བཀའ་ཤག་གིས་གསོལ་འདེབས་ཞུས་དོན་ལྟར། དེ་རིང་ཞོགས་པའི་ཆུ་ཚོད་ ༨།༣༠ སྟེང་། ༧གོང་ས་མཆོག་གིས་བཀའ་ཤག་སྐབས་བཅོ་ལྔ་པའི་སྲིད་སྐྱོང་དབུས་བའི་བཀའ་བློན་རྣམས་ལ་༧གོང་ས་མཆོག་གིས་མཇལ་ཁ་དང་བཀའ་སློབ་བསྩལ་ཡོད་འདུག
འདིའི་སྐོར་བོད་མིའི་སྒྲིག་འཛུགས་ཀྱིས་སྤེལ་བའི་གནས་ཚུལ་ནང་། ༧གོང་ས་མཆོག་གི་བཀའ་སློབ་སྙིང་དོན། ད་ལྟའི་ཆར་ཁོང་གིས་བོད་མིའི་ཆབ་སྲིད་དང་འཛིན་སྐྱོང་གི་སྐུ་དབང་ཡོངས་རྫོགས་མང་གཙོའི་ལམ་ནས་འོས་འདེམས་བྱུང་བའི་སྲིད་སྐྱོང་ལ་རྩིས་སྤྲོས་མཛད་ཟིན་སྟབས། དེའི་ཐོག་བཀའ་སློབ་གང་ཡང་སྩལ་གནང་མཛད་རྒྱུ་མིན་ནའང་། དེང་འཛམ་གླིང་ནང་དུ་མདོ་སྔགས་ཟུང་འབྲེལ་ཐོག་དཔལ་ན་ལེནྡྲའི་གཞུང་ལུགས་ལ་སློབ་གཉེར་མཐིལ་ཕྱིན་པ་ཞིག་གནང་དགོས་ཚེ་བོད་སྐད་ལས་ལྷག་པའི་སྐད་ཡིག་གཞན་གཅིག་ཀྱང་མེད་པ་དང་། སྤྱིར་པཱ་ལི་དང་ལེགས་སྦྱར་སྐད་ནང་དུ་ནང་པའི་གཞུང་ཡོད་ཀྱང་དེང་སྐབས་སྐད་ཡིག་དེ་གཉིས་དུས་ཚོད་ཡོལ་ཟིན་པའི་སྐད་ཡིག་ཞིག་ལ་ངོས་འཛིན་བྱེད་བཞིན་ཡོད་སྟབས། བོད་སྐད་ཁོ་ནའི་ཐོག་ནས་ནང་པའི་གཞུང་ལུགས་སྤྱི་དང་། ལྷག་པར་ནང་ཆོས་ནས་གསུངས་པའི་སེམས་ཁམས་རིག་པ་དང་ཚད་མ་རིག་པའི་རྣམ་གཞག་ཐོག་ཕྱི་རྒྱལ་སེམས་ཁམས་རིག་པ་བ་དང་ཚན་རིག་པ་སོགས་ཀྱིས་གཙོས་མཁས་དབང་དང་། ཤེས་ལྡན་མི་སྣ་ཧ་ཅང་མང་པོའི་ཡིད་དབང་འཕྲོག་ནས་དེར་དོ་སྣང་ཧ་ཅང་བྱེད་བཞིན་པའི་དུས་ཚོད་གཅིག་ལ་བསླེབས་ཡོད་པར་བརྟེན། བོད་མི་ཚོའི་ལག་ཏུ་དེ་ལྟ་བུའི་འཛམ་གླིང་གཅེས་ནོར་ཞིག་ཡོད་པ་དེ་དག་བོད་མི་རང་ཉིད་ཀྱིས་འགྲེལ་བཤད་བརྒྱབ་ནས་འཇིག་རྟེན་ཀུན་ལ་ཕན་པ་ཞིག་ཇི་ལྟར་བྱེད་དགོས་མིན་ཐད་ངེས་པར་དུ་བསམ་བློ་ཤུགས་ཆེ་ཙམ་གཏོང་དགོས་སྐོར་སོགས་གསུངས་ཡོད་འདུག
