དུས་བབ་ཀྱི་གསལ་བསྒྲགས།

བཀྲ ཤིས བདེ ལེགས

དུས་བབ་དྲ་ཚིགས་གསར་བ་ལེགས་འགྲུབ་བྱུང་བར་རྟེན་འབྲེལ་ཞུ། དྲ་ཚིགས་འདིས་བོད་ཀྱི་སྐད་ཡིག་ལ་ཕྱོགས་ཐད་ནས་རེམ་འདེགས་དང་ཡར་སྐུལ་ཆེ་མི་དམན་པ་གནང་ཡོད་པས་བྱས་རྗེས་ཆེ། དེ་བས་མི་འཐུད་དུ་མདུན་སྐྱོད་གནང་རོགས། རེ་ལ་ཞིག་ལ ཟི ན་བྲིས་རྙིང་པའི་ནང་གི་སོ་སོའི་རྩོམ་ཡིག་ཇི་ལྟར་ཕབ་ལེན་བྱེད་དགོས་པ་རེད་དམ། དྲ་ཚིགས་གསར་པ་འདིར་དོན་དམ་ལྟེ་གནས་ཤིག་མི་འདུག་པས་་དེ་སྐོར་ནས་གསལ་བཤད་ཞིག་གནང་རོགས རང་ཉིད་ལ་ཡང་ཟིན་བྲིས་ལས་རྩོམ་རྙིང་འགའ་ཡོད་པས་གཉེར་ཚགས་བྱེད་ན་འདོད་ཡོད།

ང་རང་ལ་མཚོན་ན་དུས་བབ་ཚང་གི་སྔོན་མ་དེ་ཡག་པ་འདུག་ལ་ད་ལྟ་གསར་བཟོ་གནང་བ་དེར་དགོས་རྒྱུ་མཚན་ཆེན་པོ་ཞིག་ཡོད་ཀྱི་རེད་དེ་ཡིན་ཀྱང་སྔོན་མ་ནང་བཞིན་ལམ་སེང་ཁ་འཕྱེ་ཐུབ་ཀྱི་མིན་འདུག་ལ་མདུན་ངོས་དེར་པར་རིགས་སོགས་མང་བ་བདང་ཡི་གེ་ཆུང་བ་སོགས་ཀྱི་དཀའ་ངལ་འདུག

བོད་ཀྱི་དུས་བབ་རྩོམ་སྒྲིག་ཁང་གི་འབྲེལ་ཡོད་ལས་བྱེད་ལྷན་རྒྱས་ལ། ཐོག་མར་དུས་བབ་དྲ་ངོས་གསར་བསྒྱུར་གནང་བར་ཐུགས་རྗེ་ཆེ་ཞུ་བ་དང་ཆབས་ཅིག བསམ་ཚུལ་ཞིག་ལ། དུས་བབ་དྲ་ཚིགས་སྔོན་མ་ལས་ཁ་འབྱེད་ཡུན་ཧ་ཅང་འགོར་སྣང་ཆེ་བས་དེར་ཅིས་ཀྱང་ཐུགས་བསམ་རེ་བཞེས་གལ་ཆེ་ལ། དེ་མིན་རྒྱུན་དུ་དུས་བབ་དྲ་ཚིགས་ཀློག་པ་བོ་ཞིག་ཡིན་པའི་ཆ་ནས། བོད་ཀྱི་དུས་བབ་དྲ་བས་ཡིག་ནོར་ལ་དེ་ཙམ་ཐུགས་སྣང་གནང་གིན་མེད་པའི་ཚོར་བ་ཡང་ཡང་བྱུང་བས། སླད་ཕྱིན་དུས་བབ་དྲ་ངོས་སུ་སྤེལ་བའི་རྩོམ་དང་གསར་འགྱུར་གང་ཡིན་ཡང་། བརྡ་སྤྲོད་སྤྱི་འགྲོས་དང་མཐུན་པའི་ཞུ་དག་ལེགས་པོར་གནང་བའི་རེ་བ་ཡོད།

དུས་བབ་ཚང་གི་མགོ་ལས་ཡོངས་འཚམས་འདྲི། དུས་བབ་དྲ་ཚིག་གསར་བ་ལས་སྔོན་མ་དེ་ཡག་པོ་འདུག་འདི་དེ་འདྲེས་སྟབ་བདེ་ཞིག་མ་རེད།

