བོད་རྒྱ་མང་ཚོཊ་ཀྱི་འབྲེལ་ལམ་ལ་ཤུཊ་རྒྱག་དགོས།

རྒྱ་རིཊ་ཆབ་སྲིད་དཔྱད་བརྗོད་པ་ཁྲིན་ཕོ་ཁུང་ལཊ་ཀྱིས་བོད་མི་ཚོར་གཏམ་བཤད་གནང་སྟེ། བོད་རང་བཙན་སྤྱི་ཚོཊ་ཀྱི་སྐད་སྒྲ་གཙོ་བོར་གྱུར་ཚེ། རྒྱ་གཞུང་གིས་༸གོང་ས་མཆོག་དང་བོད་མིའི་སྒྲིག་འཛུཊ་ཀྱིས་མི་མང་སོ་སོའི་སྲིད་བྱུས་ཀྱི་ཕྱོཊ་སུ་འཁྲིད་ཐུབ་ཀྱི་མེད་པ་ཚོར་སྲིད་པ་མ་ཟད། གྲོས་མོལ་ལ་དགེ་མཚན་མེད་པ་ཞིག་ཆཊ་ངེས་སྐོར་བརྗོད་འདུག

ཨ་རིའི་བོད་ཀྱི་སྐུ་ཚབ་དོན་དོན་གཅོད་ཁང་གིས་འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཚེས་ ༦ ཉིན་ཨ་རིའི་ནེའུ་ཡོག་དང་ནེའུ་ཇར་སེ་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་དང་། ཨ་རིའི་སྐུ་ཚབ་དོན་གཅོད་ཀྱི་གཞོགས་འདེགས་འོག གྲོང་ཁྱེར་ནེའུ་ཡོག་ཕུན་ཚོགས་སྡེ་བཞི་ཚོགས་ཁང་དུ་རྒྱ་རིགས་ཤེས་ཡོན་པ་གསུམ་གྱིས་བོད་མི་ཚོར་གཏམ་བཤད་ཅིག་གནང་ཡོད་འདུག དེར་སྐུ་ཚབ་དོན་གཅོད་དབུ་དཀར་ཚང་སྐལ་རྡོར་མཆོག་དང་། སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་ཀུན་དགའ་བཀྲ་ཤིས་ལགས། སྤྱི་མཐུན་ཚོགས་པའི་ཚོགས་གཙོ་བསོད་ནམས་རྒྱ་མཚོ་གཙོས་རྒྱུན་ལས་རྣམ་པ་དང་ས་གནས་བོད་མི་བཅས་མི་ ༡༠༠ ལྷག་འཛོམས་འདུག

ཚོགས་འདུའི་ཐོག་སྤྱི་མཐུན་ཚོགས་པའི་ཚོགས་གཙོ་ལགས་ཀྱི་ཚོགས་འདུ་ངོ་སྤྲོད་གནང་རྗེས། སྐུ་ཚབ་དོན་གཅོད་དབུ་དཀར་ཚང་སྐལ་རྡོ་མཆོག་ནས། བོད་རྒྱའི་འབྲེལ་ལམ་གྱི་གལ་ཆེའི་རང་བཞིན་དང་འབྲེལ། ཐེངས་འདིའི་ཚོགས་འདུ་དེ་ནི། བོད་མི་ཚོས་རྒྱ་རིགས་ཚོས་བོད་དོན་ལ་གཟིགས་ཚུལ་ཇི་ཡོད་ཤེས་རྟོགས་ཐུབ་ཆེད་དང་། བོད་རྒྱ་མང་ཚོགས་བར་གྱི་འབྲེལ་ལམ་ལ་སྔར་ལས་ཤུགས་སྣོན་རྒྱག་ཆེད་གོ་སྒྲིག་གནང་བ་ཡིན་སྐོར་གསུངས་འདུག