དག་གིས་སོ་སོའི་སྲིད་དབང་སྲ་བརྟན་གཏོང་ཆེད་ཆབ་སྲིད་ཀྱི་འཁྲབ་སྟོན་རེ་ཡང་བྱེད་ཀྱི་ཡོད་པའི་ཚོད་དཔག་བྱེད་ཀྱི་ཡོད། སྤྱིར་སྦེལ་རྗམ་རྒྱལ་ཁབ་དུ་ནེ་དྷིར་ལེན་ཌི་དང་ཕྷི་རན་ཆུ་ཟེར་བའི་མི་མང་ཕྱོགས་ཁག་གཉིས་ཡོད་པའི་ནེ་དྷིར་ལེན་ཌི་ཕྱོགས་ནི་སྐྱབས་བཅོལ་ལེན་རྒྱུར་དགག་པ་བྱེད་མཁན་ཡིན་པ་དང་། ད་ལྟའི་སྐྱབས་བཅོལ་འགན་འཛིན་ལྕམ་ Maggie De Block ཚོགས་པ་ནི་ནེ་དྷིར་ལེན་ཌའི་ཕྱོགས་མི་ཡིན་ལ། ལྕམ་ཁོ་མོས་སྦེལ་རྗམ་གཞུང་གི་འདས་པའི་ལོ་གཉིས་ཀྱི་ནང་ལ་དཔལ་འབྱོར་ཉམས་ཆགས་ཕྱིན་དེ་གཞུང་ཡང་འཛིན་དཀའ་བའི་གནས་ཚུལ་བྱུང་སྐབས་སྐྱབས་བཅོལ་ཐད་དམ་དྲག་སྲིད་ཇུས་བཟུང་སྟེ་སྤེལ་ལྗམ་གཞུང་ལ་ཁེ་ཕན་བསྐྲུན་ཡོད་པ་བརྟེན། མི་མང་གིས་ཁོ་ལ་རྒྱབ་སྐྱོར་ཐོབ་ཡོད་པས་མ་ཚད། སྔོན་ལ་ཁོ་མོར་ཁ་གཏན་བྱེད་མཁན་ཕྷུ་རན་ཆུ་ཕྱོགས་ཀྱི་མི་མང་བརྒྱ་ཆ་ ༣༠ ཙམ་གྱིས་ཀྱང་རྒྱབ་སྐྱོར་བྱས་ནས། འབྱུང་འགྱུར་ཁོ་མོ་ནི་སྦེལ་རྗམ་སྲིད་འཛིན་ལ་ཡང་ཁེལ་རྒྱུ་ཡིན་པའི་ཚོད་དཔག་བྱེད་མཁན་ཡང་བྱུང་བ་རེད།
དེ་མིན་འདས་ལོའི་ནང་ཞིག་ལ་སིད་སུ་དང་སྦེལ་རྗམ་གྱི་སྐྱབས་བཅོལ་འབྲེལ་ཡོད་མི་སྣ་རྒྱ་བལ་གཉིས་ཀྱི་བོད་མིའི་གནས་བབ་སྐོར་ལ་གཟིགས་སྐོར་ཕྱིན་པའི་སྙན་ཐོའི་ནང་བལ་ཡུལ་ལ་ལྟོས་པའི་རྒྱ་གར་ནང་ཕྱོགས་ཡོངས་དཀའ་ངལ་མེད་པའི་སྙན་ཐོ་བཏོན་འདུག གཟིགས་སྐོར་བ་ཚོ་རྡ་སར་ནང་སྲིད་ལས་ཁུངས་དང་བོད་མི་མང་སྤྱི་འཐུས་བཅས་སུ་ཐུག་འཕྲད་བྱུང་ཡོད་པ་སྦེལ་རྗམ་དོན་གཅོད་ཀྱིས་ཀྱང་ཟླ་ཚེ་དང་བཅས་ངོ་སྤྲོད་གནང་སོང་། གང་ལྟར་གནས་སྟངས་མང་པོ་ཞིག་གི་དབང་གིས་སྦེལ་རྗམ་གཞུང་གིས་རྒྱ་གར་སོགས་རྒྱལ་ཁབ་བརྒྱད་ནས་སྐྱབས་བཅོལ་མི་ལེན་རྒྱུའི་ཐག་གཅོད་ཅིང་ཀྱང་གནང་ཡོད་པ་དངོས་ཡོད་རེད་འདུག དེ་འདྲའི་རྒྱུ་མཚན་མང་པོ་ལ་བརྟེན་ནས་ད་ལྟའི་སྦེལ་རྗམ་བོད་མིའི་དཀའ་ངལ་དེ་འཕྲད་པ་ཞིག་རེད།
སྤྱི་འཐུས་ཚོགས་གཙོ་མཆོག་དང་བཀའ་བློན་རྣམས་གཉིས་ཀྱིས་གོང་དུ་ཁོང་རྣམས་གཉིས་དག་འབུད་བྱེད་རྒྱུ་གཙོ་བོར་གསར་འགོད་པའི་དྲིས་ལན་གནང་བ་ལས་སྦེལ་རྗམ་བོད་མིའི་དཀའ་ངལ་སེལ་ཐབས་སྐོར་དགོངས་ཚུལ་དང་འཆར་གཞི་ངེས་ཅན་གང་ཡང་གསུང་མེད་པ་ནི་སྦེལ་དུ་དཀའ་ངལ་འཕྲད་མཁན་དག་གི་སེམས་ལ་དོགས་པ་སྔར་ལས་ཆེ་རུ་ཕྱིན་ཡོད་པ་རེད།
བོད་གཞུང་གིས་གནས་ཚུལ་འདི་ཤིས་བཞིན་དུ་མང་ཚོགས་ལ་དཀའ་ངལ་འཕྲད་དེ་སྐད་ངན་ཤོར་རག་བར་དུ་ག་རེ་བྱས་ཏེ་བཞག་པ་རེད། སྤྱི་འཐུས་ཚོགས་གཙོ་ཉེ་ལམ་ཧོན་ལན་ཌིར་བསྐྱོད་སྐབས་ས་གནས་དེ་ནའང་བོད་མི་ ༨༠ ཙམ་ཞིག་ལ་སྐྱབས་བཅོལ་ཡིག་ཆའི་ཐོག་ནས་དཀའ་ངལ་འཕྲད་འདུག་གསུངས་སོང་། གནས་ཚུལ་འདི་དག་ལ་ཐབས་ལམ་ཞིག་མི་འཚོལ་བར་ག་རེ་བྱེད་ཀྱིན་ཡོད་དམ།