ངས་མཆན་འགྲོ་མི་འདུག

སྔར་དང་ད་ལྟར་སྡུར་ན་ཅུང་ད་ལྟར་འཆར་ལ་དཀའ་ལས་ཆེ་འདུག་སྙམ་རྗེས་སུ་བཟོ་བཅོས་འདྲ་བྱེད་ཡ་ཡོད་ན་པར་ཉུང་བཅུད་ཡ་དང་འཆར་སླ་བ་སོགས་ད་དུང་མང་པོ་དགོས་འདུག་སྙམ་་་་དྲང་མོ་ཞུས་ན་སྔོན་ལས་ཅུང་མར་རྒྱས་ལ་སོང་བའི་རྣམ་པ་འདྲ་མཐོང་སོང་་་་དགོངས་པ་ནི་མ་འཚམ།

དུས་བབ་དྲ་ཚིགས་ལ་རྟེན་འབྲེལ་ཞུ

བསམ་ཚུལ་འདིར་ཡོད།

༡༽དུས་བབ་ཀྱི་དྲ་ཚུགས་སྔོན་མའི་ནང་ཡོད་པ་ལྟར་བོད་ཀྱི་དུས་བབ་ཟེར་བའི་ཚིག་གི་རྒྱབ་ལྗོངས་ཀྱི་མཚོན་མདོག་གང་ཡོད་པ་རང་འཇགས་འཇོག་རོགས། གང་ཡིན་ཟེར་ན།རྒྱབ་ལྗོངས་ཀྱི་མཚོན་མདོག་མཐོང་བ་ཙམ་གྱིས་བོད་ཀྱི་དུས་བབ་ཀྱི་ཀློག་པ་པོ་ཡོངས་ལ་བློ་ཉེས་ཡོང་གི་ཡོད། དེ་མིན་ཀློག་པ་པོ་ཚང་མ་སྔོན་གྱི་དྲ་ཚིགས་བྱང་གོམས་ཡོད་པས་དྲ་ཚུགས་གསར་པ་ཀློག་པར་ཉོབ་སྣང་ཞིག་རང་བཞིན་གྱི་སླེབ་ཀྱི་ཡོད།

༢༽དེང་སྐབས་རྒྱལ་སྤྱིའི་གསར་ཁང་གྲགས་ཅན་ཁག་གིས་གློག་ཀླད་གཅིག་པུ་མ་ཡིན་པའི་ཁ་པར་མ་ལག་(Apps )དང་གཞན་གསང་གྲངས་ཞིབ་བཤེར་(QR Code scan)། བཟོ་ཐུབ་ན་དགེ་ཕན་ཆེན་པོ་འདུག

༣༽བོད་ཀྱི་གསར་འགྱུར་གཙོས་རྒྱལ་སྤྱིའི་གསར་འགྱུར་ནང་གི་གནད་ཚིག་དང་འབྲེལ་ཡོད་ལ་དེ་འདྲ་དང་འབྲེལ་བའི་དྲ་ཐག་མཐུད་ན་དགེ་ཕན་ཆེ།དཔེར་ན།་དེ་རིང་དུས་བབ་གསར་ཁང་གིས་སྤེལ་བའི་གནས་ཚུལ་དེ་སྔོན་མ་སྤེལ་ཟིན་པའི་གསར་འགྱུར་དང་འབྲེལ་བ་ཡོད་ན་སྔོན་མའི་གསར་འགྱུར་གྱི་དྲ་ཐག་དེ་དེ་རིང་གི་གསར་འགྱུར་གྱི་ཚིག་གནད་ནང་འབྲེལ་ཐུབ་ན་ཡག་པོ་འདུག གང་ཡིན་ཟེར་ན། ཀློག་པ་པོ་ལ་གནས་ཚུལ་ཇེ་གསལ་འགྲོ་བའི་དགེ་ཕན་ཆེན་པོ་ཡོད།

༤༽སྐབས་རེར་མཆན་ནི་རྩོམ་ཡིག་དང་གསར་འགྱུར་ལས་གལ་ཆེན་ཆགས་ཀྱི་ཡོད། གལ་སྲིད་གསར་འགྱུར་དང་རྩོམ་ཡིག་གང་རུང་ལ་མཆན་འགོད་པ་དག་དུས་བབ་གསར་ཁང་ལ་མཚོན་ན་འབྲེལ་ཡོད་ཀྱིས་བལྟས་རྗེས་སྤེལ་མིན་གྱི་ཐག་གཅོད་ཀྱི་ཡོད་པ་འགྲིག་གི་འདུག ཡིན་ནའང་མཆན་འགོད་མཁན་ཞིག་གིས་མཆན་འགོད་མཁན་གཞན་གྱི་མཆན་ལ་ལན་བརྒྱབ་པ་དང་དྲི་བ་བཏང་བ་སོགས་ཆོག་མཆན་མིན་དགོས་པར་ཤར་གཏོང་བྱ་རྒྱུ་གལ་ཆེན།

