༸གོང་ས་ཏཱ་ལའི་བླ་མ་མཆོག་ཆོས་ཕྱོགས་ཀྱི་དབུ་ཁྲིད་དང་རྒྱ་གར་གཞུང་གི་ཆེ་མཐོང་ལྡན་པའི་སྐུ་མགྲོན་ཞིག་ཡིན་སྟབས། རྒྱ་གར་གྱི་ས་གནས་གང་ཞིག་ཏུ་ཕེབས་འདོད་ཡོད་ཀྱང་ལྟོས་མེད་རང་དབང་གིས་ཕེབས་ཆོག
དེ་རིང་རྒྱ་གར་གསར་ལམ་ཁག་ཅིག་ཐོག་གནས་ཚུལ་ཐོན་པ་ལྟར་ན། ཉེ་སྔོན་ཨ་རིའི་གཞུང་ཚབ་སྐུ་ཞབས་རི་ཆཌ་ཌེར་མ་ Richard Verma མཆོག་རྒྱ་གར་ཨ་རུ་ནཱ་ཅལ་མངའ་སྡེའི་ནང་མཚམས་གཟིགས་སུ་ཕེབས་པ་དེར་རྒྱ་ནག་གཞུང་ཁོང་ཁྲོ་ཆེན་པོ་ལངས་ཏེ། རྒྱ་གར་ལ་འཇིགས་སྐུལ་དང་སྐྱོན་བརྗོད་སྣ་ཚོགས་བྱས་ཡོད་པ་དང་། དེ་བཞིན། ༸གོང་ས་ཏཱ་ལའི་བླ་མ་མཆོག་ལའང་དུས་རྒྱུན་རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་དེར་ཁ་བྲལ་རྩོད་ཀྱི་ཡོད་སྐོར་སྐྱོན་བརྗོད་ཤུགས་ཆེན་བྱེད་བཞིན་ཡོད་སྟབས། རྒྱ་གར་ཕྱི་སྲིད་བློན་ཆེན་ལས་ཁུངས་ཀྱི་མགྲིན་ཚབ་པ་སྐུ་ཞབས་ཝི་ཀས་སཱ་རུབ་ Vikas Swarup མཆོག་གིས་གསུངས་དོན། ༧གོང་ས་ཏཱ་ལའི་བླ་མ་མཆོག་ནི་ཆོས་ཕྱོགས་ཀྱི་དབུ་ཁྲིད་དང་རྒྱ་གར་གཞུང་གི་ཆེས་མཐོང་ལྡན་པའི་སྐུ་མགྲོན་ཞིག་ཡིན་སྟབས། ཁོང་རྒྱ་གར་གྱི་ས་གནས་གང་ཞིག་ཏུ་ཕེབས་འདོད་ཡོད་ཀྱང་ལྟོས་མེད་རང་དབང་གིས་ཕེབས་ཆོག ཅེས་དང་། ཡང་ཁོང་གིས་གསུངས་དོན། ཨ་རུ་ནཱ་ཅལ་དང་མོན་རྟ་དབང་ཁུལ་དུ་ཏཱ་ལའི་བླ་མ་མཆོག་ལ་དད་གུས་ཞུ་མཁན་མི་མང་གྲངས་ལས་འདས་པ་ཡོད་སྟབས། ཏཱ་ལའི་བླ་མ་མཆོག་སྔོན་ཆད་མངའ་སྡེ་དེར་ཆིབས་སྒྱུར་བསྐྱངས་ཡོད་ལ། མ་འོངས་པར་ཡང་དེ་ལྟར་ཆིབས་སྒྱུར་བསྐྱང་རྒྱུའི་མཛད་འཆར་ལ་འགྱུར་ལྡོག་གང་ཡང་ཡོང་མི་སྲིད། ཅེས་སོགས་བརྗོད་འདུག ཅེས་འཁོད་འདུག
གནས་ཚུལ་ནང་མུ་མཐུད་དུ། ༸གོང་ས་མཆོག་ཕྱི་ལོ་ ༢༠༠༩ ལོར་རྒྱ་དཀར་ནག་གི་དངོས་འབྲེལ་ས་མཚམས་སུ་ཆགས་པའི་ཨ་རུ་ནཱ་ཅལ་མོན་རྟ་དབང་དུ་ཆིབས་སྒྱུར་བསྐྱངས་སྐབས་རྒྱ་གཞུང་ནས་ངོ་རྒོལ་ཤུགས་ཆེན་བྱས་ཡོད་པ་རེད། ཨ་རུ་ནཱ་ཅལ་མངའ་སྡེའི་ས་ཁུལ་དུ་རྒྱ་དཀར་ནག་བར་རྩོག་རྙོག་ཡུན་རིང་བྱུང་ཡོད་པ་དང་། རྒྱ་ནག་གཞུང་གིས་མངའ་སྡེ་དེ་རྒྱ་གར་གྱི་ཆ་ཤས་ཤིག་ཡིན་པར་ངོས་ལེན་བྱེད་ཀྱི་མེད་པ་མ་ཟད། ཨ་རུ་ནཱ་ཅལ་མངའ་སྡེའི་ས་ཁྱོན་ (83,500 sqkm)ཙམ་རྒྱ་ནག་གཞུང་ལ་བདག་དབང་ཡོད་སྐོར་ཤོད་བཞིན་ཡོད་པ་རེད།