ད་ལྟའི་བཀའ་དྲུང་གཡུ་ཐོག་ཀརྨ་དགེ་ལེགས་ཟེར་བ་དེ་མགོ་བདེ་དྲན་འཁྲུལ་དང་། ཁ་ཡག་ཁོག་རྩུབ་ཞེ་དྲག་ཡོད་རེད། ཁོ་རང་གིས་ནམ་རྒྱུན་སྒང་གི་བསྡད་དེ་སྲི་ཞུ་ལས་བྱེད་ཚོར་ཡ་རབས་བཟང་སྤྱོད་དང་ཤེས་ཡོན་སྐོར་མང་ཐག་ཆོད་བཤད་པ་ལས། ཀརྨ་དགེ་ལེགས་ཁོ་རང་ཁ་ནས་བཤད་པ་དང་ལག་ལེན་བསྟར་པ་མི་མཚུངས་མཁན་ཞིག་ཡིན་པ་མ་ཟད། སྤྲེལ་ལད་འཁྲབ་མཁས་པོ་དང་། ཕྱོགས་རིས་དབྱེ་འབྱེད་དང་དགའ་མིན་དགའ་སྡུག་མང་པོ་ཡོད་མཁན་ཞིག་རེད། སྔོན་མ་བཀའ་བློན་ཁྲི་བ་མཁས་དབང་ཟམ་གདོང་རིན་པོ་ཆེ་མཆོག་གི་སྐབས་ལ་ཤེས་ཡོན་སྲིད་བྱུས་ལ་རྒྱབ་སྐྱོར་དང་། སྲིད་བྱུས་དེའི་ཐོག་ལ་སྐད་ཆ་མང་པོ་ཤོད་མཁན་ཞིག་རེད། དེང་སྐབས་བཀའ་ཤག་ཤེས་ཡོན་སྲིད་བྱུས་ལ་ངོ་ལོག་པ་དང་བསྟུན་ཏེ་ཀརྨ་དེ་ལེགས་ཀྱིས་ཀྱང་ཞེ་དྲག་འདོད་པ་མེད་མདོག་མདོག སྒང་གི་ངོ་འཚོས་ཏེ་ལྐོག་ལྐོག་སིལ་སིལ་གྱིས་ཤེས་ཡོན་སྲིད་བྱུས་ལ་རྒྱབ་འགལ་གྱི་ལས་ཀ་བྱེད་མཁན་ཞིག་ཆགས་ཡོད་པ་ཡོངས་གྲགས་རེད།
དྲ་གྲོགས་རྩམ་པ་ཞེས་པས་གསར་འགྱུར་ཁག་དང་གནས་ཚུལ་ཁག་ལ་ཞིབ་འཇུག་བྱས་ཏེ་བསམ་ཚུལ་ཡག་པོ་ཞིག་བཤད་འདུག་ལ།དེང་སྐབས་སྦེལ་ཇེམ་དུ་ཡོད་པའི་བོད་མི་ཁག་ཅག་ལ་ཡིག་ཆའི་ཐོག་དཀའ་ངལ་འཕྲད་བཞིན་པ་དངོས་ཡོད་ཡིན་འདུག་པས་གཞུང་གིས་མཛད་གཙོ་རྣམས་ཅི་ནུས་ཀྱིས་རོགས་རམ་བྱེད་རྒྱུ་གལ་ཆེན་པོ་རེད།མ་མཐའ་ཡང་རྒྱ་གར་དུ་ཡོད་པའི་བོད་མི་རྣམས་ལ་རྒྱ་གར་གཞུང་གིས་སྐྱབས་བཅོལ་ཐོབ་ཐང་སྤྲད་མེད་པ་ཡུ་རོབ་ཀྱིས་འབྲེལ་ཡོད་མི་སྣ་རྣམ་པར་གང་མགྱོགས་ཐོག་ཡིག་ངག་གཉིས་ཀྱིས་ཐོག་ནས་གསལ་བཤད་བྱེད་རྒྱུ་གལ་ཆེན་པོ་རེད་བསམ།འདི་ནི་ས་གནས་དེར་ཡོད་པའི་དོན་གཅོད་ཀྱི་ལས་འགན་ཡིན་པར་སེམས།ང་ཚོ་གནས་སྐབས་རང་རྒྱ་གར་གནས་ཚང་ཙམ་གཡར་ཡོད་པ་མ་གཏོགས་ཁྲིམས་ཐོག་ནས་སྐྱབས་བཅོལ་ཀྱི་ཐོབ་ཐང་སོགས་ཡང་མེད་པའི་དངོས་ཡོད་ཚུལ་དེ་རྒྱལ་ཁབ་གཞན་པའི་འགོ་ཁྲིད་རྣམས་ལ་ངོ་སྤྲོད་བྱེད་རྒྱུ་དེའང་སྐྱབས་བཅོལ་གཞུང་ལས་འགན་ཡིན།འོན་ཀྱང་དབུ་ཁྲིད་རྣམ་མང་ཆེ་བར་རྒྱལ་གཞན་གྱི་མི་སེར་ཐོབ་ཐང་ཡོད་པར་བརྟེན་དེ་འདྲའི་དཀའ་ངལ་སྐོར་ལ་དོ་སྣང་དེ་ཙམ་མེད་པར་མངོན།
སྐྱབས་བཅོལ་དངོས་རྫུན་དང་སྐྱབས་བཅོལ་དང་གཉིས་ཀྱི་དབྱེན་མེད་པར་ཚང་མའི་དོན་རྐྱེན་དངོས་ཡོད་གནས་ཚུལ་གཅིག་མཚུངས་སོང་། གཅིག་འགྱུར་གྱི་དཀའ་ངལ་འདི་རིགས་བསལ་དགོས་པ་ཛ་དྲག་རེད།
དེ་མིན་ནང་རྙོག་མང་ཙམ་བཟོས་ཡོང་ན་དགེ་མཚན་མེད་ངེས་རེད།
བོད་མི་འདི་དག་དངོས་གནས་གལ་ཆེན་པོ་ཡིན་པ་ནི་བཙན་བྱོལ་ཁྱིམ་ཚང་རེ་རེའི་སྒལ་ཚིགས་ཡིན་སོང་བས་རེད།
སྒྲིག་འཛུགས་ཀྱི་སྲིད་བྱུས་ཨ་རི་དང་ཁེ་ཎ་ཌ་ཡིན་ནའང་ཡོ་རོབ་ཀྱི་ལམ་ཀ་བཀག་དོན་མེད་པ་རེད།
གང་ལྟར་གཞུང་མང་གཅིག་བྱས་ནས་འཕྲལ་ཕུགས་ཀྱི་དཀའ་ངལ་འདི་དག་བསལ་ཐབས་བྱོས།
མ་འོངས་སྐྱབས་བཅོལ་གཉིས་པའི་དངོས་ཡོད་གནས་ཚུལ་གྱི་ཐོག་ནས་གནས་སྤོ་བྱ་ཐབས་ཀྱི་ཐབས་ལམ་གསར་པ་ཞིག་འཚོལ་དགོས་པ་རེད།
རྒྱལ་སྤྱིའི་སྐྱབས་བཅོལ་ཁྲིམས་ཟེར་བ་དེའང་རྒྱབ་ཁབ་སོ་སོའི་ཕྱག་བསྟར་མི་འདྲ་བའི་གནས་ཚུལ་མང་བས་ནང་རྙོག་མི་མཛོད་པ་མཁྱེན། མཁྱེན།
