རྒྱ་ནག་ཕྱོཊ་ནས་སྐད་ཆ་རྙིང་པ་དེ་རང་འཇཊ་ཡིན་ཟེར།

དེ་རིང་རྒྱ་ནག་གི་སྲིད་བློན་ལི་ཁེ་ཆིང་སོགས་ཀྱིས་ཉི་ཧོང་གི་ཕྱི་འབྲེལ་བློན་ཆེན་ཨན་ཐེན་ཝིན་ཞོང་ལ་ཐུག་འཕྲད་བྱས་ཏེ་ཆབ་སྲིད་ཀྱི་ཡིག་ཆ་བཞི་དང་རྩ་དོན་བཞིའི་ཐོག་མོས་མཐུན་གྱིས་ཕྱོཊ་གཉིས་ཀྱི་འབྲེལ་བ་གོང་འཕེལ་དུ་གཏོང་བར་སྔར་ལས་ཤུཊ་རྒྱག་རྒྱུ་ཡིན་སྐོར་བརྗོད་འདུག

ཁ་སང་ཉི་ཧོང་གི་ཕྱི་འབྲེལ་བློན་ཆེན་ཨན་ཐེན་ཝིན་ཞོང་རྒྱ་ནག་པེ་ཅིན་དུ་འབྱོར་ཏེ་ཉིན་གྲངས་གསུམ་རིང་རྒྱལ་དོན་སྐོར་སྐྱོད་གནང་བཞིན་ཡོད་པ་ལྟར། དེ་རིང་རྒྱ་ནག་གི་སྲིད་བློན་ལི་ཁེ་ཆིང་དང་ཕྱི་འབྲེལ་བློན་ཆེན་ཝང་ཡས། རྒྱལ་སྲིད་སྤྱི་ཁྱབ་ཁང་གི་ཡཱང་ཅེ་ཁྲི་བཅས་ལ་སྔ་གཞུག་ཏུ་ཐུག་འཕྲད་བྱས་ཡོད་པ་དང་། དེ་ནི་ལོ་ངོ་ ༤ ལྷག་གི་རྗེས་ཕྱི་འབྲེལ་བློན་ཆེན་ཨན་ཐེན་ཝིན་ཞོང་གིས་རྒྱ་ནག་གི་མཐོ་རིམ་དཔོན་རིགས་ལ་ཐུག་འཕྲད་བྱས་པ་ཐེངས་དང་པོ་དེ་ཆགས་ཡོད་འདུག

རྒྱ་ནག་གི་བརྒྱུད་ལམ་ཁག་ནས་གནས་ཚུལ་ཐོན་པ་ལྟར་ན། སྲིད་བློན་ལི་ཁེ་ཆིང་དང་ཐུག་འཕྲད་བྱེད་སྐབས་ཉེ་སྔོན་ཉི་ཧོང་ནང་ས་ཡོམ་གྱི་གནོད་འཚེ་བྱུང་བར་སེམས་གསོ་བྱས་པ་དང་སྦྲགས་ལི་ཁེ་ཆིང་གིས། རྒྱ་ནག་དང་ཉི་ཧོང་གཉིས་ནི་ཐག་ཉེ་བའི་ཁྱིམ་མཚེས་ཡིན་ལ། རྒྱལ་ཁབ་གཉིས་བར་དུས་ཡུན་རིང་པོར་བརྟན་བརླིང་ཡོང་བའི་འཕེལ་རྒྱས་ཀྱི་འབྲེལ་བ་དེས་ཕྱོགས་གཉིས་ཀར་ཕན་ཐོགས་ཡོད་པ་དང་། འདས་ལོར་རྒྱ་ནག་དང་ཉི་ཧོང་། ལྷོ་ཀོ་རི་ཡ་བཅས་ཀྱི་མགོ་ཁྲིད་ཚོགས་འདུ་སླར་གསོ་བྱུང་བ་དེ་གཙོ་བོ་རྒྱ་ནག་དང་ཉི་ཧོང་བར་གྱི་འབྲེལ་བ་ལེགས་པོ་བྱུང་བའི་དབང་གིས་ཡིན་ཡང་། ད་དུང་ཡང་འབྲེལ་བའི་རྨང་གཞི་བརྟན་པོ་མིན་པས་བཟང་ཕྱོགས་སུ་རྒྱུན་སྐྱོང་ཡོང་བའི་རེ་བ་ཡོད་སྐོར་བརྗོད་ཡོད་འདུག