སྒེར་མཁྲེགས་པོ་ཅན་གཅིག་གཉིས་ཀྱིས་ཉན་འདོད་ཡོད་མེད་ལ་མ་ལྟོས་པར་བསམ་ཚུལ་ཞིག་བཤད་ཀྱི་ཡིན། ཕན་ཐོགས་ཡོད་ན་ལེན་རོགས་མེད་ན་གད་སྙིགས་ནང་གཡུག་རོགས།

ཁྱེད་རྣམ་པའི་བོད་ཀྱི་སྐད་ཡིག་དག་གཙང་ཐོག་ནས་གསར་གནས་འདི་ལྟ་བུ་ཞིག་རྒྱུན་མཐུད་པ་ཙམ་དུ་མ་ཟད་དུས་ཀྱི་འགྱུར་བ་དང་བསྟུན་ནས་ཡར་རྒྱས་འགྱུར་བཅོས་གནང་བ་ལ་བསྔགས་བརྗོད་ཞུ་འོས་སུ་མཆིས། ཡིན་ན་ཡང་སྔོན་མ་ནང་བཞིན་ཁ་པར་ནང་སྟབས་བདེ་བོ་ཞིག་ཀློག་དཀའ་ཙམ་འདུག དེང་སང་ཕལ་ཆེ་བ་ཁ་པར་ཐོག་ནས་གསར་འགྱུར་དང་རྩོམ་རིགས་ཀློག་རྒྱུ་ནི་རྒྱུན་ལྡན་ཆགས་ཟིན་པས། དྲྭ་རྒྱའང་ཁ་པར་དང་བསྟུན་ན་ལས་ཀློག་ཀླད་ལ་དེ་ཙམ་བེད་སྤྱོད་གཏོང་མཁན་ཉུང་ཉུང་ཡིན་པར་མངོན། ཐུགས་རྗེ་ཆེ།

བོད་ཀྱི་དུས་བབ་ཅེས་པའི་ཡིག་གཟུགས་སྐྱོ་རུ་ཕྱིན་འདུག iPad ནང་དུ་འཆར་ཡ་ལ་ཅུང་སྐྱོ་རུ་ཕྱིན་འདུག འོན་ཀྱང་མདུན་ངོས་པར་རིས་རྣམས་སྔོན་མར་ཤར་གི་མ་རེད་དེ་ད་ཐེངས་བདེ་བླག་ཏུ་འཆར་ཡོང་གི

ལེགས་སོ། ལེགས་སོ། འགྱུར་བ་ནི་ཡར་རྒྱས་ཡིན།

བོད་ཀྱི་དུས་བབ་ལ་ངོ་མ་རེ་བ་ཆེན་པོ་ཡོད། ཡིན་ཡང་དྲ་ཚིག་རྙིང་པ་དེ་ཡག་འདུག་བསམ་སོང་། ཟིན་བྲིས་ཀྱི་ཐད་ནའང་འདོད་པ་མ་ཁེངས་བ་ཞུ་རྒྱུ་ཡོད།

དྲ་ངོས་གསར་པ་ལ་རྟེན་འབྲེལ་ཞུ། དུས་བབ་ཟིན་བྲིས་ཀྱི་སྒོ་འབྱེད་པར་སྨོན།

བོད་ཀྱི་དུས་བབ་དང་དབུས་བོད་མིའི་དྲ་རྒྱ་ནི་ངས་ཉིན་ལྟར་ལྟ་ཀློག་བྱེད་པའི་དྲ་ལམ་གལ་ཆེན་གཉིས་ཡིན།

མང་གཙོ་དུས་ཆེན་ཉིན་བོད་ཀྱི་དུས་བབ་ཀྱི་དྲ་ངོས་གསར་པ་མཇལ་བར་དགའ་བོ་བྱུང་།

མདུན་ངོས་སུ་ཚོན་མདངས་བཀྲག་པོ་མེད་པར་ཀློག་པ་པོའི་མིག་གི་འཕྲོད་བསྟེན་ལ་བདེ་པོ་ཞིག་ཡིན་ས་རེད།