ག་དུས་ཡིན་ནའང་དབུས་བོད་མིའི་སྒྲིག་འཛུགས་འདིའི་དབུ་འཁྲིད་འགའ་རེ་ཡིས་རྫིག་པོ་དང་སྦམ་པོ་བྱས་ཏེ་རྒྱལ་ཁབ་རང་བཙན་པ་ཞིག་གི་སྟོང་སེམས་འཆང་གི་ཡོད་པ་དེ་བློ་ཕམ་ཆེ་ཤོས་རེད།
བཀའ་དྲུང་གཡུ་ཐོག་བླ་རྒན་གྱིས་ལས་དོན་གལ་ཆེན་པོ་གཞན་ཞིག་ཡོད་མདོག་མདོག་གིས་མི་མང་ལ་གསལ་བཤད་ཙམ་ཡང་མི་བྱེད་དོན་ག་རེ་ཡིན་ནམ། སྦེལ་ལྗམ་ནང་ད་སྔ་བོད་མི་ཉིས་བརྒྱ་སུམ་བརྒྱ་ཞིག་གི་ཡིག་ཆ་ནག་པོ་ཆགས་ཚར་པ་རེད། ད་དུང་བོད་མི་དྲུག་བརྒྱ་བདུན་བརྒྱ་ཞིག་གིས་སེམས་དངངས་སྐྲག་ཆེན་པོའི་ནང་ཉིན་འཁྱོལ་ན་མཚན་མ་འཁྱོལ་བར་བསྡད་ཡོད་པ་རེད། སྔོན་མ་གསར་འབྱོར་ཞིག་སླེབས་རྗེས་ཟླ་བ་འགའ་རེར་བསྐུག་རྗེས་དྲི་བ་དང་པོ་གཉིས་པ་སླེབས་སྐབས་ཚང་མ་དགའ་ཐག་ཆོད་ཡོད་པ་རེད། དེང་སྐབས་ང་ལ་དྲི་བ་ག་དུས་སླེབས་ཡོང་ན་བསམ་ནས་ཞེད་སྣང་ཆེན་པོ་བྱེད་ཀྱི་ཡོད་པ་རེད། གནས་སྟངས་འདི་འདྲ་ཞིག་གི་འོག་ཏུ་ང་ཚོ་ལྷག་བསྡད་ཡོད་པ་རེད། བཀའ་དྲུང་ཚང་ལ་གནས་ཚུལ་འདི་ལས་ལྷག་གི་མང་པོ་ཞིག་དང་གལ་ཆེན་པོ་ཡོད་ན་བོད་རྒྱ་འབྲེལ་མོལ་ད་ལྟ་གང་ལ་སླེབས་ཡོད། བོད་ཕྱི་ནང་གཉིས་དང་བོད་མི་ས་ཡ་དྲུག་གིས་རེ་སྒུག་བྱས་ཡོད་པ་རེད། གངས་ཅན་སྐྱིད་གཤོང་གི་ལས་ཁུངས་ཁག་ལབ་གླེང་རྙོག་དྲ་དག་ག་རེ་ཆགས་པ་རེད།
གནས་ཚུལ་འདིའི་ནང་ཕྱི་གསལ་ནང་གསལ་མིན་པའི་བྱུང་བ་དེ་འདྲ་མེད་མི་སྲིད་པ་མ་རེད། རྒྱ་གར་དང་བལ་ཡུལ་གང་དུའང་གསར་འབྱོར་དང་གཞིས་ཆགས་བར་སྔ་མོ་དཔལ་འབྱོར་དང་མཐུན་རྐྱེན་གྱི་ཁྱད་པར་ཆེན་པོ་ཡོད་ལ། གཞུང་གིས་ལྟ་སྐྱོང་གི་ཆ་ནས་ཀྱང་ཁྱད་པར་ཆེན་པོ་ཡོད། གཞིས་ཆགས་ཁག་ནང་ལམ་ཁ་དང་ཁང་པ། ཆུ་དང་གློག་ནས་འཕྲོད་བསྟེན་ལྟ་སྐྱོང་དང་ཤེས་ཡོན། ཞིང་ཁ་དང་ས་ཆ། ཚོང་ལས་བྱེད་པར་སྒོར་མོ་གཞུང་གིས་གཡར་པ། ཐ་ན་མྱོས་རྫས་སྔོན་འགོག་དང་གླང་ཆེན་འགོག་རྒྱུ་ཚུན་ལ། བོད་གཞུང་གིས་ལོ་རེ་བཞིན་དུ་སྔོན་རྩིས་ནང་ཧིན་སྒོར་འབུམ་སྟོང་ཕྲག་མང་པོ་གཏོང་གི་ཡོད་པ་དང་།ཕྱི་རྒྱལ་དུའང་གཞུང་འབྲེལ་གྱིས་མང་པོ་གཏོང་གི་ཡོད་ནའང་། གསར་འབྱོར་ཚོར་ཉི་མ་ཁ་ཤས་བསྡད་སའི་སྣེ་ལེན་ཁང་རྫིག་པོ་ཅིག་ཡོད་པ་མ་གཏོགས། རྟེན་ས་ཆགས་ས་དང་རོགས་སྐྱོར་སོགས་ཅི་གང་མེད་པ་དངོས་ཡོད་དང་མཐོང་ཆོས་ཡིན་པས། མང་ཤོས་ཀྱིས་དགའ་ཉེའི་རྩ་ནས་སྒོར་མོ་གཡར་ཏེ་ཡོ་རོབ་ནང་དུ་སྐྱབས་བཅོལ་གཉིས་པར་འགྲོ་གི་ཡོད།༼གཞིས་ཆགས་མང་ཤོས་ཨ་རི་དང་ཁ་ན་སྒྲའི་ནང་འགྲོ་གི་ཡོད༽
གང་ལྟར། བར་སྐབས་ནས་བོད་ནས་ཡོང་མཁན་མང་པོ་རྒྱ་གར་ནང་མི་སྡོད་པར། ལམ་སེང་ཡོ་རོབ་ནང་ཐོད་བརྒལ་གྱིས་མཆོངས་ཏེ་རྒྱ་གར་འདི་སྐབས་འཕྲལ་གྱི་འབབ་ཚིགས་ཙམ་བྱེད་བཞིན་པར། རང་གཞུང་གནད་ཡོད་མི་སྣ་དང་རྙིང་འབྱོར་བོད་མི་མང་པོ་ཐུགས་དགྱེས་ཀི་མེད་པའི་རྣམ་འགྱུར་དང་བཀའ་མོལ་མང་པོ་ཡང་འཐོན་སོང་བ་དང་། རྒྱ་གར་ཡུལ་མི་མང་པོའང་ཁྲ་ཁྲ་ཟིང་ཟིང་གི་བོད་མིའི་ཕྱི་རྣམ་པར་ལྟོས་ཏེ་ཐུགས་མི་དགྱེས་པའི་བཀའ་མོལ་མང་པོ་ཅིག་བར་ལམ་ནས་གསར་ཤོག་ཁ་ཤས་ནང་མཐོང་སོང་སྟབས། སྣང་ཚུལ་མང་པོ་ཅིག་གིས་ཐག་གཅོད་འདི་ནི་སིད་སི་དང་བྷེལ་ཇམ་གཞུང་གཉིས་ནས་གང་འཚམས་ཐག་གཅོད་བྱས་པ་ཅིག་ཨེ་ཡིན་ནམ།
