བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༦༢༧ སྟེང་གི་རྩོམ་སྒྲིག་པའི་གཏམ།
ཉེ་ལམ་༧གོང་ས་མཆོག་ཡུ་རོབ་རྒྱལ་ཁབ་ཁག་ནང་ཆིབས་བསྒྱུར་སྐབས། དོལ་རྒྱལ་རྗེས་འབྲང་པ་བོད་པ་འགས་སྣེ་ཁྲིད་དེ་རྒྱ་མི་དང་ཕྱི་རྒྱལ་བ་སྐོར་ཞིག་གིས་༧གོང་ས་མཆོག་གི་རྗེས་དེད་ནས་སྐད་འབོད་བྱས། དམངས་ཁྲོད་ཁ་བརྡ་ཟེར་བའི་གློག་བརྙན་ཁག་ཏུའང་ཡ་མཚན་གྱི་གཏམ་སྤྱོད་སྣ་ཚོགས་སྤེལ་བཞིན་འདུག ཁོ་བ་ཅག་གིས་ཆོས་སྲིད་ཟུང་འབྲེལ་དུག་ཡིན་པ་དང་དེས་བོད་མི་མང་པོའི་ཚེ་སྲོག་ཤོར་བཅུག་ཚུལ། རང་ལུས་མེར་བསྲེགས་འཚེ་བ་ཡིན་པ་དང་དེ་སྟོན་པ་ཤཱཀྱ་ཐུབ་པའི་དགོངས་པ་དང་འགལ་ཡོད་སྐོར། པཎ་ཆེན་ཆོས་ཀྱི་རྒྱལ་བོ་ངོས་ལེན་དང་རྒྱལ་གཅེས་ཆོས་གཅེས་འགན་སྲུང་བྱེད་དགོས་ཚུལ་ཤོད་ཀྱིན་འདུག
དོལ་རྒྱལ་གདོན་གྱིས་བརླམ་ནས་རྒྱ་སྒོར་དུག་གིས་སྨྱོས་པའི་བཤད་སྤྱོད་དེར་བོད་མི་ཚང་མ་ཧ་ལས་ནས་ཧོན་འཐོར་ཡོད། བོད་པར་སྡང་མཁན་རྒྱ་མི་དང་ཨ་གསར་ཆེ་བའི་ཕྱི་རྒྱལ་བ་འགས་ལྟད་མོར་བལྟས་ནས་དགའ་ཐག་ཆོད་ཡོད། དོལ་རྒྱལ་གནད་དོན་དེ་ཐོག་མ་ཆོས་ལུགས་དང་བར་དུ་ཆབ་སྲིད། དེང་སྐབས་བོད་མི་རིགས་ནང་ཁུལ་གྱི་གནད་དོན་ཞིག་ཏུ་གྱུར་ཏེ་བོད་བསྟན་སྲིད་མི་རིཊ་གསུམ་གྱི་དགྲ་རུ་ལངས་ནས་གཤེད་དུ་བབ། བོད་གཞིས་བྱེས་རྒྱ་ཆེའི་མི་མང་གི་གདོང་ནས་ལངས་ཏེ་སྙིང་ལ་གནག་གི་འདུག
ང་ཚོས་རྒྱ་གཞུང་ལ་ངོ་རྒོལ་བྱས་ཏེ་རང་ལུས་མེར་བསྲེགས་གནང་མཁན་ཚོར་རྒྱལ་གཅེས་དཔའ་བོ་དཔའ་མོ་ཞེས་བསྟོད་བསྔགས་བྱེད། དེས་རྒྱ་ནག་གཞུང་གིས་བོད་བསྟན་སྲིད་མི་རིགས་དང་བཅས་བ་རྩ་མེད་བཟོ་ཐབས་བྱེད་ཀྱི་ཡོད་པ་སྟོན། འོན་ཀྱང་ཐད་ཀ་ཐད་སོ་ནས་བཤད་ན། རྒྱ་གཞུང་གིས་ཆབ་སྲིད་ཐོག་བཙན་གནོན་དབང་ཡོད་བྱེད་ཀྱི་ཡོད་པ་ལས། ཆོས་ལུགས་དང་མི་རིགས་ཐོག་མངོན་གསལ་གྱི་བྱ་སྤྱོད་སྤེལ་ཐུབ་ཀྱི་མེད། དོལ་ཚོཊ་ཀྱིས་མངོན་སུམ་འཛེམ་མེད་དུ་ཆབ་སྲིད་ཐད་རྒྱ་གཞུང་