བཞུགས་སྒར་དྷ་རམ་ས་ལར་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་འཚོལ་སྡུད་པའི་ལས་གནས་ས་མིག་ཐོག་ལས་བྱེད་གཅིག་འཚོལ་བཞིན་ཡོད། ས་མིག་འདིར་ཞུགས་བློ་ཡོད་རིགས་གང་ཉིད་བོད་ཡིག་ལ་བྱང་ཆ་ལྡན་པ་མ་ཟད། དབྱིན་ཡིག་དང་སྤྱི་ཚོགས་དྲ་རྒྱའི་འབྲེལ་ལམ་སྐོར་གྱི་རྒྱུན་ཤེས་ཐད་མཁྱེན་རྟོགས་ཡོད་པ། དེ་བཞིན། མི་ཕན་ཚུན་དབར་འབྲེལ་འདྲིས་བྱེད་པའི་ནུས་པ་ཡོད་མཁན་ཞིག་ཡིན་དགོས།
ལས་གནས།
གནས་ཚུལ་འཚོལ་སྡུད་པ།
ཟླ་རེའི་ཕོགས་དངུལ།
ཧིན་སྒོར ༢༥༠༠༠
དམའ་མཐའི་ཤེས་ཚད།
ཉེ་བའི་གཙུག་ལག་རབ་འབྱམས་དང་ཚད་མཉམ་པ།
དགོས་ངེས་ཆ་རྐྱེན།
༡༽ བོད་ཀྱི་ཆབ་སྲིད་གནས་སྟངས་དང་འགྲོ་བ་མིའི་ཐོབ་ཐང་སྐོར་ལ་གོ་རྟོགས་ཡོད་པ།
༢༽ བོད་ཡིག་ལ་བྱང་ཆ་ལྡན་པ་དང་དབྱིན་ཡིག་གི་ཤེས་ཚད་ཡོད་པ།
༣༽ བོད་ནང་འཚར་ལོངས་བྱུང་ཤིང་བོད་ཀྱི་གནས་སྟངས་ཐད་མཁྱེན་རྟོགས་ཡོད་པ།
འདེམས་སྒྲུབ་བྱེད་སྟངས།
བོད་དབྱིན་ཡིག་རིགས་གཉིས་ལ་བྲིས་རྒྱུགས་དང་ངག་རྒྱུགས་བརྒྱུད་འདེམས་སྒྲིག་བྱ་རྒྱུ་ཡིན།
དམའ་མཐའི་ཆོད་གན་ལས་ཡུན།
ཉུང་མཐར་ཟླ་བ་དྲུག་གི་ཚོད་ལྟའི་དུས་ཡུན་ཚུད་པའི་ལོ་གསུམ།
ལས་ཀའི་ངོ་བོ་གསལ་བཤད།
ས་མིག་འདིར་འདེམས་ཐོན་བྱུང་བའི་ལས་བྱེད་གང་ཉིད་ཀྱིས། བོད་ནང་གི་འགྲོ་བ་མིའི་ཐོབ་ཐང་སྐོར་གྱི་གནས་ཚུལ་བསྡུ་རུབ་དང་། འགྲོ་བ་མིའི་ཐོབ་ཐང་ཁེ་དབང་རྡོག་རོལ་ཐེབས་ཡུལ་མི་སྣར་དུས་རྒྱུན་འབྲེལ་འདྲིས་བྱས་ཐོག བོད་ནང་གི་འགྲོ་བ་མིའི་ཐོབ་ཐང་གནས་སྟངས་སྐོར། འདི་ག་ལྟེ་གནས་ཁང་གི་ཉམས་ཞིབ་སྡེ་ཚན་ལ་དུས་ཐོག་མཁོ་སྒྲུབ་བྱེད་དགོས།
སྙན་ཞུའི་དུས་བཀག
༢༠༡༥ ལོའི་ཟླ ༥ ཚེས ༢༥ འགྱངས་མེད་སྙན་ཞུ་འབྱོར་དགོས།
ལས་གནས་སུ་འཛུལ་ཞུགས་གནང་མཁན་གྱིས་གཤམ་གསལ་ཡིག་ཆ་དག་བོད་དབྱིན་གཉིས་གང་རུང་ཐོག་འདི་ག་ལྟེ་གནས་ཁང་ལ་སྤྲོད་དགོས།
༡༽ རང་ཉིད་ངོ་སྤྲོད་སྙིང་བསྡུས།
༢༽ ཤེས་ཡོན་ལག་ཁྱེར་དང་ཡིག་རྒྱུགས་སྐར་གྲངས་ཐོབ་འབྲས་ཀྱི་ངོ་བཤུས།
༣༽ བོད་མིའི་དང་བླངས་དཔྱ་ཁྲལ་ལག་དེབ་ཀྱི་ཤོག་ངོས་དང་པོ་དང་མཐའ་མའི་ངོ་བཤུས།
༤༽ སྐྱབས་བཅོལ་ལག་དེབ་ཀྱི་ཤོག་ངོས་དང་པོ་དང་མཐའ་མའི་ངོ་བཤུས།
༥༽ ད་ལྟ་ལས་གནས་སུ་ལས་ཀ་བྱེད་བཞིན་ཡོད་ཚེ། ལས་ཁུངས་དེ་ནས་དགག་བྱ་མེད་པའི་ཡི་གེ
༦༽ གཟུགས་གཞི་བདེ་ཐང་ཡིན་པའི་སྨན་པའི་ངོས་སྦྱོར་ཡི་གེ
གསལ་འདེབས།
འཛུལ་ཞུགས་པས་སོ་སོའི་ཁ་བྱང་དང་ཁ་པར་ཨང་གྲངས། སྦྲགས་ཟམ་དང་གློག་འཕྲིན་ཁ་བྱང་བཅས་ཁ་གསལ་སྤྲོད་དགོས།
ལས་གནས་སུ་འདེམས་ཐོན་བྱུང་མཁན་ལ་འདི་ག་ལས་ཁུངས་ཀྱིས་གློག་འཕྲིན་དང་ཁ་པར་ལམ་ནས་འབྲེལ་གཏུགས་བྱ་ངེས་ཡིན།
འབྲེལ་གཏུགས་ཁ་བྱང་གཤམ་གསལ། “
Confidential”
Executive Director
Tibetan center for Human rights and Democracy
Top Floor, Narthang Building CTA,
Gangchen Kyishong, Dharamsala- 176 215 ( HP)
Telefax:01892223363/ 225874 or E-mail: office@tchrd.org