བྷེལ་ཇམ་གྱིས་འོས་བསྡུ་སོགས་ཀྱི་ཆེད་སྲིད་ཇུས་དེ་འདྲ་བཏོན་པར་ཆ་ཞོག དེས་ན་སིད་སུ་གཞུང་གིས་ཀྱང་དེ་འདྲ་གནང་དོན་གང་ཡིན་ནམ།
གང་ལྟར་ཀྱང་གསར་འབྱོར་མང་པོ་ཅིག་གི་ལྟོ་གོས་དང་མི་ཚེ་ལ་འབྲེལ་ཡོད་གནས་ཚུལ་འདིར། བོད་གཞུང་གིས་ངེས་པར་ཞིབ་འཇུག་གཏིང་ཟབ་ཀྱིས་ཐག་གཅོད་ཡག་པོ་བྱས་ཏེ་དཀའ་ངལ་སེལ་ཐབས་བྱེད་དགོས་པ་མ་གཏོགས། ལམ་ཁ་དེ་འགག་ན་གསར་འབྱོར་མང་པོ་ཅིག་རྒྱ་གར་ནང་ལྷག་ཚེ། རང་གཞུང་ལ་དཀའ་རྙོག་སྔར་ལས་སྡུག་པོ་འཕྲད་ངེས་ཅན་ཡིན་པ་རེད་སྙམ།
རྩམ་པ་གསུངས་པ་ལ་རྒྱུ་མཚན་འདུག
གང་ལྟར་དཀའ་ངལ་འཕྲད་མཁན་ནི་གསར་འབྱོར་ཚོ་རེད།
མེགྷན་དུ་སྡོད་ཡོད་པའི་གསར་འབྱོར་དང་དེ་བཞིན་ནོར་གླིང་ཡོད་པའི་གསར་འབྱོར་མང་དག་ཅིག་བོད་དུ་ལོག་ཡ་ཐབས་ཤེས་བྱེད་བཞིནཡོད་མུས་མཐོང་ཆོས་རེད།
གསར་འབྱོར་བ་ཚོས་སྒོར་མོ་མང་པོ་སྤྲད་ནས་ཡུ་རབ་ལ་འགྲོ་ཐབས་བྱེད་བཞིན་ཡོད།གཞི་ཆགས་ནི་གཞུང་འབྲེལ་ཐོག་ཀེཎཊ་ལ་བཏང་བཞྀན་པ་རེད།
གསར་འབྱོར་བ་དང་གཞི་ཆགས་བ་གཉིས་བར་གཞུང་གིས་བལྟ་ཚུལ་དེ་འདྲ་རེད།
རྗེས་མ་ཨ་རི་ལ་མི་༥༠༠༠ཐམ་པ་བཏང་ཡ་ཐོག་སྐད་ཆ་ཡོད་པ་དང་དགའ་གཉེན་སྤུན་ཉེ་བཏང་གྲབ་ཡོད་ན་ཡང་ན་་་་་་་་་
གནད་དོན་འདིས་ཐད་ལ་མི་མང་པོ་ཞིག
གིས་རང་གཞུང་གི་དབུ་ཁྲིད་ཚོར་སྐྱོན་བརྗོད་བྱེད་པ་ནི་རྒྱ་གཞུང་གི་གཡོ་བྱུས་ཤིག་མིན་པའི་ངེས་པ་མི་འདུག བཙན་བྱོལ་སྒྲིག་འཛུགས་ཀྱིས་སྐྱབ་གཅོལ་བོད་མི་ཚོར་ཕན་མ་ཐོག་ཀྱང་གནོད་བསྐྱལ་མི་སྲིད་པ་རེད། ལར་ནས་བཙན་བྱོལ་སྤྱི་ཚོགས་ཁྲོད་དཀའ་ངལ་ཞིག་འཕྲད་མ་ཐག་རྟག་དཔྱད་ཅི་ཡང་མེད་པར་སོ་སོའི་གཞུང་དང་དབུ་ཁྲིད་ལ་སྐྱོན་བརྗོད་བྱེད་ཆོག་ཆོག་གི་བྱེད་སྟངས་འདི་ནི་རང་མགོ་རང་གིས་རྡུང་བའི་བྱ་སྤྱོད་ཅིག་ལས་ཅི་ཡིན། དཀའ་ངལ་གྱུ་འབྱུང་རྩ་ངོ་མ་ནི་བཙན་བྱོལ་བོད་མི་མང་པོ་ཞིག་གིས་ཕྱི་རྒྱལ་ལ་ཐར་ཆད་དང་མི་སེར་བཟོ་ཆད་དངུལ་སྤྲད་ནས་ཁྲིམས་འགལ་གྱི་བྱ་ངན་མང་པོ་ཞིག་རྩམ་པའི་ངན་འབྲས་སྨིན་པ་རེད། ད་དུང་ལྟད་མོ་མང་པོ་ཞིག་རྗེས་ནས་མཐོང་སྲིད་པ་རེད།
འདི་ན་སྐད་ཆ་འདི་འདྲ་ཞིག་ཤོད་བཞིན་འདུག
དེང་སང་བོད་མིའི་སྤྱི་ཚོགས་ནང་སྦིར་གྲགས་ཆེ་ཤོས་ནི་ཡོ་རོབ་བྷེལ་ཇམ་རྒྱལ་ཁབ་ནང་བོད་མི་ཚོར་སྐྱབས་བཅོལ་སྤྲོད་རྒྱུ་གཞུང་གིས་ཕྱིར་འཐེན་དང་། བོད་མི་མང་པོ་ཅིག་གི་ཡིག་ཆ་ནག་པོར་ཆགས་བཞིན་པ་དེ་ཡིན་ལ། ད་ཆ་དེའི་གནད་དོན་སྐོར་ལ་བསམ་བློ་གཏོང་སྐབས། མི་ཕལ་ཆེར་གྱིས་གནད་འགག་གཙོ་བོ་གཉིས་ཀྱི་ཐད་ལན་པོ་ཡོད་པར་ཚོད་དཔག་གནང་གི་ཡོད།
