ཡུ་རོབ་སྤྱི་འཐུས་ཀྱི་ལས་འགན་དང་ལས་འཆར།

༄༅།། བོད་མིའི་སྒྲིག་འཛུགས་བཀའ་ཤག་སྐབས་བཅོ་ལྔ་པའི་སྲིད་སྐྱོང་དང་སྐབས་བཅུ་དྲུག་པའི་བོད་མི་མང་སྤྱི་འཐུས་ཀྱི་འོས་བསྡུ་ཆེན་མོ་བསླེབ་ལ་ཉེ་བ་དང་བསྟུན་ཏེ། བོད་ཀྱི་དུས་བབ་གསར་ཁང་དང་སྦེལ་ལྗམ་བོད་རིགས་ཚོགས་པ་གཉིས་ཐུན་མོང་གི་གོ་སྒྲིག་འོག ཕྱི་ལོ་ ༢༠༡༥ ཟླ་ ༡༠ ཚེས་ ༡༠ རེས་གཟའ་སྤེན་པའི་ཉིན་གུང་ཆུ་ཚོད་ ༡༢།༣༠ སྟེང་། ཡུ་རོབ་སྦེལ་ལྗམ་གྱི་གྲོང་ཁྱེར་ཨན་ཊ་ཝར་པན་(Antwerpen)དུ། སྐབས་བཅུ་དྲུག་པའི་ཡུ་རོབ་དང་ལྷོ་ཨ་ཧྥི་རི་ཀ་ཁུལ་གྱི་སྤྱི་འཐུས་འོས་མིར་བཞེངས་མཁན་སི་པན་དུ་གནས་སྡོད་ཐུབ་བསྟན་དབང་ཆེན་ལགས་དང་སུད་སིར་གནས་སྡོད་བཀྲས་མཐོང་དབང་བོ་ལགས། ཧྥ་རན་སིར་གནས་སྡོད་ཐུབ་བསྟན་རྒྱ་མཚོ་ལགས། སུད་སིར་གནས་སྡོད་ཟམ་མདོ་བྱམས་པ་ཚེ་རིང་ལགས་དང་བློ་བཟང་འཇམ་དབྱངས་བསོད་ནམས་ལགས་བཅས་གདན་འདྲེན་ཞུས་ཏེ། མང་ཚོགས་དང་ལྷན་དུ་བགྲོ་གླེང་དང་དྲི་བ་དྲིས་ལན་ཞིག་གོ་སྒྲིག་ཞུ་འཆར་ཡོད་སྟབས། སྦེལ་ལྗམ་གཙོས་པའི་ཉེ་འཁོར་རྒྱལ་ཁབ་ཁག་གི་བོད་པ་གང་མང་མང་བགྲོ་གླེང་གི་ཆ་ཤས་ལེན་པར་ཕེབས་རོགས་ཞུ།

གོང་གསལ་ཚོགས་པ་གཉིས་ཐུན་མོང་ནས་སྤེལ།

ཁ་བྱང་། Franklin Rooseveltplaats 11, 2060 Antwerpen Belgium

ཁ་པར། ༠༤༦༥༨༨༢༦༧༩ / ༠༤༨༨༤༢༡༤༠༠