ནད་པར་རོགས་སྐྱོར་གྱི་དངུལ་བྱུང་གསལ་བསྒྲགས།

༄༅། །རྒྱ་ཆེ་བའི་ཀློག་པ་པོ་ལྷན་རྒྱས་ཀྱི་སྙན་ལམ་དུ་ཆེད་ཞུ།

རྒྱ་གར་བྱང་ཕྱོགས་དྷ་ས་ནོར་གླིང་གནས་སྡོད་དིང་རི་བ་མཁལ་མ་ནད་པ་མིག་དམར་ཚེ་རིང་གི་སྨན་རིན་ཞལ་འདེབས་ཆེད། ཕྲན་བྱང་ཆུབ་རིན་ཆེན་གྱིས་མ་སྐུལ་དང་བླངས་ཐོག་སྨྲ་བརྗོད་རང་དབང་མཐུན་ཚོགས་ཞེས་པའི་འཕྲིན་ཕྲན་ (wechat) གྱི་ཚོགས་གཙོ་འབྲས་བློ་གླིང་སྨར་ཁམས་གྲགས་པ་རིན་པོ་ཆེ་མཆོག་དང་། ཚོགས་གཞོན་འབྲུག་ཐར་ཚང་ངག་དབང་བྱམས་པ་གཉིས་གཙོས་པའི་ཚོགས་མི་ཡོངས་ལ་ནན་གྱིས་རེ་འབོད་ཞུས་པ་ལྟར། ཚོགས་གཙོས་ལམ་སྟོན་འོག་ཚོགས་པའི་ལས་ཤོག་ཐོག་ནད་པའི་འདྲ་པར་དང་ལོ་རྒྱུས་ཡོད་པའི་གསལ་བསྒྲགས་དང་། ཚོགས་མི་ཚོས་ཞལ་འདེབས་དང་ཁྱབ་བསྒྲགས་གང་ལེགས་གནང་བར་བརྟེན། བོད་དང། ཨ་རི། ཐེ་ཝན། སུད་སི། རྒྱ་གར། བལ་ཡུལ་བཅས་ནས་ཞལ་འདེབས་ཆེད་ཁྱོན་བསྡོམས་ཧིན་སྒོར་དྲུག་འབུམ་དྲུག་ཁྲི་ལྔ་སྟོང་ཐམ་པ་ 66,5000.00 བྱུང་བ་ལས། ཧིན་སྒོར་ཆིག་འབུམ་ཆིག་ཁྲི་ཆིག་སྟོང་དགུ་བརྒྱ་བརྒྱད་ཅུ་གྱ་བདུན་ཐམ་པ་ 11,1987.00 ནོར་གླིང་རྩིས་ཁང་དུ་དོ་བདག་ནད་པས་སྨན་གྲོན་སྔ་འདོན་གཡར་བའི་སྐྱིན་ཚབ་ཏུ་སྤྲད་རྗེས། དངུལ་ལྷག་ཧིན་སྒོར་ལྔ་འབུམ་ལྔ་ཁྲི་སུམ་སྟོང་བརྒྱ་མེད་བཅུ་གསུམ་ཐམ་པ་ 55,3013.00 ནོར་གླིང་རྩིེས་ཁང་དུ་བཅོལ་ཡོད་པའི་དཔང་ཡིག་གསལ་བསྒྲགས་དང་མཉམ་དུ་ཡོད།

ཞལ་འདེབས་བྱུང་བ་རྣམས་ས་གནས་ཁག་དྲུག་ནས་དངུལ་ཁང་ནང་ཐད་ཀར་བླུགས་པ་དང། གནས་སྐབས་འགན་ཁུར་བ་བོད་ཀྱི་བང་ཆེན་གསར་ཁང་གི་འཛིན་སྐྱོང་དོ་དམ་པ་གེ་བ་ཚང་ངག་དབང་ཐར་པ་དང། ནོར་གླིང་ཤིང་བཟོ་བཀྲིས་ཕུན་ཚོགས། ཕྲན་རྒྱུད་སྟོད་དཔེ་མཛོད་དོ་དམ་པ་བྱང་ཆུབ་རིན་ཆེན་ངེད་གསུམ་གྱི་མིང་ཐོག་ཏུ་བསྐུར་བ་རྣམས་གཤམ་གསལ་ལྟར་ཡིན། 

གོང་གསལ་མི་གསུམ་གྱིས་གནས་སྐབས་རིང་འགན་ཁུར་བའི་ལས་ཀ་དེ་ཟླ་འདིའི་ཕྱི་ཚེས་༢༠ ཉིན་ནོར་གླིང་གསོལ་མགྲོན་ཁང་གི་ཐོག་ཁར། དྷ་སའི་ས་གནས་གྲོས་ཚོགས་ཀྱི་ཚོགས་གཙོ་དང་། དྷ་སའི་ས་གནས་འགོ་འཛིན། ནོར་གླིང་སྤྱི་ཁྱབ་འགན་འཛིན། ནོར་གླིང་བདེ་དོན་འགན་འཛིན་གཙོས་པའི་བདེ་འཇགས་མི་སྣ་བཅས་ལྷན་འཛོམས་ཐོག་རྩིས་སྤྲོད་གཙང་མ་བྱས་ཟིན་པས། ཕྱིས་སུ་སྤྱི་ཚོགས་ནང་ནད་པ་མིག་དམར་ཚེ་རིང་གི་མིང་ཐོག་ནས་ཞལ་འདེབས་སློང་མཁན་རིགས་བྱུང་ཚེ་ང་ཚོ་དང་འབྲེལ་བ་མེད་ཅེས་འགན་ཁུར་བ་བྱང་ཆུབ་རིན་ཆེན་དང་། ངག་དབང་ཐར་པ། བཀྲ་ཤིས་ཕུན་ཚོགས་བཅས་ཀྱིས་གསལ་བསྒྲགས་སུ་ཕྱི་ལོ་ ༢༠༡༤། ༢། ༢༠ ཉིན་སྤེལ།