རང་ལུས་མེར་བསྲེགས་ཀྱི་བརྙན།

ཟླ་འདིའི་ཚེས་ ༩ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༦ ཙམ་ལ། ཁམས་ཡུལ་ཤུལ་སྐྱེ་རྒུ་མདོའི་གེ་སར་ཐང་ཆེན་དུ། དགེ་འདུན་པ་ཞིག་གིས་རང་ལུས་མེར་བསྲེགས་གནང་ཡོད་པ་དེ་ནི། སྐྱ་རྒུ་མདོར་མིང་གྲགས་ཡོད་པའི་བོད་པའི་ཚོང་པ་ཆེན་པོ་ནང་ཆེན་བཀྲ་ཤིས་ལགས་ཀྱི་བུ་ཡིན་པ་དང་། ད་ལྟ་ཁོང་སྡེ་དགེ་རྫོང་གསར་དགོན་པའི་གྲྭ་བ་ཡིན་ཞིང་མཚན་ལ་བསོད་ནམས་སྟོབས་ཞུ་བཞིན་ཡོད་འདུག

ཚོང་པ་ནང་ཆེན་བཀྲ་ཤིས་ལགས་སུ་སྐྱེ་རྒུ་མདོར་ཚོང་ཁང་དང་མགྲོན་ཁང་ཡོད་པ་དང་། ༢༠༡༠ ལོའི་ས་འགུལ་སྐབས་གནོད་སྐྱོན་ཆེན་པོ་ཐེབས་མེད་ཀྱང་རྗེས་སུ་རྒྱ་ནག་གཞུང་གིས་གྲོང་འཁྱེར་གསར་སྐྲུན་ལ་ཁ་གཡར་ཏེ། ཁོང་ཚང་གི་ས་ཁང་དེ་དག་རྩ་གཏོར་བཏང་ཡོད་པ་མ་ཟད། བསོད་ནམས་སྟོབས་རྒྱལ་ལགས་ཁོ་རང་དང་ཕ་མ་གཉིས། སྲིང་མོ་བཅས་འཛིན་བཟུང་བྱས་ཡོད་པ་དང་། རྗེས་སུ་ཁོང་ཅག་ཀློད་གྲོལ་བཏང་ཡོད་ཀྱང་ཕ་ཨ་ནང་ཆེན་བཀྲ་ཤིས་ཟླ་འགར་བཙོན་འཇུག་མནར་གཅོད་བཏང་ཡོད་འདུག