གཟའ་ཟླ་བའི་ཉིན་༧གོང་ས་མཆོག་གིས་མོན་པ་དང་འབྲུག་པ་བཅས་ལ་བཀའ་སློབ་གནང་སྟེ་ཆོས་ལ་དད་པ་ཡོད་ཀྱང་ཆོས་ཀྱི་གནས་ཚུལ་གང་ཡང་མ་ཤེས་པར་བླུན་པོ་ཆུ་སྣ་གར་ཁྲིད་མི་བྱེད་པར་བརྟག་དཔྱད་དང་ཞིབ་འཇུག་ཚོད་ལྟ་བྱས་ནས་ཕན་ཐོཊ་ཡོད་མེད་ལྟ་དགོས་སྐོར་གསུངས་འདུག
ཉིན་འདི་གར་༧གོང་ས་མཆོག་གིས་རྒྱ་གར་བྱང་ཤར་ཁུལ་དུ་ཆོས་ཕྱོཊ་ཀྱི་མཛད་འཕྲིན་སྐྱོང་བཞིན་པ་ལྟར། ཁ་སང་ཚེས་ ༤ ཉིན་ཤིས་ལོང་ས་གནས་ཀྱི་ཕོ་ལོ་ཐང་ཆེན་དུ་ (Polo Ground) དད་ལྡན་ཆོས་ཞུ་བ་ ༥༠༠༠ བརྒལ་བར་རྒྱལ་སྲས་ཐོཊ་མེད་བཟང་པོའི་མཛད་པས་༼ལག་ལེན་སོ་བདུན་མ༽ ཆོས་འབྲེལ་དང་སྟབས་བསྟུན་མི་མང་ལ་བཀའ་སློབ་གནང་སྟེ། ནང་པ་སངས་རྒྱས་པའི་གཞུང་དུ་སྡུག་བསྔལ་གྱི་རྩ་བ་སོ་སོའི་སེམས་རྒྱུད་མ་རིག་པ་དང་མི་ཤེས་པའི་དབང་གིས་བྱུང་བ་ཡིན་སྐོར་གསུང་ཡོད་པ་དང་། མི་ཤེས་པ་སེལ་རྒྱུར་རང་ཉིད་ཀྱིས་བསམ་བློ་གཏོང་དགོས་པ་ལས་དད་པ་ཁོ་ནས་སེལ་ཐབས་མེད་པ་དང་། འཛམ་གླིང་ནང་སྲོག་ཆཊ་འདྲ་མིན་སྣ་ཚོཊ་ཡོད་པའི་ཁོངས་ནས་འགྲོ་བ་མི་ལྟར་བསམ་བློ་གཏོང་ཐུབ་པའི་ཀླད་པ་ཞིག་གཞན་ལ་མེད་སྟབས། དེ་ལྟ་བུའི་ཆོས་ཤིག་སྒྲུབ་པར་མི་ལུས་ཧ་ཅང་གལ་ཆེན་པོ་ཆཊ་ཡོད་ཅིང་། ཚེ་འདིར་མི་ཚེ་དོན་ལྡན་ཞིག་ཡོང་བར་གྲོཊ་བཟང་ངན་གྱི་ཁྱད་པར་ཡོང་གི་ཡོད་སྟབས། ཁ་མིག་ཡར་ལྟ་བྱེད་ཡུལ་གྱི་དགེ་བའི་བཤེས་གཉེན་དང་གྲོཊ་བཟང་བསྟེན་རྒྱུ་ཧ་ཅང་གལ་ཆེན་ཡིན་ཚུལ་གསུངས་ཡོད་པ་མ་ཟད། ས་གནས་བོད་མི་ཚོར་ས་གནས་སུ་ཡོད་པའི་ལྷ་ཁང་ཆུང་ཆུང་དེ་སྨོན་ལམ་རྒྱག་ཡུལ་དང་དགེ་འདུན་པ་ཚོར་སྐུ་འགྱེད་དང་མང་ཇ་འབུལ་རྒྱུ་ཁོ་ནར་མི་འཇོག་པར། ནང་ཆོས་ལ་སློབ་སྦྱོང་དང་ས་གནས་ཀྱི་མི་མང་ནང་ནས་ནང་ཆོས་ལ་དོ་སྣང་ཡོད་མཁན་ཚོས་ལྷ་ཁང་དེ་སློབ་གཉེར་ཁང་ཆུང་ཆུང་ཞིག་ཏུ་བསྒྱུར་ཐུབ་པར་བྱ་དགོས་ཞེས་སོགས་བཀའ་སློབ་གནང་འདུག
