༢༠༡༦ ལོའི་ཐང་སྟོང་གླུ་གར་གྱི་སློབ་མ་གསར་བསྡུའི་གསལ་བསྒྲགས།

ཐང་སྟོང་གླུ་གར་བོད་ཀྱི་འཁྲབ་སྟོན་ཚོགས་པས་བོད་ཀྱི་གནའ་བོའི་སྒྱུ་རྩལ་རྒྱུད་འཛིན་གྱི་སློབ་མ་གསོ་སྐྱོང་བྱེད་བཞིན་ཡོད་པ་ དང་། འདི་ལོར་ཡང་རྒྱུགས་སྤྲོད་ཀྱི་ལམ་ནས་དྲག་འདེམས་ཀྱིས་སློབ་ཕྲུག་ ༧ ལ་ལོ་ལྔའི་བོད་ཀྱི་མཐུན་མོང་མ་ཡིན་པའི་གནའ་བོའི་སྒྱུ་རྩལ་རིག་གནས་ཐོག་སློབ་སྦྱོང་གི་གོ་སྐབས་འབུལ་རྒྱུ་དང་དེའི་ནང་བུ་ ༤ དང་བུ་མོ་ ༣ གི་ས་མིག་ཡོད་པ་དང་། བདམས་ཟིན་པའི་སློབ་མ་རྣམས་ཀྱི་གྲས་ནས་རྩེ་ཕུད་གཉིས་ལ་དགའ་ལྡན་ཕོ་བྲང་དགེ་རྩ་ཚོགས་པ་ནས་སློབ་ཡོན་གསོལ་སྩོལ་བཞིན་ཐོབ་རྒྱུ། དེ་མིན་གཞན་རྣམས་ལ་སློབ་ཡོན་དོ་བདག་སོ་སོ་ནས་སྤྲོད་རྒྱུ། ཚུད་ཟིན་པའི་སློབ་ཕྲུག་རྣམས་ཚོགས་མིའི་ཁོངས་སུ་བརྟན་འཇགས་བཟོ་རྒྱུ་ཡིན།

གཤམ་གསལ་ཆ་རྐྱེན་ཚང་བའི་ཐོག་ཞུགས་བློ་ཡོད་རིགས་རྣམས་ཀྱིས་ཕྱི་ལོ་ ༢༠༡༦ ཟླ་ ༢ ཚེས་ ༡ འགྱང་མེད་ཐོག་སྙན་ཞུ་འབུལ་དགོས་པ་དང་ཕྱི་ལོ་ ༡༠༡༦ ཟླ་ ༢ ཚེས་ ༢༢ ལ་ཚུད་རྒྱུགས་གཏང་རྒྱུ་ལགས་ན། དུས་འགྱང་མེད་ཐོག་འབྱོར་དགོས།

དགོས་ངེས་ཆ་རྐྱེན།

༡༽ དང་བླངས་དཔྱ་ཁྲལ་ལག་དེབ་དང་། རྒྱ་གར་ནང་གཏན་སྡོད་ཆོག་པའི་ལག་འཁྱེར་ (R.C.) ཤོག་ངོས་དང་པོ་དང་མཐའ་མའི་ངོ་བཤུས།

༢༽ ཤེས་ཚད་ལག་འཁྱེར་གང་ཡོད་པ་དང་ཡང་ན་དམིགས་བསལ་བོད་ཀྱི་གནའ་བོའི་སྒྱུ་རྩལ་རིག་གནས་ལ་དོ་སྣང་དང་གོ་རྟོགས་ཡོད་རིགས་ལ་དམིགས་བསལ་ཆ་རྐྱེན་འབུལ་རྒྱུ།

༣༽ རང་ལོ་ ༡༥ ནས་ ༢༢ བར་ཡིན་པའི་ཁུངས་ (R.C.) གཞིར་འཛིན་རྒྱུ།

༤༽ ཀུན་སྤྱོད་ཐད་སློབ་སྤྱི་དང་ཡང་ན་ཚོགས་པ་དང་ཕ་མའི་དགག་བྱ་མེད་པ་དང་གཞིས་འགོ་བཅས་ཀྱི་ངོས་སྦྱོར་དགོས།

༥༽ ངོས་འཛིན་ཡོད་པའི་སྨན་ཁང་ཞིག་ནས་གཟུགས་གཞི་བདེ་ཐང་ཡིན་པའི་སྨན་པའི་ངོས་སྦྱོར་ངོ་མ་དགོས།

༦༽ དུག་རྫས་དང་ཉལ་ཐག་སོགས་མི་སྤྱོད་མཁན་ཡིན་དགོས།

འབྲེལ་བ་གནང་ཡུལ།

Thangthong Lhugar Tibetan Performing Arts

P.O. Sarah

Distt: Kangra

H.P. 176215

India

Phone: +91-94593-95417

Email: thangtongb@hotmail.com