གཅིག་ནི་གནས་ཚུལ་དེ་བྱུང་མ་ཐག་བོད་ཀྱི་བང་ཆེན་གསར་ཁང་གིས་གནས་ཚུལ་བཀོད་པ་ལྟར་ན། ༼༢༠༡༤ལོའི་ཕྱི་ཟླ་༡ ཚེས་༡༠ ཉིན་སྦེལ་རྗམ་བྷུ་རུ་ཧུ་ས་གནས་ནས་སྦེལ་རྗམ་གྱི་ཁྲིམས་རྩོད་པ་ཞིག་གིས་ཁྲིམས་རྩོད་པ་བྱེད་སའི་སྐྱབས་བཅོལ་མ་རག་མཁན་བོད་མི་༡༥ ཙམ་ཞིག་བསྡུ་བསྐོང་གིས། དེང་སྐབས་སྦེལ་རྗམ་དུ་བོད་མིར་སྐྱབས་བཅོལ་མི་རག་པའི་དཀའ་ངལ་སྐོར་འགྲེལ་བཤད་སྐབས། འདས་ལོའི་ནང་སྦེལ་རྗམ་དང་སུད་སའི་གཞུང་འབྲེལ་མི་སྣ་ཁག་ཅིག་རྒྱ་གར་སོགས་བོད་མིའི་སྤྱི་ཚོགས་སུ་གཟིགས་སྐོར་ལ་ཕྱིན་པ་དང་། རྡ་ས་ནས་སྤྱི་འཐུས་ཚོགས་གཙོ་སྤེན་པ་ཚེ་རིང་དང་། བཀའ་བློན་རྒྱ་རི་སྒྲོལ་མ་བཅས་ལ་མཇལ་འཕྲད་གནང་འདུག སྐབས་དེར་བོད་མིའི་སྒྲིག་འཛུགས་ཀྱི་ངོས་ནས་དེང་སྐབས་རྒྱ་གར་དུ་བོད་མི་ཚོར་དཀའ་ངལ་གང་ཡང་མེད་སྐོར་བརྗོད་འདུག་ཅེས་གསུངས་འདུག གཞན་ཡང་ཁྲིམས་རྩོད་པ་ཞིག་གིས་བོད་མི་ཚོར་རྒྱ་གར་ནང་གནས་སྡོད་ཆོག་པའི་ལག་ཁྱེར་RCསྤྲོད་བཞིན་ཡོད་པ་དེའི་སྐྱབས་བཅོལ་དང་པོ་རྒྱ་གར་ལ་ཞུས་པ་མཚོན་གྱི་ཡོད་པ་དང་། སྦེལ་རྗམ་རྒྱལ་ཁབ་ཀྱིས་སྐྱབས་བཅོལ་གཉིས་པ་ཞུ་མཁན་ཚོར་སྐྱབས་བཅོལ་སྤྲད་ཀྱི་མེད་སྐོར་བརྗོད་ཡོད་འདུག གང་ལྟར་དེང་སྐབས་སྦེལ་རྗམ་ནང་སྐྱབས་བཅོལ་ཞུས་ནས་སྣེ་ལེན་ཁང་དུ་ཡོད་པའི་བོད་མིའི་གྲངས་འབོར་༤༠༠ ཙམ་ཡོད་པར་ཚོད་དཔག་བྱེད་ཀྱི་ཡོད་པ་ལས།འདས་པའི་ཟླ་གཉིས་ཕྱེད་ཙམ་གྱི་ནང་ཁོ་ནར་ཡིག་ཆ་ནག་པོ་ཆགས་ཟིན་པ་སྟེ། སྐྱབས་བཅོལ་ཡིག་ཆ་མ་རག་པའི་མི་གྲངས་༤༠ བརྒལ་ཟིན་ཡོད་པའི་གནས་ཚུལ་འདུག༽ཅེས་གནས་ཚུལ་དེ་གསལ་སྟོན་བྱས་ཡོད་ཅིང་། དེ་འབྲེལ་གྱིས་སྤྱི་ཚོགས་ནང་བདེན་རྫུན་མ་ངེས་པའི་དཀྲོག་གཏམ་སྣ་ཚོགས་ཤིག་ཁྱབ་སོང་བས། བོད་མིའི་སྒྲིག་འཛུགས་ཀྱི་བཀའ་ཤག་ལྷན་རྒྱས་ནས་ཀྱང་དེའི་སྐོར་ལ་གོ་བསྡུར་ལྷན་འཛོམས་གནང་ཡོད་པའི་གནས་ཚུལ་བྱུང་ཡོད།
གཉིས་སུ། ད་ཆ་བྷལ་ཟིལ་སྐུ་ཚབ་དོན་གཅོད་པ་སྐུ་ངོ་དངོས་གྲུབ་རྡོ་རྗེ་ལགས་ཀྱིས་བྷེལ་ཇམ་བོད་མི་ཚོར་བཀའ་སློབ་ཅིག་ཕེབས་པ། བོད་ཀྱི་དུས་བབ་དྲ་བར་བཀོད་པ་གཞིར་བཟུང་ན། ༼སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས་ཀྱིས་ཉེ་ཆར་སྤེལ་ལྗམ་དུ་བོད་མི་མང་བོ་ཞིག་གི་ཡིག་ཆ་ནག་པོ་ཆགས་པ་ནི་སྒྲིག་འཛུགས་ཀྱི་མགོ་ཁྲིད་རེ་ཟུང་གིས་སྐད་ཆ་བཤད་སྟངས་མ་འགྲིག་པའི་དབང་གིས་ཡིན་ཚུལ་དཀྲོག་གཏམ་ཞིག་ཁྱབ་ཀྱིན་ཡོད་པའི་སྐོར་ལ་གསལ་བཤད་གནང་དོན། ༢༠༡༣ལོའི་ཟླ་༣ པའི་ཚེས་༦ ཉིན་ལ་སིད་སུ་དང་སྤེལ་ལྗམ་གཞུང་གི་སྐྱབས་བཅོལ་ལས་ཁུངས་ཀྱི་སྐུ་ཚབ་ཚོགས་ཆུང་ཞིག་རྒྱ་གར་དང་བལ་ཡུལ་དུ་བསྐྱོད་ཡོད་པ་དང་། ཁོང་ཚོས་ལྡི་ལི་ནས་སྐུ་ཚབ་དོན་གཅོད་ཁང་དང་བདེ་དོན་ལས་ཁུངས། སྣེ་ལེན་ཁང་། བོད་ཀྱི་སྲིད་བྱུས་ཁང་། མདུན་ལམ་ལམ་སྟོན་ཚོགས་པ། བོད་ཀྱི་ཚོང་དོན་ཚོགས་པ། ད་དུང་རྒྱ་གར་གྱི་མཁས་པ་དང་བོད་མི་སྒེར་བ་ཁག་ཅིག་བཅས་ལ་ཐུག་འཕྲད་གནང་ཡོད་འདུག