དེའི་རྗེས་རྒྱ་རིགས་སྲིད་དོན་དབྱེ་ཞིབ་པ་ཁྲིན་ཕོ་ཁུང་ལགས་དང་། རང་དབང་གི་རྩོམ་པ་པོ་ཏིང་དབྱི་ཕུ་ལགས། ནིའུ་ཡོག་སློབ་ཆེན་གྱི་དགེ་རྒན་ཆེན་མོ་ཤཱ་མིང་ལགས་བཅས་གསུམ་གྱིས། ཆུ་ཚོད་གསུམ་རིང་ ༼བོད་རྒྱ་མང་ཚོགས་བར་གྱི་འབྲེལ་ལམ་ལ་ཕྱིར་མིག་ལྟ་བ༽ ཅེས་པ་དང་། ༼རྒྱ་རིགས་ཀྱིས་དབུ་མའི་ལམ་ལ་མཐོང་ཚུལ་ཇི་ཡོད༽། ཅེས་པའི་བརྗོད་གཞིའི་ཐོག་གཏམ་བཤད་དང་མི་མང་གི་དྲི་བར་ལན་འདེབས་བཅས་གནང་ཡོད་འདུག

ཉིན་དེར་རྒྱ་རིགས་ཆབ་སྲིད་དཔྱད་བརྗོད་པ་ཁྲིན་ཕོ་ཁུང་ལགས་ཀྱིས་གཏམ་བཤད་གནང་སྐབས། ཉེ་བའི་ལོ་ཤས་ནས་བོད་རྒྱ་མང་ཚོགས་བར་འབྲེལ་བ་བྱེད་རྒྱུ་མངོན་གསལ་དོད་པོས་ཇེ་མང་དུ་སོང་ཡོད་པ་དང་། ཁོ་རང་དེའི་ཁྲོད་དངོས་སུ་ཞུགས་བྱས་པའི་ཉམས་མྱོང་ལས། ཕན་ཚུན་གྱི་འབྲེལ་ལམ་ལ་གྲུབ་འབྲས་ཡག་པོ་འཐོན་བཞིན་པའི་རྣམ་པ་མཐོང་གི་འདུག་སྟབས། ལས་དོན་འདིའི་ཁྲོད་ནུས་པ་འདོན་མཁན་ཨ་རི་དོན་གཅོད་ཁང་ལ་ཐུགས་རྗེ་ཆེ་ཞུ་རྒྱུ་ཡིན། ང་རང་བོད་མི་དང་འབྲེལ་བ་བྱུང་རྗེས་བོད་མིའི་བཟང་སྤྱོད་ཀྱི་ཚད་རྒྱ་རིགས་ལས་མཐོ་བའི་ཤེས་ཚོར་ཟབ་མོ་བྱུང་། རྒྱ་ནག་གཞུང་གིས་རྒྱ་རིཊ་མི་མང་ལ་དབུ་མའི་ལམ་གྱི་སྐོར་གཏན་ནས་ཤེས་བཅུག་གི་མེད་པར་ཁ་བྲལ་དང་། རང་བཙན་ལ་ཁ་གཡར་ནས་རྒྱ་ནག་མི་དམངས་ལ་འཇིཊ་སྐུལ་བྱེད་ཀྱི་ཡོད། རྒྱ་རིགས་མི་དམངས་ཀྱིས་དངོས་ཡོད་གནས་ཚུལ་ཤེས་ཚེ། ཁོང་ཚོས་བོད་ལ་ངོས་འཛིན་བྱེད་སྟངས་དེ་ད་ལྟ་དང་མི་འདྲ་བ་ཡོང་བའི་ཡིད་ཆེས་བརྟན་པོ་ཡོད། བོད་རྒྱ་མང་ཚོགས་བར་གྱི་འབྲེལ་ལམ་ལ་ཤུགས་སྣོན་རྒྱག་རྒྱུ་ཅང་གི་གནད་འགག་ཆེན་པོ་རེད། ང་རང་གི་ངོས་ནས་དབུ་མའི་ལམ་ལ་རྒྱབ་སྐྱོར་ཡོད་ལ། རང་བཙན་འདོད་མཁན་ལ་ཡང་བརྩི་བཀུར་ཡོད། འོན་ཀྱང་། བོད་པ་ཚོས་མཁྱེན་དགོས་པ་ཞིག་ལ། དབུ་མའི་ལམ་ལ་རྒྱབ་སྐྱོར་གྱི་སྒྲ་དེ་སྤྱི་ཚོགས་སྟེང་གི་མི་མང་ཆེ་བའི་སྒྲ་ཆགས་པ་བྱེད་རྒྱུ་དེ་གལ་ཆེན་པོ་རེད། གང་ཡིན་ཟེར་ན། དེ་ནི་རྒྱ་ནག་དང་གྲོས་མོལ་གནང་སྐབས་ཀྱི་སྟོབས་ཤུགས་ཤིག་རེད། གལ་སྲིད་རང་བཙན་དེ་སྤྱི་ཚོགས་ཀྱི་སྐད་སྒྲ་གཙོ་བོར་གྱུར་ཚེ། རྒྱ་ནག་གཞུང་གིས་༸གོང་ས་མཆོག་དང་། བོད་མིའི་སྒྲིག་འཛུགས་ཀྱིས་མི་མང་རྣམས་སོ་སོའི་སྲིད་བྱུས་ལ་རྒྱབ་སྐྱོར་གྱི་ ཕྱོགས་སུ་འཁྲིད་ཐུབ་ཀྱི་མེད་པའི་རྣམ་པ་ཐོན་ན། དེ་ནི་གྲོས་མོལ་ལ་དགེ་མཚན་མེད་པ་ཞིག་རེད། ཅེས་གཏམ་བཤད་སྤེལ་ཡོད་འདུག

ཏིང་དབྱི་ཕུ་ལགས་ཀྱིས། ང་རང་གི་ངོས་ནས་༧རྒྱལ་བ་རིན་པོ་ཆེས་འདོན་གནང་མཛད་པའི་དབུ་མའི་ལམ་ནི་བོད་མི་རིགས་ངེས་པར་དུ་སྐྱོད་དགོས་པའི་ལམ་ཞིག་ཡིན་པ་མ་ཟད། རྒྱ་མི་རིགས་ལ་ཡང་གསལ་སྟོན་གནང་བའི་ཡང་དག་པའི་ལམ་ཞིག་ཡིན་པར་ངོས་འཛིན་བྱེད་ཀྱི་ཡོད། ངས་རང་ཉིད་རྒྱ་རིགས་ཤིག་ཡིན་པའི་དབང་གིས་ལམ་དབུ་མར་རྒྱབ་སྐྱོར་བྱས་པ་ཞིག་མིན་པར། དབུ་ལམ་གྱི་དགོངས་པ་དང་། དེའི་ནང་དོན་ཆ་ཚང་རྟོགས་པའི་ཐོག་ནས་རྒྱབ་སྐྱོར་བྱས་པ་ཡིན། ༸རྒྱལ་བ་རིན་པོ་ཆེ་ཡོད་པ་ལ་བརྟེན་ནས་བོད་མི་བཙན་བྱོལ་བ་ཚོ་བཙན་བྱོལ་བ་མང་པོའི་ནང་ནས་མི་འདྲ་བ་ཞིག་ཆགས་ཡོད། དེ་ཆབ་སྲིད་ཐོག་གི་ཆིག་སྒྲིལ་དང་། གཅིག་གྱུར་ཆེན་པོ་ཞིག་རེད། དབུ་མའི་ལམ་གྱི་དགོངས་པ་གཙོ་བོ། མིག་སྔའི་དངོས་ཡོད་གནས་སྟངས་ཀྱི་ཆ་ནས་སྒྲུབ་ཐབས་མེད་པའི་རང་བཙན་མ་བརྩད་པར་བོད་མི་རིགས་ཧྲིལ་པོར་མིང་དོན་མཚུངས་པའི་རང་སྐྱོང་རྩོད་ལེན་གནང་རྒྱུ་དེ་རེད། དེ་ནི་འཛམ་གླིང་ཀུན་གྱིས་རྒྱབ་སྐྱོར་ཡོད་ལ་བོད་རྒྱ་གཉིས་ཀར་ཕན་པ། ད་ལྟའི་གནས་སྐབས་ལ་འཚམ་ཤོས་དང་། ཡག་ཤོས་ཀྱི་ལམ་ཞིག་ཡིན་སྟབས། བོད་མི་ཚོས་ལམ་དེའི་མཐའ་སྐོར་དུ་ཆིག་སྒྲིལ་ བྱེད་ཐུབ་ན། དེ་ནི་རྒྱ་ནག་གཞུང་དང་གྲོས་མོལ་བྱེད་སྐབས་ཀྱི་སྟོབས་ཤུགས་ཤིག་རེད། ཅེས་སོགས་གཏམ་བཤད་སྤེལ་འདུག