ཚེས་ ༣ ཉིན་༸གོང་ས་མཆོག་གིས་རྒྱ་གར་བྱང་ཤར་ཨ་སམ་མངའ་སྡེའི་གྲོང་ཁྱེར་གྷོ་ཧ་ཊིའི་སྒྱུ་རྩལ་བསྟི་གནས་ཁང་དུ། མོན་པ་དང་འབྲུག་པ། བོད་མི། ས་གནས་ཡུལ་མི་བཅས་ཁྱོན་དད་ལྡན་ཆོས་ཞུ་བ་ ༣༠༠༠ བརྒལ་བར་སྒྲོལ་དཀར་ཡིད་བཞིན་འཁོར་ལོའི་ཚེ་དབང་གནང་ཡོད་པ་མ་ཟད། དམིགས་བསལ་ཆོས་ལུཊ་ཕན་ཚུན་གྱི་མཐུན་ལམ་ཐོག་ལམ་སྟོན་བཀའ་སློབ་གནང་ཡོད་པ་དང་། སྐབས་དེར་༧གོང་ས་མཆོག་གིས། བོད་ཀྱི་ནང་ཆོས་ཉམས་ལེན་བྱེད་མཁན་ས་དགེ་བཀའ་རྙིང་རིས་སུ་མ་ཆད་པ་ཚང་མ་སྔཊ་རྒྱུད་མ་གཏོགས། འདུལ་བ་དང་ཐེག་ཆེན་མདོ་སྡེའི་གཞུང་ལག་ལེན་བསྟར་མཁན་གཅིག་གྱུར་ཆཊ་ཀྱི་ཡོད སྟབས། ཆོས་ལུཊ་ཕན་ཚུན་དབར་ཐུཊ་མཐུན་ཁྲིམས་གཙང་བྱེད་རྒྱུ་ཧ་ཅང་གལ་ཆེན་པོ་ཆཊ་ཡོད། སྤྱིར་བཏང་བོད་གངས་ཅན་ལྗོངས་ཀྱི་ས་དགེ་བཀའ་རྙིང་རྣམས་ཕྲན་བུ་མི་འདྲ་བ་དེ་རྒྱུད་སྡེ་མི་འདྲ་བའི་ཐོག་ནས་ཡོང་གི་ཡོད་ཀྱང་། དེ་དག་ཚང་མ་མཁན་སློབ་ཆོས་གསུམ་གྱི་རྗེས་འཇུག་གཅིག་གྱུར་ཆཊ་ཡོད། ས་དགེ་བཀའ་རྙིང་ཇོ་ནང་དང་བཅས་པ་རྩ་བའི་དགེ་རྒན་གཅིག་དང་། ཡང་སྒོས་བཅོམ་ལྡན་འདས་ཀྱི་རྗེས་སུ་འབྲང་མཁན་གཅིག་མཚུངས་ཡིན་མ་ཟད། ལྷག་པར་མཁན་ཆེན་ཞི་བ་འཚོ་ནས་བརྒྱུད་པ་གཅིག་གྱུར་ཆཊ་ཀྱི་ཡོད། དེ་མིན་ཡག་པོ་མ་ཤེས་པའི་དབང་གིས་ང་རྙིང་མ་དང་། ང་དགེ་ལུགས། ང་ས་སྐྱ།
