༧གོང་ས་མཆོག་གིས་ཡུ་རོབ་རྒྱལ་ཁབ་ཁག་བཞིའི་ནང་གི་མཛད་འཕྲིན་ཁག་ལེགས་པར་གྲུབ་ཏེ་དེ་རིང་སྔ་དྲོ་ཕྱིར་བཞུགས་སྒར་དུ་ཆིབས་བསྒྱུར་གནང་སོང་།
ཟླ་འདིའི་ཚེས་ ༤ ཉིན་ནས་བཟུང་༧གོང་ས་མཆོག་གིས་ཡུ་རོབ་རྒྱལ་ཁབ་ལ་ཏི་ཝི་ཡ་དང་ནོར་ཝེ། ཧོ་ལན་ཌི། འཇར་མན་བཅས་རྒྱལ་ཁབ་ཁག་བཞིའི་ནང་གཞུང་འབྲེལ་མི་སྣ་དང་གྲོས་ཚོགས་འཐུས་མི། གསར་འགོད་པ་བཅས་ལ་ཐུག་འཕྲད་དང་། ས་གནས་ཀྱི་སློབ་གྲྭ་ཁག་གི་སློབ་ཕྲུག་དང་མི་མང་ལ་ཆོས་འབྲེལ་བཅས་ཆོས་ཕྱོཊ་ཀྱི་མཛད་འཕྲིན་ཁག་བསྐྱངས་ཡོད་པ་ལྟར། དེ་རིང་ཚེས་ ༡༧ ཉིན་གྱི་སྔ་དྲོའི་ཆུ་ཚོད་ ༡༠།༣༠ སྟེང་རྒྱལ་ཁབ་དེ་དག་གི་མཛད་འཕྲིན་ལེགས་པར་གྲུབ་ཏེ་བོད་མིའི་སྒྲིག་འཛུཊ་ཀྱི་སྲིད་སྐྱོང་བློ་བཟང་སེང་གེ་མཆོག་དང་། སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་བཅས་གཙོས་པའི་མང་གཙོ་ཀ་བ་གསུམ་གྱི་མཛད་གཙོ་རྣམ་པ་དང་། དགའ་ལྡན་ཕོ་བྲང་གི་ལས་བྱེད། གཞུང་དང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། སེར་སྐྱ་མི་མང་བཅས་ཀྱིས་ཕེབས་བསུའི་ཁྲོད་ཕྱིར་བཞུགས་སྒར་དྷ་རམ་ས་ལའི་བཞུགས་གནས་ཕོ་བྲང་དུ་ཞབས་སོར་བདེ་བར་འཁོད་གནང་སོང་།
ཟླ་འདིའི་ཚེས་ ༣༠ ནས་འཆར་ཟླའི་ཚེས་ ༢ བར་༧གོང་ས་མཆོག་ནྰ་ལེནྜ་ཤི་ཀྴ་ཚོགས་པའི་གསོལ་འདེབས་ཞུས་དོན་ལྟར་མ་ཧ་ར་ཤི་ཌ་མངའ་སྡེའི་རྒྱལ་ས་མུམ་བྷེར་ (Mumbai) རྒྱ་གར་གྱི་ནང་ཆོས་དོན་གཉེར་བ་དང་དད་ལྡན་ཆོས་ཞུ་བ་རྣམས་ལ་ནང་ཆོས་ངོ་སྤྲོད་གནང་རྒྱུ་དང་། ཕྱི་ཟླ་ ༦ པའི་ཚེས་ ༤ ནས་ ༦ བར་དྷ་སྟེང་བོད་ཁྱིམ་དུ་མཐོ་སློབ་ཁག་གི་སློབ་མ་གཙོས་པའི་བོད་རིགས་གཞོན་སྐྱེས་ཚོར་ནང་ཆོས་ངོ་སྤྲོད་གནང་རྒྱུ་ཡིན་འདུག
གསར་འགོད་པ། དོན་གོ
རྣམ་དཔྱོད་ཡངས་བའི་མཛངས་མ། བརྩོན་པ་བརྟན་པའི་གསར་འགོད་པ་པདྨ་མཚོ་ལགས་ཀྱིས་པར་ཧ་ཅང་ཡག་པོ་ཞིག་བསྐྱོན་གནང་་འདུག བོད་པ་ཚང་གི་ཁོག་པའི་སྙིང་དང་དཔྲལ་བའི་མིག་ཡིད་བཞིན་ནོར་བུ་ཁོང་དགག་བར་ཆད་མེད་པར་བཞུགས་སྒར་རྡ་རམ་ས་ལར་ཞབས་སོར་འཁོད་པར་སྙིང་ཁུངས་རུས་པའི་གཏིང་ནས་དགའ་དད་སྤྲོ་བའི་བརྡས་ཡོད།