དགེ་རྒན་ཆེན་མོ་ཤྰ་མིང་ལགས་ཀྱིས། བོད་རྒྱ་མི་རིགས་གཉིས་གཞི་རྒྱ་ཆེ་བའི་སྲིད་དབང་གཅིག་སྡུད་ཀྱི་དབང་འཛིན འོག་གནས་ཡོད་པ་དང་། འདྲ་མཉམ་མེད་པའི་དཀའ་ངལ་གཅིག་གྱུར་འཕྲད་བཞིན་ཡོད་ཀྱང་། རྒྱ་བོད་མང་ཚོགས་དབར་གྱི་འབྲེལ་ལམ་ནི་ཆབ་སྲིད་ཀྱི་འབྲེལ་ལམ་ཞིག་ཡིན་པའི་སྐོར་དང་། བོད་རྒྱ་མི་རིགས་གཉིས་ནི་ཆེས་དམིགས་བསལ་དང་། གཏན་ནས་མི་འདྲ་བའི་མི་རིགས་ཤིག་ཡིན་པ་མ་ཟད། མི་རིགས་དེ་གཉིས་དབར་གྱི་འབྲེལ་བ་ནི་ཕན་ཚུན་འདྲ་མཉམ་གྱི་འབྲེལ་བ་ཞིག་ཡིན་པའི་སྐོར། བོད་རིགས་ནི་ནང་སེམས་ཀྱི་དཔལ་ཡོན་ལ་དོ་སྣང་ཆེན་པོ་ཡོད་མཁན་ཞིག་ཡིན་པ་དང་། རྒྱ་རིགས་ཀྱིས་བོད་ཀྱི་རིག་གཞུང་ལ་ཆ་རྒྱུས་མེད་རྐྱེན་གྱིས་བོད་རིགས་ལ་མཐོང་ཆུང་བྱེད་པའི་སྣང་ཚུལ་སྔར་བཞིན་གནས་ཡོད་པའི་སྐོར་སོགས་གསུངས་ཏེ། ཁོང་རང་ཉིད་ལོ་མང་བོར་བོད་རྒྱའི་འབྲེལ་ལམ་ནང་ཞུགས་པའི་ཉམས་མྱོང་ལ་གཞིགས་ན། བོད་རིགས་ནི་རླབས་ཆེན་གྱི་མི་རིགས་ཤིག་དང་། རྒྱ་རིགས་ཀྱིས་བོད་ཀྱི་ས་ནས་བསམ་པའི་དཔལ་ཡོན་ཐད་སློབ་སྦྱོང་བྱེད་དགོས་པ་མང་པོ་ཞིག་ཡོད་སྟབས། བོད་རྒྱ་མི་རིགས་ཀྱི་འབྲེལ་ལམ་ནི་དཔལ་ཡོན་གྱི་འབྲེལ་བ་ཡིན། ཞེས་བརྗོད་ཡོད་འདུག

དབུ་མའི་ལམ་གྱི་སྐོར་ལ་ཁོང་གིས། དབུ་མའི་ལམ་གྱི་དགོངས་དོན་གྱི་གལ་གནད་ཆེ་ཤོས་གཅིག་ནི། ༸གོང་ས་མཆོག་གིས་བོད་མི་ཙམ་མ་ཟད། རྒྱ་རིགས་ཡོངས་ཀྱི་ཁེ་ཕན་ལ་ཡང་དགོངས་བཞེས་གནང་བའི་བྱམས་བརྩེ་ཅན་གྱི་དགོངས་ པ་ཞིག་ཡིན་པ་དེ་ངེས་པར་དུ་མཁྱེན་དགོས། བོད་གཞིས་བྱེས་གཉིས་ཀས་ཐུན་མོང་ཐོག་གདོང་གཏུག་བྱེད་དགོས་པའི་གནད་དོན་ཅིག་ཡོད་པ་ནི། བོད་ནང་ཡོད་པའི་བོད་མི་རྣམས་རང་དབང་བྲལ་ནས་གཉའ་གནོན་མྱོང་བཞིན་པའི་གནས་སྟངས་འགྱུར་བ་གཏོང་རྒྱུ་དེ་རེད། གནས་སྟངས་དེར་འགྱུར་བ་གཏོང་བའི་ཐབས་ལམ་ལེགས་ཤོས་ག་རེ་ཡིན་པ་བསམ་བློ་ནན་པོ་གཏོང་རྒྱུ་ཧ་ཅང་གི་གལ་གནད་ཆེན་པོ་རེད། གལ་སྲིད། རང་བཙན་རྩོད་རྒྱུ་དེ་ཐབས་ལམ་ཡག་