རྒྱ་ནག་གཞུང་གིས་རང་ལུས་མེར་བསྲེཊ་ལ་རྐྱེན་བྱས་ཏེ་རྔ་པ་རྫོང་དུ་དམག་སྒར་ཆེ་ཆུང་མང་པོ་གསར་རྒྱག་གིས་དམ་དྲག་བྱེད་ཀྱིན་པ་མ་ཟད། ཉེ་བའི་དུས་ནས་མི་མང་གི་ས་ཆ་བཙན་འཕྲོག་གིས་ཁང་པ་གསར་རྒྱག་བྱེད་ཀྱི་ཡོད་པ་དང་། མ་འོངས་པར་རྒྱ་རིགས་ཁྲི་ལྔ་ལྷག་ས་གནས་སུ་གནས་སྤོར་བྱ་འཆར་ཡོད་འདུག
བསམ་འགྲུབ་ཚེ་རིང་ལཊ་ནི། ཕྱི་ལོ་ ༢༠༡༡ ལོར་རྔ་པ་ཀིརྟི་དགོན་པའི་གྲྭ་བློ་བཟང་ཕུན་ཚོཊ་ལགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་རང་ལུས་མེར་བསྲེཊ་གནང་རྗེས། རྒྱ་གཞུང་གིས་ཁོང་ལ། གྲྭ་བློ་བཟང་ཕུན་ཚོཊ་ལཊ་ཀྱི་གནས་ཚུལ་ཕྱི་ལོགས་ལ་ཁྱབ་བསྒྲཊ་བྱེད་མཁན་ཡིན་པའི་ཉེས་འཛུཊ་འོག ལོ་དེའི་ཟླ་ ༥ ཚེས་ ༧ ཉིན་འཛིན་བཟུང་གིས་ཉིན་བཅུ་གྲངས་ཤིག་ལ་རྔ་པ་རྫོང་ཐོག་གི་དམག་མིའི་བཙོན་ཁང་ཞིག་ཏུ་འདྲི་རྩད་གཅར་རྡུང་བཏང་ཡོད་པ་དང་། ཕྱིས་སུ་ཀློད་གྲོལ་བཏང་ཡོད་ནའང་རྒྱ་གཞུང་གིས་དགོན་པའི་དགེ་འདུན་པ་ཚོ་གང་བྱུང་འཛིན་བཟུང་གིས་ཁྲིམས་ཐག་གཅོད་ཀྱི་ཡོད་སྟབས། ཡར་མར་ཉེན་ཡོལ་གྱི་ཞོར་དུ་སློབ་སྦྱོང་བྱས་ཡོད་ཅིང་། ཉེ་ལམ་རྒྱ་གར་ལ་སྐྱབས་བཅོལ་དུ་འབྱོར་ཏེ་གསར་འགོད་པ་དང་གླེང་མོལ་བྱས་ཡོད།
ཁོང་གིས་བརྗོད་པ་ལྟར་ན། རྒྱ་གཞུང་གིས་ ༢༠༠༨ ལོ་ནས་བཟུང་རྔ་པ་རྫོང་དུ་དམག་མི་དང་ཉེན་རྟོག་པ་སྟོང་ཕྲག་མང་པོ་འགྲེམས་འཇོག་གིས་དམ་དྲག་བྱས་ཡོད་པ་མ་ཟད། ད་ཆར་ཡང་ཉིན་ལྟར་རྫོང་ཐོག་ཏུ་དྲག་ཆས་ཉེན་རྟོག་པ་དང་དམག་མིའི་རླངས་འཁོར་ཆེ་བ་བཞི་ལྔ་རེ་ཡོང་སྟེ། མེ་མདའ་དང་ལྕགས་མདུང་སོགས་བཟུང་སྟེ་སྲང་ལམ་ཁག་ཏུ་སྐོར་སྐྱོད་བྱེད་ཀྱི་ཡོད་པ་དང་། ས་གནས་མང་ཚོགས་ཚོས་བརྗོད་ན་ཉེ་འཁོར་གྱི་ཁང་རྩེག་མང་པོ་ཞིག་ཏུ་དམག་མི་ཕོན་ཆེན་ཡིབ་སྡོད་བྱས་ཡོད་ཅིང་། གལ་སྲིད་གནས་ཚུལ་ཆེན་པོ་འདྲ་ལྷགས་སྐབས་དྲག་གནོན་བྱེད་ཆོག་ཆོག་ཏུ་བསྡད་ཡོད་འདུག སྤྱིར་བཏང་དགོན་སྡེ་ཁག་ནང་གཞུང་གི་ཆོག་མཆན་མེད་པར་ཆོས་ཕྱོགས་ཀྱི་བྱེད་སྒོ་སྤེལ་མི་ཆོག་པ་མ་ཟད། ཀིརྟི་དགོན་པར་འཇང་དགུན་ཆོས་ཚོགས་སྐབས་ས་གནས་གཞན་གྱི་གྲྭ་བ་ཚུར་ཡོང་བར་བཀག་འགོག་དང་། ཀིརྟི་དགོན་པའི་གྲྭ་བ་ཚོ་དགོན་པ་གཞན་དུ་སློབ་གཉེར་ལ་སྐྱོད་པར་ཡང་སྟངས་འཛིན་བྱེད་ཀྱི་ཡོད་འདུག