ངྷ་རམ་ས་ལའི་བོད་ཀྱི་གཞོན་ནུ་ལྷན་ཚོགས་དང་བུད་མེད། དགུ་བཅུ་གསུམ། བོད་རང་བཙན་སློབ་ཕྲུག་ཚོགས་པ། སྒྲོལ་མ་གླིང་སོགས་གཞུང་འབྲེལ་མིན་པའི་ཚོགས་པ་ཁག་དང་། བོད་མིའི་སྒྲིག་འཛུགས་ནང་སྲིད་དང་བདེ་སྲུང་། འཕྲོད་བསྟེན། སྤྱི་འཐུས་ལྷན་ཁང་། སྣེ་ལེན་ཁང་བཅས་ལ་གཟིགས་སྐོར་གནང་ཡོད་འདུག དེ་བཞིན་ངྷ་རམ་ས་ལའི་SPལའང་ཐུག་འཕྲད་གནང་ཡོད་པ་དང་། དེའི་རྗེས་ཁོང་ཚོ་བལ་ཡུལ་དུ་བསྐྱོད་དེ་བོད་མིའི་ཚོགས་པ་ཁག་ལ་གཟིགས་སྐོར་གནང་སྟེ། སྤྱི་ཡོངས་ཀྱི་ཆ་ནས་བལ་ཡུལ་ལས་རྒྱ་གར་ནང་གནས་སྡོད་བོད་མི་ཚོའི་གནས་སྟངས་ཡག་པོ་ཡོད་པ་དང་། ས་གནས་ཁ་ཤས་སུ་རྒྱ་གར་ཡུལ་མི་ལས་བོད་མིའི་གནས་སྟངས་ཡག་པ། བོད་མི་ཚོས་རྒྱ་གར་ཡུལ་མི་གཡོག་ཏུ་བཀོལ་བའི་གནས་སྟངས་སོགས་གཟིགས་ཡོད་འདུག༽ཅེས་འཁོད་པར་ལྟོས་ན།
གསར་འགྱུར་དང་པོ་དེས་ཡིག་ཆ་ནག་པོ་ཆགས་རྐྱེན་ནི་བོད་མིའི་སྒྲིག་འཛུགས་ཀྱི་འགོ་ཁྲིད་ཁ་ཤས་ཀྱིས་བྱས་ཉེས་ཡིན་པར་ཚོད་དཔག་བཀོད་ཡོད་པ་དང་། གསར་འགྱུར་གཉིས་པ་དེས་གནས་ཚུལ་དེ་བྱུང་རྐྱེན་བཙན་བྱོལ་འགོ་ཁྲིད་ཚོ་མིན་པར་དག་འབུད་གསལ་བཤད་བྱས་པ་མ་ཟད། ཡང་བོད་ཀྱི་དུས་བབ་གསར་ཤོག་ནང་དུ།༼དོན་གཅོད་མཆོག་གིས་སྤེལ་ལྗམ་གཞུང་གིས་སྐྱབས་བཅོལ་བའི་ཐོག་སྲིད་ཇུས་དམ་དུ་ཕྱིན་པའི་རྒྱུ་རྐྱེན་སྐོར་གསུངས་དོན། སྤེལ་ལྗམ་གཞུང་གིས་སྐྱབས་བཅོལ་ལ་འཛིན་པའི་སྲིད་ཇུས་ནི་ཁ་སང་བྱ་ཉལ་བསྡད་ཡོད་སར་དེ་རིང་བྱ་ཉལ་བསྡད་མེད་པ་་འགྱུར་བ་ཕྱིན་ཡོད་ལ། ད་ལྟའི་སྐྱབས་བཅོལ་འགན་འཛིན་ལྕམ་ Maggie De Block ཚོགས་པ་ཡིས་སྐྱབས་བཅོལ་ཐད་དམ་དྲག་སྲིད་ཇུས་བཟུང་སྟེ་སྤེལ་ལྗམ་གཞུང་ལ་ཁེ་ཕན་བསྐྲུན་ཡོད་སྟབས། སྤེལ་ལྗམ་མི་མང་ཁྲོད་ཁོ་མོ་ལ་རྒྱབ་སྐྱོར་གྱི་ཚད་མཐོ་རུ་འགྲོ་བཞིན་ཡོད་པ་མ་ཟད། ཁོ་མོ་མ་འོངས་བར་སྲིད་འཛིན་ཆགས་སྲིད་པའང་བརྗོད་ཀྱི་ཡོད་ལ། ཕྱི་ཟླ་༣ པའི་ནང་སྤེལ་ལྗམ་གྱི་འོས་བསྡུའི་སྐབས་ཁོ་མོའི་ཚོགས་པ་ལ་རྒྱབ་སྐྱོར་འཐོབ་ཆེད་སྐྱབས་བཅོལ་ཐད་དམ་དྲག་གི་སྲིད་ཇུས་བཟུང་པ་ཡིན་སྲིད་ལ། འོས་ཤོག་རྗེས་སྲིད་ཇུས་ལ་འགྱུར་བ་འགྲོ་མི་སྲིད་པ་མ་རེད་བསམ་གྱི་འདུག༽ ཅེས་གནས་ཚུལ་ཡོང་རྐྱེན་གཞན་ཅིག་ཡིན་པར་ཚོད་དཔག་བྱས་ཏེ་ཁ་ཕྱོགས་བསྒྱུར་ཡོད།
འོན་ཀྱང་། བྷེལ་ཇམ་གཞུང་ལ་སྐྱབས་བཅོལ་བ་དང་ལེན་ཚོད་བཟུང་གི་སྲིད་ཇུས་ཤིག་ཆབ་སྲིད་དགོས་མཁོའི་ཆེད་ཡོད་ཚེ། སིད་སུ་དང་བྷེལ་ཇམ་གཞུང་མཉམ་འབྲེལ་སྐུ་ཚབ་ཚོགས་ཆུང་གིས་དོ་གལ་ཆེན་པོ་བྱས་ཏེ། རྒྱ་གར་དང་བལ་ཡུལ་ནང་ཞིབ་འཇུག་ཅིའི་ཕྱིར་བྱེད་དགོས་པ་རེད་དམ།
