རྒྱལ་སྤྱིའི་བོད་དོན་ལས་འགུལ་ཁང་གིས་ཨ་རིའི་སྲིད་འཛིན་ཨོ་བྷ་མའི་སྐུ་ཟླར་བོད་ནང་བོད་སྐད་ཡིག་སྦྱོང་སྦྱོད་སྤེལ་གསུམ་གྱི་ཐོབ་ཐང་ཡོད་མེད་ཐོག་ཐུཊ་སྣང་གནང་རྒྱུའི་འབོད་སྐུལ་གནང་འདུག
རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་མེ་ཐེའུ་མེ་གྷལ་ཆི་ལགས་ཀྱི་མཚན་ཐོག་ནས་ཕུལ་བའི་ཞུ་ཡིག་ནང་། ལྕམ་སྐུ་མཆོག་གིས་ཤེས་ཡོན་སློབ་གསོའི་ཐད་དམིགས་བསལ་ཐུགས་འཁུར་གནང་གི་ཡོད་པར་ཐུགས་རྗེ་ཆེ་ཞུ་རྒྱུ་དང་འབྲེལ་འབོད་སྐུལ་ཞུ་རྒྱུ་ཞིག་ལ། སྐུ་ཉིད་གཟིགས་སྐོར་ཕེབས་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ནང་སྐད་ཡིག་གཉིས་སྦྱོད་མཁན་ལ་འཕྲད་པའི་དཀའ་ངལ་ཐད་ཐུགས་སྣང་གནང་དགོས་པ་དང་། ལྷག་པར་གཞི་རིམ་དང་འབྲིང་རིམ་སློབ་གྲྭ་ཁག་ནང་དཀའ་ངལ་གང་འདྲ་འཕྲད་ཀྱི་ཡོད་མེད་དང་། སི་ཁྲོན་ཞིང་ཆེན་ཁོངས་གཏོགས་ཀྱི་ས་ཁུལ་ཁག་ནང་གནས་སྡོད་བྱེད་མཁན་གྱི་བོད་པའི་སློབ་ཕྲུག་ཚོར་རང་མི་རིགས་ཀྱི་སྐད་ཡིག་དང་རྒྱ་ཡིག་གཉིས་ཀ་སྦྱོང་རྒྱུའི་ཐོབ་ཐང་ཡོད་མེད། མི་རིགས་རང་གི་སྐད་ཡིག་སྦྱོང་སྤྱོད་སྤེལ་གསུམ་བྱ་རྒྱུའི་མཐུན་རྐྱེན་ཡོད་མེད་ཐད་རྟོག་ཞིབ་ནན་པོ་གནང་རྒྱུའི་འབོད་སྐུལ་ཞུ་བཞིན་ཡོད་སྐོར་བཀོད་འདུག
གནད་དོན་དབྱེ་ཞིབ་པ་ཚོས། མེ་ཤལ་ཨོ་བྷ་མ་རྒྱ་ནག་གི་གནད་ཡོད་མི་སྣར་ཐུག་འཕྲད་གནང་སྟེ་གནད་འགག་ཅན་གྱི་གནད་དོན་ལ་གོ་བསྡུར་སྦྱང་བཤད་གང་ཡང་གནང་འཆར་མེད་ཀྱང་། ཁོ་མོ་བོད་པའི་ཟ་ཁང་ཞིག་ཏུ་ཕེབས་འཆར་ཡོད་པའི་གནས་ཚུལ་ཐོན་བཞིན་ཡོད་སྟབས། ཨ་རིའི་གཞུང་གིས་བོད་མིའི་གནས་སྟངས་ཐད་སེམས་འཚབ་ཡོད་པའི་རྣམ་འགྱུར་བསྟན་པ་ཞིག་ཡིན་སྐོར་བརྗོད་འདུག
མེ་ཤལ་ཨོ་བྷ་མ་སྐུ་འཁོར་ལྷན་རྒྱས་ཟླ་འདིའི་ཚེས་ ༢༠ ནས་ ༢༣ བར་པེ་ཅིན་དང་། དེའི་རྗེས་ཞི་ནན་གྲོང་ཁྱེར་དུ་ཉིན་གཅིག་བཞུགས་རྒྱུ་ཡིན་པ་དང་། ཚེས་ ༢༥ ནས་ ༢༦ ཉིན་གཉིས་རིང་སི་ཁྲོན་ཞིང་ཆེན་ཁྲིན་ཏུའུ་གྲོང་ཁྱེར་དུ་གཟིགས་སྐོར་རྟོག་ཞིབ་གནང་རྒྱུ་ཡིན་འདུག
གསར་འགོད་པ། དོན་གྲུབ།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
ནོར་བཅོས་
མིག་གིས་མ་མཐོང་པར།
ཁོ་མོ་བོད་པའི་ཟ་ཁང་ཞིག་ཏུ་ཕེབས་འཆར་ཡོད་པའི་གནས་ཚུལ་ཐོན་བཞིན་ཡོད་སྟབས། ཨ་རིའི་གཞུང་གིས་བོད་མིའི་གནས་སྟངས་ཐད་སེམས་འཚབ་ཡོད་པའི་རྣམ་འགྱུར་བསྟན་པ་ཞིག་ཡིན་སྐོར་བརྗོད་འདུག་པར་དགའ་ཚོར་ཆེ། འོན་ཀྱང་དེ་སྔོན་གོ་ཐོས་ལ་དཔལ་ལྡན་ ཆོས་རིག་བཀའ་ཟུར་ཚེ་རིང་ཕུན་ཚོགས་མཆོག་འབྲུག་ཏུ་བསྐྱོད་ནས་བོད་པ་འབྲུག་མི་ཁོངས་སུ་ཡོད་པའི་ཟ་ཁང་ཞིག་ཏུ་གུང་ཚིགས་ལ་ཕེབས་ནས་མཐར་འབྲུག་ཏུ་ཡོད་པའི་བོད་མིའི་གནས་བབ་ཡག་པོ་ཡོད་རབ་གསུངས་འདུག དེ་ཙམ་དུ་མ་ཟད་ཨམ་ར་ཝ་ཏུ་དུས་འཁོར་དབང་ཆེན་སྐབས་བཀའ་བློན་ཁྲི་ཟུར་འཇུ་ཆེན་ཐུབ་བསྟན་མཆོག་གིས་༼ད་ལྟའི་དུས་འབྲུག་ཡུལ་ནང་བོད་མིའི་གཞིས་ཆགས་མིང་ཙམ་མ་གཏོགས་བོད་མི་གནས་སྡོད་བྱེད་མཁན་མེད་༽ ཟེར་ནས་དངོས་ཡོད་གནས་ཚུལ་མིག་གིས་མཐོང་པར་གཏམ་བཤད་འདི་ལྟར་སྤེལ། རྒྱ་གར་ནང་ཡོད་པའི་བོད་མི་ལས་འབྲུག་ནང་ཡོད་པའི་བོད་མི་ལ་དཀའ་ངལ་མང་པོ་ཡོད། དཔེར་ན། ཕྲུ་གུ་སློབ་གྲྭར་འཛིན་རིམ་བཅུ་པ་ལས་འགྲོ་མི་ཆོག་པ་དང་། ཐ་ན་རྒྱ་གར་དང་འབྲུག་བར་ཡར་མར་གཉིས་ཀར་གནམ་གྲུར་འགྲོ་མི་ཆོག