བོད་དབྱིན་གཉིས་ཀྱི་ཁ་བྱང་ཆེན་པོ་དེ་དང་། འོག་གི་ཟླ་ཚེས་ཚོུད་སོགས་མཉམ་གཅིག་ཏུ་སྤུངས་པས་མཛེས་རྩལ་དེ་ཙམ་མེད་པ་ལྟ་བུ་ཞིག་མཐོང་། མ་གཞི་གཡས་གཡོན་སྟོང་པར་བཞག་པའང་དགོས་པ་དམིགས་བསལ་ཡོད་ངེས་ལགས།

བོད་དབྱིན་གྱི་ཁ་བྱང་། བོད་ཀྱི་དུས་བབ། ཟེར་བ་གཅིག་པུ་དཀྱིལ་དུ་བཞག་ན་ལེགས་པོར་མཇལ་ངེས་འདུག

མཐའ་མའི་ལབ་འདོད་པ་ནི་ཁྱེད་ཅག་དགུང་གསེང་གཙོ་བའི་ཉིན་རེར་ཐེངས་མང་ཙམ་ཕེབས་ཐུབ་ན་བསམ་པ་དེ་ཡིན།

བཀྲིས་བདེ་ལེགས།

དུས་བབ་དྲ་ངོས་གསར་བ་དེ་བལྟ་བདེ་བོ་ཅིག་མི་འདུག་ མདུན་ངོས་མང་ཆེ་བ་དཔར་གྱི་ཁེངས་འདུག་རྙིང་པ་དེ་ཡག་ག་

ཐུགས་རྗེ་ཆེ།

ང་རང་ཡིན་ན་སྔོན་མ་དེ་ཡག་པོ་འདུག གསར་པ་དེ་ཁ་ཕྱེ་ཁག་པོ་འདུག འདྲ་པར་མང་པོ་ཞིག་དྲ་བའི་མདུན་ངོས་སུ་བཞག་པ་དེས་ཁ་ཕྱེ་རྒྱུར་འགོར་བ་རེད་བསམ། པར་ཡོངས་རྫོགས་ལ་བརྙན་པར་ཁང་ཞིག་བཟོས་རོགས ཐུགས་རྗེ་ཆེ། ངས་རྟག་པར་དུས་བབ་ལྟ་ཀློག་བྱེད་ཀྱིན་ཡོད། ད་ཆ་ལྟ་ཀློག་ཁག་པོ་དང་། ཤར་བ་དེ་ཡང་སྔོན་མ་དང་མ་འདྲ་བར། ཧ་ཅང་ཆུང་ཆུང་བཟོས་འདུག་སྙམ། ཡིན་ན་ཡང་གསར་འགྱུར་དེ་ཚོ་སྔར་བཞིན་ཡག་པོ་འགོད་བཞིན་འདུག ཐུགས་རྗེ་ཆེ་ཞུ །

བོད་ཀྱི་དུས་བབ་དྲ་རྒྱ་གསར་བཟོ་ལེགས་འགྲུབ་བྱུང་བ་ལ་དགའ་བསུ་དང་རྟེན་འབྲེལ་ཞུ།

ལགས་སོ

དུས་བབ་ཚང་གི་དྲྭ་ལམ་གསར་པ་ལ་འཚམས་འདྲི་བཀྲ་ཤིས་བདེ་ལེགས་ཡོད་ནའང་། སོ་སོའི་མཆན་བཀོད་པ་རྣམས་ཁྱེད་ཚོའི་དེ་ནས་གདམས་ལེན་གྱིས་དྲྭ་སྟེང་བཀོད་པ་དེ་དམངས་གཙོའི་ཁེ་དབང་ལོངས་སུ་སྤྱོད་ནས་གཞན་གྱི་རང་དབང་ལ་རྩིས་སྲུང་མ་བྱེད་པ་ཡིན་པས་བློ་ཕམ་ཡང་ཡོད།

དུས་བབས་ཚང་གི་ལས་བྱེད་ཚང་མ་ལ་བཀྲ་ཤིས་བདེ་ལེགས་ཞུ། ལྷག་པར་དུ་དུས་བབས་དྲྭ་ངོས་གསར་བཟོང་ལེགས་པར་གྲུབ་པ་ལ་རྟེན་འབྲེལ་གྲངས་མེད་ཞུ། བསམ་ཚུལ། དྲྭ་ངོས་རྙིང་པ་ལས་གསར་བ་འདི་ཅུང་ལྗི་ཁོག་ཆེ་བའི་ཚོར་བ་ཞིག་སྟེར་གི་དེ་ཕྱོགས་ནས་ཡར་རྒྱས་འདྲ་གཏོང་ཐུབ་ན་སྙིང་ཐག་པ་ནས་བཀའ་དྲིན་ཆེ།