ང་བཀའ་བརྒྱུད་ཅེས་དང་། ནང་གསེས་ང་འབྲི་གུང་བཀའ་བརྒྱུད་སོཊ་བརྗོད་ན། གུ་དོག་གི་བསམ་བློ་དང་མཐོང་རྒྱ་ཐོས་རྒྱ་ཆུང་དྲགས་པ་རེད། ང་ཚོ་ཚང་མ་བཀའ་འགྱུར་བསྟན་འགྱུར་པོ་ཏི་སུམ་བརྒྱའི་རྗེས་སུ་འབྲང་མཁན་དང་དཔལ་ན་ལེཎྡྲའི་ཆོས་བརྒྱུད་འཛིན་མཁན་གཅིག་གྱུར་ཆཊ་ཡོད། ནང་གསེས་གདམས་ངག་དམིཊ་བསལ་ཅན་དེ་འདྲ་ཡོང་གི་ཡོད་པ་རེད་མ་གཏོགས་རྩ་བ་ཚང་མ་གཅིག་གྱུར་རེད། དེ་ལྟར་ཡོང་རྒྱུའི་རྩ་བ་གཞུང་ཆེན་དེ་དག་ལ་གཞི་བཅོལ་དགོས། སོ་སོས་དད་པ་བྱེད་ཡུལ་གྱི་ཆོས་དེ་གང་འདྲ་ཞིག་ཡིན་པ་ཤེས་པའི་ཐོག་དད་པ་བྱས་ན་ཧ་ཅང་བརྟན་པོ་ཡོད། ཅེས་གསུངས་འདུག
ཡང་༧གོང་ས་མཆོག་གིས། ང་ཚོའི་བླ་མ་གོང་མ་ཚོའི་གསུང་རྒྱུན་ལ་བླུན་པོ་ཆུ་སྣ་གར་ཁྲིད། ཅེས་པ་ཞིག་ཡོད། ནང་ཆོས་ལ་དད་པ་ཡོད་ཀྱང་ཆོས་ཀྱི་གནས་ཚུལ་གང་ཡང་མ་ཤེས་པར། མི་རྫུན་ཤོད་མཁན་ཞིག་གིས་ངར་མངོན་ཤེས་དང་སྒྲུབ་རྟགས་ཡོད། ངས་ཁྱེད་རང་ལ་བྱིན་རླབས་སྤྲོད་ཀྱི་ཡིན་ཞེས་བརྗོད་ན། སྐྱབས་སུ་མཆིའོ། ཞེས་བརྗོད་རྒྱུ་དེ་བླུན་པོ་ཆུ་སྣ་གར་ཁྲིད་ཆགས་ཀྱི་ཡོད་སྟབས། དེ་ལྟར་བྱེད་རྒྱུ་མེད། སངས་རྒྱས་བཅོམ་ལྡན་འདས་ཀྱིས། དགེ་སློང་དག་གམ་མཁས་རྣམས་ཀྱིས། ། བསྲེག་བཅད་བརྡར་བའི་གསེར་བཞིན་དུ། ། ལེགས་པར་བརྟག་ལ་ང་ཡི་བཀའ། ། བླང་བ་བྱ་ཡི་གུས་ཕྱིར་མིན། ། ཞེས་གསུངས་ཡོད། དོན་དག་སངས་རྒྱས་བཅོམ་ལྡན་འདས་ཀྱིས་ངའི་རྗེས་འབྲང་དགེ་སློང་དང་མཁས་པ་སུ་ཞིག་ཡིན་རུང། ངས་བསྟན་པའི་ཆོས་ལ་ཡིད་ཆེས་དང་དད་པ་བྱས་ནས་ཁས་ལེན་བྱེད་དགོས་དོན་མེད། ངས་བཤད་པའི་ཆོས་ལ་ཁྱེད་རང་ཚོས་བརྟག་དཔྱད་དང་ཞིབ་འཇུག ཚོད་ལྟ་བྱས་པའི་ཐོག་ནས་ཕན་ཐོཊ་ཡོང་གི་འདུག་ན་ཁས་ལེན་བྱོས། ཞེས་གསུངས་ཡོད། ཅེས་བཀའ་སློབ་གནང་འདུག
གསར་འགོད་པ། དོན་གོ