དོགས་པ་གཞན་ཅིག་ནི་རྒྱལ་ཁབ་དེ་གཉིས་ཀྱི་སྐུ་ཚབ་རྣམ་པ་༼ལྡི་ལི་ནས་སྐུ་ཚབ་དོན་གཅོད་ཁང་དང་བདེ་དོན་ལས་ཁུངས། སྣེ་ལེན་ཁང་། བོད་ཀྱི་སྲིད་བྱུས་ཁང་། མདུན་ལམ་ལམ་སྟོན་ཚོགས་པ། བོད་ཀྱི་ཚོང་དོན་ཚོགས་པ། ད་དུང་རྒྱ་གར་གྱི་མཁས་པ་དང་བོད་མི་སྒེར་བ་ཁག་ཅིག་བཅས་ལ་ཐུག་འཕྲད་གནང་ཡོད་འདུག ངྷ་རམ་ས་ལའི་བོད་ཀྱི་གཞོན་ནུ་ལྷན་ཚོགས་དང་བུད་མེད། དགུ་བཅུ་གསུམ། བོད་རང་བཙན་སློབ་ཕྲུག་ཚོགས་པ། སྒྲོལ་མ་གླིང་སོགས་གཞུང་འབྲེལ་མིན་པའི་ཚོགས་པ་ཁག་དང་། བོད་མིའི་སྒྲིག་འཛུགས་ནང་སྲིད་དང་བདེ་སྲུང་། འཕྲོད་བསྟེན།སྤྱི་འཐུས་ལྷན་ཁང་། སྣེ་ལེན་ཁང་བཅས་ལ་གཟིགས་སྐོར་གནང་ཡོད་པ་དང་། དེ་བཞིན་ངྷ་རམ་ས་ལའི་SPལའང་ཐུག་འཕྲད་གནང་༽སྟེ་སྲིད་ཇུས་དེ་འདྲ་ཅིག་འདོན་དགོས་དོན་གང་ཡིན་ནམ།
གནས་ཚུལ་འདིའི་ནང་ཕྱི་གསལ་ནང་གསལ་མིན་པའི་བྱུང་བ་དེ་འདྲ་མེད་མི་སྲིད་པ་མ་རེད། རྒྱ་གར་དང་བལ་ཡུལ་གང་དུའང་གསར་འབྱོར་དང་གཞིས་ཆགས་བར་སྔ་མོ་དཔལ་འབྱོར་དང་མཐུན་རྐྱེན་གྱི་ཁྱད་པར་ཆེན་པོ་ཡོད་ལ། གཞུང་གིས་ལྟ་སྐྱོང་གི་ཆ་ནས་ཀྱང་ཁྱད་པར་ཆེན་པོ་ཡོད། གཞིས་ཆགས་ཁག་ནང་ལམ་ཁ་དང་ཁང་པ། ཆུ་དང་གློག་ནས་འཕྲོད་བསྟེན་ལྟ་སྐྱོང་དང་ཤེས་ཡོན། ཞིང་ཁ་དང་ས་ཆ། ཚོང་ལས་བྱེད་པར་སྒོར་མོ་གཞུང་གིས་གཡར་པ། ཐ་ན་མྱོས་རྫས་སྔོན་འགོག་དང་གླང་ཆེན་འགོག་རྒྱུ་ཚུན་ལ། བོད་གཞུང་གིས་ལོ་རེ་བཞིན་དུ་སྔོན་རྩིས་ནང་ཧིན་སྒོར་འབུམ་སྟོང་ཕྲག་མང་པོ་གཏོང་གི་ཡོད་པ་དང་།ཕྱི་རྒྱལ་དུའང་གཞུང་འབྲེལ་གྱིས་མང་པོ་གཏོང་གི་ཡོད་ནའང་། གསར་འབྱོར་ཚོར་ཉི་མ་ཁ་ཤས་བསྡད་སའི་སྣེ་ལེན་ཁང་རྫིག་པོ་ཅིག་ཡོད་པ་མ་གཏོགས། རྟེན་ས་ཆགས་ས་དང་རོགས་སྐྱོར་སོགས་ཅི་གང་མེད་པ་དངོས་ཡོད་དང་མཐོང་ཆོས་ཡིན་པས། མང་ཤོས་ཀྱིས་དགའ་ཉེའི་རྩ་ནས་སྒོར་མོ་གཡར་ཏེ་ཡོ་རོབ་ནང་དུ་སྐྱབས་བཅོལ་གཉིས་པར་འགྲོ་གི་ཡོད།༼གཞིས་ཆགས་མང་ཤོས་ཨ་རི་དང་ཁ་ན་སྒྲའི་ནང་འགྲོ་གི་ཡོད༽
གང་ལྟར། བར་སྐབས་ནས་བོད་ནས་ཡོང་མཁན་མང་པོ་རྒྱ་གར་ནང་མི་སྡོད་པར། ལམ་སེང་ཡོ་རོབ་ནང་ཐོད་བརྒལ་གྱིས་མཆོངས་ཏེ་རྒྱ་གར་འདི་སྐབས་འཕྲལ་གྱི་འབབ་ཚིགས་ཙམ་བྱེད་བཞིན་པར། རང་གཞུང་གནད་ཡོད་མི་སྣ་དང་རྙིང་འབྱོར་བོད་མི་མང་པོ་ཐུགས་དགྱེས་ཀི་མེད་པའི་རྣམ་འགྱུར་དང་བཀའ་མོལ་མང་པོ་ཡང་འཐོན་སོང་བ་དང་། རྒྱ་གར་ཡུལ་མི་མང་པོའང་ཁྲ་ཁྲ་ཟིང་ཟིང་གི་བོད་མིའི་ཕྱི་རྣམ་པར་ལྟོས་ཏེ་ཐུགས་མི་དགྱེས་པའི་བཀའ་མོལ་མང་པོ་ཅིག་བར་ལམ་ནས་གསར་ཤོག་ཁ་ཤས་ནང་མཐོང་སོང་སྟབས། སྣང་ཚུལ་མང་པོ་ཅིག་གིས་ཐག་གཅོད་འདི་ནི་སིད་སི་དང་བྷེལ་ཇམ་གཞུང་གཉིས་ནས་གང་འཚམས་ཐག་གཅོད་བྱས་པ་ཅིག་ཨེ་ཡིན་ནམ།
བྷེལ་ཇམ་གྱིས་འོས་བསྡུ་སོགས་ཀྱི་ཆེད་སྲིད་ཇུས་དེ་འདྲ་བཏོན་པར་ཆ་ཞོག དེས་ན་སིད་སུ་གཞུང་གིས་ཀྱང་དེ་འདྲ་གནང་དོན་གང་ཡིན་ནམ།
གང་ལྟར་ཀྱང་གསར་འབྱོར་མང་པོ་ཅིག་གི་ལྟོ་གོས་དང་མི་ཚེ་ལ་འབྲེལ་ཡོད་གནས་ཚུལ་འདིར། བོད་གཞུང་གིས་ངེས་པར་ཞིབ་འཇུག་གཏིང་ཟབ་ཀྱིས་ཐག་གཅོད་ཡག་པོ་བྱས་ཏེ་དཀའ་ངལ་སེལ་ཐབས་བྱེད་དགོས་པ་མ་གཏོགས། ལམ་ཁ་དེ་འགག་ན་གསར་འབྱོར་མང་པོ་ཅིག་རྒྱ་གར་ནང་ལྷག་ཚེ། རང་གཞུང་ལ་དཀའ་རྙོག་སྔར་ལས་སྡུག་པོ་འཕྲད་ངེས་ཅན་ཡིན་པ་རེད་སྙམ།
