རྒྱ་དམག་གིས་ལ་དྭགས་ཆུ་དམར་ནང་བཙན་འཛུལ་གྱིས་གཏན་སྡོད་བྱས་སྟབས། རྒྱ་གར་གཞུང་གིས་གཟའ་འཁོར་འདིའི་ནང་རྒྱ་ནག་གི་རྩོམ་སྒྲིག་ཁག་ཅིག་རྒྱ་གར་ནང་ཡོང་རྒྱུ་ཕྱིར་འཐེན་བྱས་ཡོད་འདུག
ཕྱི་ཚེས་ ༢༡ ཉིན་རྒྱ་ནག་གི་དམག་མི་ ༥༠ ལྷག་གིས་རྒྱ་གར་བྱང་ཕྱོགས་ལ་དྭགས་ས་གནས་ཆུ་དམར་ (Chumar) ནང་ཚུར་བརྒལ་ནས་སྡོད་གུར་ ༧ བརྒྱབ་སྟེ་གཏན་སྡོད་བྱས་པར་བརྟེན། གཟའ་འཁོར་འདིའི་ནང་རྒྱ་ནག་གི་གསར་ཤོག་དང་དུས་དེབ་རྩོམ་སྒྲིག་པ་ཁག་ཅིག་རྒྱལ་ས་ལྡི་ལིར་ཡོང་རྒྱུ་དེ་ཕྱིར་འཐེན་བྱས་ཡོད་འདུག
ཐེངས་འདིར་རྒྱ་དམག་གིས་ཐད་འཕུར་གནམ་གྲུས། ཆུ་དམར་ས་གནས་སུ་ཡོད་པའི་རྒྱ་དམག་ ༥༠ དང་ལས་བཟོ་པ་ ༣༥ ལྷག་ལ་རྒྱུན་སྤྱོད་འཚོ་བའི་བཟའ་ཆས་རིགས་མཁོ་སྤྲོད་བྱས་སྟབས། རྒྱ་གར་བྱང་ཕྱོགས་ཀྱི་དམག་སྡེ་ཨང་ ༡༥ པས་ཛ་དྲག་གྲ་སྒྲིག་བྱེད་བཞིན་ཡོད་འདུག
གཟའ་འཁོར་སྔོན་མའི་ནང་རྒྱ་ནག་སྲིད་འཛིན་ཞི་ཅིན་ཕིན་རྒྱ་གར་ནང་གཞུང་འབྲེལ་གཟིགས་སྐོར་སྐབས། རྒྱ་དམག་ ༣༠༠ ལྷག་རྒྱ་གར་བྱང་ཕྱོགས་ལ་དྭགས་ས་གནས་བདེན་མཆོག་དང་ཆུ་དམར་གཉིས་ནང་བཙན་འཛུལ་གྱིས་ཉིན་འགར་གཏན་སྡོད་བྱས་ཏེ་ཛ་དྲག་ཆགས་དུས། སྲིད་བློན་མུ་དྷི་མཆོག་གིས་སྲིད་འཛིན་ཞི་ཅིན་ཕིན་ལ་ས་མཚམས་གནས་ཚུལ་གླེང་སློང་བྱས་པ་དང་བསྟུན་ཏེ། ཟླ་འདིའི་ཚེས་ ༡༧ ཉིན་ཕྱོགས་གཉིས་ཀྱི་དམག་དཔོན་བར་གྲོས་མོལ་བརྒྱུད་ཕྱི་ཉིན་རྒྱ་དམག་ཕྱིར་ལོག་བྱས་ཡོད་འདུག
ན་ནིང་ཕྱི་ཟླ་ ༤ པའི་ནང་རྒྱ་ནག་སྲིད་བློན་ལི་ཁེ་ཆིང་རྒྱ་གར་ནང་གཟིགས་སྐོར་ལ་མ་ཡོང་སྔོན་ལ། རྒྱ་དམག་གིས་ལ་དྭགས་བདེ་གཙང་ས་ཁུལ་ནང་བཙན་འཛུལ་བྱས་ཏེ་བདུན་ཕྲག་གཉིས་ལྷག་རིང་བསྡད་ཡོད་པ་དང་།ÃÂ ཟླ་འདིའི་ནང་རྒྱ་ནག་སྲིད་འཛིན་ཞི་ཅིན་ཕིན་རྒྱ་གར་ནང་མ་ཡོང་བའི་སྔོན་ལའང་ལ་དྭགས་ས་གནས་བདེན་མཆོག་དང་ཆུ་དམར་གཉིས་ནང་བཙན་འཛུལ་བྱས་ཡོད་འདུག