ཕྱི་འབྲེལ་བློན་ཆེན་རྣམ་གཉིས་ཐུག་འཕྲད་སྐབས་རྒྱ་ནག་གི་ཕྱི་འབྲེལ་བློན་ཆེན་ཝང་ཡས་ཀྱིས། རྒྱ་ནག་ཕྱོགས་ནས་ད་དུང་ཡང་སྔར་གྱི་སྐད་ཆ་རྙིང་པ་སྟེ། ཕར་ཕྱོགས་ཀྱི་སྐད་ཆར་ཉན་ཞིང་ཕར་ཕྱོགས་ཀྱི་བྱ་སྤྱོད་ལ་ལྟ་ཡི་ཡིན། དེ་རིང་ངས་ཁྱེད་ཀྱིས་ག་འདྲ་བྱས་ཏེ་རྒྱལ་ཁབ་གཉིས་བར་གྱི་འབྲེལ་བར་ལེགས་བཅོས་གཏོང་བར་བསམ་ཚུལ་འདོན་གྱི་འདུག་ཉན་རྒྱུ་ཡིན་ལ། དེ་དང་མཉམ་དུ་ཉི་ཧོང་ཕྱོགས་ནས་དངོས་གནས་ཁ་བཤད་ལག་ལེན་དུ་བསྟར་ཐུབ་ཀྱི་ཡོད་མེད་བལྟ་ཡི་ཡིན། ཉི་ཧོང་དང་རྒྱ་ནག་གཉིས་ཁྱིམ་མཚེས་རྒྱལ་ཁབ་ཡིན་པས། རྒྱལ་ཁབ་གཉིས་བར་གྱི་མཛའ་བརྩེའི་འབྲེལ་བ་བདེ་བླག་ངང་གོང་འཕེལ་དུ་གཏོང་ཐུབ་པའི་རེ་བ་བྱེད་བཞིན་ཡོད། དེ་དང་ཆབས་ཅིག་རྒྱལ་ཁབ་གཉིས་བར་གྱི་འབྲེལ་བ་དེ་ངེས་པར་དུ་ལོ་རྒྱུས་ཀྱི་དོན་དངོས་དང་དམ་བཅའ་བརྟན་པོའི་རྨང་གཞིའི་ཐོག་འཛུགས་དགོས་ལ། ཕན་ཚུན་ཁ་གཏད་མ་ཡིན་པར་མཉམ་འབྲེལ་གྱི་རྨང་གཞིའི་ཐོག་ཕྱོགས་གཉིས་ཀྱི་འབྲེལ་བ་འཛུགས་དགོས། ད་ལན་ཁྱེད་རང་རྒྱ་ནག་ཏུ་ཡོང་བ་དེས་ཕྱོགས་གཉིས་ཀྱི་འབྲེལ་བ་ལེགས་བཅོས་གཏོང་བར་ཕན་ནུས་ཆེན་པོ་འཐོན་ཐུབ་པའི་རེ་བ་བྱེད་བཞིན་ཡོད། ཅེས་བརྗོད་ཡོད་འདུག

འདས་ལོའི་ཕྱི་ཟླ་ ༤ ཚེས་པའི་ནང་ཧིན་དྷུ་ནི་ཤི་ཡའི་རྒྱལ་ས་ཇཱ་ཀཱར་ཌར་ (Jakarta) དཔལ་འབྱོར་ཡར་རྒྱས་འགྲོ་བཞིན་པའི་ཨེ་ཤ་ཡ་དང་ཨ་ཧྥི་རི་ཁའི་རྒྱལ་ཁབ་ ༨༠ ཡི་མགོ་ཁྲིད་ལྷན་ཚོགས་ཐོག ཉི་ཧོང་གི་སྲིད་བློན་ཤིང་ཛོ་ཨ་བྷེ་དང་ཞི་ཅིན་ཕིན་གཉིས་ཐུག་འཕྲད་བྱས་ཏེ། རྒྱལ་ཁབ་གཉིས་བར་གྱི་ཐབས་ཇུས་འབྲེལ་ལམ་གོང་མཐོར་གཏོང་ཐབས་སྐོར་ལ་གྲོས་མོལ་བྱས་ཡོད་པ་དང་། ཐེངས་འདིའི་ཐུག་འཕྲད་ཀྱི་སྐབས་སུའང་ཆབ་སྲིད་ཀྱི་ཡིག་ཆ་བཞི་དང་རྩ་དོན་བཞིའི་ཐོག་ཕྱོགས་གཉིས་ཀྱིས་མོས་མཐུན་བྱས་ཏེ། མ་འོངས་པར་ཕན་ཚུན་མཉམ་ལས་ཀྱི་འབྲེལ་བ་དམ་པོར་བཟུང་སྟེ་ཕུན་ཚུན་འཇིགས་སྐུལ་མི་བྱེད་པའི་སྤྱི་མོས་ལག་བསྟར་གྱིས། ཕྱོགས་གཉིས་ཀྱི་འབྲེལ་བར་ལེགས་བཅོས་གཏོང་རྒྱུར་སྔར་ལས་ཤུགས་གནོན་བྱ་རྒྱུ་ཡིན་སྐོར་བརྗོད་ཡོད་ཀྱང་། འཛམ་གླིང་དམག་ཆེན་གཉིས་པ་ནས་ད་ལྟའི་མཚོ་གླིང་གི་བདག་དབང་འཐབ་རྩོད་སོགས་ཀྱིས། ཉི་ཧོང་དང་རྒྱ་ནག་བར་གྱི་འབྲེལ་བར་ལོ་རྒྱུས་རང་བཞིན་གྱི་འཁོན་སེམས་རྒྱུན་མ་ཆད་པར་གནས་ཡོད་པ་མ་ཟད། ཉེ་བའི་ལོ་ཤས་ཀྱི་སྔོན་ནས་བཟུང་རྒོལ་འཛིང་གི་རྣམ་པ་ཇེ་གསལ་དུ་འགྲོ་བཞིན་ཡོད་པ་རེད།

གསར་འགོད་པ། པདྨ་མཚོ།