ད་དུང་ཁོང་གིས། བོད་མིའི་ལ་ཞེན་ཟེར་ནའང་འདྲ་ལ་བོད་བསྟན་པ་ཆབ་སྲིད་ལ་ཞབས་འདེགས་ཟེར་ནའང་དེ་ཡིན་པར་བརྟེན། དགོན་པ་གྲྭ་ཚང་ཁག་ལ་སྔ་མོ་ནས་ཞུས་ཡོད་ཀྱང་། བོད་མིའི་ཐུན་མིན་རིག་གཞུང་རྩ་ཆེ་དེ་དག་དགོན་པ་གྲྭ་ཚང་ཁག་གཅིག་པུས་སྲུང་སྐྱོབ་བྱེད་དགོས་པའི་གནས་སྟངས་ཤིག་རྩ་བ་ནས་མིན་སྟབས། ནང་པ་སངས་རྒྱས་པའི་ལྟ་གྲུབ་འདི་ང་ཚོ་བོད་རིགས་ནང་པ་ཡོད་དོ་ཅོག་གིས་འགན་ཁུར་བླངས་ནས་མི་སྐྱ་ཕོ་མོ་ཚོས་ཀྱང་ནང་ཆོས་ལ་སློབ་གཉེར་བྱ་རྒྱུ་ཧ་ཅང་གལ་ཆེན་པོ་ཡིན་པ་དང་། སློབ་གྲྭ་ཁག་གི་ནང་དུའང་ནང་པའི་ལྟ་གྲུབ་དང་འབྲེལ་བའི་སེམས་ཁམས་རིག་པ་དང་ཚད་མ་རིག་པའི་རྣམ་གཞག་དེ་དག་སློབ་ཁྲིད་བྱ་རྒྱུ་ཧ་ཅང་གལ་ཆེ་ཡིན་སྐོར། ཉེ་ལམ་བཙན་བྱོལ་བོད་མིའི་སློབ་གྲྭ་ཁག་གི་ནང་དུ་ཆོས་དགེ་ཞེས་པའི་ཚབ་ཏུ་ལྟ་གྲུབ་སློབ་དཔོན། ཞེས་མིང་སྒྱུར་དགོས་པའི་ལམ་སྟོན་མཛད་ཚུལ་སོགས་གསུངས་ཡོད་འདུག
སྐབས་དེར་སྲིད་སྐྱོང་མཆོག་ནས་༸གོང་ས་མཆོག་ལ་ཉེ་ལམ་བཀའ་ཤག་ནས་བཙན་བྱོལ་བོད་མིའི་གཞིས་ཆགས་ཁག་གཙོ་བོར་གྱུར་བའི་བོད་མི་འདུ་སྡོད་ཀྱི་ས་ཁུལ་ཁག་ཏུ་ཉམ་ཐག་ཞིབ་འཇུག་དང་ནད་རིགས་སྔོན་འགོག་ལས་དོན་ཞིབ་འཇུག་བཙུགས་ནས་ཚོགས་ཆུང་གི་རྒྱབ་གཉེར་སྙན་ཐོ་ལྟར་བཀའ་ཤག་གིས་ལས་དོན་སྤེལ་ཕྱོགས་སྙིང་བསྡུས་ཤིག་བཅས་སྙན་སེང་ཞུས་ཡོད་འདུག
ཐེངས་འདིར་གོང་ས་མཆོག་གིས་སྲིད་སྐྱོང་ལ་གཟིགས་ཏེ། (མ་གཞི་ད་རེས་འོས་ཤོག་ལ་བསམ་བློ་གཏོང་དགོས་ཀྱི་མེད་དུས་སྒང་ལ་མང་ཚོགས་ལ་རང་ལ་བསམ་བློ་བཏང་སྟེ་ཕྱག་ལས་ཡག་པོ་ཞིག་གནང་གི་རེད་བསམ་གི) ཅེས་གསུང་འདུག་པ་དེའང་དུས་བབ་ཚང་གིས་བཀོད་མི་འདུག ཚང་མ་བཀོད་ན་འགོད་རྒྱུ་མང་པོ་ཡོད་རེད་དགེ་བཤེས་དར་རྒྱས་ལགས།
སྐབས་དེར་སྲིད་སྐྱོང་མཆོག་ནས་༸གོང་ས་མཆོག་ལ་ཉེ་ལམ་བཀའ་ཤག་ནས་བཙན་བྱོལ་བོད་མིའི་གཞིས་ཆགས་ཁག་གཙོ་བོར་གྱུར་བའི་བོད་མི་འདུ་སྡོད་ཀྱི་ས་ཁུལ་ཁག་ཏུ་ཉམ་ཐག་ཞིབ་འཇུག་དང་ནད་རིགས་སྔོན་འགོག་ལས་དོན་ཞིབ་འཇུག་བཙུགས་ནས་ཚོགས་ཆུང་གི་རྒྱབ་གཉེར་སྙན་ཐོ་ལྟར་བཀའ་ཤག་གིས་ལས་དོན་སྤེལ་ཕྱོགས་སྙིང་བསྡུས་ཤིག་ལྷ་སྙན་སྒྲོན་འབུལ་ཞུས་པར་མགོན་པོ་གང་ཉིད་མཆོག་ཐུགས་ཧ་ཅང་དགྱེས་ཚོར་མཛད་པ་དང་སྦྲགས་བསྔགས་བརྗོད་ཀྱང་མཛད་འདུག མཇལ་བཅར་སྐབས་བཀའ་དྲུང་རྫོང་ཁ་སྟོབས་རྒྱལ་ཚེ་རིང་མཆོག་ཀྱང་ལྷན་བཅར་ཞུས་འདུག་པ་བཅས།། ཚིག་འདི་དུས་བབས་ནང་ལ་མི་བཀོད་པའི་རྒྱུ་མཚན་ཅི་ལ་ཐུག་པ་རེད། འདི་འདྲ་རྐྱང་རྐྱང་བྱས་ནས་ཅི་ཕན་རེད།