༢༠༠༩ ལོ་ནས་བཟུང་རྔ་པར་རང་ལུས་མེར་བསྲེཊ་བསྟུད་མར་བྱུང་སྐབས། རྒྱ་གཞུང་གིས་སྔར་ལས་ལྷག་པའི་དམ་དྲག་བྱས་ཏེ། ས་གནས་མི་མང་ལ་དཀའ་ངལ་ཆེན་པོ་འཕྲད་ཀྱི་ཡོད་པ་མ་ཟད། ཚོང་པ་ཚོའི་དཔལ་འབྱོར་ཐོག་ལའང་གྱོང་གུད་ཕོག་གི་ཡོད་པ་དང་། ཀིརྟི་དགོན་པའི་གྲྭ་བ་མང་ཆེ་བ་འཛིན་བཟུང་འདྲི་རྩད་བྱས་ཤིང་ཁག་ཅིག་ལ་ཁྲིམས་ཐག་བཅད་པ་སོགས་ལ་བརྟེན་ཏེ། དེང་སྐབས་དགོན་པའི་ནང་ཁུལ་ཕན་ཚུན་བར་ཆབ་སྲིད་དང་འབྲེལ་བའི་སྐད་ཆ་བཤད་པ་དང་། རྒྱ་གར་སོགས་ཕྱི་ལོགས་ཀྱི་ཁ་པར་སོགས་ལ་ཉན་རྒྱུར་ཡང་འཛེམ་ཟོན་ཆེན་པོ་བྱེད་ཀྱི་ཡོད་འདུག འོན་ཀྱང་རང་ལུས་མེར་བསྲེཊ་ཀྱི་གནས་ཚུལ་མང་པོ་བྱུང་པ་དེས་ས་གནས་མི་མང་གི་མཐུན་ལམ་དང་མི་རིགས་ཀྱི་ལར་ཞེན་སྔར་ལས་ཤུགས་ཆེན་པོ་ཆགས་ཡོད་སྐོར་སོགས་བརྗོད་བྱུང་།
གསར་འགོད་པས་ཁོང་ལ་བོད་མིའི་རང་ལུས་མེར་བསྲེགས་ཐོག་ལྟ་ཚུལ་གང་འདྲ་ཡོད་པ་དང་། མི་མང་གིས་གང་འདྲ་ཤོད་ཀྱི་ཡོད་མེད་དྲིས་པར། ཁོང་གིས་ “ ངའི་ངོས་ནས་རང་ལུས་མེར་བསྲེཊ་གནང་མཁན་ཚོའི་སྙིང་སྟོབས་དང་ལྷག་བསམ་དེ་ཧ་ལས་པ་རེད་བསམ་གྱི་ཡོད། ང་རང་ལ་དེ་ལྟ་བུའི་སྙིང་སྟོབས་མི་འདུག ཡིན་ནའང་། ཁོང་རྣམ་པས་རང་ལུས་མེར་བསྲེགས་གཏོང་ཐུབ་པའི་སྙིང་སྟོབས་དེ་ལྟ་བུ་ཞིག་སློབ་སྦྱོང་ཐོག་གཏོང་ཐུབ་པ་ཡིན་ན། དངོས་གནས་དྲང་གནས་ཚད་ངེས་ཅན་ཞིག་ལ་བསླེབ་རྒྱུ་ཡིན་པ་གཏན་ཁེལ་བ་རེད། བོད་དོན་ཐོག་ལའང་དེས་ཕན་ཐོགས་ཆེན་བ་ཡོང་གི་རེད་བསམ་གྱི་འདུག ད་ལྟའི་ཆར་ས་གནས་མི་མང་གི་ཁྲོད་དུའང་དེ་འདྲ་གླེང་མཁན་འདུག” ཅེས་བརྗོད་བྱུང་།