གནད་དོན་དབྱེ་ཞིབ་པ་ཚོས། རྒྱ་ནག་གིས་སྲིད་བློན་མུ་དྷི་ཡིས་རྒྱ་ནག་གི་རྒྱ་སྐྱེད་རིང་ལུགས་ཀྱི་བསམ་བློ་ལ་ཁ་གཏད་ཅོག་རྒྱུ་ཡིན་པའི་རྣམ་འགྱུར་ཤུགས་ཆེན་པོ་བསྟན་ཡོད་སྟབས། བཤད་སྤྱོད་དེ་རྒྱ་གཞུང་གི་སྣང་བར་མ་སོང་བར་ད་རེབ་དེ་ལ་རྣམ་འགྱུར་གྱི་བརྡ་ལན་བསྟན་པ་ཞིག་ཡིན་པ་མ་ཟད། ཧི་མ་ལ་ཡའི་རི་རྒྱུད་ཀྱི་ས་མཚམས་དང་ཧིན་རྡིའི་རྒྱ་མཚོ་གཉིས་ནང་གི་དཀའ་རྙོག་ཐད་མུ་དྷི་ལ་གནོན་ཤུགས་སྤྲོད་ཀྱི་ཡོད་ཚུལ་བརྗོད་འདུག
ཆུ་དམར་ས་གནས་ནི་ལ་དྭགས་རྒྱལ་ས་སླེ་ནས་སྤྱི་ལེ་ ༣༠༠ ལྷག་གི་སར་ཡོད་པ་མ་ཟད། རྒྱ་དཀར་ནག་གཉིས་བར་རྩོད་རྙོག་ཆེ་བའི་ས་གནས་ཤིག་ཆགས་ཡོད།ÃÂ ལོ་འགའི་སྔོན་ནས་བཟུང་རྒྱ་གར་གཞུང་གིས་ས་ཁུལ་དེར་རྒྱལ་མཚམས་སྲུང་སྐྱོབ་ས་ཚིགས་ (30-R Post) བརྒྱབ་སྟེ་རྒྱ་དམག་གི་འགུལ་སྐྱོད་ལ་ལྟ་རྟོགས་བྱེད་བཞིན་ཡོད་འདུག
གོང་གི་པར་རིས་དེ་ལ་བལྟས་ན་རྒྱ་གར་གྱིས་བདེན་པའི་ལོ་རྒྱུས་ལ་ཁ་ཕྱིར་སྐོར་ཏེ་ས་མཚམས་འདི་ནི་བོད་དང་འཕགས་ཡུལ་གཉིས་ཀྱི་ས་མཚམས་ཡིན་པ་ལས།ཧིན་དུ་ཅི་ན་སྤུན་གཉིས་ཀྱི་ས་མཚམས་མིན་པར་སྤུན་ཅི་ན་ཁྱོད་རང་ཁ་རོག་བཞུགས་རོགས་གནང་ལབ་དགོས་པའི་དུས་ལ་སླེབས་ཡོད་རེད།
འཕྲེད་དར་སྟེང་གི་བོད་ཡིག་དེ་ནི། བོད་ཡིག་ཤེས་མཁན་ཞིག་གིས་ཀློག་ཤེས་ས་མ་རེད། འདི་ནི་རྒྱ་ནག་གི་བོད་ལ་འཛིན་པའི་སྲིད་ཇུས་ཀྱི་ངོ་གདོང་རེད། ༼ང་ཚོ་ཙ་བ་གཉིད་ནས་༽ཚིག་འདིར་ལྟོས་དང་། བྱིས་པ་ལོ་གསུམ་ཅན་ཞིག་གིས་བཤད་པ་ལོས་ཡིན་བསམ་སྤྱད་ཅིག ཟ་འདྲེ་འགོང་བོ་ཚོ།