དུས་བབ་དྲ་ཚིགས་ལེགས་བཅོས་གནང་སྟེ། གསར་འགྱུར་རྣམས་སྡེ་ཚན་སོ་སོར་ཕྱེས་ནས་བལྟ་བདེར་བསྒྱུར་འདུག་པ་དང་། དཔྱད་བརྗོད་ཀྱང་བདེ་བླག་ངང་སྤེལ་ཐུབ་ཀྱི་འདུག་པས་ཁྱེད་ཚང་གི་བྱ་བར་བསྔགས་བརྗོད་དང་། ཡི་རང་ཞུ་བཞིན་ཡོད། དགེ་བར་གྱུར་ཅིག། །།

བོད་ཀྱི་དུས་བབ་ཚང་གིས་དུས་བབ་དང་བསྟུན་པའི་མདུན་བསྐྱོད་གནང་སྟངས་ལ་རྒྱབ་སྐྱོར་གྱིས་ཡི་རངས་ཞུ།
དམིགས་བསལ་དུས་ཀྱི་དགོས་མཁོ་དང་མཐུན་པའི་སྤྱི་ཚོགས་ལ་ཞབས་ཕྱི་བསྒྲུབས་དང་སྒྲུབ་ཀྱིན་པ་ནི་དགའ་བསུ་ཞུ།
བོད་ཀྱི་དུས་བབ་ནི། བཙན་བྱོལ་བོད་མིའི་ངོ་གདོང་མཚོན་བྱེད་དེ་ཡིན་དུས། དུས་དང་བསྟུན་པའི་རྒྱུན་གནས་ཐུབ་པར་ཞུ།
དུས་བབ་ལ་དུས་ཀྱིས་སྤྲད་པའི་འགན་འཁྲི་ཆེན་པོ་ཞིག་ཡོད་པས། མང་ཚོགས་ལ་དུས་ལྟར་ཞབས་འདེགས་བསྒྲུབ་པར་ཞུ།
བོད་ཀྱི་དུས་བབ་ལ་ཕྱོགས་པའི་རྒྱབ་སྐྱོར་བ། ཀློག་པ་པོ། དོ་སྣང་བ་རྣམ་པའི་ངོས་ནས་ཀྱང་ཉམས་མྱོང་གིས་ལམ་སྟོན་གནང་རོགས་ཞུ།
འདས་པའི་དུས་བབ་ཀྱི་ཉམས་མྱོང་། ད་ལྟའི་འགན་བབ། མ་འོངས་མདུན་ལྗོངས་བཅས་ལ་ཐུགས་གཞིག་དང་དགོངས་ཚུལ་གནང་རོགས་ཞུ།
བདེན་པའི་ཁུངས་སྐྱེལ། དུས་ཐོག་མཁོ་སྤྲོད། སྤྱི་ཚོགས་ཀྱི་དགོས་མཁོ་སོགས་དུས་བབ་ཚང་གིས་ཕྱོགས་ཡོངས་ནས་འབད་འབུངས་གནང་རོགས་ཞུ།
གཞིས་བཞུགས་རྒྱ་ཆེ་མི་མང་གི་གནས་བབ། རྒྱ་གཞུང་དང་དེའི་སྲིད་བྱུས་ཀྱི་རྒྱབ་ལྗོངས། རྒྱལ་སྤྱིའི་འཕོ་འགྱུར། བཙན་བྱོལ་བོད་མིའི་གནས་ཚུལ་བཅས་གསལ་བའི་དུས་ཐོག་མེ་ལོང་ཞིག་ཏུ་གྱུར་དང་འགྱུར་བཞིན་པར་ཡིད་ཆེས་དང་རྒྱབ་སྐྱོར་སྙིང་ནས་ཞུ།

དུས་བབ་དྲྭ་ངོས་གསར་བཟོ་ལེགས་འགྲུབ་བྱུང་བར་སྙིང་ཐག་པ་ནས་རྟེན་འབྲེལ་ཞུ། བཀའ་དྲིན་ཆེ། མུ་ནས་སྤྱི་ཚོགས་ལ་དགོས་མཁོ་ཡོད་རིགས་དུས་ལྟར་མཐོང་ཐུབ་པར་སྨོན།