དཔེ་སྟོན་སློབ་གྲྭ་མགོ་བཏུབ་རྒྱུར་ཤེས་རིག་གིས་འཆར་གཞི་བསྒྲིགས་ཏེ་བཀའ་ཤག་གིས་བཀའ་འཁྲོལ་གནང་མ་ཐག་སླར་ཡང་༧གོང་ས་སྐྱབས་མགོན་ཆེན་པོ་མཆོག་གིས་བོད་ཡིག་བོད་སྐད་གལ་ཆེན་པོ་ཡིན་པ་དང་། སྲིད་སྐྱོང་གཙོ་བྱས་པའི་བཀའ་བློན་ཚང་མ་དང་བོད་གཞུང་གིས་བོད་ཡིག་ཐོག་ཤུགས་རྒྱག་དགོས་པའི་བཀའ་ནན་གནང་འདུག ད་ག་རེ་བྱེད་དགོས་པ་རེད། འགན་འཁུར་སུ་ལ་ཡོད་པ་རེད་་་་་
(གང་ཉིད་མཆོག་ཐུགས་ཧ་ཅང་དགྱེས་ཚོར་དང་སྦྲགས་བསྔགས་བརྗོད་ཀྱང་མཛད་འདུག མཇལ་བཅར་སྐབས་བཀའ་དྲུང་རྫོང་ཁ་སྟོབས་རྒྱལ་ཚེ་རིང་མཆོག་ཀྱང་ལྷན་བཅར་ཞུས་འདུག་པ་བཅས།།)དུས་བབ་ཚང་གིས་ཚིག་འདི་དག་བཀོད་མི་འདུག ང་ཚོའི་སྲིད་སྐྱོང་དད་པ་ཆེ་ཤོས་ཡིན་པ་དང་། ༧གོང་ས་མཆོག་ནས་ཧ་ཅང་མཉེས་པོ་གནང་སོང་། བསྔགས་བརྗོད་གནང་བྱུང་ལབ་རྒྱུར་དགའ་པོ་ཡོད། སྤྱིར་ན་ཨ་རིའི་གཞུང་སྟོབས་ཆེན་རྒྱལ་ཁབ་ཡིན་པ་དེ་རྒྱལ་ཁབ་ཀྱི་ངོ་གདོང་ལ་བལྟས་པ་ཙམ་གྱིས་ཧ་གོ་ཐུབ། རྒྱ་ནག་སྟོབ་ཆེན་ཡིན་མིན་དེ་དཔོན་པོའི་ཁ་སྒོ་དང་། གཞུང་འབྲེལ་བརྒྱུད་ལམ་གྱི་ཁ་སྒོ་བརྒྱུད་ནས་མ་གཏོགས་ཤེས་ཐུབ་ཀྱི་མི་འདུག
དངོས་གནས་དྲང་གནས་ཡག་པོ་བྱུང་འདུག རྗེས་སུ་ཡི་རང་ཞུ། དེ་སྔོན་བཀའ་སློབ་ཕེབས་འབྲས་ནད་པར་རོགས་ཕན་སྙན་སེང་ཞུས་པ་བཞིན་འབྱུང་འགྱུར་མཇལ་ཁ་ཞུ་བའི་སྐབས་ཀྱང་ད་ལམ་གྱི་བཀའ་སློབ་སྟེང་ལག་ལེན་ཇི་གནང་སྙན་སེང་རྒྱལ་བ་དགྱེས་པའི་མཆོད་འཕྲིན་དབུལ་ཐུབ་པ་ཞིག་བཀའ་ཤག་ནས་ཅིས་ཀྱང་གནང་དགོས་པའི་འབོད་སྐུལ་དུ་ན་གས་ཕུལ།།
༅༅། ༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་རྡོ་རྗེའི་ཁམས་སུ་བརྟན་པ་ཤོག་
སྲིད་སྐྱོང་བཀའ་བློན་མཛད་འཕྲིན་རྒྱས་པར་ཤོག།