དང་ལག་འབྲེལ་གྱིས་འདས་པའི་ལོ་རྒྱུས་དང་དངོས་ཡོད་གནས་ཚུལ་ལ་འཁྱོག་བཤད་བྱེད་པ་དང་། ཆོས་ལུཊ་ཐད་༧གོང་ས་མཆོག་གཙོས་པའི་གདན་ས་གསུམ་གྱི་བླ་སྤྲུལ་དགེ་བཤེས། དོལ་རྒྱལ་སྤོང་མཁན་ཡོངས་ཀྱི་རྒྱུད་ན་སྐྱབས་འགྲོ་སྟོངས་ཚུལ་དང་བཤེས་གཉེན་བསྟེན་ཚུལ་ལོག་སྐོར་གླེང་གི་ཡོད། མི་རིགས་ཐད་རྒྱ་མི་སྔོན་པོ་དང་ཕྱི་རྒྱལ་མགོ་སེར་གྱི་དཔུང་དམག་འཁྲིད་ཡོང་ནས་བོད་པ་ཚོར་འཇིཊ་སྐུལ་དྲག་སྤྱོད་སྤེལ་བཞིན་འདུག
དོལ་ཚོགས་ཀྱི་བཤད་སྤྱོད་དེ་དག་དོལ་རྒྱལ་བསྟེན་གསོལ་དམ་བསྒྲགས་བྱས་མིན་ལ་འབྲེལ་བ་རྩ་ནས་མེད། ཆོས་དད་རང་དབང་དང་འགྲོ་བ་མིའི་ཐོབ་ཐང་སོགས་ལའང་འབྲེལ་བ་མེད། བོད་ཕྱི་ནང་གཉིས་སུ་བདེན་དོན་འཐབ་རྩོད་ཆེད་རང་ལུས་མེར་བསྲེཊ་གནང་མཁན་དང་། ལོ་ངོ་དྲུག་ཅུ་ལྷག་རིང་དཀའ་སྡུག་དང་འཐབ་རྩོད་བྱེད་མཁན་བོད་མི་འདས་གསོན་ཡོངས་ལ་ངོ་ལོག་རྒྱག་གི་ཡོད། བདེན་དོན་ཆེད་རང་ལུས་མེར་བསྲེཊ་གནང་མཁན་ཚོའི་འབོད་སྒྲ་རྫུན་མ་རེད་ཟེར་གྱིན་ཡོད། གཞིས་བཞུཊ་རྒྱ་ཆེའི་མི་མང་༧གོང་ས་མཆོག་ལ་དད་པ་དམ་ཚིག་མེད་ཚུལ་ཤོད་ཀྱི་ཡོད།
དྲང་ཕྱོགས་ནས་བཤད་ན་དོལ་རྒྱལ་རྗེས་འབྲང་པ་ཚོས་བོད་སྤྱི་བའི་ཐོབ་ཐང་དང་རང་དབང་། དམངས་གཙོ་དང་ཆོས་དད་སོཊ་ལ་རྡོག་བརྫིས་བཏང་སྟེ་བོད་ནང་དུ་རང་དབང་དང་དམངས་གཙོ། འདྲ་མཉམ་སོགས་ཡོད་པ་དང་། ༧གོང་ས་མཆོག་དང་བྱེས་གྱར་བོད་མི་ཚོས་ཁ་བྲལ་གཏོར་བཤིག་གཏོང་གི་ཡོད། པེ་ཅིན་དུ་ཡོད་པའི་རྒྱ་ནག་དམར་པོའི་གཞུང་དེ་བོད་མི་མང་གི་གཞུང་ཡིན་པ། འདས་པའི་ལོ་ངོ་དྲུག་ཅུ་ལྷག་རིང་འཐབ་རྩོད་དང་ཚེ་སྲོག་མང་པོ་ཤོར་བ་བོད་མིའི་ནག་ཉེས་དང་ནོར་འཁྲུལ་རེད། ཅེས་སོགས་བརྗོད་དེ་ངོ་རྒོལ་སྐད་འབོད་རྒྱག་གི་ཡོད། དོལ་རྒྱལ་རྗེས་འབྲང་པ་ཚོའི་བཤད་སྤྱོད་འདི་དག་ལ་རྒྱལ་སྤྱིའི་ཚོཊ་སྡེ་ཁག་དང་། འཛམ་གླིང་ནང་བསྟན་རྗེས་འཇུག་པ་ཡོངས་ཀྱིས་བརྡ་ཞིག་གཏོང་བའི་དུས་ལ་བབ་འདུག་གོ།།།
