ཉེ་སྔོན་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་ཀྱི་བོད་མི་བློ་ལྡན་ཟེར་བ་རྒྱ་གར་བ་ཞིག་གིས་བསད་ཡོད་འདུག
དེ་རིང་གསར་འགོད་པས་ཁ་པར་བརྒྱུད་སྦེལ་ཀོབ་གཞིས་ཆགས་གསར་པའི་གཞིས་མགོ་བྱམས་པ་ཕུན་ཚོགས་ལགས་སུ་གནས་ཚུལ་དེའི་བྱུང་རྐྱེན་དང་། ཉེན་རྟོག་པའི་ངོས་ནས་ག་རེ་གནང་གི་ཡོད་མེད་སྐད་ཆ་དྲིས་པར་ཁོང་གིས། “ གནས་ཚུལ་དེ་བྱུང་བ་བདེན་པ་རེད། ཡིན་ནའང་། གནས་ཚུལ་དེའི་བྱུང་རྐྱེན་གསལ་བོ་ཤེས་མ་སོང་། ང་ཚོས་གོ་བ་ལ་ཟླ་འདིའི་ཕྱི་ཚེས་ ༣ ཉིན་བློ་ལྡན་ལགས་བོར་བརླག་ཏུ་གྱུར་ཡོད་འདུག ཕྱིས་སུ་རྒྱ་གར་ཉེན་རྟོག་པས་དོགས་ཡོད་རྒྱ་གར་བ་གྷི་རས་ཞི་ (Girish) ཟེར་བ་ཞིག་འཛིན་བཟུང་བྱས་ཏེ་འདྲི་རྩད་བྱེད་སྐབས། ཁོས་བློ་ལྡན་བསད་པ་ངོས་ལེན་བྱས་འདུག ཉེན་རྟོག་པས་བཤད་པ་ལྟར་ན་གང་མགྱོགས་ཁོར་ཁྲིམས་ཐག་གཅོད་རྒྱུ་རེད། ” ཅེས་བརྗོད་བྱུང་།
བློ་ལྡན་ལགས་ནི་སྦེལ་ཀོབ་བདེ་སྐྱིད་སླར་གསོའི་གཞིས་གྲོང་ ༤ པའི་མི་ཡིན་པ་དང་། ད་ལྟ་རང་ལོ་ ༤༥ ཙམ་ཡིན་འདུག དེ་སྔོན་སྦེལ་ཀོབ་གཞིས་ཆགས་ཀྱི་མཉམ་ལས་ལག་ཤེས་སྡེ་ཚན་ནང་ལས་ཀ་བྱས་མྱོང་བ་དང་། ཕྱིས་སུ་རྩ་དགོངས་ཞུས་ཡོད་འདུག ད་ལྟ་ཁོང་གི་ཁྱིམ་དུ་བཟའ་ཟླ་དང་བྱིས་པ་བུ་མོ་ ༣ བཅས་ཡོད་འདུག
གསར་འགོད་པ། པདྨ་མཚོ།
བྷེལ་ཀོབ་ཏུ་རྒྱ་གར་བས་བོད་མི་ལམ་གཞུང་ལྡེབས་བསད་དང་། ཉེས་མེད་ཉེས་བརྡུངས་བཏང་བ་སོགས་ཀྱི་གནས་ཚུལ་ཚབས་ཆེ་མང་དག་ཅིག་བྱུང་དང་འབྱུང་བཞིན་ལ། ས་གནས་འགོ་འཛིན་གཙོས་མི་མང་དོག་བསྒྲིལ་གྱིས་ལས་འགུལ་མང་ཙམ་མ་བསྟན་ན་ཆག་སྒོ་ཆེན་པོ་སྒོ་རྩར་སླེབས་ལ་ངེས་འདུག་པས། རྒྱ་གར་གཞུང་ནས་ང་ཚོར་འོས་འཕེན་ཡན་ནས་ཐོབ་སྐལ་རིམ་པར་སྤྲོད་བཞིན་ཡང་། ཡུལ་མིའི་དོན་མེད་བརྙས་བཅོས་འཁུར་རྒྱུ་མང་དྲགས་ན་སྡུག་རང་ཉོས་ཡིན་པས། ང་ཚོའི་ལངས་ཕྱོགས་ཀྱི་རྣམ་པ་སྟོན་སྟངས་དང་། འབྲེལ་ལམ་བྱེད་སྟངས་ལ་འགྱུར་བ་གཏང་དགོས་ཛ་དྲག་འདུག་ཟེར་གྱི་ཡོད། ང་ཚོ་ནི་ཁྲིམས་མཐུན་ཡུལ་གྱར་ཡུལ་མིར་འགྱུར་གྲབས་ཤིག་ལས། ཁྲིམས་འགལ་ཉག་ཉེས་པ་ཞིག་མིན་པས་ང་ཚོ་རང་གི་གནས་སྟངས་ཤེས་པར་བྱ་དགོས་པར་གདའ།
ཨོཾ་མ་ནི་པདྨེ་ཧུཾཿ རྒྱ་གར་ནག་རེས་འདི་ཚོ། དངུལ་ལ་ཐུག་ན་སྡིག་ཉེས་ཅི་གསོག་ན། མི་འཛེམ་ཁོ་ཐག་རེད།