དེ་རིང་ཞོགས
་པའི་ཆུ་ཚོད་ ༦།༡༧ སྟེང་། ཨིན་ཌི་ནེ་ཤི་ཡ་ནས་སེངྒ་པོར་ལ་འཕུར་སྐྱོད་བྱེད་མཁན་འགྲུལ་སྐྱེལ་གནམ་གྲུ་ཆེ་བ་ཞིག་བར་སྣང་དུ་འཕུར་ཏེ་ཧྥི་ཊི་ ༣༨༠༠༠ ཙམ་གྱི་མཚམས་སུ། ཕྱིར་བཀོད་འདོམ་ལྟེ་གནས་སུ་འཕུར་ལམ་དུ་སྤྲིན་འཁྲུག་པ་སོགས་ཀྱི་དཀའ་ངལ་ཡོད་པའི་བརྡ་ལན་ཞིག་འབྱོར་ཡོད་ཀྱང་། དེའི་རྗེས་སུ་བརྡ་རྟགས་མེད་པ་ཆགས་ཏེ་ཕན་ཚུན་འབྲེལ་བ་ཆད་ཡོད་འདུག
གནམ་གྲུ་དེའི་ནང་འགྲུལ་བ་ ༡༦༢ ཡོད་ཅིང་། དེ་དག་ནི་ཨིན་ཌི་ནེ་ཤི་ཡའི་མི་ ༡༥༦ དང་། ལྷོ་ཀོ་རི་ཡའི་མི་ ༣ ། སེངྒ་པོར་གྱི་མི་ ༡། མ་ལེ་ཤི་ཡའི་མི་ ༡ ། ཧྥ་རིན་སིའི་མི་ ༡ བཅས་ཡིན་འདུག
ད་ཆར་སེངྒ་པོར་དང་མ་ལེ་ཤི་ཡ། ཨོ་སི་ཊོ་ལི་ཡ་བཅས་ཀྱི་གནམ་གྲུ་མང་པོ་ཞིག་ཆེད་གཏོང་བྱས་ཏེ་འཚོལ་ཞིབ་བྱེད་བཞིན་ཡོད་ཀྱང་ད་སྔ་མཇུག་འབྲས་གང་ཡང་འཐོན་མེད་པ་དང་། ཨིན་ཌི་ནེ་ཤི་ཡའི་གཞུང་ཕྱོགས་ནས་ད་ནིང་ཞོགས་པ་གནམ་གཤིས་མི་ལེགས་པའི་སྐྱེན་གྱིས་གནམ་གྲུ་དེ་འཕུར་ལམ་གཞན་ཞིག་བརྒྱུད་ནས་མུ་མཐུད་འཕུར་སྐྱོད་བྱེད་བཞིན་ཡོད་པར་ངོས་འཛིན་བྱེད་ཀྱིན་ཡོད་སྐོར་བརྗོད་འདུག
ད་ལོའི་ཕྱི་ཟླ་ ༣ ཚེས་ ༨ ཉིན་མ་ལེ་ཤི་ཡ་ནས་པེ་ཅིན་དུ་འཕུར་སྐྱོད་བྱེད་བཞིན་པའི་གནམ་གྲུ་ MH370 རྟགས་ཅན་དེ། འགྲུལ་བ་ ༢༣༩ དང་བཅས་བར་སྣང་དུ་འཕུར་སྐྱོད་བྱས་ཏེ་ཅུང་མ་འགོར་བར་ས་ཐོག་དང་འབྲེལ་མཐུད་བརྡ་རྟགས་ཆད་དེ་བོར་བརླག་ཏུ་ཕྱིན་ཡོད།