ཤོས་ཡིན་ཚེ་རང་བཙན་རྩོད་དགོས་ཀྱི་རེད། ད་ལྟའི་གནས་སྟངས་ལ་བལྟས་ནས་བཤད་ན། གལ་སྲིད་དབུ་མའི་ལམ་བསྐྱུར་ནས་རང་བཙན་ཐོག་ཕྱིན་པ་ཡིན་ན། བོད་ནང་གི་བོད་མི་ཚོས་དུས་ཡུན་རིང་པོར་གཉའ་གནོན་མྱོང་པ་མ་ཟད། གཏིང་ཇེ་ཟབ་དུ་འགྲོ་རྒྱུ་རེད། བོད་མི་ཚོས་དབུ་མའི་ལམ་བཞག་ནས་རང་བཙན་གྱི་ལམ་ལ་ཕྱིན་པ་ཡིན་ན། རྒྱ་རིགས་ཧ་ཅང་མང་པོས་མོས་མཐུན་མེད་པ་ནི་གསལ་པོ་རེད་ལ། བོད་ནང་གི་བོད་མི་རྣམས་རང་དབང་བྲལ་ནས་གཉའ་གནོན་མྱོང་བཞིན་པའི་ད་ལྟའི་གནས་སྟངས་འགྱུར་བ་གཏོང་རྒྱུར་ཕན་ཐོགས་གང་ཡང་མེད་པ་ཞིག་རེད། དམངས་གཙོའི་སྤྱི་ཚོགས་ནང་ལྟ་ཚུལ་འདྲ་མིན་ཡོད་པར་ཞེད་སྣང་དང་ཡ་མཚན་དགོས་དོན་མེད། ནང་ཁུལ་ཚོགས་འདུ་དང་གྲོས་བསྡུར་སྐབས་བོད་མིར་ཕན་ཐོགས་ཆེ་ཤོས་ཀྱི་ལམ་ག་རེ་ཡིན་མིན་བགྲོ་གླེང་བྱེད་ཆོག ཡིན་ནའང་། རང་བཙན་ལ་རྒྱབ་སྐྱོར་བྱེད་མཁན་གྱིས་བོད་མི་མང་ཆེ་བས་རྒྱབ་སྐྱོར་ཡོད་པའི་སྤྱི་པའི་སྲིད་བྱུས་ལ་ཚིག་མཚོན་བཏབ་པ་དང་། རང་བཙན་ལ་རྒྱབ་སྐྱོར་མི་བྱེད་མཁན་རྣམས་སེམས་ཤུགས་མེད་མཁན་རེད་མདོག་མདོག་གི་ཧ་ཅང་ཚོར་ཤུགས་ཆེ་བའི་ལྟ་ཚུལ་དེ་ཚོ་ནི། བོད་ཀྱི་རང་དབང་འཐབ་རྩོད་ལ་ཕན་ཐོགས་མེད་པ་ཞིག་རེད། བོད་རྒྱ་མི་རིགས་གཉིས་གཏན་ནས་མི་འདྲ་བའི་མི་རིགས་ཤིག་ཡིན་སྟབས། མི་རིགས་རང་ཐག་རང་གཅོད་ཀྱི་ཁེ་དབང་རང་ཆས་སུ་ཡོད་པ་འདི་རིག་པའི་གཞུང་ལུགས་ཀྱི་ཐོག་ནས་བཤད་ན། སྲུང་སྐྱོབ་བྱེད་དགོས་པ་ཞིག་རེད། འོན་ཀྱང་། དོན་དངོས་ལག་ལེན་གྱི་ཐོག་ནས་བཤད་ན། བོད་མི་རིགས་ཧྲིལ་པོའི་ཐུན་མོང་གི་ཁེ་ཕན་ཆེད་༸གོང་ས་མཆོག་གི་རླབས་ཆེན་གྱི་དགོངས་གཞི་མངོན་འགྱུར་བྱུང་ཚེ། རང་ཆས་སུ་ཡོད་པའི་རང་ཐག་རང་གཅོད་ཀྱི་ཁེ་དབང་དེ་ཡིན་གཅིག་མིན་གཉིས་ཆབ་སྲིད་ཀྱི་དངོས་དོན་དུ་སྒྱུར་དགོས་པའི་ངེས་པ་མེད། ཅེས་བརྗོད་ཡོད་འདུག

གསར་འགོད་པ། དོན་གོ