༄༅། །དྷ་ས་བོད་མིའི་མཉམ་འབྲེལ་བཟོ་གྲྭར་དངུལ་གཉེར་གི་ས་མིག་སྟོང་པ་ཡོད་ས་གཤམ་གསལ་ཆ་རྐྱེན་ཚང་ཞིང་ཞུགས་བློ་ཡོད་རིགས་ཚོས་ལག་འཁྱེར་ཁག་གི་ངོ་བཤུས་དང་སྦྲགས་འཚང་སྙན་ཕྱི་ལོ་ ༢༠༡༦ ཟླ་ ༡ པོའི་ཚེས་ ༣༡ འགྱངས་མེད་འབུལ་དགོས།
ཀ༽ དགོས་མཁོའི་ཆ་རྐྱེན།
༡། ཕོ་མོ་ཁྱད་མེད་རང་ལོ་ ༢༥ ལས་མ་ཆུང་བ་དང་ ༤༠ ལས་མ་བརྒལ་བ་ཡིན་དགོས།
༢། ཤེས་ཚད་དམའ་འཐར་འཛིན་རིམ་ ༡༠ པ་དང་ཡན་ཐོན་པའི་ལག་འཁྱེར་ཡོད་པ།
༣། དབྱིན་ཇི་དང་བོད་ཡིག་འབྲི་ཀློག་རང་སྐྱ་འཕེར་བ་ངེས་པར་དགོས།
༤། ཉུན་མཐར་ལོ་ ༣ རིང་ཞབས་ཕྱི་ཞུ་བློ་ཡོད་པ་ཞིག་ངེས་པར་དགོས།
༥། གཟུགས་ཐང་ལས་འཕེར་ཡིན་པའི་སྨན་པ་ཚད་ལྡན་གྱི་ངོས་སྦྱོར།
༦། ཕྱི་ལོ་ ༢༠༡༤།༡༢།༣༡ བར་བསྡུ་འབབ་གཙང་འབུལ་ཟིན་པའི་དཔྱ་དངུལ་ལག་དེབ་ཀྱི་ཤོག་ངོས་དང་པོ་དང་མཐའ་མའི་ངོ་བཤུས། དེ་བཞིན་ཁྲིམས་མཐུན་དུས་འགྱངས་ཞུས་པའི་སྐྱབས་བཅོལ་ལག་འཁྱེར་གྱི་ངོ་བཤུས།
༧། ཚོགས་སྐྱིད་གང་རུང་ནང་ལས་ཀ་བྱས་མྱོང་ངམ་བྱེད་མུས་ཡིན་ཚེ། ལུགས་མཐུན་དགོངས་འཁྲོལ་ས་དགག་བྱ་མེད་པའི་ངོས་སྦྱོར།
ཁ༽ བསྐོ་གཞག་གནང་ཕྱོགས།
༡། ཟླ་ ༦ ཚོད་ལྟའི་ཐོག་བསྐོ་གཞག་བྱ་རྒྱུ།
༢། དངུལ་གཉེར་གྱི་ཉམས་མྱོང་ཡོད་རིགས་དང་བེུད་ལ་དམིགས་བསལ་དགོངས་བཞེས་གནང་རྒྱུ།
ག༽ གླ་ཕོགས་དང་མཐུན་རྐྱེན་གཞན།
༡། ཟླ་ ༦ ཚོད་ལྟའི་རིང་དངུལ་གཉེར་ཟུར་པའི་སྒང་ཕོགས་ཀྱི་བརྒྱ་ཆ་ ༧༥ འབབ་སྒོར་ ༥༢༨༩།༠༠ འཐོབ་པ་ནས་སྒྲིག་གསལ་འབུལ་འབབ་ཁག་གཅོག་འཐེན་ཞུ་རྒྱུ།
༢། ཟླ་ ༦ ཚོད་ལྟའི་དུས་ཡུན་གཙང་སྟེ་སྒྲིག་གསལ་ལས་ངོར་བསྐོ་གཞག་མཚམས་ནས་ཞབས་འཕར་ཕུད་དངུལ་གཉེར་ཟུར་བའི་སྒང་ཕོགས་ཆ་ཚང་འཐོབ་པ་ནས་འབུལ་འབབ་ཁག་གཅོག་འཐེན་ཞུ་རྒྱུ། ལོ་གཅིག་འཁོར་མཚམས་ནས་ཞབས་འཕར་གཅིག་མཚུངས་ཐོབ་རྒྱུ།
༣། ལས་གནས་ཐོག་བསྐོ་གཞག་བྱུང་མཚམས་ནས་ལས་ཤག་ཐོབ་རྒྱུ་ཡང་གལ་སྲིད་དོ་བདག་ལ་ལས་ཤག་དགོས་མཁོ་མེད་ཚེ་ཁང་དོད་ཞུ་ལེན་ཆོག་རྒྱུ།
ང༽ ཐུགས་སྣང་དགོས་པ།
༡། གོང་གསལ་ཆ་རྐྱེན་དང་འབྲེལ་བདེན་དཔང་ཡིག་ཆ་ཁག་གི་ངོ་བཤུས་སྟེང་ས་གནས་འགོ་འཛིན་གྱི་དག་མཆན་ངེས་པར་ཡོད་དགོས་པ་ཡིན།
༢། དུས་བཀག་རྗེས་འབྱོར་བའི་འཚང་སྙན་རྩིས་མེད་གཏོང་རྒྱུ།
༣། འཚང་སྙན་འབུལ་སྐབས་འབྲེལ་མཐུད་སླད་རང་ཉིད་ཀྱི་ཁ་པར་ཨང་གྲངས་ངེས་པར་འབུལ་དགོས་པ་བཅས། དྷ་ས་བོད་མིའི་མཉམ་འབྲེལ་བཟོ་གྲྭའི་ཡིག་ཚང་ནས་ཕྱི་ལོ་ ༢༠༡༥ ཟླ་ ༡༠ ཚེས་ ༢༠ ལ།
Contact To:
The Manager,
Tibetan Handicraft Co-operative Society Ltd,
Mcleodganj – 176219 Dharamsala H.P. India
Ph: 08350821415/9882227585