ཁོས་རྔ་པ་རྫོང་ཐོག་གི་གནས་སྟངས་ཤིག་གི་ལ་འདི་ལྟར་བརྗོད་བྱུང་། “ རྔ་པ་རྫོང་གི་ཕྱོགས་གཅིག་གྲོང་ཁྱེར་དང་། ཕྱོགས་གཞན་ཞིག་ཐང་སྟོང་རེད། ཉེ་བའི་ལོ་ཤས་ནས་བཟུང་རྒྱ་གཞུང་གིས་ས་གནས་མི་མང་ལ་འདོད་མོས་ཡོད་མེད་ལ་མ་ལྟོས་པར་ས་ཆ་སྟོང་པ་མང་པོ་ཞིག་བཙན་འཕྲོག་བྱས་ཏེ། རྒྱ་མིའི་ལས་ཁུངས་མང་པོ་རྒྱག་གི་འདུག གོ་ཐོས་ལྟར་ན། ཁང་པ་དེ་དག་གྲུབ་རྗེས་རྒྱ་མི་ཁྲི་ ༥ ཙམ་གནས་སྤོར་བྱ་རྒྱུ་རེད་ཟེར། ད་ལྟའི་ཆར་རྔ་པ་རྫོང་དུ་སྔར་གྱི་དམག་སྒར་ཆེན་པོ་གཅིག་ཡོད་པ་དེའི་ཐོག་དམག་སྒར་ཆེན་པོ་གསར་བ་ཞིག་ཀྱང་བརྒྱབ་འདུག དམག་སྒར་ཆུང་ངུའི་རིགས་མང་པོ་འདུག གནས་སྟངས་མང་པོ་ཞིག་ལ་བལྟས་ཡོང་ན་རྒྱ་གཞུང་གིས་རྔ་པ་རྫོང་དུ་རྒྱ་རིཊ་མང་པོ་ཞིག་དབོར་འདྲེན་བྱ་འཆར་ཡིན་པ་གཏན་ཁེལ་རེད”ཅེས་བརྗོད་བྱུང་།
མཇུག་ཏུ་ཁོང་ལ་སྔོན་ཆད་བོད་ནང་ཡོད་སྐབས་དང་ད་ལྟ་རྒྱ་གར་ནང་འབྱོར་སྐབས་གཉིས་བར་བསམ་ཚུལ་མ་འདྲ་བ་ག་རེ་བྱུང་ཡོད་མེད་དྲིས་པར། “ སྔོན་མ་སེམས་ཤུགས་ཆེན་པོ་ཡོད་ཡིན་ནའང་། ངས་བལ་ཡུལ་སྣེ་ལེན་ཁང་ནས་གོ་བ་ལྟར་ན། ད་ལྟའི་ཆར་བོད་ནས་གསར་དུ་འབྱོར་མཁན་མང་ཆེ་བ་རྒྱ་གར་ནང་སློབ་སྦྱོང་བྱེད་དུ་ཡོང་བ་མིན་པར་ཕྱི་རྒྱལ་ལ་སྒོར་མོ་འཚོལ་དུ་འགྲོ་མཁན་རེད་ཟེར། ང་དང་མཉམ་དུ་ཡོང་བའི་མི་ ༢༩ ཁྲོད་ནས་ཀྱང་མང་པོ་ཞིག་ཕྱི་རྒྱལ་དུ་འགྲོ་མཁན་རེད། ངས་བསམ་ན་རྒྱ་གར་ནང་འདི་བོད་པའི་སྐད་ཡིག་ཐོག་ཤུགས་རྒྱག་ས་གལ་ཆེན་པོ་ཞིག་ཆགས་འདུག གང་ཡིན་ཟེར་ན། བོད་ནང་རྒྱ་ནག་གཞུང་གིས་སློབ་གྲྭ་ཁག་གི་བོད་ཡིག་དགེ་རྒན་ཡག་པོ་དེ་ཚོ་ལས་ཁུངས་གཞན་དུ་བཏང་སྟེ། ཤེས་ཚད་མེད་པའི་ལས་བྱེད་མང་པོ་ཞིག་དགེ་རྒན་ལ་བསྐོ་བཞག་བྱེད་ཀྱི་འདུག འདི་རྒྱ་ནག་གིས་བོད་ཡིག་རྩ་མེད་བཟོ་རྒྱུའི་གཡོ་ཐབས་ཤིག་རེད་བསམ་གྱི་འདུག ཕྱིའི་རྒྱལ་ཁབ་ཁག་ནང་བོད་པའི་སྐད་ཡིག་རྒྱུན་འཛིན་ཐུབ་རྒྱུ་ཁག་པོ་ཡིན་རྒྱུ་རེད་བསམ་གྱི་འདུག ” ཅེས་བརྗོད་བྱུང་།
གསར་འགོད་པ། དོན་གོ
༼བོད་ཀྱི་དུས་བབ་ཚགས་པར་ལས་འདིར་བཀོད༽