སྔོན་ཆད་མངའ་སྡེ་དེར་རྒྱ་གར་སྲིད་འཛིན་དང་སྲིད་བློན་རྣམ་གཉིས་མཚམས་གཟིགས་སུ་ཕེབས་སྐབས་ཀྱང་། རྒྱ་ནག་གཞུང་གིས་ངོ་རྒོལ་ཡང་ཡང་བྱས་ཡོད་པ་དང་། མངའ་སྡེ་དེའི་འཛུགས་སྐྲུན་ཡར་རྒྱས་ཆེད་རྒྱལ་སྤྱིའི་སྒྲིག་འཛུགས་ཁག་གིས་དཔལ་འབྱོར་རམ་འདེགས་བྱས་པར་ཡང་། རྒྱ་ནག་གཞུང་གིས་གནོན་ཤུགས་དང་བཀག་འགོག་གང་ཐུབ་བྱེད་བཞིན་ཡོད་པ་རེད།
༸གོང་ས་མཆོག་མོན་རྟ་དབང་དང་ཨ་རུ་ནཱ་ཅལ་ཁུལ་གྱི་ས་གནས་ཁག་ལ་ཆིབས་སྒྱུར་བསྐྱངས་པ་འདིར་རྒྱ་ནག་གཞུང་ནས་སེམས་འཚབ་ཤུགས་ཆེན་བྱེད་བཞིན་ཡོད་པ་ནི། མངའ་ཁུལ་དེ་དག་ལ་ཆིབས་སྒྱུར་བསྐྱངས་པར་བརྟེན་ཏེ་བོད་ནང་གི་ཆབ་སྲིད་ཐོག་ཤུགས་རྐྱེན་ཐེབས་སྲིད་པར་སེམས་ཚབ་བྱེད་བཞིན་ཡོད་པ་རེད། ཅེས་སོགས་འཁོད་འདུག
འབྲེལ་ཡོད་གསར་གནས། ༼ ཨ་རིས་མོན་རྟ་དབང་གི་རྩོད་རྙོག་ལ་ཐེ་གཏོགས་མ་བྱེད་རོགས། ༽
རྒྱ་ནག་གིས་ཨ་རུལ་ནཱ་ཅལ་མངའ་སྡེ་བཅིངས་གྲོལ་བྱེད་དགོས། “Give One Get One” གཅིག་སྤྲོད་གཅིག་རག་གི་སྲིད་ཇུས་དེ་ལ་རྒྱ་གར་གྱིས་ངོས་ལེན་བྱས་མེད་པར་བརྟེན་རྒྱ་དཀར་ནག་བར་དམག་འཁྲུག་ཤོར། ད་ནི་རྒྱ་ནག་གིས་རྒྱ་གར་ལ་Take Two Give Nothing སྲིད་བྱུས་ལག་སྟེར་བྱེད་ཀྱི་ཡོད།
གཅིག་ཕན་གཅིག་གྲོགས་རེད། རྒྱ་ནག་གི་རྣམ་འགྱུར་ཡག་པོ་ཡོང་གི་མེད་དུས་རྒྱ་གར་གཞུང་གིས་ཨ་རི་ན་ཅལ་ཕྱོགས་ལ་མཁྲེགས་ཙམ་བྱས་ཏེ་བཙན་བྱོལ་བོད་གཞུང་དང་༧གོང་ས་མཆོག་ལ་ཡག་པོ་གནང་གི་རེད།
རྒྱ་གར་བློན་ཆེན་བོད་ལ་བཀའ་དྲིན་ཆེ།། སངས་རྒྱས་སྐུ་ལ་གར་ཕེབས་བཀག་འགོག་མེད།།
རྒྱ་གར་བཀའ་དྲིན་ཆེ། འཕགས་ཡུལ་ཐུགས་རྗེ་ཆེ། བོད་པའི་བདེན་མཐའ་མ་གསལ་བར་རྒྱབ་རོགས་གནང་རོགས།