གསལ་བསྒྲགས།

༄༅། །དད་ལྡན་གཏོང་ཕོད་ཅན་གྱི་སེར་སྐྱ་མི་མང་ལྷན་རྒྱས་ཀྱི་སྙན་ལམ་དུ།

ཆེད་གསོལ།

དགོངས་ལམ་བཞིན། ཕྱི་ལོ་ ༢༠༡༥ ལོ་འདི་ནི་རང་ཅག་བོད་འབངས་ཡོངས་ཀྱི་བླ་ན་མེད་པའི་དབུ་ཁྲིད། འཛམ་གླིང་ཞི་བདེའི་དེད་དཔོན། ༧སྤྱི་ནོར་༧གོང་ས་སྐྱབས་མགོན་རྒྱལ་བའི་དབང་པོ་སྐུ་ཕྲེང་བཅུ་བཞི་པ་༧རྗེ་བཙུན་འཇམ་དཔལ་ངག་དབང་བློ་བཟང་ཡེ་ཤེས་བསྟན་འཛིན་རྒྱ་མཚོ་སྲིད་གསུམ་དབང་སྒྱུར་མཚུངས་པ་མེད་པའི་སྡེ་དཔལ་བཟང་པོ་མཆོག་དགུང་གྲངས་བརྒྱད་ཅུར་ཕེབས་པར་གཞིས་བྱེས་ཆོལ་གསུམ་ཡོངས་ནས་མ་སྐུལ་དང་བླང་དང་། མ་གྲོས་བསམ་པ་གཅིག་མཐུན་གྱིས་དགའ་དད་སྤྲོ་གསུམ་ངང་ནས་སྐུའི་གྱ་སྟོན་འཁྲུངས་སྐར་དུས་ཆེན་སྲུང་རྩི་ཞུ་ཡི་ཡོད་པ་ལྟར། སྟོད་པའི་དབུས་སྤྱི་ཁྱབ་ལྷན་ཚོགས་ནས་ཀྱང་། ༧གོང་ས་༧སྐྱབས་མགོན་ཆེན་པོ་མཆོག་སྐུ་ཚེ་དགོན་པོ་ཚེ་དཔག་མེད་ཀྱི་ངོ་བོ་བཞིན་བརྟན་པའི་གསོལ་བ་འདེབས་རྟེན་དུ་མཎྜལ་སྐུ་གསུང་ཐུགས་རྟེན་དང་། ༼ ཕྱི་ལོ་ ༢༠༡༥ ཕྱི་ཟླ་ ༡༠ ནང་ Hindu Festival (Dashehra) ཞེས་པའི་དུས་དྲན་དང་སྟབས་བསྟུན༽ དགུང་གྲངས་དང་མཉམ་པའི་བོད་ནས་དེད་ཡོང་བའི་༼མ་སྙིང༽ ར་ལུག་རེར་ཧིན་སྒོར་ ༨༠༠༠ རེ་རྩིས་པའི་གྲངས་བརྒྱད་ཅུ་ཙམ་ཞིག་སྐུ་ཚེ་ཚེ་ཐར་གཏང་འཆར་ཡོད་པར་བརྟེན། རྒྱ་མཚོ་ཆུ་ཐིགས་ལྟ་བུའི་འབྲེལ་མཚོན་ཞལ་འདེབས་གནང་མཁན་ཡོད་ཚེ་འདི་ག་སྟོད་པའི་དབུས་སྤྱི་ཁྱབ་ལྷན་ཚོགས་སུ་འབྲེལ་གནང་རོགས་ཞུ།