སྤྱི་འཐུས་ཚོགས་གཙོ་མཆོག་གིས་གསུངས་པ་ནང་ལྟར་གནས་ཚུལ་འདི་དག་སྤྱི་ཚོགས་ཁྲོད་གསལ་བོ་བཟོ་རྒྱུ་ཧ་ཅང་གལ་ཆེན་རེད། གདོང་དེབ་དང་སྐར་འཕྲིན་སོགས་སུ་གང་བྱུང་ཤོད་བཞིན་འདུག སྤྱི་ཚོགས་ནང་དཀྲིག་ཤིོང་དང་རང་གཞུང་ལ་ཚིག་སྡུག་ཅག་དེ་འདྲ་བེད་སྤྱོད་བཏང་སྟེ་བཀུས་བརྩི་མེད་པ་དེ་འདྲ་བྱེད་བཞིན་ཡོད་པ་དེ་ཡག་པོ་མ་རེད། སོ་སོས་སྐད་ཆ་གང་བྱུང་མ་བཤད་སྔོན་ལ་འབྲེལ་ཡོད་ཁུངས་སོ་སོར་བརྩད་གཅོད་གནང་སྟེ་ཞིབ་འཇུག་བྱེད་དགོས་རེད། ང་རང་གིས་བསམ་ཚུལ་བཤད་ཡིན་ན། བཀའ་ཤག་གིས་སྡུག་ཅག་དེ་འདྲ་བྱས་ཡོད་པ་མ་རེད་བསམ་གྱི་འདུག ཡིན་ནའང་མི་མང་ཕོན་ཆེན་པོ་དེ་འདྲ་ཞིག་ལ་དཀའ་ངལ་ཆེན་པོ་འཕྲད་ཡོང་ནའང་དེ་ཙམ་དོ་སྣང་མེད་པར་བཞག་འཇོག་པ་དང་། སེམས་འཚབ་ཀྱི་ཐོག་ནས་དཀའ་ངལ་དེ་སེལ་ཐབས་དང་མི་མང་ལ་གསལ་བཤད་མི་བྱེད་པ་དེ་ཡག་པོ་མ་རེད།
བཀའ་ཤག་གིས་སྐྱག་པ་ཟ། ཕན་འཐོག་པ་ལས་གནོད་ཆེ་བ་བྱེད་དོན་ག་རེ་རེད།་ང་ཚོར་ཉི་མ་ཉི་མ་དཀའ་ངལ་འཕྲད་བསྡད་ཡོད་པ་ཧ་གོ་དགོས་རེད། གལ་སྲིད་སྐྱབས་བཅོལ་ཡིག་ཆ་མ་རེག་པར་ནག་པོ་ཆགས་པ་ཡིན་ན་ང་ཚོའི་མི་ཚེ་ཁོ་རང་འཕྲོ་བརླག་ཏུ་ཕྱིན་ཚར་བ་རེད། ལས་ཀ་བྱེད་རྒྱུ་དང་ཕར་ཚུར་འགྲོ་སྐྱོད་ཙམ་གྱི་ཐོག་ལའང་དཀའ་ངལ་ཆེན་པོ་ཡོད་རེད། རྡ་རམ་ས་ལའི་ཚོང་ཁང་དང་ཟ་ཁང་ཁག་ནང་གཡོག་ལས་བྱེད་མཁན་སྐྱབས་བཅོལ་ལག་དེབ་ཨར་སི་མེད་མཁན་གསར་འབྱོར་བ་ཚོ་རྒྱ་གར་སྐོར་སྲུང་བས་འཇུས་ནས་འགྲོ་བཞིན་ཡོད་པ་མཁྱེན་གསལ་རེད། གཞུང་གིས་དེ་འདྲ་ཙམ་ལའང་ཕན་ཐོགས་མེད་ན་ང་ཚོའི་གཞུང་དེས་ག་རེ་བྱེད་དགོས་རེད། ཡོ་རོབ་ལུང་པར་དེ་ལས་ཀྱང་དཀའ་ངལ་དང་གཉེན་ཁ་ཆེ་བ་ཡོད་པ་རེད། མི་ཚེའི་རང་ཕ་ཡུལ་དང་རྒྱ་གར་ས་ཆ་གཞན་གང་ལ་ཡང་འགྲོ་མ་ཐུབ་པ་ཆགས་ཚར་བ་རེེད།
བཀའ་ཤག་གསར་འགོད་པ་ལ་གཡོལ་སྟངས་ལ་གཞིགས་ན་ཟེར་བ་སོགས་ནི་ཁུངས་ལུང་མེད་པའི་སྨྱོ་ལབ་རང་རེད།
བཀའ་ཤག་གསར་འགོད་པར་གཡོལ་སྟངས་ལ་གཞིགས་ན་སྤེལ་ལྗམ་གྱི་བོད་མི་ཚོའི་དཀའ་ངལ་གྱི་རྒྱབ་ཏུ་ཏན་ཏན་བཀའ་ཤག་འཛུལ་ཡོད་པ་གསལ་བོ་རེད། ནང་སྲིད་བཀའ་བློན་མཆོག་གིས་ཀྱང་ (སྐུ་ཚབ་ཚོགས་པ་དེར་ཐུག་ཡོད་དང་མེད་ང་ལ་གསལ་བོ་བྱས་ནས་བཤད་རྒྱུ་མེད། ཡིན་ནའང་། གསལ་བོ་བྱས་ནས་ག་རེ་ཞུ་ཐུབ་ཀྱི་ཡོད་ལབ་ན། བརྒྱ་ཆ་བརྒྱ་ཕར་ཕྱོགས་སུ་ཡོད་པའི་བོད་མི་ཚོར་གནོད་པ་ཅིག་བཤད་ཡོད་པ་རེད་བསམ་པ་རྩ་བ་ཉིད་ནས་མེད།)ཅེས་གསུངས་སྐྱོན་འདུག
གནས་ཚུལ་འདིའི་ཐོག་ནས་ང་བཀའ་ཤག་ལ་དོགས་པ་ཟ་དགོས་པ་ཞིག་ཆགས་སོང་། བཙན་བྱོལ་ནང་གི་བོད་མི་མང་པོ་ཞིག་ཕྱིར་བོད་ནང་ལོག་པ་དང་། ཁག་ཅིག་ཕྱི་རྒྱལ་ཁག་ཏུ་བསྐྱོད་དེ་གཞིས་ཆགས་ཁག་སྲ་བརྟན་མེད་པ་ཆགས་པ་དང་བསྟུན་ཏེ་ཕྱི་རྒྱལ་དུ་འགྲོ་བའི་ལམ་ཁ་འགོག་ཐབས་ཀྱི་སྲིད་བྱུས་ཤིག་ཡིན་སྲིད་པ་རེད། ཨ་རོའུ་ན་ཅལ་གྱི་བོད་མི་ཆིག་སྟོང་ཕྱི་རྒྱལ་དུ་བཏང་བ་དེ་གང་རེད་ཟེར་ན། ཨ་རོའུ་ན་ཅལ་ཕྱོགས་ནས་བཙན་བྱོལ་བོད་གཞུང་ལ་གྱོང་ལས་ཕན་རྐང་གཅིག་ཀྱང་ཐོག་གི་མེད་པ་རེད།